What are the opening hours?

Monday 7:45am - 5:15pm Tuesday 7:45am - 5:15pm Wednesday 7:45am - 5:15pm Thursday 7:45am - 5:15pm Friday 7:45am - 5:15pm Saturday 7:45am - 5:15pm Sunday 7:45am - 5:15pm

https://www.facebook.com/135635849629060/

HUMSS NEXUS, 30 de Deciembre Street, Baybay (2026)

13/03/2026

𝐇𝐀𝐆𝐎𝐃 𝐍𝐆 𝐊𝐔𝐋𝐀𝐘, 𝐀𝐋𝐎𝐍 𝐍𝐆 𝐇𝐔𝐒𝐀𝐘: 𝐇𝐔𝐌𝐀𝐍𝐈𝐒𝐓𝐀, 𝐍𝐀𝐌𝐔𝐊𝐎𝐃 𝐒𝐀 𝐏𝐎𝐒𝐓𝐄𝐑 𝐌𝐀𝐊𝐈𝐍𝐆 𝐍𝐆 𝐁𝐀𝐑𝐘𝐎 𝐅𝐈𝐄𝐒𝐓𝐀
by E. Montil

Sa pagdiriwang ng Baryo Fiesta, sumabog ang sining, umalab ang kulay, at namukadkad ang talento ng mga Humanista sa ginanap na Poster Making Contest. Sa bawat hagod ng krayola at marker sa papel, tila sumasabay ang indayog ng pista—makulay, masigla, at tunay na kahanga-hanga sa mata. Ang simpleng papel ay naging entablado ng malikhaing imahinasyon, kung saan ang bawat linya ay kuwento at ang bawat kulay ay damdaming tila awit na umaalingawngaw sa saya ng pagdiriwang.

Tahimik man ang paligid habang abala ang mga kalahok, kapansin-pansin ang alab ng kanilang dedikasyon at husay. Dahan-dahang umusbong ang mga larawan—may mga kulay na tila sinag ng araw, may mga guhit na parang sayaw ng hangin sa papawirin. Sa bawat paghaplos ng kulay ay nabubuo ang isang obra na hindi lamang kahanga-hanga sa paningin, kundi nakabibighani rin sa damdamin ng sinumang tumingin.

Sa paglipas ng oras, ang mga blangkong papel ay napuno ng mga likhang tila bulaklak na unti-unting namumukadkad. Ang bawat poster ay naging salamin ng malikhaing pag-iisip ng kabataan—mga ideyang makulay, at angking husay. Tunay ngang kapag pinagsama ang talento at tiyaga, ang simpleng guhit ay nagiging obra na may saysay at diwa.

Sa pagtatapos ng patimpalak, tatlong Humanista ang nagningning at kinilala sa kanilang pambihirang galing. Ang Unang Pwesto ay matagumpay na nasungkit ni Quinsebell B. Del Rosario mula sa 12 Whitman, na humanga sa mga hurado dahil sa kanyang makulay at malikhaing obra na tunay na kahanga-hanga. Sinundan ito ni Marian Apolonio ng 12 Voltaire, na nagkamit ng Ikalawang Pwesto sa kanyang disenyong punong-puno ng ideya at kapuri-puring likha . Samantala, ang Ikatlong Pwesto ay napunta kay Val Inot mula sa 12 Da Vinci, na nagpamalas din ng kakaibang talento at obrang tunay na kapansin-pansin.

Sa huli, ang Poster Making Contest ay hindi lamang naging entablado ng kumpetisyon, kundi isang makulay na pagsabog ng talento at malikhaing pag-iisip ng mga Humanista. Sa gitna ng sigla ng baryo fiesta, ang bawat guhit at timpla ng kulay ay naging salamin ng kanilang pangarap, dedikasyon, at kakayahang lumikha ng kagandahan mula sa payak na papel. Ang mga obrang kanilang inukit ay hindi lamang sandaling palamuti ng pagdiriwang—ito ay naging tatak ng kanilang husay at alaala ng isang pistang nagbigay-buhay sa sining, nagbuklod sa komunidad, at nagpaalab sa diwang patuloy na sisiklab sa puso ng kabataang handang mangarap at magtagumpay.

