Alabfil - JILCF

Home
Philippines
Bocaue
Alabfil - JILCF

MGA NAGPAPAKADALUBHASA SA FILIPINO

30/08/2025

Pinatunayan natin na ang wikang Filipino ay hindi lamang wika ng komunikasyon, kundi ito ang wika ng ating ang pagkakakilanlan, wika ng ating pagkakaisa at wika ng pagmamahal sa bayan.

Ating balikan ang mga tagpo sa pagdiriwang ng Buwan ng Wika 2025 ng Kagawaran ng Kolehiyo sa Jesus Is Lord Colleges Foundation, Inc. na may temang "𝗣𝗮𝗴𝗹𝗶𝗻𝗮𝗻𝗴 𝘀𝗮 𝗙𝗶𝗹𝗶𝗽𝗶𝗻𝗼 𝗮𝘁 𝗞𝗮𝘁𝘂𝘁𝘂𝗯𝗼𝗻𝗴 𝗪𝗶𝗸𝗮: 𝗠𝗮𝗸𝗮𝘀𝗮𝘆𝘀𝗮𝘆𝗮𝗻 𝘀𝗮 𝗣𝗮𝗴𝗸𝗮𝗸𝗮𝗶𝘀𝗮 𝗻𝗴 𝗕𝗮𝗻𝘀𝗮".

28/08/2025

Buwan ng Wika 2025
‎
Sa ilalim ng temang “Paglinang sa Filipino at Katutubong Wika: Makasaysayan sa Pagkakaisa ng Bayan”, muli nating ipinagbunyi ang talino at husay ng ating mga College JILians sa natatanging patimpalak na Wika-Laya, na ginanap noong ika-27 ng Agosto 2025 sa Jesus Is Lord Colleges Foundation, Inc.
‎
Sa lakas ng tinig at lalim ng kaisipan, ipinamalas ng ating mga kalahok ang kapangyarihan ng wikang Filipino bilang sandata ng kaisahan at kalayaan.
‎
🎤 Wika-Laya – Sa saliw ng damdamin at talim ng pananalita, inilulunsad ang WikaLaya—isang spoken word poetry competition na nagbibigay tinig sa kasaysayan, kultura, at paninindigan ng sambayanang Pilipino. Kaakibat ng temang “Ang Paglinang ng Filipino at Katutubong Wika: Makasaysayan sa Pagbuo ng Bansa".
‎
Isang patunay na ang wika ay hindi lang ginagamit, kundi isinasabuhay—sa entablado, sa lipunan, at sa ating pagkatao. 🇵🇭✨

‎
‎
‎
‎
‎
‎

17/08/2025

🚨 Tuloy-tuloy pa rin ang laban! 🚨
Sa mga nais pang sumali sa paligsahan, huwag palampasin ang pagkakataon.

📌 i-check ang comment section para makapasok sa official GC ng mga kasali!

16/08/2025

Buwan ng Wika 2025.
‎
‎Sa ilalim ng temang “Paglinang sa Filipino at Katutubong Wika: Makasaysayan sa Pagkakaisa ng Bayan”, ipinagmamalaki nating itampok ang galing at husay ng ating College JILians sa dalawang natatanging patimpalak: Sipat-Sining at Kuwikra na ginanap sa New Building, room 08E sa Jesus Is Lord Colleges Foundation, Inc. noong ika-14 ng Agosto 2025.
‎
‎Sa bawat kulay ng guhit at bawat kuha ng lente, naririto ang kwento ng ating pagkakakilanlan.
‎
‎📸 KuwiKra: Kuwento ng Wika sa Kamera – Sa mata ng lente at talim ng pananalita, inilulunsad ang KuwiKra—isang patimpalak sa larawang sanaysay na naglalayong sipatin ang kasaysayan, kultura, at diwa ng sambayanang Pilipino gamit ang larawan at wika.
‎
‎🎨 Sipat-sining – Sa bawat guhit ay may kwento, sa bawat kulay ay may diwa. Inilulunsad ang Sipat-Sining—isang patimpalak sa paggawa ng poster na naglalayong ipakita ang makasaysayang papel ng wikang Filipino at mga katutubong wika sa pagbuo ng ating bansa.
‎
‎Isang patunay na ang sining at larawan ay makapangyarihang paraan upang ipahayag ang pagmamahal sa sariling wika at bayan. 🇵🇭✨
‎
‎
‎
‎
‎
‎
‎
‎

11/08/2025

𝗧𝗮𝗿𝗮 𝗻𝗮, 𝘀𝗮 𝗶𝘀𝗮𝗻𝗴 𝗯𝘂𝘄𝗮𝗻 𝗻𝗴 𝗽𝗮𝗴𝗱𝗶𝗿𝗶𝘄𝗮𝗻𝗴 𝗻𝗴 𝘄𝗶𝗸𝗮, 𝗸𝘂𝗹𝘁𝘂𝗿𝗮 𝗮𝘁 𝗽𝗮𝗴𝗸𝗮𝗸𝗮𝗶𝘀𝗮.🤝✨

Ngayong Agosto, ipinagdiriwang natin ang Buwan ng Wika 2025 na may temang “Paglinang sa Filipino at Katutubong Wika.” Sa buwang ito, ipinakikilala ng AlabFil sa lahat ng College JILians ang serye ng mga patimpalak na magpapaunlad sa galing, talino, at pagmamahal sa sariling wika at kultura:

