Architecture Student Council - NU Laguna

“𝐀𝐧𝐠 𝐭𝐮𝐧𝐚𝐲 𝐧𝐚 𝐬𝐞𝐫𝐛𝐢𝐬𝐲𝐨 𝐚𝐲 𝐡𝐢𝐧𝐝𝐢 𝐤𝐚𝐢𝐥𝐚𝐧𝐦𝐚𝐧 𝐩𝐢𝐧𝐢𝐩𝐢𝐥𝐢𝐭—𝐤𝐮𝐬𝐚𝐧𝐠 𝐝𝐮𝐦𝐚𝐝𝐚𝐥𝐨𝐲 𝐢𝐭𝐨 𝐦𝐮𝐥𝐚 𝐬𝐚 𝐩𝐮𝐬𝐨𝐧𝐠 𝐦𝐚𝐲 𝐦𝐚𝐥𝐚𝐬𝐚𝐤𝐢𝐭.”

𝗠𝗮𝗹𝗶𝗴𝗮𝘆𝗮𝗻𝗴 𝗸𝗮𝗮𝗿𝗮𝘄𝗮𝗻 𝘀𝗮 𝗶𝘀𝗮 𝘀𝗮 𝗽𝗶𝗻𝗮𝗸𝗮-𝗺𝗮𝗮𝗮𝘀𝗮𝗵𝗮𝗻𝗴 𝗵𝗮𝗹𝗶𝗴𝗶 𝗻𝗴 𝗮𝘁𝗶𝗻𝗴 𝗟𝘂𝗽𝗼𝗻 𝗻𝗴 𝗟𝗼𝗵𝗶𝘀𝘁𝗶𝗸𝘀, 𝗝𝗮𝘀𝘁𝗶𝗻𝗲 𝗔𝗻𝗱𝗿𝗲𝗮!

Maraming salamat sa iyong walang sawang paglilingkod para sa ating mga Arkids. Sa bawat event at proyekto, ramdam namin ang iyong tiyaga, ingat, at dedikasyon upang masig**ong handa at maayos ang lahat. Tunay kang may pusong handang maglingkod.

Kaya mula sa 𝗔𝗿𝗰𝗵𝗶𝘁𝗲𝗰𝘁𝘂𝗿𝗲 𝗦𝘁𝘂𝗱𝗲𝗻𝘁 𝗖𝗼𝘂𝗻𝗰𝗶𝗹, lubos naming ipinapaabot ang aming taos-pusong paghanga at pagsaludo sa iyong sipag, malasakit, at pagiging inspirasyon para sa iba. Nawa’y ang araw na ito ay maging magaan para sa’yo, maging puno ng kasiyahan, at biyayang hindi mo inaasahan.

“𝗔𝗿𝗰𝗵𝗶𝘁𝗲𝗰𝘁𝘂𝗿𝗲 𝘁𝗲𝗮𝗰𝗵𝗲𝘀 𝘆𝗼𝘂 𝘁𝗵𝗮𝘁 𝗺𝗶𝗿𝗮𝗰𝗹𝗲𝘀 𝗮𝗿𝗲 𝗿𝗲𝗮𝗹, 𝗹𝗶𝗸𝗲 𝘀𝘁𝗮𝗿𝘁𝗶𝗻𝗴 𝗮 𝗽𝗹𝗮𝘁𝗲 𝗮𝘁 𝟯𝗔𝗠 𝗮𝗻𝗱 𝗳𝗶𝗻𝗶𝘀𝗵𝗶𝗻𝗴 𝗶𝘁 𝗳𝗶𝘃𝗲 𝗺𝗶𝗻𝘂𝘁𝗲𝘀 𝗯𝗲𝗳𝗼𝗿𝗲 𝘀𝘂𝗯𝗺𝗶𝘀𝘀𝗶𝗼𝗻 𝘄𝗶𝘁𝗵 𝘀𝗵𝗮𝗸𝘆 𝗵𝗮𝗻𝗱𝘀 𝗮𝗻𝗱 𝗱𝗶𝘃𝗶𝗻𝗲 𝗶𝗻𝘁𝗲𝗿𝘃𝗲𝗻𝘁𝗶𝗼𝗻.” -Future Ar. Bala

