DepEd San Ramon Senior High School

28/08/2026

🏆 𝗕𝗔𝗟𝗜𝗧𝗔 | 𝗞𝗔𝗛𝗨𝗦𝗔𝗬𝗔𝗡 𝗦𝗔 𝗣𝗔𝗚𝗟𝗜𝗟𝗜𝗡𝗚𝗞𝗢𝗗, 𝗠𝗨𝗟𝗜𝗡𝗚 𝗦𝗜𝗡𝗨𝗥𝗜 𝗦𝗔 𝟭𝟭𝗧𝗛 𝗚𝗔𝗪𝗔𝗗 𝗣𝗔𝗧𝗡𝗨𝗚𝗢𝗧 𝗩𝗔𝗟𝗜𝗗𝗔𝗧𝗜𝗢𝗡

Isinagawa ang 𝟭𝟭𝘁𝗵 𝗚𝗮𝘄𝗮𝗱 𝗣𝗮𝘁𝗻𝘂𝗴𝗼𝘁 𝗩𝗮𝗹𝗶𝗱𝗮𝘁𝗶𝗼𝗻 𝗳𝗼𝗿 𝗢𝘂𝘁𝘀𝘁𝗮𝗻𝗱𝗶𝗻𝗴 𝗦𝗲𝗰𝗼𝗻𝗱𝗮𝗿𝘆 𝗦𝗰𝗵𝗼𝗼𝗹 𝗠𝗮𝘀𝘁𝗲𝗿 𝗧𝗲𝗮𝗰𝗵𝗲𝗿, kung saan sumailalim sa validation si 𝗗𝗿. 𝗘𝘁𝗵𝗲𝗹𝘆𝗻 𝗠. 𝗖𝗮𝘁𝗮𝗺𝗶𝗼 bilang kinatawan ng dibisyon ng Calamba City nuong ika-25 ng Agosto. Layunin ng balidasyon na kilalanin at suriin ang natatanging husay, pamumuno, inobasyon, at dedikasyon sa paglilingkod sa edukasyon ng mga g**ong patuloy na nagbibigay ng higit sa inaasahan.

Nagsilbing validators sina 𝘿𝙧. 𝘽𝙧𝙮𝙖𝙣 𝘼. 𝙋𝙤𝙗𝙚 (EPS-HRD), 𝘿𝙧. 𝙈𝙖𝙧𝙜𝙖𝙧𝙚𝙩 𝙋. 𝙈𝙪𝙨𝙖 (EPS-Values Education), at 𝘿𝙧. 𝙍𝙖𝙣𝙙𝙞𝙚 𝘽. 𝘼𝙩𝙞𝙚𝙣𝙯𝙖 (EPS-PPRD), sa tulong ng mga miyembro ng Division PRAISE Committee na sina 𝙆𝙚𝙫𝙞𝙣 𝘿𝙤𝙢𝙞𝙣𝙜𝙤 (SEPS-HRD), 𝙍𝙤𝙘𝙠𝙮 𝘿𝙚𝙡𝙖 𝘾𝙧𝙪𝙯 (EPS II-HRD), at 𝘿𝙧. 𝙍𝙤𝙬𝙚𝙣𝙖 𝘾𝙖𝙢𝙗𝙚𝙡 (PSDS-Cluster 10).

Naging bahagi rin ng mahalagang yugto ang suporta nina 𝙈𝙖’𝙖𝙢 𝘽𝙚𝙧𝙣𝙖𝙧𝙙𝙞𝙩𝙖 𝙊. 𝙎𝙖𝙡𝙖𝙯𝙖𝙧, Punong-Guro III ng Kapayapaan Integrated School, at ng kasalukuyang punong-g**o ng San Ramon SHS na si 𝙎𝙞𝙧 𝙀𝙙𝙞𝙯𝙤𝙣 𝙋. 𝘿𝙚𝙡𝙖 𝘾𝙧𝙪𝙯, patunay na ang tagumpay ng isang g**o ay bunga rin ng isang pamayanang marunong kumilala, sumuporta, at magtaguyod ng kahusayan.