( Photos by: Z. Tabudlong )
( Layout by: G. Baraquil )

13/03/2026

𝐋𝐀𝐑𝐎-𝐋𝐀𝐑𝐎: 𝐀𝐍𝐆 𝐊𝐀𝐒𝐈𝐘𝐀𝐇𝐀𝐍 𝐒𝐀 𝐊𝐀𝐏𝐈𝐒𝐓𝐀𝐇𝐀𝐍 𝐀𝐘 𝐍𝐀𝐆𝐒𝐈𝐌𝐔𝐋𝐀 𝐒𝐀 𝐋𝐀𝐊𝐀𝐒 𝐍𝐀𝐍𝐆 𝐁𝐀𝐖𝐀𝐓 𝐊𝐎𝐏𝐎𝐍𝐀𝐍
by J. Balisi

Sa labas, Pinoy games ang nagbigay-buhay. Larong patintero, ay nasungkit ng Whitman ang titulo ng pagiging panalo, pangalawa ang Beethoven, at panghuli ang Shakespeare. Sa larong patintero, kailangang maging alerto, matalas ang paningin, at mahaba ang braso upang lumamang sa laro. Ngunit, sa tatlong tahanan, makikitang hindi ang pagiging panalo ang nais masungkit ng bawat grupo kundi ang tunay na halaga ng pagiging manlalaro na ipinamalas ng section Whitman.

Sa larong pokpok palayok, panalo ulit ang Whitman, sunod si Confucius, at pangatlo si Da Vinci. Kung saan ang section ng Whitman ineksperimento pa ang bigat ng pamalo, pandama sa lupa at sensaysiyon sa paligid upang sa isang palo sumakses kaagad sa laro.

Ang pinakamaingay na laro sa kapistahan kung saan lakas at diskarte ang tanging panglaban tug-of-war. Sa girls, wagi ang Voltaire sa husay ng diskarte, hindi mahuhuli, sumunod ang Da Vinci na sa tibay ng depensa sugat ang natamasa at saya ang nanguna, at panghuli ang Shakespeare, kung saan nagpakitang gilas sa paghila. Sa boys naman, ang nanguna ay Voltaire pa rin, sa lakas ng mga katawan at sa tibay ng samahan, hindi maipagkakaila na magtatapos sa dalawang ginto sa isang laro. Sumunod ang Confucius.

Hindi pa man natatapos ang araw at nauubusan ng oras, ginanap ang huling laro na sack race, kung saan sa hindi pantay na talonan at mabatong kapaligiran, sinungkit ng section Voltaire ang pagiging number 1, ikalawa ang Mozart, at pangatlo ang Da Vinci—may natumba, may naligaw, nahirapan, at nahuli, pero lahat umuwing nakangiti.

Sa patintero, pokpok-palayok, tug-of-war, at sack race, iisang larawan ang paulit-ulit: may panalong umaabot, may natutumba, at may umaagapay. Ang Whitman ay mabilis, ang Voltaire ay matibay, pero ang Da Vinci ang nag-abot ng kamay; ang Confucius ang nagbigay ng tubig kahit ikalawa lang; ang Shakespeare ay sumigaw para sa kalaban pagkapigo nito. Walang nagmartsa palabas ng nakakuyom ang kamao—ang naiwan sa damuhan ay mga tawa, pasa, at kwento ng “sige, ulit.”

Sa HUMSS Nexus, ang sportsmanship ay hindi medalya: ito ang paggalang na mas mabigat kaysa pisi, at ang tawanan na mas maingay kaysa kantyawan.

