Office of the City Agriculturist, Batangas City - FITS Center

𝐁𝐚𝐧𝐭𝐚𝐲 𝐏𝐫𝐞𝐬𝐲𝐨-𝐉𝐮𝐥𝐢𝐚𝐧 𝐏𝐚𝐬𝐭𝐨𝐫 𝐌𝐞𝐦𝐨𝐫𝐢𝐚𝐥 𝐌𝐚𝐫𝐤𝐞𝐭 𝐚𝐬 𝐨𝐟 𝐉𝐮𝐧𝐞 𝟐𝟑, 𝟐𝟎𝟐𝟔

𝐇𝐮𝐥𝐢𝐧𝐠 𝐓𝐚𝐰𝐚𝐠 𝐩𝐚𝐫𝐚 𝐬𝐚 𝐦𝐠𝐚 𝐧𝐚𝐢𝐬 𝐝𝐮𝐦𝐚𝐥𝐨 𝐬𝐚 𝐂𝐨𝐜𝐨 𝐂𝐨𝐢𝐫 𝐖𝐞𝐚𝐯𝐢𝐧𝐠 𝐒𝐞𝐦𝐢𝐧𝐚𝐫!

Isang mapagpala at mabiyayang araw po sa lahat!
Huling Tawag para sa mga nais dumalo sa Coco Coir Weaving Seminar!

Inaanyayahan po namin ang lahat na makibahagi sa Coco Coir Weaving Seminar na gaganapin sa Office of the City Agriculturist (OCVAS Compound, OCVAS Motor Pool), Brgy. Bolbok, Batangas City mula Hunyo 23–25, 2026, alas-8:00 ng umaga hanggang alas-5:00 ng hapon.

Sa pagsasanay na ito, matututunan ang paggamit ng coconut fiber (coco coir) bilang pangunahing materyales sa paggawa ng iba't ibang produktong may pakinabang at kabuhayan, tulad ng:

Coco Pots
Plant Hangers
Plant Poles
Coco Twine (Lubog)
Coconet
✅ Tumatanggap pa rin po kami ng mga late attendees. Huwag palampasin ang pagkakataong matuto ng bagong kasanayan at makadagdag sa inyong kabuhayan.

Hatid ng Office of the City Agriculturist at Pamahalaang Lungsod ng Batangas para sa patuloy na pagpapaunlad ng agrikultura at kabuhayan ng mga Batangueño.

Makilahok, matuto, at sama-sama nating paunlarin ang ating komunidad!

