MHS TALA

Directions

MHS TALA Contact information, map and directions, contact form, opening hours, services, ratings, photos, videos and announcements from MHS TALA, School, Malinao, Banisilan.

๐’๐€ ๐Š๐€๐๐ˆ๐‹๐€ ๐๐† ๐‡๐”๐‘๐ƒ๐‹๐„Sa bawat hadlang, mas tumitibay ang pusong lumalaban.๐ผ๐‘ ๐‘Ž๐‘›๐‘” ๐‘Ž๐‘ก๐‘™๐‘’๐‘ก๐‘Ž, 400 ๐‘š๐‘’๐‘ก๐‘Ÿ๐‘œ, ๐‘Ž๐‘ก ๐‘š๐‘”๐‘Ž โ„Ž๐‘Ž๐‘‘๐‘™๐‘Ž๐‘›๐‘” ๐‘›๐‘Ž ๐‘ค๐‘Ž๐‘™๐‘Ž๐‘›...
23/09/2026

๐’๐€ ๐Š๐€๐๐ˆ๐‹๐€ ๐๐† ๐‡๐”๐‘๐ƒ๐‹๐„

Sa bawat hadlang, mas tumitibay ang pusong lumalaban.

๐ผ๐‘ ๐‘Ž๐‘›๐‘” ๐‘Ž๐‘ก๐‘™๐‘’๐‘ก๐‘Ž, 400 ๐‘š๐‘’๐‘ก๐‘Ÿ๐‘œ, ๐‘Ž๐‘ก ๐‘š๐‘”๐‘Ž โ„Ž๐‘Ž๐‘‘๐‘™๐‘Ž๐‘›๐‘” ๐‘›๐‘Ž ๐‘ค๐‘Ž๐‘™๐‘Ž๐‘›๐‘” ๐‘ ๐‘Ž๐‘๐‘Ž๐‘ก ๐‘›๐‘Ž ๐‘™๐‘Ž๐‘˜๐‘Ž๐‘  ๐‘ข๐‘๐‘Ž๐‘›๐‘” ๐‘๐‘–๐‘”๐‘–๐‘™๐‘Ž๐‘› ๐‘Ž๐‘›๐‘” ๐‘˜๐‘Ž๐‘›๐‘–๐‘ฆ๐‘Ž๐‘›๐‘” ๐‘๐‘Ž๐‘”โ„Ž๐‘Ž๐‘๐‘œ๐‘™ ๐‘ ๐‘Ž ๐‘”๐‘–๐‘›๐‘ก๐‘œ

Isang putok. Isang hudyat. Isang takbuhang puno ng pangarap.

Sa isang kisapmata, humarurot ang mga paa sa track. Apat na raang metro lamang ang layo sa finish line, ngunit bawat metro ay kailangang paghirapan. Sa bawat hakbang ay may pagod. Sa bawat segundo ay may pressure. At sa bawat hurdle ay may hamong kailangang lampasan.

Ngunit nang umalingawngaw ang hudyat ng karera, hindi nagpatinag si Love Jean Balairos.

Mabilis ang kaniyang unang hakbang. Matatag ang kaniyang tindig. Kontrolado ang bawat stride. Sa bawat hurdle na kaniyang nilalampasan, hindi lamang niya pinananatili ang bilisโ€”pinatitibay rin niya ang kaniyang paniniwalang kaya niyang makarating sa dulo.

Habang papalapit ang finish line, lalong umiigting ang laban. Humahabol ang kaniyang hininga, ngunit hindi ang kaniyang determinasyon. Sa halip, lalo niyang pinabilis ang takbo, bitbit ang isang pangarap na matagal nang naghihintay sa dulo ng trackโ€”ang gintong medalya.

Ngunit ang gintong medalya ay hindi lamang bunga ng ilang segundong karera.

Sa likod ng bilis ay mga araw ng ensayo. Sa likod ng bawat matagumpay na hurdle ay paulit-ulit na pagsasanay. At sa likod ng bawat hakbang ay mga sandaling pinili niyang magpatuloy kahit pagod na ang katawan.