( Photos by: Z. Tabudlong )
( Layout by: G. Baraquil )

12/03/2026

𝐊𝐎𝐏𝐎𝐍𝐀𝐍 𝐍𝐆 𝐌𝐀𝐋𝐀𝐋𝐀𝐊𝐀𝐒: 𝐀𝐍𝐆 𝐂𝐎𝐔𝐑𝐓 𝐀𝐍𝐆 𝐌𝐀𝐆𝐈𝐆𝐈𝐍𝐆 𝐒𝐀𝐒𝐈 𝐒𝐀 𝐓𝐎𝐓𝐎𝐎𝐍𝐆 𝐀𝐋𝐀𝐒
by J. Balisi

Kasabay ng mga banderitas ay ang pumagitnang scoreboard na magiging saksi sa labanan sa loob ng court. Sa bawat laban, ang sahig ay puno nang pawis, diskarte, at hiyawan, ngunit mas nangunguna ang tawanan.

Sa basketball, ang kuponan ng Mozart ang siyang nakakuha ng titulo; malinis ang assist, malinaw ang komunikasyon, at mahusay ang pasahan. Pangalawa ang Whitman, kung saan malaya ang mga tira at lumalamang sa versikulo. Pangatlo ang Confucius, laging sinusukat ang espasyo kaysa sa bilis.

Sa huli, ang larong basketball ang naging daan upang maipakita na kahit sa loob ng court, hindi maikukubli ang pagkadismaya; natalo man, ng Mozart, ang dalawang koponan nanatiling magkaibigan pagkatapos ng labanan.

Sa loob ng gymnasium, volleyball naman ang siyang hinihiyawan. Diskarte, tiyaga, komunikasyon, husay, at talento ang muling ipinamalas ng Mozart upang makamit ang pangalawang ginto sa loob ng court. Nasungkit naman ng Confucius ang pilak, at naghatian ng titulo ang Whitman at Shakespeare sa tanso, matapos ang mahabang rally na inabot ng tawanan.

Sa huli, ang tunay na tropeyo’y nakikita sa mga kamay na nag-abot ng tubig sa kalaban, at high five ng Mozart at Confucius kahit magkatunggali. Walang nag-uwi ng luha; lahat ay may kwento. Ang Da Vinci na nagpunas ng alikabok sa siko ng Whitman, ang Shakespeare na sumabay sa chant ng girls’ team.

Sa HUMSS Nexus, ang sportmanship ay hindi islogan—ito ang pawis na sabay pinunasan, at ang kantyawang iniuwi ng buong koponan. Hindi sa loob ng court ang magiging siraan, kundi ang pagpapatibay ng samahan.

( Photos by: V. Inot, L. Cañada, R. Inot, & Z. Tabudlong )
( Layout by: G. Baraquil )

12/03/2026

𝑯𝑼𝑳𝑰𝑵𝑮 𝑺𝑨𝑳𝑶-𝑺𝑨𝑳𝑶 𝑺𝑨 𝑩𝑨𝑹𝑹𝑰𝑶: 𝑨𝑵𝑮 𝑷𝑰𝑺𝑻𝑨𝑵𝑮 𝑵𝑨𝑮-𝑼𝑮𝑵𝑨𝒀 𝑵𝑮 𝑩𝑨𝑾𝑨𝑻 𝑻𝑨𝑳𝑬𝑵𝑻𝑶, 𝑻𝑨𝑳𝑰𝑵𝑶, 𝑨𝑻 𝑵𝑨𝑮𝑷𝑨𝑲𝑰𝑻𝑨 𝑵𝑨𝑵𝑮 𝑻𝑶𝑻𝑶𝑶𝑵𝑮 𝑹𝑬𝑺𝑷𝑬𝑻𝑶, 𝑨𝑵𝑮 𝑯𝑼𝑴𝑺𝑺 𝑫𝑬𝑷𝑨𝑹𝑻𝑨𝑴𝑬𝑵𝑻𝑶
by J. Balisi

Tunghayan ang isang masayang pagdiriwang kung saan muling matatagpuan ang tunay na kahulugan ng kapistahan sa Humss Department. Banderitas, tawanan, at musika—ang muling nagpapaalala kung ano talaga ang diwa ng kapistahan: sama-sama, hindi solo-solo. Ang tunay na kahulugan ng kapistahan sa barrio.

