Kulliyat Abdel Azis Waddirasatil Islamiyya

𝗧𝗛𝗘 𝗙𝗜𝗥𝗦𝗧 𝗧𝗘𝗡 𝗗𝗔𝗬𝗦 𝗢𝗙 𝗗𝗛𝗨𝗟 𝗛𝗜𝗝𝗝𝗔𝗛

Giyangkai a sapolo giwii a paganay ko Zul Hijjah na giyanan so katangkd o kapakasold o paganay ko Zul Hijjah na taman ko ika sapolo a giyoto mambo so boka sa Harirya.

Kalbihan o Sapolo Gawii ko Zul Hijjah:

• Madadalm sang kanan a gawii so bithowan sa gawii a Tarwiyah a ika walo ko Zul Hijjah, a giyan so kazong o manga kadi sa Minā sa ron siran pagiga.

• Madadalm sangkanan a gawii so gawii a Arafah, giyanan so kazong o manga kadi sa Arafah sa phagistidi siranon taman ko somdp so alongan sangkanan a gawii a ikasiyaw ko Zul Hijjah. Pitharo o Rasūlollāh (S.A.W):
[مامن يوم أكثر من أن يُعتِق الله فيه عبدا من النارمن يوم عرفة ، وأنه لَيَدنو ، ثم يُباهي بهم الملائكةَ ، ما أراد هؤلاء] أخرجه مسلم 1348 مختصر صحيح مسلم
Maana : {da’gawii a madakl a pmaradikaan o Allāh (S.W ) on so oripn ko apoy ( Naraka ) a balagid o gawii a Arafah, go mataan a so Allāh (S.W ) na phamakarani dn ( ko manga oripn iyan sangkanan a gawii ) oriyan niyan na iphagandisan iyan siran ko manga Malāikat, a Tharoon iyan a : antonaay kabaya angkay a manga oripn}. Piyanothol i Muslim, sii ko sabaad na ma’lol.

Ayatindg i Abē Hurayrah(R.A) ago so pd ko manga sahābah (R.A) na aya kapakallbi o Arafah na kagiya madadalm sang kanan a gawii so kapangalimbabaan ko Allāh (S.W), kanbabalingan, (kathawbat) kapamangni, ago aya mala na kapangongonotan ko Allāh (S.W)

• Madadalm on pn so bitowan sa gawii a al Hajjul Akbar, a giyanan so gawii a nahr (kapanombali sa qurbūn) ago gawii a boka sa hariraya, a giyan so mala a boka a ikasapolo ko Zul Hijjah a pistaan o manga muslim, pitharo o Allāh (S.W):
[ وأذان من الله ورسوله إلى الناس يوم الحج الأكبر]
سورة التوبة : 3
Maana: {piyakalangkap a p**n ko Allāh (S.W ) ago so sogo iyan sii ko manga taw ko gawii a mala a kanaik } 9:3 tiyafsir o Abū Bakr ago so Ali (R.A) na giyanan kon so gawii a Nahr .
Go miyapanothol i Abū Daud ko sunan iyan a pitharo o Rasūlollāh (S.A.W):
[إن أفضل الأيام عند الله يوم النحر ثم يوم القَرّ]
Maana: (mataan a ayamakallbi a manga gawii ko Allāh (S.W) na so gawii a kaqurbān (boka sa hariraya) ago gawii a kiyapakathakna sa Minā) (a ikasapolo ago isa ko Zul Hijjah).

• So Allāh (S.W ) na mizapa sangkanan a manga gawii a sapolo, so kazapa o Allāh (S.W ) ko manga kaadn iyan na karina sa makallbi. Sa lagid o kiyaaloya on manga Mufassiren a so Allāh (S.W ) na amay ka zapa ko sayie a pd ko manga kaadn iyan na karina a tanto a nisisita, ago phakiinngka iyan a kalaiyan i pahala nago kala iyan i bali, pitharo o Allāh (S.W ) :
[ والفجر ، وليال عشر] سورة الفجر الآية 1-2
Maana: (Ibt ko fajr, ago so manga gagawii a sapolo). Pitharo i Ibn Kathēr , aya murad a ayat anan, na so sapolo gawii a paganay ko olan olan a Zul Hijjah, sa lagid o kiyatharowa on i Ibn Abbās (R.A), Ibn Zubair (R.A), Mujāhid, ago so salakaw kiran.
Pitharo pn o Allāh (S.W):
[ ويذكروا اسم الله في أيام معلومات ]
Maana: (Go aniran pkhaaloy so ngaran o Allāh (S.W ) sii ko alongan a kikappnto ) pitharo i Ibn Abbās (R.A): aya murad anan na so sapolo gawii ko Zul Hijjah . Aya mitotoro a ayat anan na sangkanan a manga gawii na phakadaklnon so kaphthadmi ko Allāh (S.W ) sa karina sa kapakallbi a manga gawii anan a sapolo.

