DepEd Lumbang na Bata ES- SDO Calaca City

06/09/2026

Congratulations, RHAYN EMMANUEL M. DE VILLA for representing LUMBANG NA BATA ELEMENTARY SCHOOL in the Councilwide Search for THAT'S MY KAB 2026!

Truly, LNBES Family is so proud of you and your achievements!

Special thanks to the very supportive parents, Mr. and Mrs. De Villa; to his great coach, Mrs. Aileen P. Felix; and to the proud adviser, Mrs. Jel Ann C. Manalo.

26/08/2026

🏫 Pagpapasinaya at Pagbabasbas ng Mayor Nas Ona Type H.E. Building sa LNBES

Isang makabuluhan at makasaysayang pagkakataon ang nasaksihan sa Lumbang na Bata Elementary School (LNBES) noong Agosto 25, 2026, ganap na alas-3:00 nang hapon, sa isinagawang Pagpapasinaya at Pagbabasbas ng Mayor Nas Ona Type Home Economics (H.E.) Building.

Naging bahagi ng makabuluhang seremonya sina Mayor Sofronio “Nas” C. Ona, Jr., kasama si Dra. Marjolyne Sharon V. Ona, mga Miyembro ng Sangguniang Panlungsod sa pangunguna ni Vice Mayor Jerry Rafael I. Katigbak, at ang top management ng Schools Division Office (SDO) Calaca City sa pangunguna ni Dr. Gregorio T. Mueco, CESO VI, Schools Division Superintendent, kasama sina Miss Nadine C. Celindro, OIC-ASDS; at Dr. Anabel R. Marasigan, Chief-CID.

Ang makasaysayang okasyong ito ay naging pagkakataon upang kilanlin at pasalamatan ang lahat ng naging bahagi ng pagtatayo at pagkumpleto ng nasabing gusali: mga sponsors, donors, katuwang na tanggapan, stakeholders, mga magulang, PTA officers, at mga indibidwal na nagpaabot ng kanilang suporta at malasakit para sa mga mag-aaral ng LNBES.

Ang Mayor Nas Ona Type H.E. Building ay hindi lamang isang bagong pasilidad. Ito ay isang espasyo para sa pagkatuto, pagsasanay, paglinang ng kasanayan, at paghahanda sa mga mag-aaral para sa kanilang kinabukasan. Sa pamamagitan nito, mas mapalalakas ang pagtuturo ng mga kasanayang praktikal at kapaki-pakinabang sa pang-araw-araw na buhay.

Buong-pusong nagpapasalamat ang LNBES Faculty and Staff, sa pangunguna ng OIC/Master Teacher I Dr. John Rich D. Buño, sa lahat ng dumalo at nakibahagi sa makabuluhang pagtitipong ito. Ang inyong presensya ay patunay ng pagkakaisa at sama-samang pagkilos para sa kapakanan ng mga bata.

Lubos din ang pasasalamat ng paaralan sa lahat ng sponsors at donors na naging katuwang sa pagkakaroon ng gusaling ito. Ang inyong kabutihang-loob ay magsisilbing bahagi ng patuloy na kuwento ng pag-unlad ng Lumbang na Bata Elementary School.

Isang gusali, isang pangarap, isang sama-samang tagumpay.
Sa LNBES, patuloy nating itinataguyod ang isang paaralang may ligtas, maayos, at makabuluhang kapaligiran para sa bawat batang Calacazen.

Mabuhay ang Lumbang na Bata Elementary School!
Mabuhay ang mga katuwang sa edukasyon!
Mabuhay ang Lungsod ng Calaca! 💙💛

26/08/2026

Pasasalamat sa Pamamahagi ng Sapatos sa LNBES

Isang masayang at makabuluhang hapon ang nasaksihan sa Lumbang na Bata Elementary School (LNBES) noong Agosto 25, 2026, ganap na 2:30 ng hapon, sa isinagawang Distribusyon ng Sapatos para sa mga mag-aaral.

Buong-pusong nagpapasalamat ang LNBES, sa pangunguna ni Dr. John Rich D. Buño, OIC/Master Teacher I, sa Pamahalaang Lungsod ng Calaca sa pangunguna ni Mayor Sofronio “Nas” C. Ona, Jr., Dra. Marjolyne Sharon V. Ona, mga Miyembro ng Sangguniang Panlungsod sa pangunguna ni Vice Mayor Jerry Rafael I. Katigbak, mga pinuno ng iba’t ibang departamento ng Calaca City Government Unit, at sa lahat ng Calaca City taxpayers na patuloy na naglalaan ng suporta para sa kapakanan ng mga kabataan.