Hindi nakita ng lahat ang bawat patak ng pawis na kaniyang inilaan sa paghahanda. Ngunit sa araw ng kompetisyon, nakita nila ang bunga nito.

Nang tuluyan siyang makatawid sa finish line, sinalubong siya ng palakpakan at ng medalyang matagal niyang pinapangarap.

Ngunit higit pa sa ginto ang kaniyang naiuwi.

Sa bawat hurdle na kaniyang nilampasan, ipinakita ni Love Jean na ang mga hadlang ay hindi lamang naroon upang humarang. Maaari rin itong naging dahilan upang mas tumalon nang mataas, mas tumakbo nang mabilis, at mas lumaban nang buong tapang.

Hindi lamang niya nilampasan ang mga hurdle sa track.

Nilampasan niya ang pagod. Nilampasan niya ang kaba. Nilampasan niya ang mga dahilan upang huminto.

At sa kaniyang pagdating sa finish line, isang bagay ang kaniyang pinatunayan:

Sa karera ng buhay, hindi laging pinakamabilis ang unang nakararating sa tagumpayโ€”kundi ang pusong marunong magpatuloy sa kabila ng bawat hadlang.




๐‹๐€๐๐€๐ ๐‡๐ˆ๐†๐ˆ๐“ ๐’๐€ ๐ˆ๐’๐Š๐Ž๐‘๐‘†๐‘Ž ๐‘๐‘Ž๐‘ค๐‘Ž๐‘ก ๐‘๐‘Ž๐‘”๐‘ ๐‘Ž๐‘˜ ๐‘›๐‘” ๐‘๐‘œ๐‘™๐‘Ž, ๐‘š๐‘Ž๐‘ฆ ๐‘๐‘ข๐‘ ๐‘œ๐‘›๐‘” โ„Ž๐‘Ž๐‘›๐‘‘๐‘Ž๐‘›๐‘” ๐‘™๐‘ข๐‘š๐‘Ž๐‘๐‘Ž๐‘›๐“๐‡๐”๐ƒ!Bumagsak ang bola sa kabilang bahagi ng cour...
23/09/2026

๐‹๐€๐๐€๐ ๐‡๐ˆ๐†๐ˆ๐“ ๐’๐€ ๐ˆ๐’๐Š๐Ž๐‘

๐‘†๐‘Ž ๐‘๐‘Ž๐‘ค๐‘Ž๐‘ก ๐‘๐‘Ž๐‘”๐‘ ๐‘Ž๐‘˜ ๐‘›๐‘” ๐‘๐‘œ๐‘™๐‘Ž, ๐‘š๐‘Ž๐‘ฆ ๐‘๐‘ข๐‘ ๐‘œ๐‘›๐‘” โ„Ž๐‘Ž๐‘›๐‘‘๐‘Ž๐‘›๐‘” ๐‘™๐‘ข๐‘š๐‘Ž๐‘๐‘Ž๐‘›

๐“๐‡๐”๐ƒ!

Bumagsak ang bola sa kabilang bahagi ng court kasabay ng malakas na sigawan ng mga manonood. Sa isang iglap, napalitan ng kaba ang katahimikan, at muling umikot ang laro sa pagitan ng depensa, set, at palo.
Ngunit higit pa sa bola ang tila paulit-ulit na bumabagsak at umaangat sa court ng Barangay Manubuan, Matalam, Cotabato noong Setyembre 9โ€“11, 2026. Kasama nitong umaangat at bumabagsak ang emosyon, pag-asa, at pangarap ng mga manlalaro ng Volleyball Girls Secondary sa Provincial Meet 2026.
Tatlong araw ng kompetisyon ang naging sukatan hindi lamang ng kanilang athletic ability kundi maging ng kanilang tibay ng loob, disiplina, at pagkakaisa bilang isang koponan.