"𝐀𝐧𝐠 𝐛𝐥𝐮𝐞𝐩𝐫𝐢𝐧𝐭 𝐚𝐲 𝐩𝐚𝐭𝐮𝐧𝐚𝐲 𝐧𝐚 𝐚𝐧𝐠 𝐛𝐚𝐰𝐚𝐭 𝐭𝐚𝐠𝐮𝐦𝐩𝐚𝐲 𝐚𝐲 𝐧𝐚𝐠𝐬𝐢𝐬𝐢𝐦𝐮𝐥𝐚 𝐬𝐚 𝐦𝐚𝐚𝐲𝐨𝐬 𝐧𝐚 𝐩𝐥𝐚𝐧𝐨.”

Tulad ng isang blueprint, ikaw ang naging pangunahing tagapangasiwa mula sa masuring pagpaplano, at pamamahala sa imbentaryo, 𝗝𝗮𝗻𝗮 𝗙𝗹𝗲𝗿𝗶𝗰𝗲!

Mula sa Architecture Student Council, kami ay nagpapasalamat sa iyong pagiging matapat at pagsusumikap bilang Direktor ng Lohistiko. Lubos kaming bumabati sa'yo ng maligayang kaarawan. Nawa’y magpatuloy ang iyong pusong nagliliyab at nangangarap, bilang isang huwarang arkitekto!

"𝗜𝗳 𝘆𝗼𝘂 𝗰𝗮𝗻 𝗶𝗺𝗮𝗴𝗶𝗻𝗲 𝗶𝘁, 𝘆𝗼𝘂 𝗰𝗮𝗻 𝗯𝘂𝗶𝗹𝗱 𝗶𝘁." - Future Ar. Mangao

𝐒𝐚 𝐛𝐚𝐰𝐚𝐭 𝐩𝐚𝐡𝐢𝐧𝐚 𝐚𝐲 𝐦𝐚𝐲 𝐛𝐚𝐠𝐨𝐧𝐠 𝐥𝐚𝐧𝐝𝐚𝐬 𝐧𝐚 𝐧𝐚𝐠𝐡𝐢𝐡𝐢𝐧𝐭𝐚𝐲

Ang bawat plano sa buhay ay hindi perpekto, hindi wasto, at hindi naayon sa ating kagustuhan. Munting paalala lamang na hindi dito nagtatapos ang plano ng iyong buhay dahil mas may malalim pundasyon ang nakalaan para sayo.

Hangga't may oportunidad at hamon sa buhay, patuloy tayong magsumikap para sa ating pangarap, Arkids!

Isinulat ni: Hannah Eraga
Likhang-diwa ng: Creatives Committee

𝐌𝐮𝐥𝐢𝐧𝐠 𝐏𝐚𝐠𝐤𝐚𝐛𝐮𝐡𝐚𝐲: 𝐓𝐚𝐠𝐮𝐦𝐩𝐚𝐲 𝐧𝐠 𝐩𝐚𝐠-𝐢𝐛𝐢𝐠 𝐚𝐭 𝐩𝐚𝐠-𝐚𝐬𝐚

Matapos ang mga araw ng katahimikan, pagninilay, at pagdadalamhati, ating ipinagdiriwang ang pinakamahalagang pangako ng pananampalataya — 𝗮𝗻𝗴 𝗺𝘂𝗹𝗶𝗻𝗴 𝗽𝗮𝗴𝗸𝗮𝗯𝘂𝗵𝗮𝘆 𝗻𝗶 𝗛𝗲𝘀𝘂𝘀. Sa Kanyang pagbangon, muling nabuhay ang pag-asa sa ating mga puso at pinatunayan na ang pag-ibig ng Diyos ay walang hanggan at walang kapantay.

Ito’y paalala na ang bawat paghihirap ay may katapusan, at bawat luha’y mapapalitan ng kagalakan. Katulad ni Kristo, tayo ay inaanyayahang bumangon mula sa ating mga pagsubok, magpatuloy, at maniwala sa bagong simula na inihahandog sa atin araw-araw.

