22/08/2026
Maging Alerto, Maging Kalmado at Maging Ligtas
Ang Mabato Elementary School ay patuloy na naghihikayat sa lahat ng mag-aaral at kawani na maging mapagmatyag, kalmado, at ligtas sa lahat ng oras lalo na sa mga banta ng karahasan na kamakailan lamang ay nababalitaan sa iba't ibang panig ng bansa.
Upang matiyak ang kaligtasan ng bawat isa, napakahalagang palaging maging alerto sa paligid at agad iulat sa mga awtoridad ang anumang kahina-hinalang tao o kilos sa loob ng paaralan.
Kung sakaling magkaroon ng emergency tulad ng pamamaril, ang unang dapat gawin ay mabilis at tahimik na tumakas papalayo sa panganib kung may ligtas na daanan.
Sakaling sarado ang mga labasan, pumasok agad sa pinakamalapit na silid, i-lock ang pinto, at harangan ito ng mga mabibigat na mesa o upuan.
Patayin din ang mga ilaw at i-silent ang mga cellphone upang hindi mapansin o makita ng nagbabanta sa labas ng kuwarto.
Manatili namang nakadapa sa sahig, umiwas sa mga bintanang salamin, at magtago sa likod ng matitibay na kagamitan habang naghihintay ng tulong. Iwasan ang pagsigaw o pag-iyak nang malakas upang hindi maakit ang atensyon ng may masamang balak.
Huwag na ring balikan ang mga naiwang gamit tulad ng bag o libro dahil mas mahalaga ang inyong buhay kaysa sa anumang materyal na bagay.
Sundin nang buong ingat ang bawat direksyon ng mga g**o at pulis, at huwag lalabas sa pinagtataguan hangga't walang opisyal na senyas na ligtas na ang paligid.
Palaging isapuso ang tatlong pangunahing patakaran sa kaligtasan na itinataguyod ng mga eksperto: tumakbo kung kaya, magtago kung kinakailangan, at lumaban lamang bilang huling opsyon upang maprotektahan ang sarili.