๐๐š๐ฐ๐š๐ญ ๐ซ๐š๐ฅ๐ฅ๐ฒ, ๐ข๐ฌ๐š๐ง๐  ๐ก๐š๐ฆ๐จ๐ง

Hindi agging magaan ang bawat laro.
Sa bawat serve, kailangang maging handa. Sa bawat receive, kailangang maging matatag. Sa bawat set, kailangang magtiwala. At sa bawat palo, kailangang ibigay ang lahat.
Sa gitna ng pressure, agging mahalaga ang isang bagayโ€”komunikasyon.
Para kay Nathalie Casas, hindi maaaring mawala ang komunikasyon sa loob ng court sapagkat dito nabubuo ang momentum at teamwork ng isang koponan.
โ€œYou need to communicate sa tagsa-tagsa to build momentum and also teamwork lang gid sa sulod ka court. Dapat never na siya mawala sa inyo as teammates. Kailangan naa gid always ang communication sa isaโ€™t isa.โ€
Sa bawat tawag ng pangalan, senyas ng kamay, at sigaw ng suporta, hindi lamang taktika ang nabubuo. Nabubuo rin ang tiwalaโ€”ang uri ng tiwalang nagsasabing may kakampi kang sasalo kapag ikaw ay hindi nakaabot.

๐€๐ง๐  ๐ก๐ฎ๐ฅ๐ข๐ง๐  ๐ฌ๐š๐ฒ๐š๐ฐ

Habang ang ibang manlalaro ay patuloy na naghahanda para sa mga susunod pang kompetisyon, iba ang bigat ng bawat laro para kay Shahanah Banggay.
Ito na ang kaniyang huling playing year.
Kaya sa halip na hayaang lamunin ng pressure ang kaniyang huling Provincial Meet, pinili niyang namnamin ang bawat sandali kasama ang kaniyang mga kakampi.
โ€œGi-enjoy ko gid ang every moment nga upod ko ang teammates ko and ang game nga upod sila. Enjoy ko gid ang last dance,โ€ ani Shahanah.
Ang bawat rally ay naging alaala. Ang bawat hiyawan ay naging baon. Ang bawat pagkakamali ay naging aral. At ang bawat pagkakataong magkakasama sila sa loob ng court ay naging bahagi ng kaniyang โ€œlast dance.โ€
Sapagkat para sa isang manlalaro, may mga larong matatapos sa huling pito, sampu, o labinlimang puntosโ€”ngunit may mga larong mananatili sa alaala kahit matagal nang natapos ang kompetisyon.

๐‡๐ข๐ง๐๐ข ๐ง๐š๐ญ๐š๐ญ๐š๐ฉ๐จ๐ฌ ๐ฌ๐š ๐ฌ๐œ๐จ๐ซ๐ž๐›๐จ๐š๐ซ๐

Hindi man nasungkit ng kanilang koponan ang inaasam na panalo sa Provincial Meet, hindi nasayang ang bawat pawis na kanilang ibinuhos.
Sa halip, dalawang pangalan mula sa kanilang koponan ang nagpatuloy sa susunod na yugto ng kompetisyonโ€”sina Shahanah Banggay at Nathalie Casas, na naging SRAA qualifiers.
Ngunit kasabay ng kanilang tagumpay ang isang tahimik na lungkot.
Dalawa lamang sa kanila ang napili.
Pangarap sana ng buong koponan na sabay-sabay silang tatawid sa susunod na laban. Walang maiiwan. Walang maghihiwalay.
Ngunit ganoon ang kompetisyon. May mga pagkakataong hindi lahat ay makakasama sa susunod na yugto, kahit pare-pareho ang kanilang ibinigay na pagsisikap.
Kaya habang hahakbang sina Shahanah at Nathalie patungo sa panibagong laban, dala nila hindi lamang ang sariling pangalan kundi maging ang suporta at pangarap ng kanilang buong koponan.

