DepEd Palumbanes Integrated School 500414

11/08/2026

ISANG MAINIT NA PAGBATI SA MGA NANALO SA PAGDIRIWANG NG BUWAN NG NUTRISYON! 🥗🥦🍎

​Lubos na binabati ng ating paaralan ang lahat ng mga klasrum at antas na nagpakita ng dedikasyon at nakiisa sa ginanap na pagdiriwang ng Buwan ng Nutrisyon nitong nakaraang Hulyo!

​Narito ang opisyal na talaan ng mga nagwagi bilang Best Implementing Classroom:

​🏆 CHAMPION (KAMPEON):
​Antas Elementarya: Grade 3 - Matiyaga (Gurong Tagapayo: Ma'am Jhoanna S. Rodriguez)
​Antas Sekundarya: Grade 12 - Kind (Gurong Tagapayo: Sir Rene SJ. Sales)

​🥈 1st RUNNER-UP:
​Kindergarten Class (Gurong Tagapayo: Sir Leo T. Tatel, Jr.)
​Grade 10 - Friendly (Gurong Tagapayo: Mx. Edison B. Asanza, Jr.)

​🥉 2nd RUNNER-UP:
​Grade 5 - Matipid (Gurong Tagapayo: Ma'am Lalaine P. Trinidad)
​Grade 11 - Courteous (Gurong Tagapayo: Sir Jessie S. Abejo)

​Isang taos-pusong pasasalamat din ang ipinaaabot ng buong pamunuan ng paaralan sa ating Municipal Kagawad Popong Pongan sa kanyang patuloy na suporta at sa pagkakaloob ng karagdagang papremyo para sa ating mga nanalo!

​Binabati rin natin ang LAHAT ng grado at g**o na buong-pusong sumali, nakiisa, at nagbahagi ng kanilang oras at talino upang maging matagumpay ang ating okasyon. Saludo kami sa inyong lahat!

​

11/08/2026

Ang Palumbanes Integrated School ay buong pusong nakikiisa sa pagdiriwang ng ASEAN Month ngayong Agosto!

Binibigyang-halaga natin ang pagkakaisa, pagtutulungan, at ang mas malalim na ugnayan ng mga bansa sa ating rehiyon.

​Bilang bahagi ng komunidad, layunin nating itaguyod ang kapayapaan, pag-unawa sa kultura, at pagpapahalaga sa ating pagkakakilanlan bilang bahagi ng pamilyang ASEAN. Sama-sama nating hubugin ang mga mag-aaral na may malawak na pananaw at handang makipagsabayan sa global na komunidad.

​ Mabuhay ang ASEAN! 🇵🇭🇸🇬🇲🇾🇮🇩🇹🇭🇻🇳🇰🇭🇱🇦🇲🇲🇧🇳




📷Mx. Ehdz

08/08/2026

Good Job P*S - SSLG👏👏👏

𝐃𝐞𝐬𝐢𝐠𝐧𝐢𝐧𝐠 𝐚 𝐁𝐫𝐢𝐠𝐡𝐭𝐞𝐫 𝐅𝐮𝐭𝐮𝐫𝐞, 𝐎𝐧𝐞 𝐏𝐚𝐠𝐞 𝐚𝐭 𝐚 𝐓𝐢𝐦𝐞 || 𝟎𝟖/𝟎𝟔/𝟐𝟔

Every great journey begins with a single step, and yesterday, the 𝐒𝐒𝐋𝐆 took that step by starting the design of our school's Reading Area. This space is envisioned to become a place where learners can 𝐫𝐞𝐚𝐝, 𝐝𝐫𝐞𝐚𝐦, 𝐝𝐢𝐬𝐜𝐨𝐯𝐞𝐫, 𝐚𝐧𝐝 𝐠𝐫𝐨𝐰 together.