• Tanto a pkhababayaan o Allāh (S.W) so manga galbk san a manga pipiya ago manga simba nago daa phakarpng san ko balas iyan.
عن ابن عباس رضي الله عنهما قال: قال رسول الله صلى الله عليه وسلم [ ما من أيام العمل الصالح فيهن أحب إلى الله من هذه الأيام ] قالوا ولا الجهاد في سبيل الله ؟ قال: [ ولا الجهاد في سبيل الله إلا رجل خرج بنفسه وماله فلم يرجع من ذلك بشيئ] رواه البخاري .
Maana: pitharo o Rasūlollāh (S.A.W): (Da’ manga gawii a so galbk a mapiya ko dalm iyan na tanto a pkhababayaan sii ko Allāh (S.W ) a bakalawani sangkay a sapolo a gawii a paganay ko Zul Hijjah pitharo iran: a apiya so jihād fē sabēlillāh? Pitharo iyan: a apiya so jihād fē sabēlillāh inonta so mama a miprang a raks o ginawaniyan ago so tamok iyan na da’miyakambalingan roo a maitobo). Piyanothol i Bukhāri.
وعن ابن عمر رضي الله عنهما قال: قال رسول الله صلى الله عليه وسلم [ما من أيام أعظم عند الله سبحانه ولا أحب إليه العمل فيهن من هذه الأيام العشر ، فأكثروا فيهن من التهليل والتكبير والتحميد] رواه أحمد ، تفسيرالقرءان العظيم لابن كثير
Maana: pitharo o Rasūlollāh (S.A.W): (da’ manga gawii a lbi a sslaan ko Allāh (S.W ) go lbi a pkhababayaan sii Rkaniyan so galbk on a bakalawani sangkay a manga gawii a sapolo, na pakadaklaniyo ron so katahlēl, kapanakbēr ago so tahmēd). Piyanothol i Imam Ahmad.

• Miyapanothol i Addārimie a hadith i Ibn Abbās (R.A) aya btad i Said bin Jubair (R.A) na igira miyaoma so sapolo gawii ko paganay ko Zul Hijjah na managontaman sa samporna a kapanagontaman sa manga simba) sa karina a so manga salaf na igira miyakasold so Zul Hijjah na managontaman siran sa manga simba a iphakarani ko Allāh (S.W) sa inopn iran sakawa so lagid anan a manga gawii a managontaman siran on na karina sa kapakallbi a manga gawii anan.

• Si Ibn Hajar na pitharo iyan ko kitāb iyan a al-Fath (a marayag a ayasabap a kisasasoway o sapolo gawii a paganay ko Zul Hijjah na misabap ko kiyalimod o manga ala a simba sangkanan a manga gawii sa lagid o sambayang, powasa, sadaqa, umrah, ago kapnai hadji a diyanan khaadn ko salakaw ron a manga gawii) giyoto i kapakallbi niyan pn ko manga gawii ko Ramadhān ka da’on so simba a kanaik, minsan pn dodon so kapagomra.

• Miyaaloy i Ibn al Qaym: (so sapolo a manga gawii a dawndaw ko paganay ko Zul Hijjah na makallbi a di’so sapolo a mori a manga gawii a dawndaw ko Ramadhān, na so sapolo a mori a manga gagawii ko Ramadhān na makallbi a di’so sapolo a paganay a manga gagawii ko Zul Hijjah) maana a so daondaw ko paganay a sapolo ko Zul Hijjah na lbi a makallbi adi so dawndaw ko mori a sapolo ko Ramadhan, na so kagagawii ko mori a sapolo ko Ramadhān na lbi mambo a makallbi adi so sapolo ko ka gagawii ko Zul Hijjah.

