Bonifacio D. Borebor Sr. High School

24/06/2026

22/06/2026

Happy 128th Anniversary, ka-DepEd! 🎉❤️

Salamat sa 128 taon ng suporta at pakikiisa sa pagtataguyod ng edukasyon para sa bawat Pilipino.

Mula sa mga lungsod hanggang sa pinakamalalayong komunidad, patuloy na nagsisilbing tulay ang DepEd tungo sa mas maliwanag na kinabukasan ng bawat learner sa pamamagitan ng dedikasyon at malasakit ng ating mga g**o at kawani.

Ngayong taon, higit pa sa isang ahensya, ipinagdiriwang natin ang DepEd bilang isang komunidad na nagkakaisa para sa iisang layuning hubugin ang susunod na henerasyon at itaguyod ang kinabukasan ng bansa.

19/06/2026

Pagpupugay sa buhay, talino, at kabayanihan ni Dr. Jose Rizal! 🇵🇭✨

Ngayong araw ng paggunita sa kaniyang kapanganakan, ating inaalala ang buhay at mga ambag ni Dr. Jose Rizal—isang manunulat, iskolar, at bayani na nagmulat sa kamalayan ng mga Pilipino sa pamamagitan ng kaniyang mga salita at kaisipan.

Isinilang si Jose Rizal noong 19 Hunyo 1861 sa Calamba, Laguna. Pampito sa 11 anak nina Francisco Mercado at Teodora Alonso, ipinamalas niya ang pambihirang talino at pagmamahal sa bayan sa pamamagitan ng panitikan, pag-aaral, at pagsusulong ng pagbabago.

Bilang isa sa mga pangunahing personalidad ng Kilusang Propaganda, naging aktibo siya sa pagsulat para sa La Solidaridad. Sa kaniyang mga nobelang Noli me tangere (1887) at El filibusterismo (1891), inilantad niya ang mga suliranin at pang-aabuso sa ilalim ng pamamahalang Español, na nagbigay-daan sa mas malalim na pag-unawa sa kalagayan ng lipunan noong kaniyang panahon.

Si Dr. Jose Rizal ay nananatiling isa sa mga mahalagang Sagisag Kultura ng Pilipinas -- isang inspirasyon sa patuloy na pagpapalawig ng kaalaman, pagpapapatibay sa ating pagkakakilanlan, at pagpapalalim ng ating pagmamahal sa bayan.

Alamin ang iba pang impormasyon tungkol sa mga Sagisag Kultura ng Pilipinas!

📖 Mula sa: Rizal, Jose. (2015). In V. Almario (Ed.), Sagisag Kultura (Vol. 1). Manila: National Commission for Culture and the Arts. Retrieved from https://philippineculturaleducation.com.ph/rizal-jose/

18/06/2026

National Simultaneous Earthquake Drill
June 18, 2026

Pursuant to RDRRMC Memorandum No. 9, Series of 2006, the Junior and Senior High School Department of Bonifacio D. Borebor Senior High School (BDBSHS) actively participated in the National Simultaneous Earthquake Drill held on June 18, 2026. The activity was conducted through the guidance of Ma'am Catherine C. Bufete, School DRRM Coordinator, with the full support of the school administration, faculty members, non-teaching personnel, and students.

At the scheduled time, the earthquake alarm signaled the start of the drill. Students, teachers, and staff immediately performed the "Duck, Cover, and Hold" procedure while inside their respective classrooms and offices. Once the simulated ground shaking ceased, participants calmly and systematically evacuated through the designated emergency exits and proceeded to the assigned evacuation area under the supervision of their teachers.

Upon reaching the assembly area, attendance was checked to account for all learners and personnel. A brief assessment was also conducted to evaluate the school's emergency response procedures and to reinforce the importance of preparedness, discipline, and proper response during earthquake emergencies.

The successful conduct of the National Simultaneous Earthquake Drill demonstrated the school's continued commitment to promoting disaster preparedness and ensuring the safety and resilience of the entire school community.

14/06/2026

Magpasalamat sa panibagong linggo at ihanda ang sarili sa mga oportunidad na naghihintay. Happy Monday, ka-DepEd! 🙏🌻

13/06/2026

13/06/2026

The Bonifacio D. Borebor Sr. High School – sincerely thanks Engr. Salvador J. Bonita, PSME, Vice President for External Affairs of the CamSur-Naga City Chapter, for the generous donation of a water pump to our school.