Ang araw na ito ay simbolo ng bagong simula. Isang pagkakataon upang bumangon mula sa ating mga pagkukulang, at yakapin ang buhay na puno ng kabutihan. At sa kanyang muling pagkabuhay, ipinapakita sa atin na walang kadiliman ang hindi kayang talunin ng liwanag.

Isinulat ni: Ayana Zheine Tabales
Likhang-diwa ni: Jane Resuello

𝐌𝐮𝐥𝐚 𝐬𝐚 𝐊𝐚𝐦𝐚𝐭𝐚𝐲𝐚𝐧 𝐍𝐢 𝐇𝐞𝐬𝐮𝐬: 𝐒𝐚𝐠𝐢𝐬𝐚𝐠 𝐧𝐠 𝐒𝐚𝐤𝐫𝐢𝐩𝐢𝐬𝐲𝐨 𝐚𝐭 𝐃𝐚𝐤𝐢𝐥𝐚𝐧𝐠 𝐏𝐚𝐠𝐦𝐚𝐦𝐚𝐡𝐚𝐥

Ang Mahal na Araw ay sumisimbolo sa pagninilay at pagdadalamhati, at sa huling araw ang katawan ni Hesus ay muling inilatag sa libingan.

Ang kanyang kamatayan ay patunay ng isang malaking sakripisyo sa pagbabayad sa ating mga kasalanan bilang kanyang walang hanggan na pagmamahal. Nawa'y maging isa itong paalala na matuto tayong magpatawad sa ating kapwa at ang bawat sakripisyo ay isang pagpaparamdam ng pagmamahal.

Muli nating isabuhay ang mga aral na ipinakita sa atin ng diwa ng sakripisyo, pag-ibig at pagpapatawad bilang pasasalamat sa dakilang pagmamahal ni 𝗛𝗲𝘀𝘂𝘀. Ang ating pananampalataya ay s'yang humuhubog sa ating pagkatao, nagsilbing gabay at nagpapatibay sa ating puso.

Isinulat ni: Hannah Eraga
Likhang-diwa ni: Erryle Delmo

𝗧𝗮𝗵𝗶𝗺𝗶𝗸 𝗻𝗮 𝗣𝗮𝗴𝗴𝘂𝗻𝗶𝘁𝗮: 𝗕𝗶𝘆𝗲𝗿𝗻𝗲𝘀 𝗦𝗮𝗻𝘁𝗼

Sa araw ng Biyernes Santo, ginugunita natin ang sukdulang sakripisyo, ang pag-aalay ng buhay bilang tanda ng walang hanggang pag-ibig para sa sangkatauhan. Isang paanyaya ito upang tumigil, magnilay, at damhin ang lalim ng Kanyang paghihirap at pagmamahal.

Sa katahimikan ng araw na ito, nawa’y maunawaan natin ang tunay na kahulugan ng pagsasakripisyo, ang pag-ibig na handang magparaya, magpatawad, at mag-alay para sa kapwa. Sa bawat sugat at pasakit na Kanyang tiniis, naroon ang pag-asa at kaligtasan para sa lahat.

Sa araw na ito ng pagninilay, maglaan tayo ng sandali upang manahimik, magdasal, at ialay ang ating puso sa Kanya.

Isang mapagpalang Biyernes Santo sa ating lahat.

Isinulat ni: Elaine Caranto
Likhang-diwa ni: Carl Evangelista

“𝐀𝐧𝐠 𝐬𝐢𝐧𝐢𝐧𝐠 𝐚𝐲 𝐡𝐢𝐧𝐝𝐢 𝐥𝐚𝐧𝐠 𝐧𝐚𝐤𝐢𝐤𝐢𝐭𝐚, 𝐢𝐭𝐨 𝐚𝐲 𝐧𝐚𝐫𝐚𝐫𝐚𝐦𝐝𝐚𝐦𝐚𝐧 𝐬𝐚 𝐛𝐚𝐰𝐚𝐭 𝐝𝐞𝐭𝐚𝐥𝐲𝐞 𝐧𝐚 𝐢𝐧𝐲𝐨𝐧𝐠 𝐛𝐢𝐧𝐮𝐛𝐮𝐨.”