Manga Pipiya a Amal on:

• KAPANAMBAYANG: so kapakandakla ko manga sambayang a manga Sunnat, ago kapangabalaga ko kasong sa masjid ko kitonayn ko paralo a sambayang, kagiya aya pithamanan a makallbi ko manga simba na so sambayang, miyapanothol i Thawbān (R.A) a pitharo iyan a miyan’g akn ko Rasūlollāh (S.A.W) a giniyan tharoon:
[عليك بكثرة السجود لله ، فإنك لا تسجد لله سجدة إلا رفعك الله بها درجة ، وحط عنك بها خطيئة] رواه مسلم.
Maana: ( patoray rka so kapakandaklang ka ko kasojūd ko Allāh (S.W ), ka mataan a da’kasojūd ka ko Allāh (S.W ) sa samporna a kasojūd, inonta na iporo o Allāh (S.W ) so daradat ka, go pakadaan iyan so dosang ka). Giyanan a hadēth na makararangkom sii ko manga wakto.

• KAPAMOWASA: so kapamowasa na makasosold anan ko manga galbk a manga pipiya, miyatharo i Imam Nawawē a so kaphowasa i ko sapolo gawii ko paganay ko Zul Hijjah na mataan ka tanto a makallbi a kasosonat iyan.

• KABATIYA SA QUR’ÃN: so kapakandakla ko kapmbatiya a ko Qur’ān sangkanan a manga gawii ka pdpn anan ko manga galbk a manga pipiya, ka so kapmbatiya a ko Qur’ān na omani satiman a batang na sapolo a mapia, na ayapn o sii mabatiya ko masa a makallbi ron so manga amal, sa lagid o sapolo ko Zul Hijjah.

• KAZADKA: pd ko manga simba a makallbi sangkanan a gawii na so kapakandakla ko kapanadka, kapammgay, ago kapamagana ko manga miskēn, wata ilo, balo, manga taw a phakatindgn iran so Parinta o Islām lagid o manga mujāhidēn, duā’t, ditontot sa ilmo ko agama ago so salakaw san a makikinanglan iran so tabang, na o mipantag sangkay a manga gawii na tanto a makallbi go pkhababayaan sii ko Allāh (S.W ) oto, go pd sampn so sadaka a wājib (Zakat).

• KAPANAKBĒR, KATAHLĒL, KATAHMĒD: ip**n ko kasbang o Zul Hijjah na taman ko oriyan o sambayang a asar ko ikatlo gawii ko oriyan o Ēdil Adhhā, babolabaw ko oriyan o manga sambayang a paralo ko Ayyāmi Tashrēq, miyapanothol i Ibn Omar (R.A) a pitharo o Rasūlollāh (S.A.W):
[ فأكثروا فيهن من التهليل والتكبير والتحميد]
Maana: (pakandakla niyo sang kanan a gawii so kapanahlēl, kapanakbēr ago so kapanahmēd).
So Ibn Omar (R.A) ago so Abū Hurayrah (R.A) na sii ko sapolo a manga gawii ko Zul Hijjah na pzong siran a dowa sa padiyan na pthakbēr siran na tomakbēr mambo so taw sa padiyan ko initakbēr iran a dowa.
Sopn so Omar (R.A) na pthakbēr san pn sangkanan a manga gawii sii sa Minā na man’g o taw sa masjid na tomakbēr siran bambo, na tomakbēr mambo so taw sa padiyan.
So Ibn Omar (R.A) na pthakbēr san pn ko oriyan o manga sambayang, sii ko igaan iyan, darpa iyan, go sii ko diniyan kandalakaw sangkanan a manga gawii. Na aya sunnah na iphakatanog o manga datu so takbēr ka aya dalēl na so kiyapakatanoga on i Ibn Omar, Abū Hurayrah ago so Omar bin Khattāb (R.A) Na isoln o manga bai so lago iran, na so kapphamagonota iron na pd ko karibatan lagid o ipkidiya on a adn a imām iyan na tondogn mambo o manga maamom sa koros sa lagid o idaida.