Your support greatly contributes to the welfare of our learners and the improvement of our school facilities. Thank you for your generosity and commitment to education.

Maraming salamat po!

12/06/2026

12/06/2026

Ika-128 Taong Pagdiriwang ng Araw ng Kalayaan || Hunyo 12, 2026

Tema: “Kalayaan, Kinabukasan, Kasaysayan”

Nakiisa ang Bonifacio D. Borebor Sr. High School (BDBSHS) sa pangunguna ni G. Dennis S. Corporal, sa pagdiriwang ng Ika-128 Taong Araw ng Kalayaan noong Hunyo 12, 2026 na may temang “Kalayaan, Kinabukasan, Kasaysayan.” Ang nasabing pagdiriwang ay pinangunahan ng Lokal na Pamahalaan ng Caramoan sa pamumuno ni Mayor Marilyn Socorro H. Co, bilang paggunita sa makasaysayang deklarasyon ng kalayaan ng Pilipinas at pagpapalakas ng diwa ng nasyonalismo.

Lumahok sa programa ang mga g**o ng BDBSHS kasama ang School Band, Majorettes, Boy Scouts at Girl Scouts of the Philippines. Nagsimula ang selebrasyon sa isang makulay na parada na dinaluhan ng iba’t ibang ahensya, organisasyon, at paaralan. Kabilang sa mga nakiisa ang DepEd Caramoan South District sa pangunguna ni Dr. Alex S. Arojado, DepEd Caramoan North District, at DepEd Caramoan East District, kasama ang mga opisyal at kawani ng lokal na pamahalaan at iba pang organisasyon sa komunidad.

Matapos ang parada ay isinagawa ang seremonya ng pagtataas ng watawat ng Pilipinas bilang sagisag ng kalayaan, pagkakaisa, at pagmamahal sa bayan, kasunod ang programang inihanda ng LGU Caramoan.

Bilang panauhing tagapagsalita, nagbigay ng inspirasyonal na mensahe si Dr. Marilyn Delos Santos, PSDS ng Caramoan East District. Sa kanyang talumpati, binigyang-diin niya ang malalim na kahulugan ng temang “Kalayaan, Kinabukasan, Kasaysayan.” Ipinaliwanag niya na ang kalayaan sa kasalukuyang panahon ay hindi lamang nangangahulugan ng paglaya mula sa pananakop kundi ng mga munting sakripisyo sa pang araw araw na pagtupad sa mga tungkulin bilang mamamayan at lingkod bayan. Binigyang-halaga rin niya ang kinabukasan, na nakasalalay sa mga mag-aaral na nasa loob ng silid-aralan at mga mamamayang may disiplina, integridad, at malasakit na naglilingkod sa kapwa at bayan. Dagdag pa niya, ang kasaysayan ay nagsisilbing mahalagang gabay at inspirasyon upang patuloy na pahalagahan ang mga sakripisyong ginawa ng ating mga bayani para sa kalayaang tinatamasa ng bansa ngayon. Ayon sa kanya, masmahalagang mapanatili ang pagkakaisa ng mga mamamayan sa kabila ng pagkakaiba-iba ng kanilang kinabibilangang grupo, paniniwala o ideolohiyang politikal.

Dumalo rin at nakibahagi sa programa kasama ang iba pang pinuno ng edukasyon at pamahalaan, na nagpakita ng buong suporta sa makasaysayang pagdiriwang.

Sa kabuuan, naging matagumpay at makabuluhan ang pagdiriwang ng Araw ng Kalayaan. Ang aktibong pakikilahok ng BDBSHS, LGU Caramoan at iba pang sektor ay nagpatibay ng pagkakaisa at pagmamahal sa bayan tungo sa mas maliwanag na kinabukasan.

12/06/2026

Maligayang Araw ng Kalayaan! 🇵🇭

Sa pagdiriwang ng ika-128 anibersaryo ng Proklamasyon ng Kalayaan ng Pilipinas, kaisa ang Kagawaran ng Edukasyon sa pagpupugay sa katapangan at sakripisyo ng ating mga bayani na nagbukas ng landas tungo sa ating kasarinlan.

Nawa’y magsilbing inspirasyon ang kanilang pamana upang patuloy nating mahalin ang bayan, pahalagahan ang kalayaan, at magkaisa para sa mas maunlad na kinabukasan ng bansa.