https://www.facebook.com/751902658013309/

Sug' Glandung, Purok 3, Bobuan, Bayog (2026)

03/10/2025

Bobuan Elementary School Inilunsad ang ARAL Program

Bobuan, October 3, 2025 — Matagumpay na inilunsad ng Bobuan Elementary School ang ARAL Program, isang inisyatiba na layong magbigay ng nakatuong suporta sa mga mag-aaral pagdating sa literacy, numeracy, at comprehension.

Sa pagbubukas ng programa, nagbigay ng makabuluhang mensahe ang mga opisyal ng paaralan at ng PTA. Tampok din ang isang symbolic commitment pledge na isinagawa ng mga g**o, magulang, at mag-aaral bilang patunay ng kanilang pagkakaisa para sa tagumpay ng programa.

Sa ilalim ng ARAL Program, isasagawa ang mga remediation sessions, small group at one-on-one tutoring, at iba pang makabuluhang gawain upang matulungan ang mga mag-aaral na nahihirapan sa kanilang pag-aaral na makahabol at higit pang mapaunlad ang kanilang kakayahan.

Ayon sa pamunuan ng paaralan, hindi lamang ito simpleng proyekto kundi isang paglalakbay tungo sa paglago at tagumpay—isang paalala na “bawat mag-aaral ay mahalaga at may kakayahang magtagumpay.”

Sa pakikipagtulungan ng buong komunidad, ang Bobuan Elementary School ay naniniwala na sa pamamagitan ng ARAL Program, masisig**o ang mas maliwanag na kinabukasan para sa mga mag-aaral.

10/09/2025

Bobuan ES, Pinasinayaan ang Pagdiriwang para sa mga G**o

Bobuan, Bayog, Zamboanga del Sur – Setyembre 8, 2025.
Matagumpay na isinagawa ng Bobuan Elementary School ang pambungad na programa bilang bahagi ng pagdiriwang ng National Teachers’ Month na naglalayong kilalanin at parangalan ang mga g**o bilang tunay na kayamanan ng bansa.

Pinangunahan ng mga opisyal ng Supreme Elementary Learners Government (SELG) ang pagbubukas ng programa sa tulong at paggabay ni Gng. Ermelyn Quilojano, SELG Coordinator, at ni G. Ruel Duran, In-Charge sa School Program at Decoration Committee.

Sa nasabing gawain, ipinahayag ang taos-pusong pasasalamat at paghanga ng pamunuan ng paaralan at mga mag-aaral sa walang sawang dedikasyon at sakripisyo ng mga g**o. Binigyang-diin na ang mga g**o ang nagsisilbing puso ng edukasyon at patuloy na nagiging inspirasyon sa mga kabataan.

Ang pagbubukas ng pagdiriwang ay nagsilbing magandang simula ng iba pang nakahanay na aktibidad para sa buong buwan mula Setyembre 5 hanggang Oktubre 5, 2025, na tiyak na magbibigay-pugay at magpapakita ng pagpapahalaga sa lahat ng g**o ng Bobuan Elementary School.

10/09/2025

Buwan ng Wika 2025 Kulminasyon: Pagtampok sa Wika, Kultura at Sining
Agosto 29, 2025 – Ipinagdiwang ng Bobuan Elementary School ang matagumpay na Kulminasyon ng Buwan ng Wika 2025 na may temang “Paglinang sa Filipino at Katutubong Wika, Makasaysayan sa Pagkakaisa ng Bansa.”
Sa ginanap na selebrasyon, tampok ang iba’t ibang patimpalak na nagbigay kulay at sigla sa araw ng kulminasyon. Isa sa mga pangunahing aktibidad ay ang Tagisan sa Pagkanta kung saan ipinarinig ng mga kalahok ang kanilang husay at talento sa solo, duet, at sayawit. Tunay na kahanga-hanga ang kanilang tinig at pagsasama ng musika at galaw na nagbigay saya at aliw sa lahat ng manonood.
Bukod dito, isinagawa rin ang Parada ng Magagandang Kasuotang Filipino na nagpakita ng makukulay at makasaysayang kasuotan na sumasalamin sa mayamang kultura at tradisyon ng ating bansa. Ang mga kalahok ay naglakad na may kumpiyansa at dangal, dala ang ganda ng kasuotang Pilipino na nagpaalala ng ating pambansang identidad.
Sa pagtatapos ng programa, ipinaabot ng pamunuan ng paaralan ang taos-pusong pasasalamat sa lahat ng g**o, mag-aaral, at mga magulang na nakiisa at naging bahagi ng makabuluhang pagdiriwang. Pinangunahan ang matagumpay na selebrasyon nina Gng. Mary Ann Busaco, Filipino Coordinator, at Gng. Eden Dumala, Co-Coordinator, katuwang ang buong kaguruan ng Bobuan ES.
Ang Buwan ng Wika 2025 ay hindi lamang paggunita sa kahalagahan ng ating wika, kundi isang paalala na ito ang susi sa ating pagkakaisa at pagkakakilanlan bilang mga Pilipino.

