Unang Bayani

Unang Bayani Isang lupon ng patnugutan, panulat ang sandata, katotohanan ang adhika | Ang opisyal na pahayagan ng STEC Junior High School | [email protected]

โ€œ๐™๐™๐™š ๐™๐™ž๐™ก๐™ž๐™ฅ๐™ž๐™ฃ๐™ค ๐™ž๐™จ ๐™ฌ๐™ค๐™ง๐™ฉ๐™ ๐™™๐™ฎ๐™ž๐™ฃ๐™œ ๐™›๐™ค๐™ง.โ€๐Ÿ‡ต๐Ÿ‡ญ๐Ÿ‡ต๐Ÿ‡ญ๐Ÿ‡ต๐Ÿ‡ญLumilipas ang mga taon, subalit hindi kailanman mabubura ang araw na namulat ang...
21/08/2026

โ€œ๐™๐™๐™š ๐™๐™ž๐™ก๐™ž๐™ฅ๐™ž๐™ฃ๐™ค ๐™ž๐™จ ๐™ฌ๐™ค๐™ง๐™ฉ๐™ ๐™™๐™ฎ๐™ž๐™ฃ๐™œ ๐™›๐™ค๐™ง.โ€๐Ÿ‡ต๐Ÿ‡ญ๐Ÿ‡ต๐Ÿ‡ญ๐Ÿ‡ต๐Ÿ‡ญ

Lumilipas ang mga taon, subalit hindi kailanman mabubura ang araw na namulat ang ating bayan. Ngayong Agosto 21, ginugunita natin ang buhay, tapang, at pamana ni Benigno โ€œNinoyโ€ Aquino Jr.

Sa kaniyang pag-uwi noong 1983, pinili niyang harapin ang panganib bitbit ang pag-asang muling makausap ang mga Pilipino. Ang kaniyang sakripisyo ay naging patunay na ang tunay na patriyotismo ay hindi kawalan ng takot, kundi ang pagpiling magsalita kahit nanginginig ang tinig para sa katotohanan at demokrasya.

Mga bala man ang sumalubong sa kanya, walang sandata ang kailanman makapapatay sa diwa at alaalang iniwan niya sa ating bansa.

Sa gitna ng ating kasalukuyan, iwan nawa tayo ng araw na ito ng isang mahalagang tanong: Kapag dumating ang oras na kailangan nating magsalita, magkakaroon ba tayo ng lakas ng loob na manindigan para sa ating bayan?๐Ÿ‡ต๐Ÿ‡ญ๐Ÿ‡ต๐Ÿ‡ญ๐Ÿ‡ต๐Ÿ‡ญ

Manunulat: Lanxi Luyao
Tagawasto: Anika Mae Gempisao
Tagadisenyo: Johan Andreih Abarri, Elijah Sereรฑo

TEMA: THINK BEFORE YOU CLICK: Mapanuring Isip sa Panahon ng AISa panahong kayang lumikha ng AI ng halos anumang impormas...
19/08/2026

TEMA: THINK BEFORE YOU CLICK: Mapanuring Isip sa Panahon ng AI

Sa panahong kayang lumikha ng AI ng halos anumang impormasyon at larawan, mahalagang gamitin ang ating sariling isip bago maniwala at magbahagi. Narito ang mga E-Dibuho ng ating mga kalahok, na nagpapakita ng kahalagahan ng pagiging mapanuri, responsable, at matalino sa paggamit ng teknolohiya.

Mag-isip bago mag-click. Maging mapanuri sa bawat click.

Manunulat: Kristine Kate Seno
Tagadisenyo: Johan Andreih Abarri

TEMA: Fact-Check Muna: Suriin ang Katotohanan, Pahalagahan ang Wika at KasaysayanSa panahon ng mabilis na pagkalat ng im...
18/08/2026

TEMA: Fact-Check Muna: Suriin ang Katotohanan, Pahalagahan ang Wika at Kasaysayan

Sa panahon ng mabilis na pagkalat ng impormasyon, mahalagang maging mapanuri sa bawat bagay na ating nakikita at nababasa. Narito ang mga likhang-infographics ng ating mga kalahok, na naglalayong maghatid ng makabuluhang impormasyon at paalala sa bawa't mambabasa.