Taos-puso rin ang pasasalamat ng LNBES Faculty and Staff, PTA Officers, mga magulang, at mga mag-aaral sa mahalagang handog na sapatos na magsisilbing dagdag na suporta sa kanilang pagpasok at pakikilahok sa mga gawaing pampaaralan.

Nagpapasalamat din ang paaralan sa Top Management ng SDO Calaca City sa pangunguna nina Dr. Gregorio T. Mueco, CESO VI, Schools Division Superintendent; Miss Nadine C. Celindro, OIC-ASDS; Dr. Anabel R. Marasigan, Chief-CID; at Dr. Aprilito C. De Guzman, OIC-SGOD Chief, sa patuloy na paggabay at pakikiisa sa mga programang naglalayong itaguyod ang kapakanan at pag-unlad ng bawat mag-aaral.

Ang gawaing ito ay higit pa sa simpleng pamamahagi ng sapatos. Ito ay isang makabuluhang hakbang tungo sa patuloy na pagsulong at pag-unlad ng bawat bata—hindi lamang sa aspektong pang-akademiko, kundi maging sa kanilang emosyonal, panlipunan, at personal na pag-unlad. Patunay ito na sa bawat hakbang ng Pamahalaang Lungsod ng Calaca, laging isinasaalang-alang ang kapakanan, pangangailangan, at kinabukasan ng bawat Calacazen learner.

Sa bawat sapatos na ipinagkaloob, isang mensahe ang naiiwan: may pamahalaang handang umagapay, may komunidad na handang tumulong, at may mga g**ong patuloy na gagabay.

Dahil sa Lumbang na Bata Elementary School, tunay na dama ang Saya, Husay, at Tamang Asal ng bawat Calacazen! 💙💛

Laging Tama ang Gawa sa Lungsod ng Calaca!
Para sa Bata. Para sa Kinabukasan. Para sa Calaca! 🇵🇭👟

23/08/2026

Ikalawang Araw ng Pampalakasang Pampaaralan 2026

Matagumpay na ipinagpatuloy ng Lumbang na Bata Elementary School ang ikalawang araw ng Pampalakasang Pampaaralan (School Intramurals) 2026 noong Agosto 23, 2026. Naging masigla at kapana-panabik ang buong araw dahil sa aktibong pakikilahok ng mga mag-aaral mula sa apat na pangkat—Yellow Champions, Red Falcons, Blue Blazers, at Green Legends.

Ipinamalas ng mga batang atleta ang kanilang husay, determinasyon, disiplina, at sportsmanship sa iba't ibang larong pampalakasan. Sa bawat kompetisyon, kapansin-pansin ang kanilang pagsisikap na maibigay ang kanilang makakaya habang pinananatili ang paggalang sa mga katunggali, opisyal, g**o, at kapwa manlalaro.

Hindi lamang kompetisyon ang namayani sa ikalawang araw, kundi maging ang pagkakaisa, pagtutulungan, camaraderie, at pagmamalaki sa kani-kanilang pangkat. Patuloy ding naging katuwang ng mga mag-aaral ang mga g**o at sports coordinator sa pagpapatupad ng mga palaro upang matiyak ang maayos, ligtas, at makabuluhang pagdaraos ng Intramurals.

Sa pangunguna ng pamunuan ng paaralan at sa sama-samang pagsisikap ng mga g**o, coaches, athletes, at buong komunidad ng Lumbang na Bata Elementary School, naging makabuluhan ang ikalawang araw ng Pampalakasang Pampaaralan 2026. Higit sa mga medalya at pagkapanalo, ang tunay na tagumpay ay nasasalamin sa mga aral, pagkakaibigan, karanasan, at pagpapahalagang nabuo sa bawat kalahok.

23/08/2026

Pasasalamat sa Monitoring ng Pampalakasang Pampaaralan 2026

Taos-pusong nagpapasalamat ang Lumbang na Bata Elementary School kina Dr. Elma V. Manalo, Education Program Supervisor (EPS) sa Agham, at Dr. Jenevieve P. De Leus, Education Program Supervisor (EPS) sa Araling Panlipunan, sa kanilang pagbisita at pagmomonitor sa Pagbubukas ng Pampalakasang Pampaaralan (School Intramurals) 2026 ng paaralan.

