17/08/2026
SCHOOL ADVISORY No. 02, s. 2026
PARA SA: Mga Mag-aaral, Magulang/Tagapag-alaga, at School Personnel
GALING KAY: Sa Tanggapan ng Punongg**o
SUBJECT: Pagpapatupad ng Work-From-Home (WFH) At HINAY Learning Continuity Arrangement Sa AGOSTO 18, 2026 dahil sa Inaasahang Patuloy na Malakas na Pag-Ulan
DATE: Agosto 17, 2026
1. Alinsunod sa Memorandum Circular No. 128 na inilabas ng Malacañang, at bilang paghahanda sa inaasahang patuloy na malakas na pag-ulan dulot ng Habagat, ipatutupad sa Agosto 18, 2026 (Martes) ang Work-from-Home (WFH) arrangement at naaangkop na alternative learning mode sa Dacap Sur Elementary School.
2. Layunin nito na mapangalagaan ang kaligtasan at kapakanan ng mga g**o, kawani, mag-aaral, at magulang/tagapag-alaga laban sa mga posibleng panganib dulot ng malakas na pag-ulan, pagbaha, at iba pang epekto ng masamang panahon.
3. Bilang tugon sa kasalukuyang kondisyon, HINAY (Ease-In) ang learning continuity arrangement na ipatutupad ng Dacap Sur Elementary School sa Agosto 18, 2026. Sa ilalim ng HINAY, magpapatuloy ang pagkatuto ng mga mag-aaral sa pamamagitan ng naaangkop na alternative learning modes, ngunit ang mga learning activities at academic requirements ay iaangkop, pasimplehin, at bibigyang konsiderasyon ayon sa aktuwal na kalagayan ng mga mag-aaral at kanilang pamilya.
4. Ang lahat ng g**o at kawani ng paaralan ay hindi kinakailangang pumasok nang personal sa paaralan at susunod sa naaangkop na Work-from-Home (WFH) arrangement na itinakda ng pamunuan.
5. Sa pagpapatupad ng HINAY, ang mga g**o ay inaasahang magbibigay lamang ng simple, manageable, at essential learning activities. Hindi dapat dagdagan ang academic burden ng mga mag-aaral sa panahon ng masamang panahon.
6. Ang mga learning activities, instructions, at mahahalagang anunsiyo ay ipararating sa pamamagitan ng iisang opisyal na School Group Chat ng paaralan.
7. Ang mga mag-aaral na hindi makapagsagawa o makapagsumite ng learning activities dahil sa malakas na pag-ulan, pagbaha, pagkawala ng kuryente o internet connection, kakulangan ng learning resources, o hindi ligtas na kalagayan ay bibigyan ng sapat na konsiderasyon at makatuwirang palugit.
8. Hindi dapat magkaroon ng hindi nararapat na sanction o hindi makatarungang marka sa mga mag-aaral na hindi agad nakatugon sa learning activities dahil sa mga pangyayaring dulot ng kalamidad o masamang panahon.
9. Ang mga g**o ay dapat magbigay ng flexibility sa deadline, paraan ng pagsusumite, at learning activities, alinsunod sa prinsipyo ng HINAY at sa kalagayan ng mga mag-aaral.
10. Walang regular na transaksiyon sa mga opisina ng paaralan sa Agosto 18, 2026. Ang mga transaksiyon ay ipagpapatuloy sa susunod na regular na araw ng pasok o sa panibagong opisyal na abiso.
11. Hindi saklaw ng kautusang ito ang mga Security at Maintenance Personnel/Job Order (JO) Workers na kinakailangang gampanan ang kanilang mga tungkulin para sa seguridad, kalinisan, at pangangalaga ng pasilidad ng paaralan. Ang kanilang pagpasok at work arrangement ay alinsunod sa direktiba ng pamunuan at sa umiiral na kasunduan o kondisyon ng kanilang serbisyo.
12. Hinihiling sa mga magulang/tagapag-alaga na tiyaking mananatiling ligtas ang kanilang mga anak at huwag silang papuntahin sa paaralan habang suspendido ang face-to-face classes.
13. Pinapayuhan ang lahat na manatiling mapagmatyag at patuloy na sumubaybay sa opisyal na anunsiyo ng paaralan at ng mga kinauukulang awtoridad hinggil sa lagay ng panahon at iba pang posibleng panganib.
14. Sa panahon ng HINAY, kaligtasan, kapakanan, at pagpapatuloy ng pagkatuto ang pangunahing konsiderasyon ng paaralan. Ang pagkatuto ay ipagpapatuloy sa paraang angkop sa kalagayan ng bawat mag-aaral at pamilya.
15. Para sa mahigpit na pagsunod at malawak na pagpapabatid.
