16/08/2026
Noong Agosto 14, 2026, matagumpay na isinagawa sa Pitugo Elementary School ang School Intramurals 2026 na nilahukan ng mga mag-aaral mula Kindergarten hanggang Grade 6. Layunin ng gawaing ito na malinang ang kanilang mga kasanayan sa iba’t ibang larangan ng palakasan, mapalakas ang pagtutulungan, disiplina, sportsmanship, at pagkakaisa.
Sa buong programa, masiglang nakilahok ang mga mag-aaral sa iba’t ibang paligsahan at ipinakita ang kanilang husay, tiyaga, respeto sa kapwa manlalaro, at pagsunod sa mga alituntunin ng bawat laro. Naging pagkakataon din ito upang mapaunlad ang kanilang tiwala sa sarili at pagpapahalaga sa pagkakaisa at pagiging mabuting kasamahan.
Taos-pusong pasasalamat ang ipinapaabot ng Pamunuan ng Pitugo Elementary School, sa pangunguna ni Ma’am Rochell R. Bandong, sa lahat ng taong tumulong at nakiisa upang maging matagumpay ang nasabing gawain. Lubos na pinasasalamatan ang ating PTA President na si Jennylyn Aguila, kasama ang mga PTA Officials, SGC Officers, mga magulang, at mga mag-aaral ng paaralan sa kanilang aktibong pakikilahok, suporta, at pakikiisa.
Lubos din ang pasasalamat sa patuloy na suporta at pakikipagtulungan ng ating mga Barangay Officials, sa pangunguna ni Pangulo Anselmo Acuzar, na patuloy na nagpapakita ng malasakit at suporta sa mga programa at gawain ng paaralan.
Sa kabuuan, naging matagumpay at makabuluhan ang School Intramurals 2026 dahil sa sama-samang pagsisikap, pagkakaisa, at suporta ng buong komunidad ng Pitugo Elementary School. Ang tagumpay na ito ay patunay na sa pamamagitan ng pagtutulungan, mas nagiging makabuluhan at matagumpay ang bawat gawaing pangpaaralan.