This initiative reflects our commitment to creating an environment that nurtures learning and encourages every student to embrace the power of reading. As we continue to improve our school, we remain guided by our shared vision and mantra: "𝐈𝐬𝐚𝐧𝐠 𝐛𝐚𝐧𝐠𝐤𝐚 𝐭𝐚𝐲𝐨𝐧𝐠 𝐥𝐚𝐥𝐚𝐲𝐚𝐠, 𝐰𝐚𝐥𝐚𝐧𝐠 𝐦𝐚𝐢𝐢𝐰𝐚𝐧."
Together, we 𝐛𝐮𝐢𝐥𝐝. Together, we 𝐥𝐞𝐚𝐫𝐧. Together, we 𝐢𝐧𝐬𝐩𝐢𝐫𝐞.

*SSSLG

07/08/2026

ISANG MALAKING PASASALAMAT SA BARANGAY TOYTOY COUNCIL! 🏛️💙

​Nais po ng aming buong pamunuan, mga g**o, at mag-aaral na ipaabot ang aming taos-pusong pasasalamat sa Toytoy Barangay Council sa kanilang ibinigay na tulong-pinansiyal upang maipagawa at maipatayong muli ang gate ng ating paaralan na nasira ng nakaraang Bagyong Uwan.
​Dahil sa inyong mabilis na pagtugon at suporta, mas ligtas na muli ang ating campus para sa lahat!

​🎨 PAWANG PINTURA NA LANG ANG KULANG! BAKA GUSTO MONG TUMULONG? 🖌️
​Kalahating hakbang na lang at kumpletong-kumpleto na ang pagbabalik-ganda ng ating school gate! Kung mayroon po kayong extra na pintura, brush, roller, bukas na bukas po ang ating paaralan para sa inyong tulong at bayanihan.

​Maraming salamat po sa patuloy na pag-alalay sa ating paaralan at sa kinabukasan ng ating mga kabataan!

07/08/2026

ISANG MALAKING PASASALAMAT SA ATING BRIGADA AT PARENT-TEACHER COMMUNITY! ❤️

​Nais po naming ipaabot ang aming taos-pusong pasasalamat sa lahat ng mga magulang at mag-aaral na nakiisa at nagbuhos ng tulong sa ginanap na General ATAG kahapon, Agosto 6, 2026 (3:00 - 5:00 PM).

​Dahil sa inyong sipag, tiyaga, at pagtutulungan, mas naging malinis, maayos, at ligtas ang ating paaralan para sa ating mga kabataan. Ang inyong patuloy na suporta at malasakit ay tunay na patunay na mas magaan at mas matagumpay ang anumang gawain kapag tayo ay nagkakaisa.

​Muli, maraming-maraming salamat sa inyong oras at sakripisyo. Saludo po kami sa inyong dedikasyon! 👏✨

03/08/2026

🇵🇭 MALIGAYANG PAGSISMULA NG BUWAN NG WIKANG PAMBANSA 2026! 🇵🇭

​Ngayong unang Lunes ng Agosto, opisyal nang binuksan ang ating isang buwang pagdiriwang ng Buwan ng Wika!

​Kaisa ang ating mga dedikadong g**o na buong-pusong ipinagmamalaki ang ating kultura sa pamamagitan ng pagsuot ng mariringal na Filipiniana at tradisyunal na kasuotan. Ang kanilang pagdalo sa unang flag ceremony ngayong buwan na nakasuot ng makabayang gayak ay simbolo ng ating patuloy na pagmamahal, pagpapahalaga, at pagpapayaman sa wikang Filipino at mga wika sa Pilipinas.

​"Ang hindi magmahal sa sariling wika ay higit sa hayop at malansang isda." — Dr. Jose Rizal

​Maging inspirasyon sana ang ating mga g**o sa mga kabataan upang patuloy nating tangkilikin at ipagmalaki ang ating sariling kultura at wika.

​Makiisa, makibahagi, at ipagmalaki ang pagiging Pilipino

27/07/2026

HAPPY NUTRITION MONTH 2026! 🥗🌱
​Ngayong buwan ng Hulyo, kaisa ang ating paaralan sa pagdiriwang ng Nutrition Month na may temang: "Nutrisyon at Kalikasan, Ating Pangalagaan!"