Sa huling pagkakataon, naipamalas ng bawat tahanan ang husay at talento; mula sa tela, karton, tent, balloons, dahon ng niyog, nipa, at iba't-ibang mga gamit na babagay sa maliit na barrio. Ang kanilang ginamit upang maramdaman ang tunay na halaga ng isang kapistahan kung saan pagkakaisa ang siyang namumuo, hindi galit at pagkamuhi.

Masaya, masarap, at nakakaaliw ang makaranas ng isang kapistahang minsan lang mararanasan, isang pistang matagal ng pinaghandaan na naging dahilan ng kompetisyon at hindi pag-iintidihan. Magkaganon pa man, nanatiling matatag at marespeto ang bawat section upang ipamalas na sa kahit anong pagkakataon, hindi susuko at hindi bibitaw sa pagkakaisa, mananatiling matatag at hindi matitibag.

Sa huli, ang pista ay hindi tungkol sa pinakamagarang booth, pinakamalakas na speaker, pinakamaraming pagkain, pinakamalaking letchon, o sa pinakamagandang jersey, kundi tungkol sa pagkakaisa at kasiyahan na nalilikha kapag ang talakayan ay ginawang laro, ang aralin ay ginawang palabas, at ang entablado ay ibinukas pati sa hindi inaasahang panauhin.

Kapistahang minsan lang maranasan at samahang hindi mawawakasan.

( Photos by: V. Inot, L. Cañada, R. Inot, & Z. Tabudlong )
( Layout by: G. Baraquil )

11/03/2026

FINALLY IT'S HERE...

Be part of the excitement as we celebrate two days of fun and tradition in our town during Barrio Fiesta 2026! With the theme, “Panaghi-usa sa kapistahan sa barrio: bringing communities together!” on March 10-11

10/03/2026

The fiesta is officially on, Nexals!! Come join the fun and celebrate with us!! 🎉

09/03/2026

Something big is about to bring everyone together for a moment of joy and festivity!! Are you ready, Nexals?? 🎉

𝟬𝟯.𝟭𝟬.𝟮𝟬𝟮𝟲

04/04/2025

𝐑𝐄𝐀𝐂𝐇𝐈𝐍𝐆 𝐎𝐔𝐓 𝐈𝐍 𝐒𝐓𝐔𝐃𝐄𝐍𝐓 𝐖𝐀𝐘𝐒: 𝐀 𝐇𝐄𝐀𝐃 𝐒𝐓𝐀𝐑𝐓 𝐓𝐎 𝐀𝐍 𝐀𝐏𝐑𝐈𝐋 𝐎𝐅 𝐆𝐈𝐕𝐈𝐍𝐆

Nexals from 12th grade marshalled their way to the children of Zone 1, Baybay City, Leyte, carrying gifts in their pockets and passion in their hearts to an outreach program organized under the advisory of Community Engagement, Solidarity, and Citizenship teachers, Mrs. Catherine O. Albarico and Mr. Eric L. Fernandez, last April 1, 2025.

The “Kabataang Kawanggawa: Children’s Development and Well-being Outreach Program” was made possible under the leadership of the assigned grade 12 classroom presidents, each section paired to function into a specific committee to practice generosity and camaraderie in little student ways.

The program started with a reading activity where each student chose one child to guide in reading the materials provided by the project There is Hope in Reading (THOR) aimed to fortify learners into literacy and comprehension to shape and foster their knowledge in becoming an effective individual to itself and the community, followed by the fun games, and gift giving afterwards.

Since children are the only ones who can carry on the legacy of our society, it is our duty to provide for their fundamental necessities and to ensure their well-being. Children's welfare should be a top priority for the society and government, particularly in times of global crisis when it is difficult for them to have the basic necessities. These deficiencies are largely caused by poverty, and although we cannot immediately address these problems, we can lead by example by providing for the less fortunate.