Ang kanilang presensya at paggabay ay naging mahalagang bahagi ng matagumpay na pagsasagawa ng programa. Sa pamamagitan ng kanilang monitoring, nasaksihan nila ang aktibong pakikilahok ng mga mag-aaral, g**o, at iba pang stakeholders sa mga gawaing naglalayong itaguyod ang sportsmanship, disiplina, pagkakaisa, pagtutulungan, at paggalang sa bawat kalahok.

Lubos na pinahahalagahan ng Lumbang na Bata Elementary School ang kanilang panahon, suporta, at positibong pakikipag-ugnayan. Ang kanilang pagbisita ay nagsilbing inspirasyon sa buong komunidad ng paaralan na patuloy na isulong ang mga programang humuhubog sa mga mag-aaral hindi lamang sa larangan ng akademiko kundi maging sa palakasan, karakter, at pakikipagkapwa.

Muli, maraming salamat po, Dr. Elma V. Manalo at Dr. Jenevieve P. De Leus, sa inyong mahalagang suporta at paggabay sa LNBES Intramurals 2026!

23/08/2026

Mr. and Miss LNBES Intramurals 2026

Isa sa mga tampok na bahagi ng LNBES Intramurals 2026 ang masigla at makulay na Mr. and Miss LNBES Intramurals 2026, kung saan nagtipon ang mga kinatawan ng apat na pangkat, Yellow Champions, Red Falcons, Blue Blazers, at Green Legends.

Bawat kalahok ay buong kumpiyansang humarap sa entablado at ipinamalas ang kanilang husay, galing, kagandahan, at personalidad. Hindi lamang panlabas na anyo ang binigyang-halaga sa patimpalak, kundi maging ang tiwala sa sarili, poise, talento, at kakayahang kumatawan sa kanilang pangkat.

Naging makulay ang programa dahil sa masiglang suporta ng mga kasamahan at tagasuporta ng bawat koponan. Ang bawat kinatawan ay nagsilbing inspirasyon sa kanilang mga kapwa mag-aaral at nagpakita na ang tunay na kagandahan at kahusayan ay higit na nakikita sa kumpiyansa, mabuting asal, talento, at sportsmanship.

Sa pamamagitan ng Mr. and Miss LNBES Intramurals 2026, higit na naging makabuluhan ang pagdiriwang ng palakasan sapagkat nabigyan ng pagkakataon ang mga mag-aaral na maipakita ang kanilang natatanging kakayahan, mapalakas ang kanilang tiwala sa sarili, at maitaguyod ang pagkakaisa at pagmamalaki sa kani-kanilang pangkat.

23/08/2026

Ligtas ang handa at ang may alam!

Samahan po natin ang Kagawaran ng Edukasyon sa pagiging handa sa banta ng shooting incident sa mga paaralan.

Maging handa tayo sa anumang karahasan.

SDO Calaca City Joins the Nationwide School Safety Drill

On August 25, 2026 at 9:00 AM, all public and private schools under the Division of Calaca City will actively participate in the School Safety Drill for Active Attack Incidents.

This initiative reflects our unwavering commitment to safeguarding learners, strengthening preparedness, and fostering a culture of resilience in every school community. Together, we stand ready to protect and empower our students.

For reference, please read Division Memorandum 477 s. 2026:
https://www.google.com/url?q=https://drive.google.com/file/d/1JQlZcM43e4Mvd-YPiMcMxTsOGOEUeWeJ/view?usp%3Ddrive_link&sa=D&source=editors&ust=1787215347412900&usg=AOvVaw3ycHZWnFGGZREACZNDXIc5

23/08/2026

Pampalakasang Pampaaralan 2026 ng Lumbang na Bata Elementary School

Matagumpay na isinagawa ng Lumbang na Bata Elementary School ang Pampalakasang Pampaaralan (School Intramurals) 2026 noong Agosto 22–23, 2026, sa pangunguna ni Dr. John Rich D. Buño, OIC/Dalubg**o I, katuwang ang mga masisipag na g**o ng paaralan at si Gng. Aileen P. Felix, Sports Coordinator. Layunin ng gawaing ito na malinang hindi lamang ang kakayahan ng mga mag-aaral sa iba’t ibang larangan ng palakasan kundi maging ang kanilang disiplina, sportsmanship, pagtutulungan, pagkakaisa, at paggalang sa kapwa.