Ngayong ika-3 ng Abril, ipinagdiriwang natin ang kaarawan ng isa sa mga malikhaing puso sa likod ng mga biswal at konseptong nagbibigay-kulay sa ating samahan.

Maligayang kaarawan, 𝗔𝗽𝗿𝗶𝗹 𝗥𝗼𝘀𝗲 𝗚𝗲𝗹𝗹𝗼-𝗔𝗻𝗼!

Bilang miyembro ng Creatives Committee, ang iyong talento, imahinasyon, at dedikasyon ay nagsisilbing buhay ng ating mga disenyo at proyekto. Sa bawat konseptong iyong binubuo at ideyang iyong ibinabahagi, mas lalo mong pinapatingkad ang identidad at diwa ng ASC.

Nawa’y maging makulay, masaya, at puno ng inspirasyon ang iyong espesyal na araw. Patuloy kang maging liwanag sa larangan ng paglikha, isang inspirasyon na patuloy na nagbibigay-buhay sa ating mga adhikain bilang iisang komunidad.

"𝐀𝐫𝐜𝐡𝐢𝐭𝐞𝐜𝐭𝐮𝐫𝐞 𝐢𝐬 𝐧𝐨𝐭 𝐣𝐮𝐬𝐭 𝐚𝐛𝐨𝐮𝐭 𝐛𝐮𝐢𝐥𝐝𝐢𝐧𝐠 𝐬𝐭𝐫𝐮𝐜𝐭𝐮𝐫𝐞𝐬; 𝐢𝐭’𝐬 𝐚𝐛𝐨𝐮𝐭 𝐬𝐡𝐚𝐩𝐢𝐧𝐠 𝐞𝐱𝐩𝐞𝐫𝐢𝐞𝐧𝐜𝐞𝐬. 𝐈 𝐛𝐞𝐥𝐢𝐞𝐯𝐞 𝐞𝐯𝐞𝐫𝐲 𝐬𝐩𝐚𝐜𝐞 𝐬𝐡𝐨𝐮𝐥𝐝 𝐭𝐞𝐥𝐥 𝐚 𝐬𝐭𝐨𝐫𝐲, 𝐞𝐯𝐨𝐤𝐞 𝐞𝐦𝐨𝐭𝐢𝐨𝐧, 𝐚𝐧𝐝 𝐬𝐞𝐫𝐯𝐞 𝐚 𝐩𝐮𝐫𝐩𝐨𝐬𝐞 𝐛𝐞𝐲𝐨𝐧𝐝 𝐢𝐭𝐬 𝐰𝐚𝐥𝐥𝐬." -Future Ar. Gello-Ano

“𝐒𝐚 𝐛𝐚𝐰𝐚𝐭 𝐩𝐚𝐠𝐬𝐢𝐤𝐚𝐭 𝐧𝐠 𝐚𝐫𝐚𝐰, 𝐦𝐚𝐲 𝐛𝐚𝐠𝐨𝐧𝐠 𝐬𝐢𝐦𝐮𝐥𝐚. 𝐈𝐬𝐚𝐧𝐠 𝐩𝐚𝐚𝐧𝐲𝐚𝐲𝐚 𝐮𝐩𝐚𝐧𝐠 𝐦𝐚𝐭𝐮𝐭𝐨, 𝐦𝐚𝐠𝐛𝐚𝐠𝐨, 𝐚𝐭 𝐭𝐮𝐦𝐢𝐛𝐚𝐲 𝐚𝐧𝐠 𝐩𝐮𝐬𝐨.”

Sa araw na ito, ipinagdiriwang natin ang kaarawan ng ating masining, masigla, at puno ng inspirasyong 𝗗𝗶𝗿𝗲𝗸𝘁𝗼𝗿 𝗻𝗴 𝗠𝗮𝗹𝗶𝗸𝗵𝗮𝗶𝗻𝗴 𝗧𝗮𝘂𝗵𝗮𝗻, 𝗕𝗯. 𝗔𝗶𝘃𝘆 𝗝𝗮𝗻𝗲 𝗥𝗲𝘀𝘂𝗲𝗹𝗹𝗼🎈

Sa bawat proyektong iyong hinahawakan at ideyang iyong binubuo, dama ang tunay na puso ng isang artistang lider—malikhain, mapagmalasakit, at may malasang direksyon sa bawat nilalaman. Nawa’y maging mas makulay pa ang bagong yugto ng iyong buhay, puno ng tagumpay, kasiyahan, at walang katapusang inspirasyon.