Manunulat: Kristine Kate Seno
Tagadisenyo: Johan Andreih Abarri

๐Œ๐š๐›๐ข๐ฅ๐ข๐ฌ ๐ง๐š ๐๐š๐ ๐ค๐š๐ฒ๐š๐ฆ๐š๐ง"Binabati ka namin! Maaari kang manalo ng โ‚ฑ100,000!โ€ Nilagpasan ko lamang ito at nag i-scroll muli....
16/08/2026

๐Œ๐š๐›๐ข๐ฅ๐ข๐ฌ ๐ง๐š ๐๐š๐ ๐ค๐š๐ฒ๐š๐ฆ๐š๐ง

"Binabati ka namin! Maaari kang manalo ng โ‚ฑ100,000!โ€ Nilagpasan ko lamang ito at nag i-scroll muli. Makalipas ang ilang minuto, ayun na naman. Isang makulay na patalastas ng sugal, nangangako ng bonus, malalaking panalo, at swerte na tila isang pindot lamang ang layo. Muli ko itong nilagpasan. Mayamaya, may isa na naman. Doon na ako napaisip, nag-i-scroll ba talaga ako sa social media, o naglalakad sa isang kasino na nakatago lamang sa likod ng screen?

Nakakatakot kung iisipin dahil hindi na kailangang magmukhang isang sugal ang mga sugalan. Binalot na ito ng mga makukulay na disenyo, nakakaengganyong musika, mga sikat na personalidad, at mga pangakong magkakaroon ng malalaking posibilidad sa pagkapanalo. Hindi nito sinasabing, โ€œMag ingat ka sapagkat may tyansang matalo kaโ€ Sa halip, mas madalas nitong ibinubulong ang mga katagang โ€œPaano kung manalo ka?โ€

Dati, kapag sinasabi ang salitang โ€œsugal,โ€ ang pumapasok sa aking isipan ay mga kasinong kailangan pang puntahan. Ngayon, hindi na kailangang lumabas ng bahay. Nasa cellphone na. Nasa social media. Nasa mga website at billboard. Maging sa ilang palabas at online content nakasingit na rin ang mga patalastas na ito. Mas malapit, mas madaling makita, at mas madaling subukan.

Iyon ang dapat nating ikatakot, sapagkat ang patalastas ng sugal ay tila umeengganyo sa ating isugal rin ang ating kinabukasan. Ipinapakita dito ang malalaking panalo, ngunit hindi ang malaking posibilidad ng pagkatalo. Ipinapakita ang perang maaaring makuha, ngunit hindi ang perang maaaring mawala. Ipinapakita ang saya ng sandaling panalo, ngunit hindi ang lungkot sa mga problemang idinulot ng pagkatalo.

Paulit-ulit nating nakikita ang panalo at maaaring makalimutan nating may talo. Kaya mahalaga ang mga hakbang laban sa patuloy na paglaganap ng mga patalastas sa sugal. Ang Senate Bill No. 2347 na inihain ni Senador Francis โ€œChizโ€ Escudero ay naglalayong higpitan ang mga patalastas sa sugal. Sa Cebu, itinulak nina Konsehal Joel Garganera at ng City Legal Office ang mas mahigpit na pagkilos laban sa mga patalastas sa sugal, kabilang ang mga nakikita sa lansangan, online spaces, at mga sponsorship sa kaganapan.

May mga nagsasabing negosyo lamang ito, na nasa tao pa rin ang desisyon kung tataya sila o hindi. Totoo naman, may pananagutan ang bawat isa, subalit kung ang pagsusugal ay patuloy na ginagawang tila normal sa harap ng publiko, hindi baโ€™t may pananagutan rin ang impluwensiyang inilalagay sa harap ng mga tao araw-araw? Hindi lang pera ang mawawala sa pagsusugal, nakataya rin ang ating seguridad at pang araw-araw na pangangailangan. Ang perang itinaya sana ay ipinagbili na lamang ng pagkain, at ipinangtustos sa sariling pangangailangan o sa pamilya. Hindi natin kailangang hintayin na maging adiksyon nina Tatay, Nanay, Ate, at Kuya ang pagsusugal bago natin ito seryosohin.