02/09/2025

Bobuan ES Rescue Team, Overall Champion sa 8th LGU-Bayog DRRM Rescuelympics 2025

Bayog, Zamboanga del Sur — Muling pinatunayan ng Bobuan Elementary School Rescue Team ang kanilang kahusayan matapos masungkit ang titulong Overall Champion sa katatapos na 8th LGU-Bayog DRRM Rescuelympics 2025 na ginanap noong Agosto 26–27, 2025. Nakakuha sila ng kabuuang 485 puntos, dahilan upang manguna laban sa iba pang kalahok mula sa iba’t ibang paaralan at barangay.

Bumida ang Rescue Team ng Bobuan ES sa iba’t ibang kategorya ng paligsahan, kabilang ang: Best Performer (School-Based Earthquake Drill), Best Performer (Standard First Aid & Spine Board Management), Best in Yells na sa mga kategoryang ito ay sila ang nakakuha ng unang gantimpala at panagalawa naman bilang Best Performer (Moving & Lifting).

Ayon sa mga g**o at tagapagsanay, ang tagumpay na ito ay bunga ng matiyagang paghahanda, disiplina, at dedikasyon ng bawat kasapi ng koponan. Pinangunahan ang grupo ng kanilang masisipag na coaches na sina G. Wilven M. Cabilin, Gng. Ailyn M. Ende, at Gng. Janneth M. Dela Peña, katuwang ang walang sawang suporta ng kanilang Punong-G**o na si G. Charlemagne R. Rabacal, na nagsilbing inspirasyon at gabay sa koponan mula sa simula hanggang sa pagtatapos ng kompetisyon.

Lubos namang ikinatuwa ng pamunuan ng paaralan ang pagkilalang ito. Aniya, malaking karangalan hindi lamang para sa Bobuan Elementary School kundi maging para sa buong komunidad ng Bayog ang tagumpay ng Rescue Team.

Ang Rescuelympics ay taunang programa ng LGU-Bayog na layong paigtingin ang kahandaan ng mga paaralan, barangay, at iba pang sektor sa pagtugon sa mga sakuna at kalamidad.

Sa kanilang natamong tagumpay, dala ng Bobuan ES Rescue Team ang mensaheng: “Husay, Tapang, at Kahandaan — Tatak Bobuan!”

01/09/2025

Bobuan Elementary School, Matagumpay na Sinimulan ang Buwan ng Wika 2025

Bobuan, Agosto 11, 2025 – Masiglang ipinagdiwang ng Bobuan Elementary School ang pagbubukas ng Buwan ng Wika sa pamamagitan ng isang maikling palatuntunan noong Agosto 11, 2025.

Pinangunahan ni G. Charlie Magne Rabacal, Punong-G**o, at Gng. Mary B. Busaco, Filipino Coordinator, ang pagbibigay-diin sa kahalagahan ng wikang Filipino bilang wika ng pagkakaisa at kaunlaran.

Tampok sa programa ang makukulay na pagtatanghal ng mga mag-aaral gaya ng tula, awit, at sabayang pagbigkas na nagbigay saysay sa diwa ng pambansang wika.

Layunin ng pagdiriwang na higit pang mapalaganap at mapayaman ang paggamit ng wikang Filipino hindi lamang sa paaralan kundi maging sa buong komunidad.

