DepEd Ganado ES - Biñan City

10/07/2026

BIÑAN CITY, Laguna — Sinuspinde ngayong araw, Hulyo 10, ang face-to-face na klase sa lahat ng pampublikong paaralan sa Lungsod ng Biñan bunsod ng epekto ng Bagyong Inday at ng patuloy na malalakas na pag-ulan na dulot ng pinalakas na habagat. Layunin ng hakbang na matiyak ang kaligtasan ng mga mag-aaral, g**o, at iba pang kawani ng paaralan.

Kasunod ng anunsyo ng Pamahalaang Lungsod ng Biñan, agad na ipinatupad sa lahat ng pampublikong paaralan ang Alternative Delivery Mode (ADM) upang matiyak na hindi maaantala ang pagkatuto ng mga mag-aaral sa pamamagitan ng kani-kanilang class group chats (GCs) at iba pang online communication platforms.

Ipinadala rin ang mga panuto at iskedyul ng mga gawain upang magabayan ang mga mag-aaral at mga magulang sa pagpapatuloy ng kanilang pag-aaral habang nananatili sa kani-kanilang tahanan.

Hinimok ng mga g**o ang mga mag-aaral na aktibong makilahok sa mga nakatalagang gawain at panatilihin ang komunikasyon sa kanilang mga adviser kung may mga katanungan o suliraning may kaugnayan sa kanilang mga aralin.

Pinapayuhan din ang lahat na manatiling handa at sumunod sa mga paalala ng mga kinauukulan upang matiyak ang kaligtasan ng bawat isa.

Sa pamamagitan ng agarang pagpapatupad ng Alternative Delivery Mode at ng mabilis na koordinasyon ng mga g**o, naipag- papatuloy ang paghahatid ng dekalidad na edukasyon kahit sa gitna ng masa- mang panahon, habang nananatiling pangu- nahing prayoridad ang kaligtasan at kapakanan ng mga mag-aaral.

GANADO ELEMENTARY SCHOOL
"Tagapanday ng Kabataan, Tulay ng Kinabukasan"

06/07/2026

Nakiisa ang Ganado Elementary School sa isinagawang Simultaneous Flag Raising Ceremony bilang paggunita sa ika-10 taong anibersaryo ng 2016 South China Sea Arbitral Ruling, isang makasaysayang tagumpay ng Pilipinas sa pagtatanggol ng ating karapatan sa West Philippine Sea.

Pinangunahan ng mga g**o at opisyal ng paaralan ang seremonya na nilahukan ng mga mag-aaral. Isinagawa ang pagtataas ng pambansang watawat bilang pagpapakita ng pagmamahal sa bayan, paggalang sa ating kasaysayan, at pagkilala sa kahalagahan ng soberanya at teritoryo ng Pilipinas.

Sa ginanap na programa, ipinaunawa sa mga mag-aaral ang kahalagahan ng 2016 South China Sea Arbitral Ruling, kung saan kinilala ng pandaigdigang tribunal ang mga karapatan ng Pilipinas sa loob ng ating Exclusive Economic Zone (EEZ) alinsunod sa pandaigdigang batas. Binigyang-diin din na ang desisyong ito ay mahalagang bahagi ng patuloy na pagtatanggol sa karapatan, kapayapaan, at likas na yaman ng bansa.

Sa pamamagitan ng gawaing ito, napalawak ang kaalaman ng mga mag-aaral tungkol sa kasaysayan at kahalagahan ng West Philippine Sea, gayundin ang kanilang kamalayan sa pagiging responsableng mamamayan na may pagmamahal, paggalang, at pagpapahalaga sa soberanya ng ating bansa.

Patuloy na nakikiisa ang GES sa mga gawaing nagpapaigting ng makabansang kamalayan at pagpapahalagang makatutulong sa paghubog ng mga kabataang may pagmamahal sa Pilipinas at handang maging mabubuting mamamayan ng bansa.

02/07/2026

MAHALAGANG ANUNSYO!
Bilang pagsunod sa DEPED Order No. oo7, s 2026 (Media Management Guidelines), ang opisyal na page ng aming paaralan ay pormal nang binago, mula sa DepEd Tayo Ganado ES - Binan City ngayon ay DepEd Ganado ES - Binan City.