✨ Sa bawat tanong na sinagot, karanasang ibinahagi, at gawaing ipinakita, muling nasasalamin ang isang g**ong ang paglilingkod ay hindi lamang trabaho, kundi isang paninindigan at pagmamahal.

San Ramon SHS proudly stands with Dr. Ethelyn M. Catamio as she continues to embody excellence in teaching and leadership. ♥️🧡

28/08/2026

📝 𝗝𝗨𝗦𝗧 𝗜𝗡 | 𝗧𝗨𝗠𝗔𝗧𝗔𝗚𝗜𝗡𝗧𝗜𝗡𝗚 𝗔𝗡𝗚 𝗞𝗔𝗔𝗟𝗔𝗠𝗔𝗡: 𝗧𝗘𝗥𝗠 𝟭 𝗘𝗫𝗔𝗠𝗜𝗡𝗔𝗧𝗜𝗢𝗡, 𝗜𝗦𝗜𝗡𝗔𝗦𝗔𝗚𝗔𝗪𝗔

Kasalukuyang isinasagawa sa San Ramon Senior High School ang Term 1 Examination, kung saan sinusukat at nasusuri ang kaalaman, pag-unawa, at mga kasanayang nahubog ng ating mga mag-aaral sa unang bahagi ng taong panuruan.

Sa bawat tanong at sagot, hindi lamang grado ang nakataya, kundi ang bunga ng pagsisikap, paghahanda, at patuloy na pagkatuto ng bawat MonSenian. Hinihikayat ang lahat na harapin ang pagsusulit nang may kumpiyansa, katapatan, at paninindigan. 📚✨

📅 Susunod na araw ng pagsusulit o ikalawang araw: SEPTEMBER 1, 2026

Kaya mo ’yan, MonSenians! Huminga nang malalim, magtiwala sa iyong natutuhan, at ipakita ang iyong makakaya. Dahil sa bawat pagsusulit, isang hakbang pa tungo sa mas malawak na Education Beyond Horizons. 💙💛

27/08/2026

𝐖𝐚𝐥𝐚𝐧𝐠 𝐑𝐞𝐯𝐢𝐞𝐰𝐞𝐫? 𝐒𝐒𝐋𝐆 𝐚𝐧𝐠 𝐛𝐚𝐡𝐚𝐥𝐚 𝐝𝐲𝐚𝐧! 𝐑𝐞𝐯𝐢𝐞𝐰𝐥𝐮𝐬𝐲𝐨𝐧 𝐢𝐬 𝐧𝐨𝐰 𝐚𝐜𝐜𝐞𝐬𝐬𝐢𝐛𝐥𝐞 𝐭𝐨 𝐚𝐥𝐥 𝐌𝐨𝐧𝐬𝐞𝐧𝐢𝐚𝐧𝐬!

Handa na ba, Monsenians? Hatid ng Supreme Secondary Learner Government (SSLG) ang Reviewers for All, isang inisyatibong naglalayong magbigay ng accessible at makabuluhang review materials para sa bawat mag-aaral.

Sabay-sabay tayong mag-review, matuto, at humarap sa bawat pagsusulit nang may kumpiyansa. Dahil sa bawat pahina ng reviewer, may bagong kaalamang maaaring maging susi sa tagumpay.

I-click lang ang link na ito para ma-download ang ating opisyal na study guides:
https://drive.google.com/drive/folders/1n_WNGzBGKCZacOPVy9EZuYB-iVfrAqpO

PASSWORD HINT: [School ID] - [School Mantra]

Pantay na Sandata, Tagumpay ng Bawat Bata. ✨

20/08/2026

🇵🇭 𝗡𝗜𝗡𝗢𝗬 𝗔𝗤𝗨𝗜𝗡𝗢 𝗗𝗔𝗬 𝟮𝟬𝟮𝟲 | 𝗔𝗻𝗴 𝗧𝗮𝗽𝗮𝗻𝗴 𝗻𝗮 𝗛𝗶𝗻𝗱𝗶 𝗡𝗮𝗺𝗮𝗺𝗮𝘁𝗮𝘆

Sa paggunita natin ngayong Ninoy Aquino Day, hindi lamang isang pangalan sa kasaysayan ang ating inaalala, kundi isang buhay na naging bahagi ng mahaba at masalimuot na pakikibaka para sa demokrasya, kalayaan, at paninindigan.