Hindi masama ang mangarap ng mas magandang buhay. Ang mali ay ang patuloy na pagpapaniwala sa atin na sa isang pindot, isang taya, at isang swerte ay makakamtan na ito. Hindi natin napapansin na unti-unti na nating isinusugal ang kinabukasang tiyak na darating para sa isang panalong maaaring hindi dumating. Panahon na upang ating buksan ang ating mga mata at huwag hayaang may mauto sa ilusyon ng mabilis na pagkayaman.

Manunulat: Anika Mae Gempisao
Tagawasto: Marc Ian Rubante
Tagadibuho: Daniel Alexander Mitchell, Lance Philip Aunzo

๐ˆ๐ฌ๐š๐ง๐  ๐˜๐š๐ค๐š๐ฉ ๐๐š๐ซ๐š ๐๐ข ๐’๐ข๐ซ ๐‚๐š๐ฒ๐š๐œ๐š๐ฉSa ilalim ng mga ilaw, tugtugin, at palakpakan, nagtipon ang buong komunidad ng Science a...
14/08/2026

๐ˆ๐ฌ๐š๐ง๐  ๐˜๐š๐ค๐š๐ฉ ๐๐š๐ซ๐š ๐๐ข ๐’๐ข๐ซ ๐‚๐š๐ฒ๐š๐œ๐š๐ฉ

Sa ilalim ng mga ilaw, tugtugin, at palakpakan, nagtipon ang buong komunidad ng Science and Technology Education Center noong Agosto 13 upang ipagdiwang ang kaarawan ng kanilang minamahal na punong-g**o, si Dr. Ricardo T. Cayacap Jr. Sa araw na iyon, napuno ng saya at pasasalamat ang STEC Performing Activity Center habang sama-samang naghandog ang mga STECian ng isang pagdiriwang na mula sa puso.

Hindi lamang mga regalo ang inihanda para kay Dr. Cayacap. Sa bawat awit, sayaw, mensahe, at ngiting ibinahagi ng mga mag-aaral, g**o, at kawani, mas malinaw na naipakita ang kanilang pagmamahal at pagpapahalaga sa kanilang school head. Bawat pagtatanghal ay tila munting liham ng pasasalamat at puno ng alaala.

Mula sa prelude ng SASG at pagtatanghal ng Stecadencia hanggang sa mga awit at sayaw ng Elementary, Junior High School, Senior High School, Cymatics Club, at faculty, sunod-sunod na umindak ang entablado sa talento ng komunidad. Lalo pang naging makabuluhan ang Cymatics Tribute, na nagbigay-diin sa mga ambag at paglilingkod ni Dr. Cayacap sa paaralan. Sa bawat palakpak, mararamdaman ang pagkakaisa ng mga taong nais magpasalamat sa isang lider na naging bahagi ng kanilang mga kuwento.

Sa Message of Honor, binigyang-pugay ni Mrs. Audrey R. Masbang, Assistant School Principal II, ang mga katangiang taglay ni Dr. Cayacap sa pamamagitan ng acronym na โ€œRTCโ€โ€”Radiating, Tenacious, at Creative. Pinatunayan naman ng gift-giving at mga mensahe ng bawat departamento kung gaano kalalim ang respeto at pagmamahal ng mga STECian sa kaniya. Para sa kanila, hindi lamang siya isang punong-g**o. Isa rin siyang gabay, inspirasyon, at parang ama na patuloy na nag-aalay ng suporta at malasakit.

Sa kaniyang mensahe ng pasasalamat, kinilala ni Dr. Cayacap ang pagmamahal at pagsisikap ng buong komunidad. Ipinahayag niya ang halaga ng STEC bilang isang institusyong higit pa sa karaniwan. Iisang tahanang humuhubog, kumakalinga, at nagbubuklod sa bawat isa.