𝐁𝐚𝐧𝐭𝐚𝐲 𝐏𝐫𝐞𝐬𝐲𝐨-𝐉𝐮𝐥𝐢𝐚𝐧 𝐏𝐚𝐬𝐭𝐨𝐫 𝐌𝐞𝐦𝐨𝐫𝐢𝐚𝐥 𝐌𝐚𝐫𝐤𝐞𝐭 𝐚𝐬 𝐨𝐟 𝐉𝐮𝐧𝐞 𝟐𝟐, 𝟐𝟎𝟐𝟔

𝐓𝐑𝐀𝐈𝐍𝐈𝐍𝐆 𝐎𝐍 𝐅𝐎𝐎𝐃 𝐏𝐑𝐄𝐒𝐄𝐑𝐕𝐀𝐓𝐈𝐎𝐍
𝐉𝐔𝐍𝐄 𝟏𝟕-𝟏𝟖, 𝟐𝟎𝟐𝟔 | 𝐌𝐀𝐍𝐆𝐎 𝐏𝐑𝐎𝐂𝐄𝐒𝐒𝐈𝐍𝐆 𝐂𝐄𝐍𝐓𝐄𝐑, 𝐎𝐂𝐕𝐀𝐒 𝐂𝐎𝐌𝐏𝐎𝐔𝐍𝐃, 𝐁𝐎𝐋𝐁𝐎𝐊, 𝐁𝐀𝐓𝐀𝐍𝐆𝐀𝐒 𝐂𝐈𝐓𝐘

Matagumpay na naisagawa ang Training on Food Preservation noong Hunyo 17–18, 2026 sa Mango Processing Center, OCVAS Compound, Bolbok, Batangas City. Ang pagsasanay ay pinangunahan ng 𝐇𝐨𝐦𝐞 𝐄𝐱𝐭𝐞𝐧𝐬𝐢𝐨𝐧 𝐃𝐢𝐯𝐢𝐬𝐢𝐨𝐧 ng 𝐎𝐟𝐟𝐢𝐜𝐞 𝐨𝐟 𝐭𝐡𝐞 𝐂𝐢𝐭𝐲 𝐀𝐠𝐫𝐢𝐜𝐮𝐥𝐭𝐮𝐫𝐢𝐬𝐭 at dinaluhan ng mga kasapi ng 𝐑𝐈𝐂, 𝐌𝐚𝐧𝐠𝐨 𝐆𝐫𝐨𝐰𝐞𝐫𝐬, 𝐁𝐚𝐧𝐚𝐧𝐚 𝐆𝐫𝐨𝐰𝐞𝐫𝐬, 𝐚𝐭 𝐕𝐞𝐠𝐞𝐭𝐚𝐛𝐥𝐞 𝐆𝐫𝐨𝐰𝐞𝐫𝐬 𝐧𝐠 𝐁𝐚𝐭𝐚𝐧𝐠𝐚𝐬 𝐂𝐢𝐭𝐲.

Layunin ng programa na mapalawak ang kaalaman ng mga kalahok sa wastong pagpreserba ng pagkain upang mapahaba ang shelf life ng mga ani tulad ng saging, kamatis, mangga, at mushroom. Sa pamamagitan nito, maiiwasan ang pagkasira at pag-aaksaya ng mga produktong agrikultural habang nagkakaroon din ng dagdag na oportunidad para sa pangkabuhayan.

Bilang bahagi ng pagsasanay, sumailalim ang mga kalahok sa hands-on workshop kung saan aktuwal nilang isinagawa ang pickling o pag-aatsara, wastong sterilization ng mga lalagyan, at paggamit ng dehydrator bilang paraan ng pagtutuyo at pagpreserba ng mga pagkain. Nagbigay ng mahalagang kaalaman at gabay si 𝐌𝐬. 𝐌𝐚𝐝𝐞𝐥𝐞𝐧𝐞 𝐃𝐮𝐩𝐚𝐥𝐞, 𝐢𝐬𝐚𝐧𝐠 𝐂𝐡𝐞𝐟 𝐄𝐱𝐞𝐜𝐮𝐭𝐢𝐯𝐞 𝐂𝐨𝐧𝐬𝐮𝐥𝐭𝐚𝐧𝐭 ng iba't ibang prestihiyosong pribadong kumpanya sa bansa.

Sa pagtatapos ng programa, umuwi ang mga kalahok na may dalang sariling gawang produkto at bagong kaalaman sa food preservation na maaari nilang magamit para sa pagpapalawak ng kanilang kabuhayan at pagdaragdag ng halaga sa kanilang mga ani.

𝐋𝐈𝐕𝐄𝐋𝐈𝐇𝐎𝐎𝐃 𝐓𝐑𝐀𝐈𝐍𝐈𝐍𝐆 𝐎𝐍 𝐌𝐄𝐀𝐓 𝐏𝐑𝐎𝐂𝐄𝐒𝐒𝐈𝐍𝐆 (𝐓𝐀𝐏𝐀 & 𝐓𝐎𝐂𝐈𝐍𝐎) & 𝐏𝐀𝐆𝐆𝐀𝐖𝐀 𝐍𝐆 𝐌𝐆𝐀 𝐇𝐎𝐔𝐒𝐄𝐇𝐎𝐋𝐃 𝐄𝐒𝐒𝐄𝐍𝐓𝐈𝐀𝐋𝐒
𝐉𝐔𝐍𝐄 𝟏𝟔, 𝟐𝟎𝟐𝟔 | 𝐙𝐈𝐋𝐊𝐎𝐑, 𝐏𝐀𝐋𝐋𝐎𝐂𝐀𝐍 𝐊𝐀𝐍𝐋𝐔𝐑𝐀𝐍, 𝐁𝐀𝐓𝐀𝐍𝐆𝐀𝐒 𝐂𝐈𝐓𝐘

Bilang bahagi ng programang pangkabuhayan ng JG Summit Olefins Corporation, nagsagawa ng livelihood training para sa mga residente ng Brgy. Pinamucan, Brgy. Pinamucan Ibaba, at Brgy. Simlong, Batangas City upang mapalawak ang kanilang kaalaman at kasanayan sa mga alternatibong pagkakakitaan.