Students are no exemption to setting an example to other people to become an open hand that in the midst of personal battles and need, there is still a gentle whisper that pricks one’s heart just the right amount to offer service so that others can see and do the same.

This activity is only the beginning of the more to come. There is so much to look forward to in giving, and even when we feel like we could only do so little, little becomes great when put together by teamwork and commitment.

We salute everyone who took part in the activity. May spirit like yours arise in the community in the name of service and love towards every inch of the society!

(Via: Candies Jewell D. Abayabay)
(Photos by: HUMSS Nexus Officers)

02/04/2025

𝐕𝐨𝐥𝐭𝐚𝐢𝐫𝐞, 𝐍𝐚𝐠-𝐮𝐰𝐢 𝐧𝐠 𝐊𝐚𝐦𝐩𝐞𝐨𝐧𝐚𝐭𝐨 𝐬𝐚 𝐋𝐢𝐠𝐚 𝐧𝐢 𝐁𝐚𝐢 𝐧𝐠 𝐁𝐚𝐫𝐫𝐢𝐨 𝐅𝐢𝐞𝐬𝐭𝐚

Nagdiwang ang Seksyon Voltaire matapos nilang hiranging kampeon sa masiglang Liga ni Bai championship games, na bahagi ng "Panagtagbo sa Kapistahan sa Baryo: Forging Bonds, the Nexals Way!" sa Baybay City Senior High School Gymnasium, Marso 20.

Sa masiglang kompetisyon sa palakasan ng Liga ni Bai na ginanap sa Baybay City Senior High School Gymnasium, ang mga seksyon ay nakibahagi sa isang serye ng mga kapana-panabik na laban na nagpakita ng husay at determinasyon ng mga mag-aaral, at nagbigay ng pagkakataon upang ipakita ang kanilang talento sa palakasan.

Nag-alab ang kompetisyon sa una at ikalawang araw ng Barrio Fiesta sa pamamagitan ng Liga ni Bai, isang paligsahan na nagpakita ng talento at sportsmanship ng mga Grade 12 HUMSS Nexals.

Sa harap ng masigabong hiyawan ng mga estudyante, nagtunggali ang iba’t ibang koponan kung saan nakuha ng Section Voltaire ang panalo laban sa Section Confucius, naungusan ng Section Da Vinci ang Beethoven, nanalo ang Section Mozart laban sa Section Sophocles, at natalo ng Section Shakespeare ang Section Whitman sa ika-huling laro.

Sa ikalawang araw, nagpatuloy ang matinding kompetisyon na nagtagpo sa mga estudyante ng Grade 12 HUMSS para sa inaasam na kampeonato.

Sa gitna ng mainit na labanan at alingawngaw ng hiyawan ng mga manonood, nag-uwi ng panalo ang Seksyon Voltaire laban sa Seksyon Da Vinci, sinundan ng pagtagumpay ang Seksyon Shakespeare laban sa Seksyon Mozart, at sa huling araw ng labanan, nasaksihan ang isang kapanapanabik na finals ng dalawang pinakamahuhusay na koponan na Seksyon Voltaire at Seksyon Shakespeare, at sa huli, nagtagumpay ang Seksyon Voltaire, na siyang nag-uwi ng kampeonato!

Sa pamamagitan ng kanyang husay at dedikasyon sa paligsahan, nakamit ni Mark James Molina ng Seksyon Voltaire ang Most Valuable Player (MVP) award dahil sa kanyang kahanga-hangang performance sa paligsahan na nagbigay ng kasiyahan at inspirasyon sa mga manonood.

Ang Liga ni Bai ay naghahangad magbigay ng kasiyahan at pakikipagkaisa sa mga mag-aaral bilang bahagi ng pagdiriwang ng Barrio Fiesta.