​Upang matiyak na tuloy-tuloy ang pagkatuto at hindi maabala ang ating instructional time, minabuti ng ating pamunuan na isagawa ang mga gawaing pang-Nutrisyon sa loob mismo ng bawat silid-aralan (classroom-based celebration).

​Sa kabila nito, siguradong hindi mawawala ang sigla, pagiging malikhain, at kooperasyon ng bawat klase sa pagpapamalas ng kanilang kaalaman sa malusog na pangangatawan at pangangalaga sa kapaligiran! 🎨🍎🌿

​📸 ABANGAN!
Ang kakaibang galing at pagtutulungan ng bawat baitang ay ating susuriin, at ang magwawaging klase ay buong-giting na ipopost at kikilalanin dito mismo sa ating opisyal na page!

​Ano sa tingin niyo? Anong grade level kaya ang magwawagi ngayong taon? 🤔🏆

23/07/2026

MAGKASAMA NATING PROTEKTAHAN ANG KABATAAN AT KANILANG PAG-AARAL

​Magandang araw po sa ating mahal na komunidad, mga alumni, at mga kaibigan na may mabubuting kalooban!

​Kasalukuyan pong kinakaharap ng ating paaralan ang ilang matitinding hamon lalo na't panahon na naman ng tag ulan.

​Kakulangan sa Silid-Aralan: Kasalukuyan pang on-going ang konstruksyon ng ating mga bagong klasrum at hindi pa naiipatupad ang ilang nakaplanong school repairs.

​Tag-ulan at Leaking Roofs: Dahil sa pagdating ng panahon ng tag-ulan, malaking problema na naman po ang pagtulo ng mga bubong sa ating mga natitirang silid-aralan.

“Hindi po hadlang ang patak ng ulan sa pangarap ng ating mga mag-aaral kung tayo ay magtutulungan.”

Maraming-maraming salamat po sa inyong walang sawang pagsuporta sa ating paaralan at sa kinabukasan ng ating mga kabataan. Pagpalain po kayo ng Maykapal!

21/07/2026

LOOK: ONGOING CONSTRUCTION: NEW SCHOOL GATE😍

​We are pleased to share with our community that the construction of our new School Gate is now underway! This essential project aims to strengthen the security and safety of all our students, teachers, and school personnel.

​Our heartiest THANK YOU VERY MUCH to the Toytoy Barangay Council for funding and actively supporting this project. Your continuous dedication and concern for the welfare and safety of our learners are deeply appreciated by the entire school community.

​Together, we are building a safer, more secure, and welcoming environment for every student.

​Once again, thank you very much, Toytoy Barangay Council, for your unwavering service and commitment to education!

21/07/2026

MARAMING SALAMAT, HELPING HANDS GROUP❤️🙏

Sa ngalan ng Palumbanes Integrated School, at sa lahat ng mga 297 mag-aaral sa elementarya na benepisyaryo, kami ay buong-pusong nagpapasalamat sa Helping Hands Group sa ibinigay na tulong pinansiyal para sa matagumpay na supplementary feeding activity.

Ang inyong pagiging bukas-palad ay naging malaking tulong upang mabigyan ng masustansiyang snacks ang aming mga mag-aaral.

Sa loob ng ilang taon, isang karangalan para sa amin ang magkaroon ng katuwang na tulad ninyo. Muli, maraming-maraming salamat sa inyong kabutihan at walang sawang pagsuporta.

Lubos din ang aming pasasalamat kay Mam Estrella Belmonte , na naging daan upang maisakatuparan ang gawaing ito.

Maraming Salamat din po sa lahat ng mga magulang na tumulong sa pagluluto ng masarap na snacks ng mga bata.

Maraming Salamat sa pakikiisa sa aming paglalayag Helping Hands Group tungo sa pag-unlad ng aming mga mag-aaral at paaralan.