CCNHS Sinagtala Filipino Club

02/09/2025

🎉🥳 Isang masayang pagbati ng kaarawan para sa ating masipag at dedikadong Auditor, Tiffany! 🎂✨ Maraming salamat sa iyong walang sawang paglilingkod, tapat na pamumuno, at malasakit sa ating club. Ang iyong sipag, tiyaga, at inisyatibo ay tunay na nagbibigay inspirasyon sa lahat ng miyembro. 🌟 Nawa’y maging makabuluhan ang araw na ito at magdala ng kasiyahan, biyaya, at tagumpay sa lahat ng aspeto ng iyong buhay. 💖🙏 Cheers to more birthdays to celebrate and more memories to create with you, Tiffany! 🎊🎂✨

30/08/2025

30/08/2025

📚🇵🇭✨ *Pagsasara ng Buwan ng Wika 2025*✨🇵🇭📚

Sa pagtatapos ng ating pagdiriwang, sama-sama nating ipinagbunyi ang yaman ng ating wika at kultura sa temang:
*“Paglinang sa Filipino at Katutubong Wika: Makasaysayan sa Pagkakaisa ng Bansa.”*

Ang ating sariling wika ay hindi lamang daluyan ng komunikasyon, kundi tagapag-ugnay ng puso at isipan ng bawat Pilipino. 💙❤️💛 Sa pagtangkilik at pagpapaunlad nito, pinatitibay natin ang ating pagkakaisa bilang isang bansa.

Mabuhay ang wikang Filipino! 🇵🇭✨

Pag-u-ulat / Kaye Clarisse Cruda
Photos / Sinisiplat

26/08/2025

Isang masayang pagbati ng maligayang kaarawan kay Fiara, ang ating Grade 8 Representative! 🎂✨ Nawa’y maging makabuluhan ang iyong espesyal na araw at mapuno ito ng mga ngiti at masasayang alaala. Patuloy kang magningning bilang huwarang lider at mabuting kaibigan. 💕

Pag-u-ulat/ Kaye Clarisse Cruda
Pubmat ni Sheilaviene Faith Mesias

25/08/2025

🇵🇭✨ National Heroes Day ✨🇵🇭

Ngayong Araw ng mga Bayani, atin pong ginugunita at pinararangalan ang lahat ng Pilipinong nag-alay ng kanilang buhay, talino, at lakas para sa kalayaan at kinabukasan ng ating bansa.

Ang kanilang sakripisyo ay hindi lamang bahagi ng kasaysayan, kundi patuloy na nagbibigay inspirasyon sa bawat isa sa atin na magmahal, maglingkod, at magsakripisyo para sa ating Inang Bayan.

Mula sa mga kilalang bayani hanggang sa mga di-kilalang mandirigma, ang kanilang tapang at malasakit ay nagsilbing haligi ng ating pagkakaisa at kalayaan. Sila ang nagpapaalala sa atin na ang pagiging bayani ay hindi nasusukat sa pamagat, kundi sa pusong handang magbigay para sa iba.

💙❤️🤍 Nawa’y magsilbing paalala ang araw na ito na bawat Pilipino ay may kakayahang maging bayani sa sariling paraan—sa simpleng gawa ng kabutihan, malasakit, at pagmamahal sa kapwa at sa bayan.

🙏 Maraming salamat sa ating mga bayani—noon, ngayon, at bukas. Ang inyong alaala ay mananatiling gabay ng ating lahi.

21/08/2025

🇵🇭✨ Ninoy Aquino Day ✨🇵🇭

Ngayon ay ating ginugunita ang kabayanihan ni Benigno “Ninoy” Aquino Jr., isang lider na buong tapang na inialay ang kanyang buhay para sa kalayaan at demokrasya ng ating bansa.

Ang kanyang mga salita na “The Filipino is worth dying for” ay hindi lamang pahayag, kundi isang paalala na ang bawat Pilipino ay may mahalagang papel sa pagtataguyod ng isang bansang malaya, makatarungan, at nagkakaisa.