Ang buhay ni Benigno “Ninoy” Aquino Jr. ay nagpapaalala na ang tunay na tapang ay hindi kawalan ng takot. Ito ay ang pagpiling manindigan kahit may kapalit, magsalita kahit mahirap marinig, at ipaglaban ang pinaniniwalaang tama kahit hindi tiyak ang kahihinatnan.

Ngunit higit sa pag-alala, may hamon ang kanyang buhay sa bagong henerasyon:
Ano ang ipinaglalaban natin?
Para kanino?
At ano ang kaya nating gawin upang hindi lamang tayo maging tagamasid sa kasaysayan?

Sa panahon ng mabilis na impormasyon, social media, AI, at magkakaibang pananaw, ang kabataan ay may bagong larangan ng pakikibaka, ang maging mapanuri sa impormasyon, matapang sa katotohanan, responsable sa paggamit ng kalayaan, at mulat sa mga usaping humuhubog sa kinabukasan ng bayan.

Dahil ang demokrasya ay hindi lamang alaala ng nakaraan. Ito ay pananagutang ipinapasa sa bawat henerasyon.

🇵🇭 Ngayong Ninoy Aquino Day, alalahanin natin hindi lamang ang kanyang pangalan, kundi ang aral ng kanyang paninindigan: ang bayan ay nangangailangan ng mga mamamayang may tapang na magtanong, pusong maglingkod, at paninindigang hindi madaling matinag.

Ang kasaysayan ay ginawa ng mga taong nangahas. Ngayon, tayo naman ang tinatanong ng panahon: Handa ba tayong manindigan para sa bayan?

20/08/2026

Biglang uminit, ang sarap kumain ng HALUHALO.

📖 𝗪𝗜𝗞𝗔𝗮𝗹𝗮𝗺𝗮𝗻 | 𝗛𝗮𝗹𝘂𝗵𝗮𝗹𝗼 𝗮𝘁 𝗛𝗮𝗹𝗼-𝗵𝗮𝗹𝗼: 𝗠𝗮𝘆 𝗣𝗮𝗴𝗸𝗮𝗸𝗮𝗶𝗯𝗮 𝗕𝗮? 🤔

𝗔𝗸𝗮𝗹𝗮 𝗻𝗴 𝗺𝗮𝗿𝗮𝗺𝗶 𝗮𝘆 𝗶𝗶𝘀𝗮 𝗹𝗮𝗺𝗮𝗻𝗴 𝗮𝗻𝗴 𝗸𝗮𝗵𝘂𝗹𝘂𝗴𝗮𝗻 𝗻𝗴 "𝗵𝗮𝗹𝘂𝗵𝗮𝗹𝗼" 𝗮𝘁 "𝗵𝗮𝗹𝗼-𝗵𝗮𝗹𝗼." 𝗣𝗮𝗿𝗲𝗵𝗼 𝗺𝗮𝗻 𝘀𝗶𝗹𝗮𝗻𝗴 𝗺𝗮𝘆 𝗸𝗮𝘂𝗴𝗻𝗮𝘆𝗮𝗻 𝘀𝗮 𝗽𝗮𝗴𝗵𝗮𝗵𝗮𝗹𝗼, 𝗺𝗮𝘆 𝗺𝗮𝗴𝗸𝗮𝗶𝗯𝗮 𝗽𝗮 𝗿𝗶𝗻 𝘀𝗮 𝗸𝗮𝗻𝗶𝗹𝗮𝗻𝗴 𝗴𝗮𝗺𝗶𝘁 𝗮𝘁 𝗸𝗮𝗵𝘂𝗹𝘂𝗴𝗮𝗻. 🍧

