NEUST Sentro ng Wika at Kultura - SWK

Hindi Ko Na Inilalagay ang Siko Ko sa Kabilang Lamesa

Noong bata ako, madalas kong inilalagay ang siko ko sa lamesa ng kaklase ko. Doon kasi ako komportable. Mas maayos akong nakasusulat dahil napapahinga ang isa kong kamay. Para sa akin noon, normal lang iyon. Hindi ko naiisip kung may epekto ba iyon sa katabi ko, ang mahalaga lang ay komportable ako.

Habang tumatagal, napapansin kong minsan ay natatamaan ng kaklase ko ang kamay ko. Naiinis pa nga ako kapag nagagalaw ang siko ko o kaya’y napuputol ang pagsusulat ko. Ang nasa isip ko noon, sila ang dahilan kung bakit ako naaabala. Hindi ko naisip na baka ako pala ang unang naging dahilan ng kanilang hirap.

Paglipas ng mga taon, saka ko lang naunawaan ang isang simpleng bagay. Hindi ko pala kailangang ilagay ang siko ko sa lamesa ng iba para maging komportable. Maaari naman akong humanap ng paraan na hindi nakaaabala sa katabi ko. Unti-unti kong natutunang may mga bagay na tila maliit lamang, ngunit may malaking epekto sa ibang tao.

Madalas, ginagawa natin ang mga bagay na nagpapagaan sa atin, pero hindi natin napapansing may ibang nahihirapan dahil dito. Dahil hindi natin nararamdaman ang kanilang nararanasan, iniisip nating wala lang iyon. Ngunit kapag inilagay natin ang sarili natin sa kanilang sitwasyon, mas maiintindihan natin kung bakit sila nasasaktan o nahihirapan.

Ngayon, hindi ko na inilalagay ang siko ko sa kabilang lamesa. Hindi dahil hindi na iyon komportable, kundi dahil mas pinipili ko nang isipin ang espasyong kailangan ng iba. Natutuhan kong ang tunay na paggalang ay nagsisimula sa maliliit na bagay. Sa pagbibigay ng sapat na puwang, sa pag-iwas na makaabala, at sa pag-unawang hindi lang tayo ang dapat maging komportable.

Minsan, ang pagiging mabuting tao ay hindi nasusukat sa malalaking sakripisyo. Nagsisimula ito sa mga simpleng desisyong isaalang-alang ang kapakanan ng iba. Dahil sa huli, mas magaan palang mabuhay kapag ang kaginhawaan natin ay hindi kapalit ng paghihirap ng ibang tao.



✍️🎨| Asseth Jevanie Nabong

🇵🇭 𝐁𝐔𝐖𝐀𝐍 𝐍𝐆 𝐖𝐈𝐊𝐀 | 𝑀𝑔𝑎 𝑇𝑎𝑛𝑦𝑎𝑔 𝑛𝑎 𝑀𝑎𝑛𝑢𝑛𝑢𝑙𝑎𝑡 𝑛𝑔 𝑁𝑢𝑒𝑣𝑎 𝐸𝑐𝑖𝑗𝑎

𝘈𝘯𝘨 𝘬𝘢𝘴𝘢𝘺𝘴𝘢𝘺𝘢𝘯 𝘯𝘨 𝘢𝘵𝘪𝘯𝘨 𝘱𝘢𝘮𝘣𝘢𝘯𝘴𝘢𝘯𝘨 𝘱𝘢𝘯𝘪𝘵𝘪𝘬𝘢𝘯 𝘢𝘺 𝘱𝘪𝘯𝘢𝘺𝘢𝘮𝘢𝘯 𝘯𝘨 𝘮𝘨𝘢 𝘯𝘢𝘵𝘢𝘵𝘢𝘯𝘨𝘪𝘯𝘨 𝘵𝘪𝘯𝘪𝘨 𝘮𝘶𝘭𝘢 𝘴𝘢 𝘢𝘵𝘪𝘯𝘨 𝘴𝘢𝘳𝘪𝘭𝘪𝘯𝘨 𝘭𝘢𝘭𝘢𝘸𝘪𝘨𝘢𝘯. 𝘏𝘪𝘨𝘪𝘵 𝘱𝘢 𝘴𝘢 𝘮𝘨𝘢 𝘢𝘯𝘪𝘯𝘨 𝘯𝘢𝘨𝘮𝘶𝘮𝘶𝘭𝘢 𝘴𝘢 𝘢𝘵𝘪𝘯𝘨 𝘮𝘢𝘭𝘢𝘭𝘢𝘸𝘢𝘬 𝘯𝘢 𝘱𝘢𝘭𝘢𝘺𝘢𝘯, 𝘢𝘯𝘨 𝘕𝘶𝘦𝘷𝘢 𝘌𝘤𝘪𝘫𝘢 𝘢𝘺 𝘯𝘢𝘨𝘭𝘶𝘸𝘢𝘭 𝘯𝘨 𝘮𝘨𝘢 𝘮𝘢𝘵𝘢𝘵𝘢𝘭𝘢𝘴 𝘯𝘢 𝘪𝘴𝘪𝘱 𝘯𝘢 𝘯𝘢𝘨𝘮𝘶𝘭𝘢𝘵 𝘴𝘢 𝘬𝘢𝘮𝘢𝘭𝘢𝘺𝘢𝘯 𝘯𝘨 𝘣𝘢𝘺𝘢𝘯.

