24/05/2023
Mayo 24 | Pagdiriwang ng Kapistahan ni Santa Maria, Mapag-ampon sa mga Kristiyano
O Mariang Mapag-ampon, aking Ina at Ina ng awa,
masdan mo ang aking mga paghihirap at
magdalang-habag ka sa akin.
Tulungan mo ako alang-alang sa pag-
ibig ni Jesus na iyong mahal na Anak.
Sa iyo ko inilalagak ang aking buong pag-asa;
kupku-pin mo ako at tulungan sa aking pagdadalamhati.
Huwag mong tulutang magkasala ako kay Jesus dahil sa aking
kakulangan sa pagpapaumanhin.
Ikaw na siyang pag-asa ng lahat ay maging pag-asa ko nawa.
O lipos ng kabutihan! O puspos ng kaluwalhatian.
O mahabagin kong Ina at aking pag-asa,
masdan mo ako na abang makasalanan.
Kung hindi mo ako sasaklolohan
ay mapapahamak ako.
Sa iyo ako dumudulog. Huwag mo
akong pabayaan kailanman. Ikaw ang nagligtas sa lahat
ng nagmakaawa sa iyo: iligtas mo rin ako.
Sa ilalim ng iyong awa ako sumisilong,
ikaw na takbuhan ng mga makasalanan.
O Mariang Mapag-ampon, ikaw ang aking Ina.
Sino ang kailanma’y humingi ng iyong tulong na hindi mo
dininig?
Ina ng Diyos at Ina ko rin, gaanong pag-asa ang tina-
tamo ko pagkatapos kong magparating ng hinaing sa iyo!
Ikaw ang aking lakas! Ipagtanggol mo ako at kupkupin; magdalang-habag ka sa akin at iligtas mo ako.
Maria, Mapag-ampon sa mga Kristiyano,
ipanalangin mo kami 🙏