(via Shaina Supangan)
(Graphics by Gelle Baraquil)

29/03/2025

𝐏𝐚𝐧𝐚𝐠𝐡𝐢𝐮𝐬𝐚 𝐬𝐚 𝐊𝐚𝐩𝐢𝐬𝐭𝐚𝐡𝐚𝐧, 𝐈𝐝𝐢𝐧𝐚𝐨𝐬 𝐬𝐚 𝐁𝐚𝐲𝐛𝐚𝐲 𝐂𝐢𝐭𝐲 𝐒𝐞𝐧𝐢𝐨𝐫 𝐇𝐢𝐠𝐡 𝐒𝐜𝐡𝐨𝐨𝐥

Isang masayang selebrasyon ang idinaos sa Baybay City Senior High School sa pamamagitan ng "Panaghiusa sa Kapistahan," na dinaluhan ng mga Grade 12 Nexals at ng mga g**o upang ipagdiwang ang huling araw para sa Barrio Fiesta, noong Marso 21.

Sinimulan ang programa ganap na 5:30 ng hapon sa pamamagitan ng isang pambungad na pananalita mula kay Nelson B. Maturan, Work Immersion Coordinator na nagpahayag ng pasasalamat sa lahat ng dumalo at sa mga tumulong upang maisakatuparan ang programa. Nagbigay rin siya ng isang mensahe tungkol sa tunay na halaga ng ganitong mga pagdiriwang at mga aral na maaaring dalhin ng mga mag-aaral sa kanilang buhay sa hinaharap.

“It is not just a festival, but what is more important is what have you learned from these events.”

Sinundan ito ng mensahe mula sa Punongg**o na si Grecelda A. Montalban na nagpahayag ng inspirasyon sa mga mag-aaral, "Dream and dream until you succeed. There's no limitation in dreaming. The success that we have started with a dream." kung saan binigyang-halaga niya ang determinasyon at walang hanggang posibilidad ng tagumpay.

Matapos nito, isang natatanging pagtatanghal ang ipinamalas ng Pasundayag sa Talento Grand Champion, sina Irene Nayre at Maria Theresa Cinco, na humanga sa madla sa pamamagitan ng kanilang husay sa pagkanta.

Kasabay nito, ginanap din ang awarding ceremony, kung saan kinilala ang mga nagwagi sa iba't ibang patimpalak na isinagawa sa loob ng kapistahan.

Isa sa mga pinaka inaabangang bahagi ng programa ay ang "Panaghiusa sa Pagkaon", na nagbigay ng pagkakataon sa lahat na magtipon at pagsaluhan ang masasarap na pagkain, na sumasalamin sa diwa ng bayanihan at pagkakaisa.

Sa paglagay ng gabi, naging tampok ang live band at traditional bayle mula 6:30 PM hanggang 7:00 PM, na nagbigay ng sigla at saya sa mga dumalo.

Nasundan ito ng isang masayang disco mula, kung saan nagtipon-tipon ang mga mag-aaral upang ipagdiwang ang tagumpay ng selebrasyon.

Ang Barrio Fiesta ay naging isang matagumpay na pagdiriwang na hindi lamang nagbigay-kasiyahan kundi nagpatibay rin ng pagkakaibigan, pagpapahalaga sa kultura, talento, at diwa ng pagkakaisa sa loob ng paaralan.

(Isinulat ni Krystel Rosite)
(Kuha ni Ruby Avila at Janille Pojaras)

HUMSS NEXUS

13/03/2026

13/03/2026

12/03/2026

12/03/2026

11/03/2026

10/03/2026

09/03/2026

04/04/2025

02/04/2025

29/03/2025

Address

Opening Hours

Telephone

Website

Alerts

Shortcuts

Share

Category

Listing takedown request

Monday	7:45am - 5:15pm
Tuesday	7:45am - 5:15pm
Wednesday	7:45am - 5:15pm
Thursday	7:45am - 5:15pm
Friday	7:45am - 5:15pm
Saturday	7:45am - 5:15pm
Sunday	7:45am - 5:15pm