Madalas nating ginagamit ang mga salitang "𝗵𝗮𝗹𝘂𝗵𝗮𝗹𝗼" 𝗮𝘁 "𝗵𝗮𝗹𝗼-𝗵𝗮𝗹𝗼" sa pang-araw-araw na usapan. Dahil magkaugnay ang mga ito, madaling isipin na pareho lamang ang kanilang tinutukoy. Ngunit sa 𝗸𝗮𝘁𝗼𝘁𝗼𝗵𝗮𝗻𝗮𝗻, may pagkakaiba ang dalawang anyo. 𝗔𝗹𝗮𝗺𝗶𝗻 𝗻𝗮𝘁𝗶𝗻 𝗮𝗻𝗴 𝘁𝗮𝗺𝗮𝗻𝗴 𝗽𝗮𝗴𝗸𝗮𝗸𝗮𝗶𝗯𝗮 𝗻𝗴 "𝗵𝗮𝗹𝘂𝗵𝗮𝗹𝗼" 𝗮𝘁 "𝗵𝗮𝗹𝗼-𝗵𝗮𝗹𝗼"!

🍧 𝗛𝗮𝗹𝘂𝗵𝗮𝗹𝗼 – Tumutukoy sa kilalang masarap na pencel o panghimagas na may yelo, gatas, at iba't ibang sahog.
𝐇𝐚𝐥𝐢𝐦𝐛𝐚𝐰𝐚: Masarap kumain ng haluhalo tuwing tag-init.

🥣 𝗛𝗮𝗹𝗼-𝗵𝗮𝗹𝗼 – Pormal na ginagamit bilang pang-uri o salitang inuulit na naglalarawan ng mga bagay na pinagsama-sama o magkakahalo.
𝐇𝐚𝐥𝐢𝐦𝐛𝐚𝐰𝐚: Halo-halo ang mga laruan sa kahon.

Sa pormal na diksyunaryo at gabay ng Komisyon sa Wikang Filipino (KWF), haluhalo (walang gitling at pinalitan ng u ang unang o) ang opisyal na baybay para sa pagkain.

𝗡𝗴𝗮𝘆𝗼𝗻 𝗮𝘆 𝗮𝗹𝗮𝗺 𝗻𝗮 𝗻𝗮𝘁𝗶𝗻 𝗮𝗻𝗴 𝗽𝗮𝗴𝗸𝗮𝗸𝗮𝗶𝗯𝗮 𝗻𝗴 "𝗵𝗮𝗹𝘂𝗵𝗮𝗹𝗼" 𝗮𝘁 "𝗵𝗮𝗹𝗼-𝗵𝗮𝗹𝗼". Sa bawat paggamit ng salita, tandaan na ang maliit na pagkakaiba sa anyo ay maaari ring magbago sa kahulugan. Kaya naman, maging maingat sa pagpili ng salita upang maging 𝗺𝗮𝗹𝗶𝗻𝗮𝘄, 𝘁𝗮𝗺𝗮, 𝗮𝘁 𝗺𝗮𝗸𝗮𝗵𝘂𝗹𝘂𝗴𝗮𝗻 ang ating pakikipagkomunikasyon. 🇵🇭

19/08/2026

📢 𝗔𝗗𝗩𝗜𝗦𝗢𝗥𝗬 | 𝗔𝗟𝗧𝗘𝗥𝗡𝗔𝗧𝗜𝗩𝗘 𝗟𝗘𝗔𝗥𝗡𝗜𝗡𝗚 𝗠𝗢𝗗𝗔𝗟𝗜𝗧𝗜𝗘𝗦 𝗔𝗧 𝗟𝗘𝗔𝗥𝗡𝗜𝗡𝗚 𝗖𝗢𝗡𝗧𝗜𝗡𝗨𝗜𝗧𝗬 𝗠𝗘𝗔𝗦𝗨𝗥𝗘𝗦 𝗦𝗔 𝗔𝗚𝗢𝗦𝗧𝗢 𝟮𝟬

Batay sa Memorandum Circular No. 131 ng Office of the President – Malacañang, kaugnay ng inaasahang patuloy na malakas na pag-ulan dulot ng enhanced Southwest Monsoon (Habagat) at mga posibleng panganib gaya ng localized flooding at travel hazards, ipatutupad ang alternative learning modes at learning continuity measures para sa lahat ng antas sa pampubliko at pribadong paaralan sa Laguna sa Agosto 20, 2026. Hinggil dito, tayo ay 𝗠𝗢𝗗𝗨𝗟𝗔𝗥 𝗠𝗢𝗗𝗔𝗟𝗜𝗧𝗬.

