Samahan ng mga Mag-aaral at Guro sa Filipino - CTNHS

Mula sa puso ng samahan ng mga mag-aaral at g**o sa Filipino, isang malaking pagbati at taos-pusong pagmamalaki ang aming handog kina 𝗝𝗮𝘀𝗶𝗿𝗶𝗻𝗲 𝗠𝗮𝗺𝗮𝗿𝗶𝗹 at 𝗝𝗼𝗵𝗻 𝗠𝗶𝗰𝗵𝗮𝗲𝗹 𝗧𝗮𝗻𝗶𝗴! Isang karangalan na masaksihan ang inyong pakikilahok sa patimpalak na Binibini at Ginoong BSP.

Sa inyong laban, hindi lamang ang inyong karisma at kagandahan ang aming ipagdiriwang, kundi pati na rin ang inyong dedikasyon at katapangan. Naniniwala kami na ang inyong kakayahan ay magbibigay karangalan hindi lamang sa inyong mga sarili, kundi sa ating minamahal na paaralan. Gabayan kayo nawa ng Poong Maykapal sa inyong paglaban!

✍🏻 Anjela Samson

𝗠𝗮𝗴-𝗶𝗻𝗴𝗮𝘆, 𝗕𝗮𝘁𝗮𝗻𝗴 𝗜𝘀𝗸𝗮𝘄𝘁!

Isa sa mga pinakahinihintay na gawain ng mga mag-aaral ang BSP at GSP Day Camp na sa wakas ay matagumpay nang naisakatuparan ngayong araw. Ang Day Camp na ito ay bahagi ng BSP (Boy Scouts of the Philippines) at GSP (Girl Scouts of the Philippines) na layuning magbigay ng mga pagsasanay at aktibidad upang mas mapaigting ang mga kasanayan sa pamumuno, kooperasyon, at pagkakaroon ng malasakit sa kapwa. Sa pamamagitan ng iba't ibang palaro at aktibidad, muling nabuhay ang diwa ng pagiging isang batang iskawt ng Camp Tinians—matapang, matatag, at may malasakit sa kapwa.

Nawa'y sa mga karanasang ito, maisabuhay ng mga mag-aaral ang mga pagpapahalaga at aral na ibinahagi sa iskawting. Walang makakapigil sa kasiyahan ng mga batang iskawt, na muling maranasan ang ganitong mga aktibidad, kahit pa ang init ng panahon ang kalaban.

✍️ Eingel Rhei Gutierrez
💻 Joella Mallare, Shaneiah Gayla, Zelder Vyse Arive, Ris Ison, Leal Ivan Domincel, Tricia Ricaplaza, Dhavid Madrid

Ang Araw ng mga Santo ay natatanging pagdiriwang tuwing unang araw ng Nobyembre, isang araw ng paggunita sa mga banal ng Simbahang Katoliko at sa mga mahal sa buhay na pumanaw. Sa pamamagitan ng pagsisindi ng kandila, taimtim na panalangin, at pag-aalay ng bulaklak, inaalala ng mga Pilipino ang diwa at alaala ng mga yumao bilang simbolo ng patuloy na pagmamahal at ugnayan sa kabila ng kamatayan.

Kaya't sa kabila ng pagbabago ng panahon, nawa'y patuloy at buong puso nating alalahanin ang araw na ito. Muli, Mapagpalang Araw ng mga Santo sa ating lahat!

✍🏻 Ellyka Rosette Vega
💻 Leal Ivan Domincel

𝗞𝘂𝗹𝘁𝘂𝗿𝗮𝗻𝗴 𝗚𝗮𝘄𝗶 𝗡𝗴 𝗣𝗶𝗻𝗼𝘆 | 𝗣𝗮𝗻𝗮𝗻𝗮𝗹𝗮𝗻𝗴𝗶𝗻 𝗕𝗮𝗴𝗼 𝗞𝘂𝗺𝗮𝗶𝗻

Huwag na nating patagalin pa, baka magalit ang pagkain at mawala ang lasa. Ngunit bago tayo kumain, huwag nating kalimutan ang pagpapasalamat sa natamo nating biyaya.

Sa araw-araw na pamumuhay ng mga Filipino, likas na sa kanila ang pananalangin bago kumain. Dahil ang pananalangin bago kumain ay isang paraan ng pagbibigay ng pasasalamat sa mga pagkain at biyayang ating natatamo. Ito rin ay nagsisilbing tibay at lakas sa pagkakaisa at pagmamahalaan sa hapag-kainan.

Kaya sa ano mang panahon, ano mang pagkakataon, huwag sana nating kalilimutan ang manalangin!



✍️ Ellyka Rosette Vega
💻 Ellyka Rosette Vega

𝗧𝘂𝗸𝗹𝗮𝘀 𝗦𝗮𝗹𝗶𝘁𝗮 | 𝗗𝗮𝗹𝘂𝗺𝗮𝘁

Nangangahulugang malalim na pag-unawa o pagninilay, kadalasang tumutukoy sa masalimuot na pag-iisip o interpretasyon ng mga bagay.

Halimbawa: Sa bawat pagninilay, bumubuo siya ng mas malalim na dalumat sa kanyang karanasan, natutuhan niyang yakapin ang mga pagsubok bilang bahagi ng kanyang paglalakbay

✍️ Gremory Florendo
💻 Julla Aquino, Gremory Florendo

Naghahanap ka ba ng sign at naguguluhan ang isip sa mga bagay-bagay? Ito na ang sign para sa ‘yo!

