29/07/2021
With the official declaration from the National IATF, our province will be placed under Modified Enhanced Community Quarantine starting August 1-15, 2021.
We remind everybody to observe the following reminders from Governor Matthew Marcos Manotoc’s EO 142-21:
SECTION 3. HEALTH STANDARDS
ARAMIDEN:
• Agusar ti facemask ken face shield
• Obserbaren ti umno a distansia
LIKLIKAN:
• Pasdek a nakaserra ti ridaw/tawa
• Lugar nga adu ti tao
• Tao a nakipulapol ti pasyente ti Covid-19
SECTION 4. PANAGGUNAY DAGITI UMILI
LIMITADO ITI:
• Trabaho
• Importante a banag ken serbisio
• Panagwatwat
SAAN A MABALIN A RUMUAR:
• Agtawen 18 agpababa ken agtawen 65 agpangato
• Addaan iti sagubanit ti bagi ken alisto makaala ti virus
• Masikog
Ti rumuar tapno laeng agpasyar ket saan a mapalubosan.
SECTION 5. PATINGGA TI KAADDA ITI RUAR (CURFEW) KEN PANAGINOM TI ARAK
• Mangrugi iti 9 PM agpatingga iti 4 AM
SECTION 6. PAMPUBLIKO KEN PRIBADO A PAGLUGANAN
Ipatungpal ti Mayor ti siudad/ili dagiti pagalagadan pakaseknan ti panagbiahe dagiti lugan pampubliko wenno pribado.
TRICYCLES – maysa (1) laeng ti aglugan.
Bus ken Jeep – 50 a porsiento laeng dagiti aglugan.
TAXI – dua (2) laeng ti aglugan.
SECTION 7. PANAGGUNAY DAGITI APOR
Responsibilidad dagiti boundary control ti pannakamiris ti salun-at dagiti APOR ken ensigida a maipakaammo iti maseknan a Municipal/City Health Offices.
SECTION 8. PANNAKAKONTROL KADAGITI BOUNDARY
• Dagiti pannakabagi ti linteg (PNP) ti mangbantay kadagiti sumrek ken rumuar kadagiti nagduduma nga ili.
• Dagiti mayor kadagiti ili ken siudad ket adda bilegda a mangipatakder ti checkpoint kadagiti nagduduma a barangay ken panagusar ti pass slips.
SECTION 9. TRABAHO ITI OPISINA TI GOBIERNO
Agtultuloy ti operasion dagiti opisina ti gobierno ngem malimitaran dagiti sumrek nga empleado, dagiti dadduma, mabalinda ti agtrabaho nupay addada iti pagtaenganda babaen iti panangaprobar ti mangidadaulo iti opisina.
SECTION 10. PANAGGU-UMMONG.
*Panaggu-ummong – ti panagtitipon ti lima wenno agpangato a tattao a saan nga agnanaed iti maysa a pagtaengan.
• Ti panaggu-ummong ket maiparit malaksid laeng no adda pammalubos ti gobierno.
• Ti panaggu-ummong a panagdayaw iti Dios ket para laeng iti ONLINE.
• Agpatinnga laeng iti siam (9) nga aldaw ti mansayag ti minatay, 15 laeng a tattao dagiti mapalubusan a makidungaw wenno 25 a porsiento.
SECTION 11. INDUSTRIA/SEKTOR A MAPALUBOSAN NG AGOPERAR.
PASDEK A MAPALUBOSAN NGA AGOPERAR (FULL CAPACITY):
Amin a pasdek a nadakamat iti Section 11.1 iti Executive Order 142-21.
SAAN A MAPALUBOSAN NGA AGOPERAR:
a. Lugar a pagraragsakan
b. Lugar a pagpalpaliwaan
c. Amusement parks, theme parks, fairs/peryas, kid amusement
d. Aniaman ti klase na nga isports iti ruar (Outdoor sports) para iti contact sports, panagsanay/training, ay-ayam wenno aniaman a maiyarngi nga isports;
e. Ania man ti klase na nga isports iti uneg ti pasdek (Indoor sports courts);
f. Pasdek para iti pannakatagiben ti bagi, gyms, wenno pasdek para iti panagpal-paliwa;
g. Swimming pools;
h. Personal care services kas iti balay pagpapintasan.
i. Panganan a mangipapaay ti pannangan iti uneg ti pasdek kas iti restaurant ken karinderia,
j. Dagiti casino, horse racing, panagpapallot ken pagpapallotan, pagtayaan ti lotto, ken sabsabali pay a pasdek a konektado iti pangsugal, malaksid laeng kadagiti pinalubosan ti IATF wenno opisina ti Presidente;
k. Pasdek nga agokumudar kadagiti turista, library, museum, gallery, cultural shows,exhibits; ken
l. Lugar para iti taripnong, meeting ken sabsabali pay a pasken.
SECTION 14. BILEG TI LOCAL CHIEF EXECUTIVE A MANGNAYON KADAGITI PAGALAGADAN
Dagiti Mayor ti siudad/ili ket adda bilegda a mangipatungpal ti naig-iget a pagalagadan ngem kasapol a maiyannatop iti daytoy a pagannurotan.