Idinaos ang pagsasanay noong Hunyo 16, 2026 sa Zilkor, Pallocan Kanluran, Batangas City. Tinalakay rito ang paggawa ng dishwashing liquid, liquid detergent, detergent powder, fabric conditioner, at meat products gaya ng tapa at tocino bilang mga produktong maaaring pagkakitaan.

Pinangunahan ang aktibidad ng 𝐇𝐨𝐦𝐞 𝐄𝐱𝐭𝐞𝐧𝐬𝐢𝐨𝐧 𝐃𝐢𝐯𝐢𝐬𝐢𝐨𝐧 sa pamumuno ni 𝐆𝐧𝐠. 𝐍𝐢𝐝𝐚 𝐌𝐚𝐫𝐚𝐬𝐢𝐠𝐚𝐧, kasama sina 𝐆𝐧𝐠. 𝐂𝐡𝐫𝐢𝐬𝐭𝐢𝐧𝐞 𝐉𝐨𝐲 𝐋𝐚𝐜𝐬𝐚𝐦𝐚𝐧𝐚, 𝐆𝐧𝐠. 𝐒𝐡𝐚𝐫𝐦𝐚𝐢𝐧𝐞 𝐕𝐢𝐭𝐭𝐨, 𝐁𝐛. 𝐌𝐚𝐫𝐢𝐧𝐞𝐥𝐥 𝐌𝐚𝐜𝐚𝐭𝐚𝐧𝐠𝐚𝐲, at 𝐁𝐛. 𝐌𝐞𝐥𝐚𝐧𝐢𝐞 𝐀𝐥𝐦𝐚𝐫𝐞𝐳, na nagbahagi ng kanilang kaalaman at teknikal na kasanayan sa mga kalahok.

Sa pamamagitan ng programang ito, nabigyan ang mga benepisyaryo ng mga praktikal na kaalaman na makatutulong sa pagsisimula ng maliliit na kabuhayan at sa pagpapabuti ng kanilang antas ng pamumuhay.

𝐁𝐚𝐧𝐭𝐚𝐲 𝐏𝐫𝐞𝐬𝐲𝐨-𝐉𝐮𝐥𝐢𝐚𝐧 𝐏𝐚𝐬𝐭𝐨𝐫 𝐌𝐞𝐦𝐨𝐫𝐢𝐚𝐥 𝐌𝐚𝐫𝐤𝐞𝐭 𝐚𝐬 𝐨𝐟 𝐉𝐮𝐧𝐞 𝟏𝟖, 𝟐𝟎𝟐𝟔

𝐁𝐚𝐧𝐭𝐚𝐲 𝐏𝐫𝐞𝐬𝐲𝐨-𝐉𝐮𝐥𝐢𝐚𝐧 𝐏𝐚𝐬𝐭𝐨𝐫 𝐌𝐞𝐦𝐨𝐫𝐢𝐚𝐥 𝐌𝐚𝐫𝐤𝐞𝐭 𝐚𝐬 𝐨𝐟 𝐉𝐮𝐧𝐞 𝟏𝟕, 𝟐𝟎𝟐𝟔

𝐇𝐚𝐫𝐯𝐞𝐬𝐭 𝐅𝐞𝐬𝐭𝐢𝐯𝐚𝐥 𝐓𝐫𝐢𝐚𝐥 𝐔𝐩𝐝𝐚𝐭𝐞: 𝐅𝐮𝐞𝐠𝐨 𝐅𝟏 🌶️

Silipin natin ang resulta ng unang trial (Dry Season) ng sili variety na Fuego F1 mula sa East-West Seed.

Bakit nga ba magandang abangan ang variety na ito? Bukod sa matibay ito sa bacterial wilt kahit sa mainit na panahon, konsistent na malalaki ang bunga nito hanggang matapos ang harvest season (+20% higher yield kumpara sa Red Hot!). May average production ito na 2–3 kg kada puno, at kayang magbigay ng hanggang 380 pcs/kilo kapag maganda ang ulan.

Tapos na ang dry season test, kaya handa na tayo para sa Second Trial ngayong rainy season naman! Stay tuned!