Samantala, ang mga tanggapan ng pamahalaan ay inaatasang magpatupad ng angkop na alternative work arrangements, habang magpapatuloy ang operasyon ng mga ahensiyang nagbibigay ng basic services, health services, disaster preparedness and response, at iba pang vital services.

📚 Para sa ating mga MonSenians: Mananatili ang pagpapatuloy ng pagkatuto sa pamamagitan ng angkop na alternative learning modalities. Hinihikayat ang lahat na manatiling ligtas at patuloy na subaybayan ang mga opisyal na anunsyo ng paaralan at lokal na pamahalaan.

🌧️ Sa panahon ng panganib, kaligtasan ang unang aral. Ang pagkatuto ay patuloy—ngunit ang buhay at kaligtasan ay higit na mahalaga.

18/08/2026

🌧️ BREAKING NEWS | WALANG FACE-TO-FACE CLASSES BUKAS, AGOSTO 19

Batay sa anunsyo ni Laguna Governor Sol Aragones, suspendido ang face-to-face classes bukas, Agosto 19, 2026, sa lahat ng antas sa public at private schools sa buong Lalawigan ng Laguna.

Dahil nananatiling nakataas ang Yellow Heavy Rainfall Warning sa malaking bahagi ng Laguna at patuloy na isinasaalang-alang ang kaligtasan ng mga mag-aaral, ipatutupad muna ang Alternative Learning Modalities (ALM) upang maipagpatuloy ang pagkatuto habang nananatiling ligtas ang lahat.

Samantala, magpapatuloy ang pasok sa mga tanggapan ng Pamahalaang Panlalawigan ng Laguna.

📚 Paalala sa lahat ng MonSenians: Manatili sa ligtas na lugar, maging alerto sa lagay ng panahon, at patuloy na subaybayan ang mga opisyal na anunsyo ng paaralan at pamahalaan.

❤️🙏 Kaligtasan muna bago ang lahat. Ingat, MonSenians!

17/08/2026

📢 𝗔𝗗𝗩𝗜𝗦𝗢𝗥𝗬 | 𝗔𝗟𝗧𝗘𝗥𝗡𝗔𝗧𝗜𝗩𝗘 𝗟𝗘𝗔𝗥𝗡𝗜𝗡𝗚 𝗠𝗢𝗗𝗔𝗟𝗜𝗧𝗜𝗘𝗦 𝗦𝗔 𝗟𝗔𝗚𝗨𝗡𝗔 𝗦𝗔 𝗔𝗚𝗢𝗦𝗧𝗢 𝟭𝟴

Batay sa Memorandum Circular No. 128 ng Office of the President – Malacañang, kaugnay ng patuloy na malakas na pag-ulan dulot ng Southwest Monsoon (Habagat) at mga Heavy Rainfall Warning ng PAGASA, ipatutupad ang Alternative Learning Modalities para sa lahat ng antas sa pampubliko at pribadong paaralan sa Lalawigan ng Laguna sa Agosto 18, 2026.

𝙒𝙖𝙡𝙖 𝙢𝙪𝙣𝙖𝙣𝙜 𝙛𝙖𝙘𝙚-𝙩𝙤-𝙛𝙖𝙘𝙚 𝙘𝙡𝙖𝙨𝙨𝙚𝙨. Ang mga paaralan ay gagamit ng angkop na Alternative Learning Modalities (ALM) upang maipagpatuloy ang pagkatuto, maliban kung may ibang direktiba mula sa kaukulang Local Chief Executive. Hinggil dito, tayo ay 𝙈𝙊𝘿𝙐𝙇𝘼𝙍 MODALITY.