𝘒𝘪𝘭𝘢𝘭𝘢𝘯𝘪𝘯 𝘴𝘪𝘯𝘢 𝙍𝙤𝙜𝙚𝙡𝙞𝙤 𝙎𝙞𝙠𝙖𝙩, 𝙍𝙤𝙜𝙚𝙡𝙞𝙤 𝙈𝙖𝙣𝙜𝙖𝙝𝙖𝙨, 𝘢𝘵 𝙇𝙖𝙢𝙗𝙚𝙧𝙩𝙤 𝘼𝙣𝙩𝙤𝙣𝙞𝙤—𝘮𝘨𝘢 𝘪𝘱𝘪𝘯𝘢𝘨𝘮𝘢𝘮𝘢𝘭𝘢𝘬𝘪𝘯𝘨 𝘢𝘯𝘢𝘬 𝘯𝘨 𝘕𝘶𝘦𝘷𝘢 𝘌𝘤𝘪𝘫𝘢 𝘯𝘢 𝘯𝘢𝘨𝘱𝘢𝘴𝘪𝘮𝘶𝘭𝘢 𝘯𝘨 𝘮𝘰𝘥𝘦𝘳𝘯𝘪𝘴𝘮𝘰 𝘴𝘢 𝘗𝘢𝘯𝘪𝘵𝘪𝘬𝘢𝘯𝘨 𝘗𝘪𝘭𝘪𝘱𝘪𝘯𝘰.

#𝘽𝙪𝙬𝙖𝙣𝙉𝙜𝙒𝙞𝙠𝙖2026 #𝙒𝙞𝙠𝙖𝙣𝙜𝙁𝙞𝙡𝙞𝙥𝙞𝙣𝙤 #𝙈𝙖𝙝𝙖𝙡𝙞𝙣𝘼𝙣𝙜𝙎𝙖𝙧𝙞𝙡𝙞𝙣𝙜𝙒𝙞𝙠𝙖 #𝙋𝙖𝙣𝙞𝙩𝙞𝙠𝙖𝙣𝙜𝙁𝙞𝙡𝙞𝙥𝙞𝙣𝙤 #𝙈𝙖𝙣𝙪𝙣𝙪𝙡𝙖𝙩𝙉𝙖𝙉𝙤𝙫𝙤𝙀𝙘𝙞𝙟𝙖𝙣𝙤 #𝙉𝙪𝙚𝙫𝙖𝙀𝙘𝙞𝙟𝙖 #𝙋𝙖𝙣𝙞𝙩𝙞𝙠𝙖𝙣

✒️ | 🖼️: 𝐈𝐫𝐢𝐬𝐡 𝐉𝐨𝐲 𝐄. 𝐋𝐨𝐩𝐞𝐳

Isang bansa, iba't ibang wika, ngunit iisang pagmamahal para sa Kulturang Filipino.

Masdan ang ganda at himig ng "Mahal kita" sa iba't ibang sulok ng ating mahal na Pilipinas 🇵🇭✨



✍️🎨| Anne Eurica Marcaida

Ang mga bantas ay hindi lamang simpleng simbolo sa pagsulat, ito ang nagbibigay-linaw, wastong kahulugan, at tamang damdamin sa bawat pahayag. Sa bawat tuldok, kuwit, tandang pananong, at tandang padamdam na ating ginagamit, mas nagiging malinaw at makabuluhan ang ating pakikipag-ugnayan.

Sama-sama nating tuklasin ang iba’t ibang gamit ng mga bantas at alamin kung paano nito binibigyang-buhay, linaw, at saysay ang ating Wikang Filipino.



✍️🎨| Catherine D. Constantino

ARALIN SA WIKANG FILIPINO

Ang wika ay hindi lamang daluyan ng komunikasyon, ito rin ang tagapag-ingat ng ating kasaysayan, kultura, at pagkakakilanlan bilang mga Pilipino. Sa bawat konseptong ating matututuhan, mas lalo nating mauunawaan ang lalim, ganda, at yaman ng Wikang Filipino.

Sama-sama nating tuklasin ang iba’t ibang mukha ng ating wika, mula sa salita hanggang sa diwa nito.



✍️🎨| Pauleen Kaye Feliciano

Alam mo ba? 🤔

Lagpas na sa ating mga baybayin ang yaman at kasaysayan ng wikang Filipino!🇵🇭🌎

Mula sa mga kilalang unibersidad sa Amerika, Europa, hanggang sa Timog-Silangang Asya, pati na rin sa Hilagang-Silangang Asya patuloy na pinagyayaman at itinuturo ng ating mga g**o sa iba't ibang panig ng mundo ang yaman ng ating wika, kultura at panitikan sa mga dayuhan.

Hindi na lang tayo basta nakikipag-usap sa mundo, itinuturo na rin natin kung paano tayo mag-isip at magmahal gamit ang sarili nating wika.

✍🏻: Rockwell Balimbin
🎨: Abbygail Bernabe

Sama-sama nating itaguyod ang wastong paggamit at pagpapahalaga sa wikang Filipino bilang mahalagang bahagi ng ating pagka-Pilipino.🇵🇭





✍️🎨| Ivy Joy Feliciano