Ang pagbabagong ito ay bahagi ng pagsunod sa itinakdang pamantayan ng Department of Education sa pamamahal ng opisyak ng social media platforms ng mga pampublikong paaralan.

Patuloy po ninyong subaybayan ang DepEd Ganado ES - Binan City para sa mga opisyal na anunsyo, balita at mahahalagang impormasyon tungkol sa mga program at gawain ng aming paaralan.

Maraming salamat sa patuloy na suporta at pakikiisa.

27/06/2026

Narito ang 5 Mabilis at Mahahalagang Paalala para sa Bawat Mag-aaral upang Mapanatiling Walang Pambu-bully ang Paaralan:

🟢 1. Manatili sa Grupo
Mas ligtas kung may kasamang mga kaibigan! Maglakad nang magkakasama sa pasilyo, tuwing recess, o papunta at pauwi ng paaralan.

🔵 2. Maging Matatag at May Kumpiyansa
Gumamit ng malinaw at matatag na boses. Tumingin sa mata ng nambu-bully at sabihin nang buong tapang ang "HINDI!" sa anumang panunukso o pang-aapi.

🟡 3. Isumbong ang Pambu-bully
Huwag itong ilihim. Agad na ipaalam sa isang mapagkakatiwalaang nakatatanda tulad ng g**o, guidance counselor, o magulang.

🔴 4. Maging Mabuting Kaibigan
Magmalasakit sa iba. Kung may nakikita kang inaapi, damayan siya, isama sa grupo, at ipakita ang malasakit at pag-unawa.

🟠 5. Huwag Patulan at Lumayo
Naghahanap ng reaksyon ang mga nambu-bully. Huwag silang bigyan nito. Lumayo nang mahinahon at magpatuloy sa paglalakad nang may taas-noo.

💙 Tandaan: Ang isang ligtas at mapayapang paaralan ay nagsisimula sa paggalang, kabutihan, at pagmamalasakit sa isa't isa.

Police Community Affairs and Development Group

27/06/2026

Ipinamalas ng mga mag-aaral, g**o, at kawani ng Ganado Elementary School ang kanilang kahandaan at disiplina sa isinagawang earthquake drill, bilang bahagi ng patuloy na pagpapatibay ng kultura ng kaligtasan at kahandaan sa harap ng mga sakuna.

Isinagawa ang naturang earthquake drill noong Hunyo 18, ganap na 9:00 ng umaga. Sa pag-alingawngaw ng hudyat ng alarma, agad na isinagawa ng lahat ang wastong "Duck, Cover, and Hold" bago maayos na lumikas patungo sa mga itinakdang evacuation area alinsunod sa itinakdang emergency procedures ng paaralan.

Layunin ng aktibidad na mapalalim ang kaalaman at kahandaan ng bawat mag-aaral at kawani sa tamang pagtugon sakaling magkaroon ng aktuwal na lindol. Sa buong pagsasanay, kapansin-pansin ang maayos na koordinasyon, disiplina, at kooperasyon ng lahat ng kalahok, na nagpatunay sa kahalagahan ng regular na pagsasanay sa disaster preparedness.

Sa pamamagitan ng mga ganitong programa, patuloy na isinusulong ng GES ang isang ligtas, handa, at matatag na kapaligiran sa pagkatuto, kung saan ang kaligtasan ng bawat miyembro ng komunidad ng paaralan ay nananatiling pangunahing prayoridad.

GANADO ELEMENTARY SCHOOL
"Tagapanday ng Kabataan, Tulay ng Kinabukasan"

27/06/2026

Sa layuning simulan ang taong panuruan nang may pananampalataya at paggabay ng Poong Maykapal, idinaos ang Holy Spirit Mass sa Ganado Elementary School na dinaluhan ng mga g**o, mag-aaral, mga magulang, at iba pang kawani ng paaralan.

Ginanap ang Holy Spirit Mass noong Hunyo 9, ika 9:30 ng umaga sa covered court ng Brgy. Ganado sa pangunguna ni Father Christian Pajutan.