“Pagod ka na ba? Sumuko ka na!” Ito ang kadalasang naririnig o nakikita natin kapag dumadating tayo sa punto na hindi na natin alam ang gagawin sa ating buhay. Hindi solusyon ang pagsuko sa kung ano mang pagsubok ang nararanasan mo ngayon. Hingang malalim at isipin ang kada hakbang na gagawin mo dahil hindi naman kailangang magmadali, ika nga “little steps” hinay-hinay lang hindi naman do’n agad natatapos.

Hindi kailangang palaging magpanggap na ayos lang at hindi ka napapagod, kailangan mo rin ng pahinga sa mga bagay-bagay at isiping mabuti ang bumabagabag sa ‘yo, hindi naman kailangang may solusyon agad sa lahat ng pinagdadaanan mo, at kung kinakailangan ng suporta at payo ng ibang malapit sa ‘yo, ‘wag kang mahihiyang lumapit sa kanila dahil sila rin naman ang kakampi mo.



✍️ | 💻 Althea Escuadro

𝗧𝘂𝗸𝗹𝗮𝘀 𝗦𝗮𝗹𝗶𝘁𝗮 | 𝗔𝘄𝗮𝗻𝗴𝗴𝗮𝗻

Nangangahulugang walang hanggan o walang katapusan at karaniwang ginagamit upang ilarawan ang isang bagay na walang hangganan, katulad ng kalawakan, pagmamahal, o buhay na walang kamatayan.

Halimbawa: Ang kanilang pagmamahalan ay tulad ng isang awanggan, patuloy na lumalalim sa kabila ng mga pagsubok at hamon ng buhay, walang hadlang, at walang katapusan.



✍️ Julla Aquino
💻 Julla Aquino, Gremory Florendo

Hindi sukatan ng katalinuhan kung gaano mo kabilis o kabagal mauunawaan ang bawat araling pagdaraanan. Ang tunay na matalino ay hahanap at hahanap ng paraan upang bumangon at magpatuloy sa mga magiging pagkakamali at kabiguan.

Ang bawat tao ay mayro’ng iba’t ibang kakayahan, kung mahina ka sa isang bagay ay paniguradong mayro’n kang ibang kalakasan—hindi kailangang sisihin ang sarili sa mga bagay na hirap kang maunawaan at kainggitan ang mga taong nagtataglay roon ng kagalingan. Tandaang mayro’n ka ring sariling kakayahan—natatangi, at hindi mapapantayan.



✍️ Sunshine De Leon
💻 Althea Escuadro, Angelica Ursua

𝙒𝙍𝙄𝙏𝙀, 𝗞𝗔𝗠𝗘𝗥𝗔, 𝗔𝗞𝗦𝗬𝗢𝗡!

Handang-handa ka na bang ipakita ang iyong galing sa pagsulat? Halina’t sumali sa aming sulat aktibidad bilang pagsalubong sa darating na Undas at Pasko! Ikaw ba ang tatanghaling kampeon?

Sa gagawing aktibidad, ang mga mananalo ay paparangalan bilang 2nd Placer, 1st Placer, at Kampeon. Ang tatanghaling kampeon o mayro’ng pinakamagandang kwento ay gagawan ng isang 𝑭𝒊𝒍𝒎 𝑨𝒅𝒂𝒑𝒕𝒂𝒕𝒊𝒐𝒏 na ipalalabas ngayong Disyembre upang mas mabigyang pagkilala ang akda. Ang lahat ng mga mananalo ay iaanunsyo sa himnasyo.

Maaaring magpasa ng maikling kwento hanggang huling linggo ng Oktubre rito sa Samahan ng nga Mag-aaral at G**o sa Filipino - CTNHS page. Ang mga nanalo ay iaanunsyo sa unang linggo ng Nobyembre.

Huwag palampasin ang pagkakataon na maipamalas ang iyong talento sa pagsulat. Ikaw ang maestro ng iyong obra, sabay-sabay nating lakbayin ang mundo ng iyong imahinasyon!

✍️ Eingel Rhei Gutierrez
💻 Zelder Vyse Arive

𝗦𝗶𝗻𝗼 𝘀𝗶𝘆𝗮? | 𝗙𝗿𝗮𝗻𝗰𝗶𝘀𝗰𝗼 𝗕𝗮𝗹𝗮𝗴𝘁𝗮𝘀

Kilala mo ba kung sino ang may akda ng makasaysayang kwento na Florante at Laura?

Siya si Francisco "Kiko" Balagtas o tinatawag din bilang Prinsipe ng Makatang Tagalog. Si Balagtas ay ipinanganak sa Panginay, Bigaan, Bulacan, na ngayon ay tinatawag na bilang Balagtas, Bulacan, upang bigyan parangal ang naturang Makatang Tagalog.

Dulot ng kahirapan, kinailangan niyang malayo sa piling ng kaniyang mga magulang na sina Juan Balagtas at Juana Delacruz. Upang siya'y makapag-aral, nanilbihan si Kiko bilang isang utusan sa Tondo, Maynila.

Nagsimulang mahasa ang galing at talino ni Kiko sa paglikha ng tula noong siya'y nagbibinata, at malaunan ay kaniyang nalikha ang kwentong Florante at Laura.

Pinagpatuloy niya ang pagsulat at paglikha ng mga tula hanggang sa siya'y bawian ng buhay noong Pebrero 20, 1862.



✍️ | 💻 Princess Hannah Garcia