Mula sa buong 𝗔𝗿𝗰𝗵𝗶𝘁𝗲𝗰𝘁𝘂𝗿𝗲 𝗦𝘁𝘂𝗱𝗲𝗻𝘁 𝗖𝗼𝘂𝗻𝗰𝗶𝗹 taos-puso naming ipinapaabot ang aming pagbati at kagalakan sa espesyal na araw mo. Salamat sa iyong serbisyo at inspirasyon, kami’y patuloy na sumasaludo sa’yo!

"𝗪𝗛𝗔𝗧 𝗪𝗘 𝗕𝗨𝗜𝗟𝗗 𝗘𝗡𝗗𝗦 𝗨𝗣 𝗕𝗨𝗜𝗟𝗗𝗜𝗡𝗚 𝗨𝗦. 𝗚𝗢𝗢𝗗 𝗗𝗘𝗦𝗜𝗚𝗡 𝗗𝗢𝗘𝗦𝗡’𝗧 𝗝𝗨𝗦𝗧 𝗚𝗜𝗩𝗘 𝗨𝗦 𝗔 𝗣𝗟𝗔𝗖𝗘—𝗜𝗧 𝗚𝗜𝗩𝗘𝗦 𝗨𝗦 𝗧𝗛𝗘 𝗙𝗘𝗘𝗟𝗜𝗡𝗚 𝗢𝗙 𝗕𝗘𝗜𝗡𝗚 𝗪𝗛𝗢𝗟𝗘 𝗔𝗚𝗔𝗜𝗡."
-Future Ar. Resuello

𝐓𝐚𝐡𝐢𝐦𝐢𝐤 𝐧𝐚 𝐏𝐚𝐠-𝐚𝐥𝐚𝐚𝐥𝐚: 𝐇𝐮𝐰𝐞𝐛𝐞𝐬 𝐒𝐚𝐧𝐭𝐨

Sa araw na ito ng Huwebes Santo, inaalala natin ang huling hapunan at ang walang hanggang pag-ibig at sakripisyo. Isang paanyaya ito upang magnilay, magpakumbaba, at muling kumonek sa ating pananampalataya.

Sa gitna ng ating mga pagsubok, nawa’y maunawaan natin ang tunay na kahulugan ng 𝗽𝗮𝗴𝗺𝗮𝗺𝗮𝗵𝗮𝗹, 𝘀𝗮𝗸𝗿𝗶𝗽𝗶𝘀𝘆𝗼, 𝗮𝘁 𝗽𝗮𝗴𝗽𝗮𝗽𝗮𝘁𝗮𝘄𝗮𝗱. Tulad ng ipinakita, ang 𝗽𝗮𝗴𝗹𝗶𝗹𝗶𝗻𝗴𝗸𝗼𝗱 𝘀𝗮 𝗸𝗮𝗽𝘄𝗮 ay hindi nasusukat sa laki, kundi sa 𝘁𝗮𝗶𝗺𝘁𝗶𝗺 𝗻𝗮 𝗽𝘂𝘀𝗼. Nawa’y maging gabay natin ang 𝗸𝗮𝗯𝗮𝗯𝗮𝗮𝗻𝗴-𝗹𝗼𝗼𝗯 𝗮𝘁 𝗽𝗮𝗻𝗮𝗻𝗮𝗺𝗽𝗮𝗹𝗮𝘁𝗮𝘆𝗮 sa bawat hakbang ng ating buhay.

Sa katahimikan ng gabing ito, maglaan tayo ng sandali upang magpasalamat, magnilay, at magdasal. Isang mapagpalang Huwebes Santo sa ating lahat.

Isinulat ni: Nathaniel Dipagan
Likhang-diwa ni: April Gello-Ano

Ang arkitektura’y hindi lang tungkol sa pagtatayo, kundi sa paglikha ng espasyong may layunin at puso. Sa bawat disenyo, hindi lamang pader ang binubuo, dahil bawat detalye ay may dahilan, at bawat disenyo’y may layuning magbigay.