Sa pamamagitan ng banal na misa, sama-samang nanalangin ang buong komunidad ng paaralan upang humingi ng karunungan, lakas, at gabay para sa matagumpay at ligtas na paglalakbay sa bagong taong panuruan.

Binigyang-diin din sa homiliya ang kahalagahan ng pananampalataya, disiplina, paggalang, at pagmamahalan bilang pundasyon ng isang maayos at makabuluhang edukasyon.

Naging makahulugan ang pagdiriwang ng Holy Spirit Mass bilang paalala na ang bawat gawain sa paaralan ay higit na magiging matagumpay kung ito ay isinasagawa nang may pananampalataya, pagkakaisa, at malasakit sa kapwa.

Sa pagtatapos ng misa, baon ng bawat dumalo ang inspirasyon at pag-asang maging mabunga, mapayapa, at matagumpay ang buong taong panuruan sa Ganado Elementary School.

GANADO ELEMENTARY SCHOOL
"Tagapanday ng Kabataan, Tulay ng Kinabukasan"

25/06/2026

Masigla at matagumpay na sinimulan ng Ganado Elementary School ang unang araw ng pasukan para sa Taong Panuruan 2026-2027 nitong Hunyo 8. Maagang nagtungo sa paaralan ang mga mag-aaral kasama ang kanilang mga magulang upang makiisa sa pagbubukas ng panibagong taon ng pagkatuto.

Bilang bahagi ng programa, isinagawa ang kauna-unahang Flag Ceremony ng taong panuruan kung saan nagtipon ang mga mag-aaral, g**o, at mga magulang sa paaralan. Pinangunahan ng mga g**o at piling mag-aaral sa baitang 4-6 ang pagtataas ng watawat, pag-awit ng Pambansang Awit, Panun-umpa sa Watawat, at iba pang mahahalagang bahagi ng seremonya.

Nagbigay din ng men- sahe si Gng Shirley V. Cads, OIC School Head ng GES. Binigyang-diin niya ang kahalagahan ng disiplina, paggalang, at pagtutulungan upang maging matagumpay ang pag-aaral ng bawat mag-aaral sa buong taon. Nag- bigay rin ng mga paalala hinggil sa mga patakaran ng paaralan at mga programang nakalaan para sa kapakanan ng mga mag-aaral.

Matapos ang programa, nagtungo ang mga mag-aaral sa kani-kanilang silid-aralan upang makilala ang kanilang g**o at kamag-aral. Naging ma- ayos at masaya ang unang araw ng klase sa tulong ng mga g**o, magulang, at iba pang stakeholders na nagkaisa para sa kapaka-nan ng mga bata.

Patuloy na isinusulong ng Ganado Elementary School ang de-kalidad na edukasyon at ligtas na kapaligiran upang matiyak ang makabuluhang pagkatuto ng bawat mag-aaral sa buong taon ng panuruan.

GANADO ELEMENTARY SCHOOL
"Tagapanday ng Kabataan, Tulay ng Kinabukasan"

23/06/2026

To Our JUNE Celebrant,

Happy Birthday! 🎂

The entire school community extends its warmest greetings and deepest appreciation for your dedication, passion, and commitment to teaching. May your day be filled with joy and your year with continued success and good health.

09/06/2026

https://www.facebook.com/share/p/1BMBvxCjhr/

Kapag may emergency, hindi dapat iisa ang tugon sa lahat ng sitwasyon.

Sa ilalim ng bagong Learning Continuity in Emergencies guidelines, gagamitin ng mga paaralan ang Learning Continuity Framework:

🟢 Hayo – Tuloy ang regular na klase kapag ligtas ang lahat.�🟡 Hinay – Mas flexible ang pagkatuto kapag may bahagyang disruption.�🔵 Hinga – Well-being muna at mas kaunting academic demands habang bumabangon ang komunidad.�🔴 Hinto – Pansamantalang itinitigil ang academic learning kapag nanganganib ang kaligtasan.

Layunin nating matiyak na tuloy ang edukasyon nang may malasakit at pag-unawa sa kalagayan ng mga mag-aaral, g**o, at school personnel sa panahon ng krisis.