01/09/2025

150 Bagong Armchair, Handog ng TVI sa Bobuan Elementary School

Bobuan, Agosto 11, 2025 – Tumanggap ng 150 bagong armchair ang Bobuan Elementary School mula sa Department of Environment and Natural Resources (DENR) Region IX, TVI Resource Development Philippines Inc. (TVIRD) Balabag Project, at Villar Sipag Foundation.

Dumalo sa turn-over sina Sir Balong Cabrido, Jr., Deputy CENRO, at Ma’am Marivic Vargas ng DENR-9, kasama sina Madam Meriam Embate, TVI Community Relations Superintendent, at Sir JM Cenia, Community Relations Officer. Sila mismo ang nagpatunay at nagsagawa ng simbolikong pagbibigay ng mga upuan sa paaralan.

Ayon kay Punong-G**o Charlemagne R. Rabacal, malaking tulong ang naturang donasyon upang mabigyan ng mas maayos, komportable, at makabuluhang karanasan sa pagkatuto ang mga mag-aaral.

“Bawat armchair ay sumisimbolo ng ginhawa, dignidad, at pangako ng mas magandang edukasyon para sa aming mga mag-aaral,” aniya.

Pinuri rin ng mga lokal at distritong opisyal ang nasabing inisyatiba, na patunay umano ng matagumpay na pagtutulungan ng pamahalaan, pribadong sektor, at paaralan para sa ikauunlad ng edukasyon.

01/09/2025

Internasyonal at Nasyonal IP Day
Bobuan Elementary School, Ipinagdiwang ang IP Day Kasabay ng 13th Simultaneous School Camporal

Bayog, Zamboanga del Sur – Makulay at makahulugan ang idinaos na 8th Simultaneous School Camporal 2025 ng Bobuan Elementary School noong Agosto 8–10, na may temang “Future-Proofing Scouting for the Next Generation and Beyond.” Kasabay nito ay ang pagdiriwang ng International at National Indigenous Peoples (IP) Day, na nagbigay-diin sa pagpapahalaga sa kultura at pamana ng mga katutubong Pilipino.

Tampok sa programa ang malikhaing output ng mga Boy Scouts ng Bobuan ES na nagpakita ng simbolo ng Indigenous Peoples Education (IPED) integration sa scouting. Sa pamamagitan ng tradisyonal na dekorasyon, pagtatanghal, at presentasyon, ipinamalas ng mga scouts ang kahalagahan ng kultura at ang kanilang aktibong papel sa pagpapanatili nito.

Ang pagdiriwang ng IP Day ay naging mahalagang bahagi ng camporal sapagkat pinatibay nito ang kamalayan at respeto ng mga kabataan sa mga katutubong pamayanan. Bukod sa mga karaniwang gawain sa scouting gaya ng camp management, fire building, at team-building activities, naging tampok din ang mga aktibidad na nakatuon sa pagkilala sa kultura ng mga katutubo.

Ayon kay Ginoong Rabacal, punong-g**o ng paaralan, “Ang sabayang pagdiriwang ng Camporal at IP Day ay hindi lamang nakatuon sa kasanayan ng mga scouts kundi nagsisilbing paalala na ang ating kultura at tradisyon ay mahalagang bahagi ng ating pagkatao at dapat ipagmalaki at pangalagaan.”

Sa pagtatapos ng tatlong araw na aktibidad, ang mga scouts ng Bobuan ES ay umuwi na may dagdag na kasanayan sa scouting at mas malalim na pagpapahalaga sa kultura ng mga katutubong Pilipino, isang malaking hakbang tungo sa pagiging mga responsableng kabataan at lider ng kinabukasan.

01/09/2025

BES, Isinagawa ang 13th Simultaneous School Camporal 2025

Bayog, Zamboanga del Sur – Naging makulay at matagumpay ang idinaos na 8th Simultaneous School Camporal ng Bobuan Elementary School mula Agosto 8–10, 2025, na may temang “Future-Proofing Scouting for the Next Generation and Beyond.”

Pinasinayaan ang nasabing gawain sa pamamagitan ng isang makabago at tradisyunal na dekorasyon na kumakatawan sa kulturang Pilipino at diwa ng pagkakaisa. Tampok sa entablado ang mga makukulay na palamuti, bandila, at mga katutubong kagamitan na nagbigay sigla at karangalan sa naturang programa.