Sa bawat espasyong nalilikha, unti-unting nabubuo ang mga simpleng sandali at mahahalagang alaala. Nagaganap ang bagong simula, pagbabago, at paglago ng bawat isa. Kaya’t ang arkitektura’y hindi lamang nakikita—ito’y nararanasan, pinapahalagahan, at nagiging bahagi ng bawat buhay. 🏛️

Isinulat ni: Ayana Zheine Tabales
Likhang-diwa nina: Errylle Delmo at Jane Resuello

𝐁𝐄𝐄𝐏 𝐁𝐄𝐄𝐏 𝐁𝐄𝐄𝐏! 𝐒𝐚𝐤𝐚𝐲 𝐧𝐚 𝐩𝐚𝐭𝐮𝐧𝐠𝐨 𝐬𝐚 𝐦𝐚𝐬𝐚𝐲𝐚𝐧𝐠 𝐚𝐥𝐚𝐚𝐥𝐚! 📢🖍🎨

Naganap noong 𝗶𝗸𝗮-𝟭𝟵 𝗻𝗴 𝗠𝗮𝗿𝘀𝗼 𝟮𝟬𝟮𝟲, mula umaga hanggang tanghali, ang 𝗖𝗼𝗺𝗺𝘂𝗻𝗶𝘁𝘆 𝗘𝘅𝘁𝗲𝗻𝘀𝗶𝗼𝗻 (𝗖𝗢𝗠𝗘𝗫) na inihandog ng 𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝗔𝗿𝗰𝗵𝗶𝘁𝗲𝗰𝘁𝘂𝗿𝗲 sa 𝗕𝗿𝗴𝘆. 𝗠𝗶𝗹𝗮𝗴𝗿𝗼𝘀𝗮 𝗗𝗮𝘆𝗰𝗮𝗿𝗲 𝗖𝗲𝗻𝘁𝗲𝗿.

Ang "𝗯𝗲𝗲𝗽 𝗯𝗲𝗲𝗽" na narinig niyo ay hindi galing sa trapik, kundi sa sasakyan ng pagtulong ng ating mga g**o! Sa gawaing ito, naging makulay at masaya ang oras ng mga bata habang tumatanggap ng coloring books at krayola mula sa ating mga g**o. Ibinahagi nila ang kanilang oras at talento upang mahikayat ang mga bata na gamitin ang kanilang imahinasyon at pagiging malikhain.

Isang malaking pasasalamat sa ating 𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝗔𝗿𝗰𝗵𝗶𝘁𝗲𝗰𝘁𝘂𝗿𝗲 𝗙𝗮𝗰𝘂𝗹𝘁𝘆 sa patuloy na pagpapakita na ang serbisyo ay isang magandang uri ng sining. ✨️

Isinulat ni: Pearl Reyes
Likhang-diwa ni: Jane Resuello

Sa pagwawakas ng 𝗥𝗮𝗺𝗮𝗱𝗮𝗻, ating ipinagdiriwang ang isang araw na puno ng pasasalamat, kapayapaan, at pagmamahalan.

Kaya ngayong araw, aming ipinapaabot ang mainit na pagbating happy 𝗘𝗶𝗱 𝗔𝗹-𝗙𝗶𝘁𝗿 sa lahat, bilang selebrasyon ng bunga ng pananampalataya, sakripisyo, at pagtitiis na hinubog sa buong buwan ng Ramadan. Nawa’y ang bawat dasal na inialay at bawat pagtitiis na pinagdaanan ay mapalitan ng walang kapantay na biyaya, kapayapaan, at kasiyahan.

Nawa’y patuloy nating isabuhay ang diwa ng pagkakaisa, pagpapatawad, at pagbibigayan, hindi lamang ngayong araw, kundi sa araw-araw ng ating buhay.

𝑬𝒊𝒅 𝑴𝒖𝒃𝒂𝒓𝒂𝒌! ✨

Isinulat ni: Ayana Zheine Tabales
Likhang-diwa ni: Winn Sagun