Nagtapos ang pagdiriwang sa masayang โ€œBeautiful Lifeโ€ dance at sa isang toast para kay Dr. Cayacap. Habang sumasabay ang buong komunidad sa huling pagtatanghal, tila naging iisang tibok ang kanilang mga puso. Sa espesyal na araw na iyon, hindi lamang kaarawan ang ipinagdiwang nila, kundi ang samahan, pasasalamat, at magagandang alaalang patuloy na bubuo sa kuwento ng STEC.

Maligayang kaarawan, Dr. Ricardo T. Cayacap Jr.! Nawaโ€™y patuloy kayong maging liwanag, gabay, at inspirasyon ng bawat STECian.

Isang yakap mula Unang Bayani para sa iyo Sir Rikki!

Manunulat: Sham Ley Lacanaria
Tagawasto: Erl Josch Marikit
Tagalarawan: Zoe Cabrera, Kristine Kate Seno

๐’๐“๐„๐‚๐ข๐š๐ง๐ฌ, ๐ง๐š๐ ๐ญ๐š๐ ๐ข๐ฌ๐š๐ง ๐ง๐  ๐ ๐š๐ฅ๐ข๐ง๐  ๐ฌ๐š ๐’๐œ๐ก๐จ๐จ๐ฅ-๐‹๐ž๐ฏ๐ž๐ฅ ๐๐ซ๐ž๐ฌ๐ฌ ๐‚๐จ๐ง๐Ÿ๐ž๐ซ๐ž๐ง๐œ๐žNagtagisan sa larangan ng pamahayagang pangkampus ang mga...
11/08/2026

๐’๐“๐„๐‚๐ข๐š๐ง๐ฌ, ๐ง๐š๐ ๐ญ๐š๐ ๐ข๐ฌ๐š๐ง ๐ง๐  ๐ ๐š๐ฅ๐ข๐ง๐  ๐ฌ๐š ๐’๐œ๐ก๐จ๐จ๐ฅ-๐‹๐ž๐ฏ๐ž๐ฅ ๐๐ซ๐ž๐ฌ๐ฌ ๐‚๐จ๐ง๐Ÿ๐ž๐ซ๐ž๐ง๐œ๐ž

Nagtagisan sa larangan ng pamahayagang pangkampus ang mga mag-aaral ng STEC-JHS sa ginanap na School-Level Press Conference ngayong araw.

Isinagawa ang naturang kompetisyon bilang pangunahing paghahanda ng paaralan para sa nalalapit na Division Schools Press Conference (DSPC).

Nagtunggali ang mga mamamahayag sa iba't ibang indibidwal na kategorya tulad ng Pagsulat ng Balita, Lathalain, Isports, Agham at Teknolohiya, Pangulong Tudling, Kolum, Kartunong Editorial, Litratong Pamamahayag, at Pagwawasto ng Sipi at Pag-uulo ng Balita.

Ipinamalas din ng mga kalahok sa kategoryang pangkatan ang kanilang husay sa TV broadcasting, kung saan ipinakita nila ang kanilang kahusayan sa pagbabalita.

Layunin ng patimpalak na hasain ang kakayahan ng mga STECian sa kritikal na pag-iisip at pagsulat, habang pinipili ang mga opisyal na kinatawan na lalaban sa antas ng dibisyon.

Manunulat: Alexandria Kaylee Milano
Tagawasto: Zailey Waynne Caรฑete
Tagalarawan: Zoe Cabrera

04/08/2026

Tara't sabay-sabay nating salabungin ang Buwan ng Wika at Kasaysayan sa isang nakakaaliw at nakakatawang post mula sa PPU๐Ÿ‡ต๐Ÿ‡ญ๐Ÿ˜†๐Ÿ‡ต๐Ÿ‡ญโœจโœจโœจ