Sinimulan ang dalawang-araw na pagdiriwang sa pamamagitan ng isang masiglang parada na nilahukan ng mga atleta, g**o, at iba pang kasapi ng paaralan. Ang parada ay nagsilbing paraan upang ipabatid sa komunidad ang pagsisimula ng School Intramurals 2026 at maipakita ang sigla at suporta ng paaralan para sa pagpapaunlad ng talento at kakayahan ng mga kabataan sa larangan ng palakasan.

Matapos ang parada ay isinagawa ang pormal na pagbubukas ng Intramurals sa pangunguna ng OIC ng paaralan. Sa pamamagitan ng pambungad na programa, binigyang-diin ang kahalagahan ng palakasan bilang mahalagang bahagi ng paghubog sa mga mag-aaral tungo sa pagiging disiplinado, responsable, determinado, at marunong makipagtulungan.

Nagbigay rin ng karagdagang kulay at kasiglahan sa programa ang pagpapakilala at pagtatanghal ng mga musa at konsorte ng bawat kopunan sa Mr. and Miss Intramurals 2026. Ipinamalas nila ang kanilang kumpiyansa, husay, at galing sa entablado habang kumakatawan sa kani-kanilang pangkat o isports. Naging tampok din ito ng programa dahil naipakita ng mga mag-aaral ang kanilang talento hindi lamang sa palakasan kundi maging sa larangan ng pagtatanghal.

Pagkatapos ng pormal na programa ay agad namang sinimulan ang mga paligsahan at larong pampalakasan para sa unang araw. Buong sigasig na nakilahok ang mga mag-aaral sa iba’t ibang kompetisyon, habang ipinamalas ang kanilang husay, determinasyon, at pakikipagtulungan sa kani-kanilang koponan.

Ang School Intramurals 2026 ng Lumbang na Bata Elementary School ay naging isang makabuluhang pagkakataon upang higit na mapalakas ang sportsmanship, disiplina, teamwork, camaraderie, at respeto sa bawat kalahok ng mga atletang Calacazen. Kagaya ng tema sa taong ito: Empowering Calacazen Athletes: Cultivating Excellence, Character, and Unity through Sports" ang paghubog sa lahat ng mga bata at atletang Calacazen ng bawat pagpapahalaga at maburing asal na dapat matutunan ng Calacazen learners.

Sa pamamagitan ng sama-samang pagkilos ng pamunuan, mga g**o, sports coordinator, mag-aaral, at buong komunidad ng paaralan, naging matagumpay ang unang araw ng pagdiriwang ng palakasan at naitaguyod ang diwa ng pagkakaisa at kahusayan sa bawat batang Lumbang na Bata.

17/08/2026

Magandang gabi po sa lahat!

Kita-kita po tayo bukas, Agosto 18, 2026 sa ganap na ika-8:00 nang umaga para po sa Pagpapasinaya po ng Mayor Nas Ona Type HE Building ng Lumbang na Bata ES, at ang Distribution ng ating Sapatos mula po sa Lungsod ng Calaca!

Ingat po tayong lahat!

UPDATE:

Upang masig**o ang kaligtasan ng lahat, hindi po muna matutuloy ang Blessing ng HE Building ng LNBES. Mangyaring maghintay pong muli sa bagong update hinggil dito.

Maraming salamat po at ingat po tayong lahat!

16/08/2026

Magandang gabi po sa ating lahat!

Ipagpaumanhin po ninyo na hindi maisasagawa ang Blessing ng Multipurpose HE Building ng Lumbang na Bata Elementary School sa itinakdang araw na dapat po ay bukas, Agosto 17, 2026, 8:00AM.

Ang dahilan po ng pagkaantala ng nasabing aktibidad ay dahil sa hindi magandang lagay ng panahon bukas base na rin sa forecast ng DOST-PAGASA.

Ang nasabing BLESSING ay gaganapin na po sa MARTES, ika-18 ng AGOSTO 2026, 8:00 nang umaga.

Hangad po naming lahat ang inyong kaligtasan. Mag-ingat po tayong lahat palagi.

Maraming salamat po!