Samantala, ang mga ahensiya ng pamahalaan na may kinalaman sa basic at health services, disaster preparedness and response, at iba pang vital services ay magpapatuloy sa kanilang operasyon.

Paalala sa lahat ng MonSenians: Unahin ang kaligtasan, manatili sa ligtas na lugar, at patuloy na subaybayan ang mga opisyal na anunsyo ng paaralan at lokal na pamahalaan.

Sa panahon ng pag-ulan, kaligtasan muna—ang pagkatuto ay patuloy nating dadalhin saanman.

17/08/2026

📢 𝗔𝗗𝗩𝗜𝗦𝗢𝗥𝗬 | 𝗜𝗠𝗣𝗟𝗘𝗠𝗘𝗡𝗧𝗔𝗧𝗜𝗢𝗡 𝗢𝗙 𝗔𝗟𝗧𝗘𝗥𝗡𝗔𝗧𝗜𝗩𝗘 𝗟𝗘𝗔𝗥𝗡𝗜𝗡𝗚 𝗠𝗢𝗗𝗔𝗟𝗜𝗧𝗜𝗘𝗦

Batay sa Memorandum Circular No. 127 ng Office of the President – Malacañang, in view of the Heavy Rainfall Warnings issued by PAGASA due to continuous heavy rainfall associated with the Southwest Monsoon (Habagat), ipatutupad ang Alternative Learning Modalities (ALMs) para sa mga klase sa lahat ng antas sa pampubliko at pribadong paaralan sa mga nabanggit na lugar, maliban kung may ibang direktiba mula sa kani-kanilang Local Chief Executives.

Kabilang sa mga lalawigang tinukoy sa Circular ang Laguna, kasama ang Cavite, Batangas, Rizal, Quezon, Occidental Mindoro, at iba pang lugar na nakasaad sa kautusan.

Para sa ating mga MonSenians: Mananatili ang pagpapatuloy ng pagkatuto sa pamamagitan ng angkop na alternative learning modalities (𝗠𝗢𝗗𝗨𝗟𝗔𝗥), alinsunod sa mga panuntunan at abiso ng paaralan.

Kaligtasan ang pangunahing prayoridad. Patuloy na maging alerto, subaybayan ang mga opisyal na anunsyo, at mag-ingat sa gitna ng patuloy na pag-ulan.

15/08/2026

🎂✨ 𝗕𝗜𝗥𝗧𝗛𝗗𝗔𝗬 𝗦𝗣𝗢𝗧𝗟𝗜𝗚𝗛𝗧 | 𝗦𝗜𝗥 𝗥𝗔𝗖𝗘𝗟! 🎂✨

Sa bawat salitang itinuturo, may wikang binibigyang-buhay; sa bawat pananaliksik, may katotohanang hinahanap; sa bawat likhang ibinabahagi, may ngiting iniiwan.

Bilang isang Language Teacher, Research Teacher, content creator, at multi-talented educator, dala mo ang husay na hindi lamang nagtuturo kundi nagbibigay-saya at inspirasyon. Ngunit higit sa lahat, ikaw ay isang Gurong Humanista—may pusong kumakapit sa kultura, may tinig na naninindigan para sa bayan, at may kamay na laging nakahandang umunawa at maglingkod sa kapwa. Nawa’y patuloy kang maging salita para sa kulturang dapat alalahanin, tinig para sa bayang dapat mahalin, at liwanag para sa kapwang nangangailangan ng pag-asa.

Sa bagong pahina ng iyong buhay, nawa’y dumami ang biyaya, saya, kaalaman, at mga kuwentong karapat-dapat isulat. Maligayang kaarawan, Sir Racel, patuloy na maging g**o ng wika, mananaliksik ng katotohanan, tagapaghatid ng good vibes, at humanistang may puso para sa bayan at kapwa. 🇵🇭📚💚