๐Ÿ•๐ญ๐ก ๐„๐ฑ๐ž๐œ๐จ๐ง ๐ง๐  ๐’๐ƒ๐Ž ๐‹๐‹๐‚, ๐ฌ๐ฎ๐ฆ๐ข๐›๐š๐; ๐Ÿ”๐Ÿ‘๐ซ๐ ๐ค๐š๐š๐ซ๐ฐ๐š๐ง ๐ง๐ข ๐’๐ƒ๐’ ๐€๐ง๐๐š๐ฅ๐ž๐ฌ, ๐ฆ๐š๐ญ๐š๐ ๐ฎ๐ฆ๐ฉ๐š๐ฒNagtipon-tipon ang lahat ng mga opisyales ng SDO ...
03/08/2026

๐Ÿ•๐ญ๐ก ๐„๐ฑ๐ž๐œ๐จ๐ง ๐ง๐  ๐’๐ƒ๐Ž ๐‹๐‹๐‚, ๐ฌ๐ฎ๐ฆ๐ข๐›๐š๐; ๐Ÿ”๐Ÿ‘๐ซ๐ ๐ค๐š๐š๐ซ๐ฐ๐š๐ง ๐ง๐ข ๐’๐ƒ๐’ ๐€๐ง๐๐š๐ฅ๐ž๐ฌ, ๐ฆ๐š๐ญ๐š๐ ๐ฎ๐ฆ๐ฉ๐š๐ฒ

Nagtipon-tipon ang lahat ng mga opisyales ng SDO (Schools Division Office) Lapu-Lapu City para sa ika-7 executive conference na ginanap sa STEC Performing Center noong Hulyo 28.

Layunin ng execon na pagbutithin at pagyamanin ang "executive leadership" para sa mga PSDS, supervisor, at school head.

Kasabay nito, naging makulay ngunit emosyonal din ang pagdaraos ng ika-63 kaarawan SDS (Schools Division Superintendent) Dr. Marilyn S. Andales, CESO V na isinagawa sa parehong paaralan.

Isinagawa ang programa sa pamamagitan ng "A Day to Honor Marilyn's Legacy" bilang pagkilala sa kanyang pamumuno sa pagpapaunlad ng edukasyon sa Lapu-Lapu City.

Dumalo sa programa sina Lapu-Lapu City Mayor Ma. Cynthia "Cindi" King-Chan, DepEd Region VII Regional Director Dr. Arturo Bayocot, Assistant Schools Division Superintendent Dr. Ronald Ferrer, Dr. Caridad Labe, STEC Founder, kasama ang mga school heads, mga g**o, kawani ng paaralan, at mga mag-aaral.

Bahagi ng programa ang mga pagtatanghal ng mga mag-aaral mula sa Science and Technology Education Center (STEC), Babag National High School, Looc National High School, at Marigondon National High School.

Naghandog rin ng mga video presentation ang Districts 1 - 10 bilang pagbati sa kaarawan ni Dr. Andales at pagkilala sa kanyang pamumuno at dedikading paglikingod sa Schools Division of Lapu-Lapu City.

Manunulat: Mary Antoinette Patoc
Tagawasto: Erl Josch Marikit
Tagalarawan: Kristine Kate Seno

๐Œ๐ ๐š ๐๐š๐ง๐ ๐š๐ค๐จ๐ง๐  ๐๐š๐ฉ๐š๐ค๐จTaon-taong nakikinig ang mga Pilipino sa State of the Nation Address (SONA) ng pangulo ng bansa. Uma...
02/08/2026

๐Œ๐ ๐š ๐๐š๐ง๐ ๐š๐ค๐จ๐ง๐  ๐๐š๐ฉ๐š๐ค๐จ

Taon-taong nakikinig ang mga Pilipino sa State of the Nation Address (SONA) ng pangulo ng bansa. Umaasang may solusyon na ang mga problema sa ating bansa.

