DepEd Valle Cruz Elementary School

Taos-pusong nagpapasalamat ang Valle Cruz Elementary School kina Richard and Michelle Escobar and Family, kasama si Ma’am Virginia Brothers, sa kanilang kabutihang-loob at malasakit sa ating mga mag-aaral. 🥰

Nagsagawa sila ng Feeding Program at naghandog ng tsinelas para sa mga piling mag-aaral ng paaralan. Ang kanilang munting handog ay malaking tulong at naghatid ng saya at ngiti sa ating mga bata. 👧👦❤️

Maraming salamat po sa inyong pagbabahagi ng biyaya at patuloy na pagsuporta sa mga mag-aaral ng Valle Cruz Elementary School. Tunay na ang inyong kabutihan ay inspirasyon sa buong komunidad. 🙏💙

Mabuhay po kayo at maraming maraming salamat! 🌟

| August 06, 2026
Stay safe, Cabanatueños!

Base sa rekomendasyon ng Provincial Disaster Risk Reduction and Management Office (PDRRMO) at sa bisa ng Executive Order No. 21, Series of 2026, suspendido ang face-to-face classes sa lahat ng antas, pampubliko at pribadong paaralan, ngayong Huwebes, August 6, 2026.

Ang kaligtasan ng lahat ang ating prayoridad. Patuloy po nating bantayan ang mga opisyal na abiso mula sa PAGASA, at sa mga opisyal na pages ng ating mga lokal na pamahalaan para sa mga susunod na update.

📢 PAUNAWA SA LAHAT

Batay sa anunsyong inilabas ni Mayor Myca Vergara sa programang Bantay Bagyo ng DWJJ, mananatiling suspendido ang face-to-face classes sa lahat ng antas, pampubliko at pribadong paaralan, sa Martes, Agosto 4, 2026, dahil sa patuloy na hindi magandang kondisyon ng panahon.

Sa halip, ipatutupad ang Alternative Delivery Mode (ADM) upang maipagpatuloy ang pagkatuto ng ating mga mag-aaral. Hinihikayat ang mga mag-aaral at magulang na makipag-ugnayan sa kanilang mga g**o upang malaman ang mga nakatakdang aralin, gawain, at iba pang kinakailangang tagubilin.

Higit sa lahat, mangyaring unahin ang kaligtasan at kapakanan ng bawat isa.

Mag-ingat po tayong lahat at manatiling updated sa mga susunod na anunsyo. 🙏🌧️

| August 03, 2026

Suspension of Face-to-face classes and shift to Alternative Delivery Mode. All Levels. Public and Private.

Due to effects of Tropical Depression LUIS and Enhanced Southwest Monsoon.

OPISYAL NA PAALALA NG PAMAHALAAN NG BARANGAY VALLE CRUZ

Ang Pamahalaan ng Barangay Valle Cruz ay buong pusong nakikiisa sa pamunuan ng Valle Cruz Elementary School sa pagtitiyak ng kaligtasan ng ating mga mag-aaral, g**o, at buong komunidad.

Nais naming ipabatid na handa ang barangay na magbigay ng kaukulang suporta at koordinasyon sa mga kinauukulang awtoridad upang masig**o ang kapayapaan at kaayusan sa ating nasasakupan.

Kaugnay nito, nakaalerto ang ating Bantay Bayan at ang mga opisyal ng Barangay Valle Cruz sa pangunguna ni Punong Barangay Eduardo S. Samonte upang agad na makatugon sa anumang sitwasyon at mapanatili ang seguridad at kaayusan sa ating komunidad.

Patuloy ding pinaiigting ang mga hakbang sa seguridad para sa kapakanan ng bawat mamamayan.

Sa pamamagitan ng pagkakaisa at pagtutulungan, mapananatili nating ligtas at maayos ang ating komunidad.

Maraming salamat sa inyong patuloy na pagtitiwala at pakikiisa. Pamahalaan ng Barangay Valle Cruz

𝐌𝐀𝐇𝐀𝐋𝐀𝐆𝐀𝐍𝐆 𝐏𝐀𝐀𝐋𝐀𝐋𝐀 𝐒𝐀 𝐀𝐓𝐈𝐍𝐆 𝐊𝐎𝐌𝐔𝐍𝐈𝐃𝐀𝐃

Nais po naming ipabatid na kami ay nakatanggap ng impormasyon tungkol sa isang nakababahalang online post na may kaugnayan sa ating paaralan. Agad pong mino-monitor at tinutugunan ng pamunuan ng Valle Cruz Elementary School ang sitwasyon sa pakikipag-ugnayan sa mga kinauukulang awtoridad upang matiyak ang kaligtasan ng lahat.

Nais naming tiyakin sa lahat ng magulang at mag-aaral na ang kaligtasan at kapakanan ng ating mga mag-aaral ang aming pangunahing prayoridad. Patuloy naming pinaiigting ang mga hakbang sa seguridad at mahigpit na binabantayan ang sitwasyon.

Hinihiling po namin ang kooperasyon ng bawat isa na maging responsable sa paggamit ng social media. Huwag agad maniwala o magbahagi ng mga impormasyong hindi pa beripikado upang maiwasan ang pagkalat ng maling balita at hindi kinakailangang pangamba. Mahalaga rin na iwasan ang pagpapakalat ng mga haka-haka at makinig lamang sa mga opisyal na anunsyo mula sa Valle Cruz Elementary School at sa mga kinauukulang awtoridad. Sa pamamagitan ng ating sama-samang pag-iingat, mapananatili nating ligtas, maayos, at payapa ang ating komunidad.

Inaanyayahan din namin ang mga magulang na kausapin at gabayan ang kanilang mga anak upang manatiling kalmado at maging mapanuri sa mga impormasyong nakikita sa social media.

Maraming salamat po sa inyong patuloy na pagtitiwala, pag-unawa, at pakikiisa. Sa sama-sama nating pagtutulungan, mapananatili nating ligtas at maayos ang ating paaralan.

Isang taos-pusong pasasalamat po kay Mayor Myca Vergara, sa kanyang walang sawang suporta sa edukasyon at sa pagbibigay ng mga materyales na gagamitin sa pagkukumpuni at pagpapaganda ng ating paaralan. Ang inyong kabutihang-loob at malasakit ay malaking tulong upang maging mas ligtas, maayos, at kaaya-aya ang kapaligiran sa pagkatuto ng ating mga mag-aaral. Ang inyong suporta ay nagsisilbing inspirasyon sa buong komunidad na patuloy na magkaisa para sa ikabubuti ng edukasyon.