๐€๐ง๐  ๐ญ๐ฎ๐ง๐š๐ฒ ๐ง๐š ๐ฉ๐š๐ฅ๐จ

Sa huli, maaaring ang scoreboard ang magsabi kung sino ang nanguna sa puntos, ngunit hindi nito kayang bilangin ang mga bagay na hindi nakikita.
Hindi nito kayang sukatin ang tapang ng isang manlalarong bumangon matapos magkamali.
Hindi nito kayang bilangin ang mga tawag ng kakamping nagsabing, โ€œKaya natin โ€™to!โ€
At lalong hindi nito kayang ilagay sa numero ang mga pagkakaibigang nabuo sa gitna ng laban.
Dahil ang bawat palo ay hindi lamang pagtatangka upang makuha ang puntos. Ito ay pagpapatunay na handang lumaban ang isang manlalaro para sa kaniyang koponan.
At sa pagtatapos ng tatlong araw na bakbakan, maaaring hindi lahat ay umuwi na may medalya.
Ngunit lahat ay umuwi na may alaala, aral, pagkakaibigan, at kuwentong maipagmamalaki.
Sapagkat sa larangan ng volleyball, ang pinakamahalagang palo ay hindi yaong pinakamalakasโ€”kundi yaong palo na ginawa nang buong puso para sa koponan.




๐„๐ƒ๐”๐Š๐€๐’๐˜๐Ž๐ ๐’๐€ ๐€๐๐ˆ๐๐Ž ๐๐† ๐Š๐€๐‘๐€๐‡๐€๐’๐€๐๐Š๐š๐ฆ๐ฉ๐ฎ๐ฌ ๐ง๐š ๐ƒ๐š๐ฉ๐š๐ญ ๐‹๐ข๐ ๐ญ๐š๐ฌ, ๐๐š๐ค๐ข๐ญ ๐๐š๐›๐š๐›๐š๐ฅ๐จ๐ญ ๐ง๐  ๐“๐š๐ค๐จ๐ญ?Mula Cavite hanggang Tacloban, Zamboanga...
22/09/2026

๐„๐ƒ๐”๐Š๐€๐’๐˜๐Ž๐ ๐’๐€ ๐€๐๐ˆ๐๐Ž ๐๐† ๐Š๐€๐‘๐€๐‡๐€๐’๐€๐
๐Š๐š๐ฆ๐ฉ๐ฎ๐ฌ ๐ง๐š ๐ƒ๐š๐ฉ๐š๐ญ ๐‹๐ข๐ ๐ญ๐š๐ฌ, ๐๐š๐ค๐ข๐ญ ๐๐š๐›๐š๐›๐š๐ฅ๐จ๐ญ ๐ง๐  ๐“๐š๐ค๐จ๐ญ?

Mula Cavite hanggang Tacloban, Zamboanga, at sa pinakahuling trahedya sa Banga, South Cotabato, sunod-sunod na insidente ng karahasan ang yumanig sa mga paaralan at naghasik ng pangamba sa mga mag-aaral, g**o, magulang, at buong sambayanan. Ang mga lugar na dapat sanaโ€™y kanlungan ng kaalaman at pag-asa ay unti-unting nababalot ng takot. Sa halip na malayang mangarap at matuto, napipilitan ang mga kabataan na mag-alala kung ligtas pa ba silang makababalik sa kanilang mga silid-aralan.

Ang karahasan sa paaralan ay hindi lamang usapin ng pisikal na kaligtasan, kundi pati ng kapayapaan ng isip ng mga mag-aaral. Ayon sa UNESCO, humigit-kumulang isa sa bawat tatlong mag-aaral sa buong mundo ang nakararanas ng bullying bawat buwan, habang mahigit 36% ang nasasangkot sa pisikal na away. Kung ang paaralan ang lugar kung saan hinuhubog ang kinabukasan, bakit natin hinahayaang maging bahagi nito ang takot? Gaya ng tanyag na pahayag ni Nelson Mandela, โ€œEducation is the most powerful weapon which you can use to change the world.โ€ Ngunit paano magiging sandata ng pagbabago ang edukasyon kung ang mismong lunan ng pagkatuto ay hindi ligtas at hindi kayang magbigay ng seguridad. Hindi lamang naglalagay sa panganib sa buhay ng mga mag-aaral, sinisira rin nito ang kanilang tiwala sa institusyong dapat nag-aaruga sa kanila.