Maraming pinag-usapan sa SONA kabilang na rito ang patungkol sa Flood Control Projects na sa halip na sa baha ilaan ang pera ay nahulog ito sa bulsa. Halos โ‚ฑ25 bilyon ang halaga ng nabawi na pera at ariarian ng mga akusado, ngunit ang halagang ito ay hindi pumapantay sa mga taong nawalan ng bahay at mahal sa buhay. Sa rami ng mga nakaranas ng baho lalo na noong Bagyong Tino ay naging matindi ang pagbaha at maraming bahay ang biglang naglaho at mga pamilyang sumkabilang buhay. Samantala, โ‚ฑ800 milyon naman ang nabalik sa kaban ng bayan, sinimulan na rin ang pag reporma ng DPWH. Kahit na sinabi ng ating Pangulong Ferdinand โ€œBongbongโ€ Romualdez Marcos na makukulong ang mga sangkot sa Flood Control Projects hindi parin natin nasisigurado kung ito ay totoo, makikita natin ito sa gawa, hindi sa salita.

Pax Silica, ito ay ang proyekto na pinangugunahan ng Estados Unidos upang pagsama-samahin ang mga pinagkakatiwalaang kaalyado sa buong tech supply. Sinabi ng ating pangulo na gagawa ng "ecosystem" ang Pax Silica kung saan AI ang magiging sentro nito. Sabi niya na magdadala raw ito ng mga disenteng trabaho. Ngunit masama ang Pax Silica sa ating bansa. Maaaring tumaas ang gamit ng tubig at kuryente, pagkakaroon ng pagmimina at maapektuhan ang ating kapaligiran. Papayag ba tayong aagawin kung ano ang atin? Napakalaking hektarya ang aagawin sa atin para maitayo ito, kaya naman nating mamuhay na walang AI ngunit kaya ba nating mabuhay na walang lupa? Malawak na lupa ang kinakailangan upang maipatayo ang malaking high-tech industrial hub at posibleng may mga magsasakang maapektuhan rito. Ang siyang lupa na pinagkukuhanan natin ng likas na yaman.

Papababain din daw ang buwis ng mga pilipinong kumikita ng hindi lalagpas sa P350,000 kada taon. Dapat lang na papababain ang buwis nating mga Filipino dahil wala naman tayong nakikitang magandang proyektong ginawa nila, gaya nalang ng Flood Control Project na tanging ang bulsa lamang nilang mga buwaya ang nakakabenepisyo sa pera nating mga Pilipino. Sana lang ay marami tayong makikitang bunga sa ating binabayarang buwis.

Tinaas ng 4% ang pensyon ng SSS sa Hunyo sa halip na sa Septyembre pa ito. Sa paraang ito makaka benepisyo na tayong mga Filipino sa ating mga binabayarang buwis. Ang pagtaas ng 4% sa pensyon ng SSS ay nakakatulong laban sa pagtaas ng presyo ng mga bilihin.

Hanggang pangako pa lamang ang mga planong ito, hindi pa rin natin alam ang kinabukasan ng ating bayan. Ang SONA ang nagbibigay ng pag-asa pero ang pag-asa ay dapat may kasamang pagkilos na dapat isinasakatuparan ng mga taong nasa itaas. Hindi sapat ang pangako lamang, ngunit, kailangan nito ng kilos. Ang totoong pagbabago ay nagsisimula sa kilos hindi sa mga matatamis na salita lamang. Panahon na para sa pagbabago ng Pilipinas!

Manunulat: Ma. Victoria Ligan, TANGLAW
Tagawasto: Marc Ian Rubante
Tagadibuho: Daniel Alexander Mitchell

Naglabas na ng early dissmisal notice para sa mga pampublikong paaralan ang LGU ng Lapu-Lapu City dahil sa patuloy na pa...
31/07/2026

Naglabas na ng early dissmisal notice para sa mga pampublikong paaralan ang LGU ng Lapu-Lapu City dahil sa patuloy na pagbaha.

Pinapayuhan ang lahat na maging ligtas at umiwas sa mga baha.

Address

STEC Basak, Lapu-Lapu City
Basak
6015

Website

Alerts

Be the first to know and let us send you an email when Unang Bayani posts news and promotions. Your email address will not be used for any other purpose, and you can unsubscribe at any time.

Shortcuts

Share

Category