Si Ninoy ay naging simbolo ng sakripisyo at tapang na kahit sa harap ng panganib at kamatayan, pinili niyang ipaglaban ang karapatan ng taumbayan. Ang kanyang alaala ay nagsisilbing inspirasyon upang patuloy tayong maging mapagmatyag, mapagmahal sa bayan, at handang tumindig para sa tama at makatarungan.

💛 Nawa’y magsilbi itong paalala na hindi natatapos ang laban para sa kalayaan ito ay patuloy na ating isinasabuhay sa pamamagitan ng pagkakaisa, malasakit, at pagmamahal sa bayan.

🙏 Maraming salamat, Ninoy, sa iyong kabayanihan. Hindi ka nag-iisa.

11/08/2025

⚡ “𝐖𝐢𝐤𝐚 𝐦𝐨, 𝐏𝐨𝐰𝐞𝐫 𝐦𝐨!” ⚡ Mga ka-wika, ready na ba kayo sa pinaka-mainit na showdown ngayong Buwan ng Wika? 🤩🔥 Sa 𝐏𝐚𝐠𝐩𝐢𝐧𝐭𝐚 𝐬𝐚 𝐁𝐢𝐥𝐚𝐨, ipakita ang galing sa art ng Ikapito; sa 𝑺𝒂𝒏𝒂𝒚𝒔𝒂𝒚, ilabas ang talino at feels ng Ikawalo; at sa 𝑺𝒑𝒐𝒌𝒆𝒏 𝑷𝒐𝒆𝒕𝒓𝒚, ibuhos lahat ng hugot ng Ikasiyam. 🎤🎬 Sa 𝑩𝒊𝒅𝒚𝒐𝒌𝒂𝒔𝒊𝒚𝒂 ng Ikasampu, maging director ng sarili mong kwento; sa 𝑻𝒂𝒘𝒂𝒈 𝒏𝒈 𝑴𝒊𝒌𝒓𝒐𝒑𝒐𝒏𝒐 ng Ika-11, patunayan na ikaw ang tunay na mic drop master; at sa 𝑴𝒂𝒌𝒂𝒃𝒂𝒈𝒐𝒏𝒈 𝑻𝒖𝒈𝒕𝒐𝒈 𝒔𝒂 𝑴𝒂𝒌𝒂𝒍𝒖𝒎𝒂𝒏𝒈 𝒀𝒖𝒈𝒚𝒐𝒈 ng Ika-12, dalhin sa dance floor ang lolo’t lola vibes na may Gen Z energy. 🦸‍♂️ Para sa lahat, meron tayong 𝑩𝒂𝒚𝒂𝒏𝒊 𝑲𝒂𝒍𝒐𝒐𝒌-𝑨-𝑳𝒊𝒌𝒆e (yes, kasama teachers dito 👀) at 𝑷𝒊𝒔𝒕𝒂 𝒔𝒂 𝑵𝒂𝒚𝒐𝒏 para sa ultimate games + food trip combo. Ihanda na ang talent, creativity, at confidence—dahil sa Buwan ng Wika, ikaw ang bida! 🇵🇭✨

Pag-u-ulat / Kaye Clarisse Cruda

01/08/2025

Puso’t Diwa para sa Wika: CCNHS Nagdaos ng Makabuluhang Buwan ng Wika 2025

Sa temang “Paglinang sa Filipino at Katutubong Wika: Makasaysayan sa Pagkakaisa ng bansa,” matagumpay na ipinagdiwang ng Calbayog City National High School (CCNHS) ang Buwan ng Wika na layong itampok ang kahalagahan ng wikang Filipino bilang pagkakakilanlan at pagkakaugnay ng bawat Pilipino.

Pinangunahan ng iba’t ibang g**o at mag-aaral ang mga inihandang gawain para sa programa. Nagsimula ang selebrasyon sa pamamagitan ng Pagpupugay sa Watawat na pinangunahan ni Bb. Marilee P. Balbarona-Tibo, kasunod ang pag-awit ng SDO Calbayog Hymn ni Gng. Jovita S. Bayog at CCNHS Hymn ni Gng. Hazel A. Salino.