📸 𝗞𝘂𝘄𝗶𝗞𝗿𝗮: 𝗞𝘂𝘄𝗲𝗻𝘁𝗼 𝗻𝗴 𝗪𝗶𝗸𝗮 𝘀𝗮 𝗞𝗮𝗺𝗲𝗿𝗮 – 𝗣𝗮𝗴𝘀𝘂𝗹𝗮𝘁 𝗻𝗴 𝗹𝗮𝗿𝗮𝘄𝗮𝗻𝗴 𝘀𝗮𝗻𝗮𝘆𝘀𝗮𝘆
🎨 𝗦𝗶𝗽𝗮𝘁-𝗦𝗶𝗻𝗶𝗻𝗴 – 𝗣𝗮𝗴𝗹𝗶𝗸𝗵𝗮 𝗻𝗴 𝗽𝗼𝘀𝘁𝗲𝗿
🧵 𝗟𝗶𝗸𝗵𝗮𝗻𝗴-𝗛𝗮𝗯𝗶 – 𝗣𝗮𝗴𝗹𝗶𝗸𝗵𝗮 𝗻𝗴 𝗗𝗶𝘀𝗲𝗻𝘆𝗼𝗻𝗴 𝗸𝗮𝘁𝘂𝘁𝘂𝗯𝗼𝗻𝗴 𝗸𝗮𝘀𝘂𝗼𝘁𝗮𝗻
🖋 𝗪𝗶𝗸𝗮𝗟𝗮𝘆𝗮 – 𝗣𝗮𝗹𝗶𝗴𝘀𝗮𝗵𝗮𝗻 𝘀𝗮 𝗦𝗽𝗼𝗸𝗲𝗻 𝗪𝗼𝗿𝗱 𝗣𝗼𝗲𝘁𝗿𝘆
🎤 𝗛𝗶𝗺𝗶𝗴𝗟𝗮𝗯𝗮𝗻 – 𝗣𝗮𝗴𝘁𝗮𝘁𝗮𝗻𝗴𝗵𝗮𝗹 𝗻𝗴 𝗸𝗮𝘁𝗵𝗮𝗻𝗴-𝗸𝗮𝗻𝘁𝗮

📌 𝙸𝚝𝚘 𝚊𝚢 𝚋𝚞𝚔𝚊𝚜 𝚜𝚊 𝚕𝚊𝚑𝚊𝚝 𝚗𝚐 𝙲𝚘𝚕𝚕𝚎𝚐𝚎 𝙹𝙸𝙻𝚒𝚊𝚗𝚜!, 𝚊𝚗𝚞𝚖𝚊𝚗 𝚊𝚗𝚐 𝚒𝚗𝚢𝚘𝚗𝚐 𝚙𝚛𝚘𝚐𝚛𝚊𝚖𝚊 𝚘 𝚝𝚊𝚘𝚗 𝚜𝚊 𝚔𝚘𝚕𝚎𝚑𝚒𝚢𝚘, 𝚖𝚊𝚊𝚊𝚛𝚒 𝚔𝚊𝚢𝚘𝚗𝚐 𝚖𝚊𝚐𝚒𝚗𝚐 𝚔𝚊𝚕𝚊𝚑𝚘𝚔!
📌 𝙿𝚊𝚛𝚊 𝚜𝚊 𝚖𝚐𝚊 𝚗𝚊𝚒𝚜 𝚕𝚞𝚖𝚊𝚑𝚘𝚔, 𝚖𝚊𝚔𝚒𝚙𝚊𝚐-𝚞𝚐𝚗𝚊𝚢𝚊𝚗 𝚜𝚊 𝚒𝚗𝚢𝚘𝚗𝚐 𝙿𝚛𝚘𝚐𝚛𝚊𝚖 𝙲𝚑𝚊𝚒𝚛 𝚞𝚙𝚊𝚗𝚐 𝚖𝚊𝚔𝚞𝚑𝚊 𝚊𝚗𝚐 𝚔𝚞𝚖𝚙𝚕𝚎𝚝𝚘𝚗𝚐 𝚍𝚎𝚝𝚊𝚕𝚢𝚎 𝚊𝚝 𝚖𝚎𝚌𝚑𝚊𝚗𝚒𝚌𝚜 𝚗𝚐 𝚋𝚊𝚠𝚊𝚝 𝚙𝚊𝚝𝚒𝚖𝚙𝚊𝚕𝚊𝚔.

(Para sa iba pang detalye patungkol sa mga patimpalak ay maaaring tignan ang bawat larawan at deskripsyon nito)

📅 Isama niyo na ito sa inyong iskedyul at maging bahagi ng isang makulay na pagdiriwang na magpapaalala sa atin ng kahalagahan ng ating wika at kultura. Tara na, College JILians! Ipakita ang iyong galing at husay!✨

Pubmats by Daniel Cortez

06/08/2025

SA MGA LARAWAN | Kulay, Kultura, Kasaysayan

Sa mga ngiting 'di matatawaran, sa kasuotang may saysay,
sa bawat hakbang sa pagbida ng ating kultura,
salamat sa pagtaya, pakikiisa, at pagdiriwang.