Hindi ito simpleng suliraning maaaring palipasin sa pamamagitan ng pakikiramay at mga pangakong kumilos. Humigit-kumulang walong buhay na ang nawala sa loob lamang ng ilang buwan dahil sa mga kaganapang may kaugnayan sa karahasan sa paaralan. Sa bawat buhay na nawawala, may pamilyang nagluluksa at kinabukasang hindi na matutupad. Hindi sapat ang paulit-ulit na pagpapahayag ng pakikiramay kung hindi naman sinusundan ng konkretong pagkilos. Panahon nang suriin ng pamahalaan at ng Kagawaran ng Edukayon (DepEd) ang kahusayan ng umiiral na mga patakaran sa seguridad at magpatupad ng mga kinakailangang pagbabago. Hindi dapat hintayin ang panibagong trahedya bago kilalanin ang mga kakulangan sa sistema. Ang kaligtasan ng mga mag-aaral ay hindi dapat nakasalalay sa pagkakataon o swerte.

Ngunit hindi dapat nakasentro lamang sa pagbabantay matapos mangyari ang isang insidente ang seguridad sa kampus. Kailangan ang sistemang kumikilos bago pa lumala ang isang banta. Palakasin ang mga mekanismo para sa maagang pag-uulat, agarang interbensiyon, at pagtukoy sa mga senyales ng panganib. Mahalaga ring magkaroon ng madaling ma-access at mapagkakatiwalaang paraan ng pagsasangguni upang hindi matakot ang mga mag-aaral na magsumbong. Kasabay nito, kailangang tiyakin ang sapat na serbisyong panggabay at pagpapayo, mental health support, at malinaw na koordinasyon ng paaralan, magulang, at mga kinauukulang awtoridad. Ang kaligtasan ay hindi kusang nakakamit; bunga ito ng sama-samang pananagutan, maayos na pagpaplano, at sapat na pondo. Hindi sapat ang mga panuntunan kung hindi naman maayos na naipatutupad ang mga ito.

Panahon nang ibalik sa paaralan ang tunay nitong layuninโ€”ang maging ligtas na tahanan ng kaalaman, pangarap, at pag-asa. Hamon sa DepEd, mga administrador, magulang, at buong komunidad na paigtingin ang mga hakbang panseguridad, palawakin ang suportang pangkaisipan, at seryosohin ang bawat banta at hinaing ng mga mag-aaral. Hindi dapat maging normal ang karahasan sa lugar na dapat unang nagtuturo sa atin ng kapayapaan. Ang bawat paaralan ay dapat maging lugar kung saan malayang natututo ang kabataan, hindi kung saan natututo silang matakot. Sapagkat ang paaralan ay para sa pagkatuto at pagbuo ng kinabukasan, lapis ang dapat hawak ng isang mag-aaral, hindi karahasan.

Happy birthday, Sir George Fulgencio!
19/09/2026

Happy birthday, Sir George Fulgencio!

Isang matagumpay na pakikipagtulungan para sa kinabukasan ng mga mag-aaral!Matagumpay na idinaos ngayong araw, Ika-18 ng...
18/09/2026

Isang matagumpay na pakikipagtulungan para sa kinabukasan ng mga mag-aaral!

Matagumpay na idinaos ngayong araw, Ika-18 ng Setyembre 2026, ang 1st Term PTA General Assembly Meeting at Card Day ng Malinao High School. Ang pagtitipong ito ay naglalayong pagtibayin ang ugnayan sa pagitan ng mga magulang, tagapag-alaga, at mga g**o upang masubaybayan at gabayan ang akademikong pag-unlad ng mga mag-aaral.
Ang pagtutulungan ng tahanan at paaralan ang pinakamatibay na pundasyon tungo sa tagumpay ng ating mga kabataan.



๐Ÿ“ธ Dela Cruz, Esposo, Palconite, Dajay
๐Ÿ’ป Elmerose Ronquillo

โ€œTagumpay bunga ng pagsisikap!โ€Binabati natin sina Shahannah Banggay at Nathalie Casas bilang mga SRAA Qualifiers sa Vol...
12/09/2026

โ€œTagumpay bunga ng pagsisikap!โ€

Binabati natin sina Shahannah Banggay at Nathalie Casas bilang mga SRAA Qualifiers sa Volleyball Girls Secondary!