Nagbigay-buhay sa programa ang Pamukaw-Siglang Bilang nina Gng. Bayog at mga piling mag-aaral mula sa Baitang 8, na sinundan ng Pambungad na Mensahe ni Gng. Luisa F. Romano.
Isang makahulugang Mensaheng Inspirasyonal naman ang ibinahagi ni G. Millaner R. Oyo-a na nagbigay-diin sa kahalagahan ng pagmamahal at paggamit ng sariling wika.

Bukod sa mga talumpati, tampok din ang mga Pang-aliw na Bilang mula sa mga mag-aaral ng Baitang 8 na nagpakita ng kanilang talento sa sining at kultura. Isa sa pinakapinakahintay ng programa ang Tagisan ng Talino na nilahukan ng mga g**o sa Filipino, na nagbigay saya at dagdag-kaalaman sa lahat ng dumalo.

Bilang pagtatapos, sabayang inawit ang Awit ng Pangako na pinangunahan ni Gng. Lizmher Jane D. Suarez bilang panata sa patuloy na pagpapahalaga at paggamit ng wikang Filipino.

Sa pamamagitan ng ganitong mga aktibidad, muling naipadama ng CCNHS ang diwa ng pagkakaisa at pagmamahal sa bayan, habang pinagtitibay ang papel ng wikang Filipino sa paghubog ng identidad at kultura ng bawat Pilipino.

Pag-u-ulat | Kaye Clarisse Cruda

01/08/2025

🇵🇭 Wikang Filipino? Present na present! 🎤📚
Mga Champs, handa na ba ang Barong energy at Filipiniana fierceness? 😎✨
Dahil it’s giving... BUWAN NG WIKA ERA! 🔥🎉

Sa temang
"Paglinang sa Filipino at Katutubong Wika: Makasaysayan sa Pagkakaisa ng Bansa."
tayo’y magdiriwang ng ating kultura sa pamamagitan ng
spoken poetry na may hugot, sayaw na may feelings,
at siyempre, ‘yung patimpalak na di mo alam sinalihan ka pala 😭

🍛 Mula sa makukulay na kasuotan hanggang sa kantahang makabayan,
handa ka na ba sa Cultural Reset 2025?
Charot, pero seryoso.

👘 Huwag mahiyang i-flex ang inyong traditional wear!
Barong, saya, terno, o kahit anong makabayang OOTD—go na ‘yan! 💅✨

Ipagdiwang natin ang ganda ng ating pagkakakilanlan—
isa, dalawa, tatlong bagsak para sa WIKA!👏👏👏

📅 I-save n’yo na ‘yan sa planner, dalhin ang pride, at rumampa na may Pinoy vibes!
💃🇵🇭🕺

30/08/2024

TALAKAN. KARIKTAN. KASUOTAN.

Ilan lamang iyan sa mga kaabang-abang na kaganapan sa pangwakas na pagdiriwang ng Buwan ng Wika ngayong darating na ika-2 ng Setyembre, Lunes.

Sisimulan ang programa sa pagbubukas ng pinakahinihintay na patimpalak ng CCNHS–ang Lakan at Lakambini 2024!
Kasunod nito'y gaganapin naman ang pagbibigay ng mga sertipiko ng pagkilala sa mga natatanging mag-aaral na nanguna sa iba't ibang kompetisyon na isinagawa sa loob ng buwan ng Agosto.

Magbibigay parangal sa mga nagwagi sa Quiz Bee, Spelling Bee, Poster Making, Piliin Mo Ang Pilipinas Challenge at Spoken Poetry bilang pagbibigay karangalan sa mga estudyanteng hindi lamang nakilahok ngunit naging instrumento rin sa pagtatag ng adhikaing mapagtibay ang wikang kinamulatan ng bansa, ang wikang filipino.

Sama-sama nating buhayin ang diwa ng ating kultura at wikang Filipino—isang wikang mapagpalaya na sumasalamin sa ating pagkakaisa at pagkakakilanlan. 🎉🪶 Huwag palalampasin ang pagkakataong ito na ipakita ang pagmamahal sa ating wika't bayan. Kitakits sa isang makulay at makabuluhang pagtatapos ng ating pagdiriwang! 💙❤️💛