Layunin ng Camporal na hubugin ang mga kabataan sa larangan ng scouting, leadership, survival skills, teamwork, at pagmamahal sa kalikasan. Dumaan sa iba’t ibang gawain ang mga scouts tulad ng camp management, knot-tying, fire building, first aid drills, at cultural presentations na nagpatibay sa kanilang disiplina at kakayahan.

Ipinahayag ng pamunuan ng paaralan ang kanilang pasasalamat sa lahat ng g**o, magulang, at katuwang na ahensya na naging bahagi ng tagumpay ng aktibidad. Ayon sa kanila, ang naturang programa ay hindi lamang pagbabalik-tanaw sa mga tradisyon ng scouting, kundi paghahanda rin para sa kinabukasan ng kabataan bilang mga responsableng lider at mamamayan.

Sa pagtatapos ng tatlong araw na gawain, umuwi ang mga scouts na may dalang bagong kaalaman, karanasan, at alaala na magsisilbing gabay sa kanilang paghubog bilang kabataang handa sa anumang hamon ng buhay.

28/08/2025

Bobuan ES, Matagumpay na Isinagawa ang GSP School Camp

Bobuan, Bayog, Zamboanga del Sur – Isang makabuluhan at matagumpay na GSP School Camp 2025 na may temang “Shaping the Future: Girls to Lead” ang idinaos noong Agosto 2–3, 2025 sa Bobuan Elementary School. Pinangunahan ito ng mga dedikadong g**o, magulang, at kawani ng paaralan na sama-samang nagsikap upang maisakatuparan ang makabuluhang aktibidad para sa mga batang Girl Scouts.

Sa naturang gawain, namayani ang diwa ng pagkakaisa, disiplina, at kasiyahan ng mga batang Girl Scouts. Ibinahagi ng mga g**o at tagapagsanay ang kanilang kaalaman at paggabay upang lalong mapalago ang kasanayan at pagpapahalaga ng mga kabataang babae sa larangan ng scouting, leadership, at community service.

Pinangunahan ng masigasig na GSP Coordinator, MT Alicia Abella Oracion, kasama ang co-coordinator na si Ma’am Ermelyn Quilojano, at ang mga “Titas” ng GSP — Ging Escobido, Melane P. Yamaro, at Eden Dizon Dumala — ang masusing paggabay at pagtuturo sa mga batang kalahok. Sa kanilang malasakit at tiyaga, naging maayos at makulay ang takbo ng buong camp.

Hindi rin matatawaran ang naging ambag ng BSP Team sa pangunguna nina Sir Ruel Duran, Elcherry Denolan Martillano, Mary B. Busaco, Wilven Cabilin, at Ailyn Mendoza Ende, na naglaan ng kanilang oras at pagsisikap kahit sa weekend. Sila ang nagsilbing haligi sa kusina na nagbigay ng masasarap na pagkain at masiglang ngiti na nagpanatiling masigla ang bawat kalahok.

Lubos ang pasasalamat ng pamunuan ng paaralan sa lahat ng g**o, kawani, at magulang na naging katuwang sa tagumpay ng camp. Ayon sa kanila, ang naturang aktibidad ay hindi lamang pagtitipon kundi isang pagkakataon upang hubugin ang karakter, tapang, at malasakit ng mga kabataang Girl Scouts ng Bobuan Elementary School.

“Maraming salamat sa inyong suporta at pagmamahal. Naging makabuluhan at matagumpay ang ating GSP School Camp dahil sa pagkakaisa ng lahat.” saad ni Sir Rabacal, punong-g**o ng paaralan.

Sa pagtatapos ng camp, baon ng mga Girl Scouts ang mahahalagang aral at masayang karanasan na tiyak na magsisilbing inspirasyon sa kanilang pagiging kabataang handa at may malasakit sa kapwa.

Sug' Glandung

03/10/2025

10/09/2025

10/09/2025

02/09/2025

01/09/2025

01/09/2025

01/09/2025

01/09/2025

28/08/2025

Address

Website

Alerts

Shortcuts

Share

Category

Listing takedown request