Laban lang hanggang SRAA!

โ€œSa bawat harang na kailangang talunin, dedikasyon at puso ang naging sandigan." Taos-pusong pagbati kay Love Jean Balai...
12/09/2026

โ€œSa bawat harang na kailangang talunin, dedikasyon at puso ang naging sandigan."

Taos-pusong pagbati kay Love Jean Balairos para sa pag-uwi ng Gold Medal sa 400m Hurdles at sa kanyang opisyal na pagpasok bilang SRAA Qualifier!

Nawa'y magpatuloy ang iyong tagumpay sa susunod na antas ng palaro. Ang aming buong suporta at panalangin ay nasa iyo!

MHS BASEBALL TEAM: SILVER MEDALISTS! Ipinagmamalaki ng buong MHS ang ating Baseball Team sa kanilang nakakamanghang pagp...
12/09/2026

MHS BASEBALL TEAM: SILVER MEDALISTS!

Ipinagmamalaki ng buong MHS ang ating Baseball Team sa kanilang nakakamanghang pagpapakitang-gilas at pag-uwi ng Silver Medal sa Provincial Meet 2026!

Sa bawat home run, strikeout, at walang kapagurang ensayo sa ilalim ng init ng araw, ipinakita ninyo ang tunay na puso, disiplina, at pagkakaisa ng ating koponan.

Maraming salamat din sa ating mga tagapagsanay, g**o, at magulang na walang sawang sumusuporta!

Mabuhay ang MHS Baseball Team!Taas-noo, MHS!

CD3 VOLLEYBALL GIRLS | Provincial Meet 2026Mula sa pawis at pagsisikap, nagbunga ng pilak!Lumuha man sa pagod, ngumiti n...
12/09/2026

CD3 VOLLEYBALL GIRLS | Provincial Meet 2026

Mula sa pawis at pagsisikap, nagbunga ng pilak!

Lumuha man sa pagod, ngumiti naman sa tagumpay! Binabati namin ang Jaguars sa inyong tagumpay sa Provincial Meet 2026.

Dahil sa galing at husay na ipinakita, sila ay nagkamit ng gantimpala:
๐Ÿ…NATHALIE CASAS-Best Open Spiker
๐Ÿ…THERESA CASAS-Best Opposite Spiker

Ang bawat medalya na nakasabit sa inyong mga leeg ay simbolo ng inyong pangarap, disiplina, at pagmamahal sa larangan ng volleyball. Patuloy kayong maging liwanag at inspirasyon sa mga kapwa ninyo mag-aaral. Taas-noo, Jaguars!

๐Ÿ“ธ Resty Jane Gicole

MHS Nakiisa sa National Simultaneous School Safety Drill!Isang mahalagang hakbang tungo sa mas ligtas at mas handang paa...
04/09/2026

MHS Nakiisa sa National Simultaneous School Safety Drill!
Isang mahalagang hakbang tungo sa mas ligtas at mas handang paaralan! ๐Ÿ‡ต๐Ÿ‡ญ

Nagsagawa ang Malinao High School ng National Simultaneous School Safety Drill on Active Attack Incident, bilang paghahanda sa anumang posibleng banta o insidente sa loob ng paaralan.

Sa pamamagitan ng aktuwal na pagsasanay, natutuhan ng mga mag-aaral, g**o, kawani, at security personnel ang wastong pagkilos, pakikipag-ugnayan, paglikas, at pagtugon sa panahon ng emergency.

Layunin ng gawaing ito na palakasin ang kahandaan, disiplina, kamalayan, at pagtutulungan ng buong school community upang mapanatili ang kaligtasan ng bawat isa.

Handa. Maagap. Ligtas.
๐Ÿค Sama-sama para sa isang ligtas at disaster-resilient na Malinao High School! ๐Ÿ’š



Address

Malinao
Banisilan
9416

Website

Alerts

Be the first to know and let us send you an email when MHS TALA posts news and promotions. Your email address will not be used for any other purpose, and you can unsubscribe at any time.

Shortcuts

Share

Category