04/08/2025

🎉 Simula na ng selebrasyon, at patuloy na mananatili ang alaala!

Mula sa makukulay na kasuotan hanggang sa makasaysayang karanasan, ang Pista ng Wika’t Pamana ay tunay na naging paglalakbay pabalik sa ating ugat.

03/08/2025

🎭 Pista ng Wika’t Pamana
Isang umaga ng kulay, kultura, at kasaysayan ang naghihintay…

📍 August 4 | 7:00 AM
📌 Alam mo ba kung anong meron?

May mga tanong na ‘di na kailangang sagutin, kailangan lang puntahan.

Basta ang sigurado,
📷 puno ‘to ng alaala,
👣 ng hakbang pabalik sa pinagmulan,
💬 at kwentong ikaw mismo ang magiging bahagi.

Huwag mahuli sa simula ng sorpresa.

Pubmat by Daniel Cortez

02/08/2025

“Mula sa uniporme ng karunungan, ngayo’y suot na ang barong ng pagkakakilanlan.”
Ito'y hindi lamang pagbabagong panlabas, kundi pagyakap sa panloob na diwa,
ang diwang Pilipino na matatag, mapagpakumbaba, at makabayan.

Sa bawat hibla ng barong, habi ang kasaysayan;
sa bawat tiklop, nakaukit ang wika ng ating pagkakaisa.

Ngayong Buwan ng Wika, ipinagdiriwang natin hindi lamang ang salita,
kundi ang kaluluwa ng ating lahi, ang Filipino, at ang mga katutubong wikang bumubuo sa ating pagkatao.

Sa temang “Paglinang sa Filipino at Katutubong Wika: Makasaysayan sa Pagkakaisa ng Bansa,”
tayo'y hinihikayat hindi lang magsuot, kundi manindigan.
Magsalita, hindi lang gamit ang dila, kundi gamit ang puso.
Dahil ang tunay na wika, ay yaong nag-uugnay, hindi lamang ng salita, kundi ng sambayanan.

02/08/2025

𝐖𝐢𝐤𝐚. 𝐁𝐢𝐬𝐢𝐠. 𝐁𝐚𝐲𝐚𝐧.

Sa diwa ng wikang Filipino at mga katutubong wika, bumubuo tayo ng tulay ng pagkakaisa. Ngayong Buwan ng Wika, sama-sama nating linangin, ipagmalaki, at itaguyod ang dibersidad ng ating mga wika — sapagkat ito ang ugat ng ating pagka-Pilipino, salamin ng ating kultura at pagkakakilanlan bilang nasyon.

Ngayong Agosto 2025, ipagdiriwang natin ang saysay ng Wikang Filipino bilang wikang pambansa at ang natatanging yaman ng mga katutubong wika sa ating bayang sinilangan. Sabay-sabay nating salubungin ang Agosto sa tema ngayong taon:

"𝐏𝐚𝐠𝐥𝐢𝐧𝐚𝐧𝐠 𝐬𝐚 𝐅𝐢𝐥𝐢𝐩𝐢𝐧𝐨 𝐚𝐭 𝐊𝐚𝐭𝐮𝐭𝐮𝐛𝐨𝐧𝐠 𝐖𝐢𝐤𝐚: 𝐌𝐚𝐤𝐚𝐬𝐚𝐲𝐬𝐚𝐲𝐚𝐧 𝐬𝐚 𝐏𝐚𝐠𝐤𝐚𝐤𝐚𝐢𝐬𝐚 𝐧𝐠 𝐁𝐚𝐧𝐬𝐚"

Ang pag-unlad nito ay hudyat na buhay ang diwa ng ating pagkakaisa. Kung kaya't patuloy nating bigyan ng daan ang pagyabong ng ating sariling mga wika. Ating sikaping bumuo ng mga gawaing magpapatuloy sa paglago nito na magiging bahagi ng ating kasaysayan.

Mabuhay ang wikang Filipino.
Mabuhay ang mga katutubong wika sa Pilipinas.
Mabuhay ang diwa ng pagkakaisa sa ating inang bayan.

Address

101 Bunlo, Bulacan
Bocaue
3018

Website

https://www.facebook.com/profile.php?id=61555844207734

Alerts

Be the first to know and let us send you an email when Alabfil - JILCF posts news and promotions. Your email address will not be used for any other purpose, and you can unsubscribe at any time.

Contact The School

Send a message to Alabfil - JILCF:

Want your school to be the top-listed School/college in Bocaue?

Alabfil - JILCF

30/08/2025

28/08/2025

17/08/2025

16/08/2025

11/08/2025

06/08/2025

04/08/2025

03/08/2025

02/08/2025

02/08/2025

Address

Website

Alerts

Contact The School

Shortcuts

Share

Category

Listing takedown request