• Ago so langowan a simba a rangkom a piyakay o agama a manga simba lagid o manga tasbēh ago so manga salakaw ron…

• So makapantag ko kapangowa sa bok ko anggawta lagid o kapamarbas,kapagalot,kapagopaw, ago so salakaw san, ago so kapanganoko o khabaya QURBAN na so mga ulama na miyakambidabida siran san sa tindg: so Ahmad na haram, da niyan pakaya so kapangowa sa bok ko lawas ago kapanganoko ko khabaya qurban. So Imam Malik ago so Shafie na makro tanjiehe, ayamaana na so kibagakn on na sunna na so kapangowaaon na khapakay. So Imam Abu Hanifa na khapakay knaba haram. Aya sabap anan na so kiyapakandasanga o Hadith o Umu Salamah a tiyangkd iyan a ini sapar ko khabaya qurban so kapanganoko ago kapangowa sa bok ko lawas, ago so Hadith o Aishah a piyakay niyan so kapangowa sa bok ago kapanganoko. Ikadowa na so sabaad ko mga ulamaul hadith na miyasarik siran ko kabagr o hadith o Umu Salamah ago so kababaloy niyan a marfo’ anta aka mawquf ko Umu salamah. Ayamarayag rkitano na khapakay knaba haram…Allahu A’alam wa Ahkam..

اللهم علّمنا ما ينفعنا وانفعنا بما علّمتنا ، وأرنا الحق حقا وارزقنا اتّباعه ، وأرنا الباطل باطلاً وارزقنا اجتنابه ، و صلى الله على نبينا محمد و على آله و صحبه و سلم ، ما كان من صواب فمن الله وحده و ما كان من خطأ فمني و من الشيطان فأستغفر الله العظيم منه و أتوب إليه.

—𝗔̄𝗠𝗜𝗗 𝗞𝗨𝗟𝗟𝗜𝗬𝗔𝗛: 𝗦𝗛𝗜𝗘𝗞𝗛 𝗔𝗕𝗨 𝗕𝗔𝗦𝗠𝗔𝗛 𝗗𝗔𝗧𝗨𝗛𝗔𝗥𝗢𝗡.

AssalaMu Alaykum!
phakalangkapn Ami ko Langowan o morit Ami sa Arbata ayyam a Da Class Tano mapita a salasa
(May 05, 2026) owm. khasuy Tano bo ko alongan a arbaa !
Inform Others Jazakumullaho Khayraan. ♥️

-AmeedulKulliyya
-Moder

𝐇𝐎𝐍𝐎𝐑𝐄𝐃 𝐔𝐋𝐀𝐌𝐀’ 𝐀𝐍𝐃 𝐇𝐈𝐆𝐇 𝐒𝐂𝐇𝐎𝐎𝐋 𝐓𝐄𝐀𝐂𝐇𝐄𝐑𝐒 𝐎𝐅 𝐎𝐔𝐑 𝐂𝐎𝐋𝐋𝐄𝐆𝐄.

يسرنا أن نقدم إليكم نخبة من علمائنا الكرام، وأساتذتنا الأعزاء، أساتذة المرحلة الثانوية والمتوسطة في كلية عبد العزيز والدراسات الإسلامية، الذين ساروا على منهج أهل السنة والجماعة في تعليم العلم الشرعي، وحملوا أمانة التعليم، وبذلوا جهودهم في تربية الطلاب على العلم النافع والخلق القويم، وتعليم كتاب الله وسنة نبيه صلى الله عليه وسلم.

ولذا نوجه إلى أبنائنا الطلبة و بناتنا الطالبات للانضمام إلى مسيرتنا التعليمية حيث نسعى معا لبناء جيل متعلم واع، يجمع بين العلم النافع والأخلاق الرفيعة.

لا تفوتوا الفرصة لتكونوا جزءا من هذا الصرح العلمي، ولتخطوا بأيديكم طريق النجاح والتفوق.

📌 باب التسجيل مفتوح الآن
📩 سارعوا بالتسجيل واحجزوا مقاعدكم.

نسأل الله لكم التوفيق والسداد، ونرحّب بكم في رحاب العلم والمعرفة.

𝐇𝐎𝐍𝐎𝐑𝐄𝐃 𝐔𝐋𝐀𝐌𝐀’ 𝐎𝐅 𝐎𝐔𝐑 𝐂𝐎𝐋𝐋𝐄𝐆𝐄

يسرنا أن نقدم إليكم نخبة من علمائنا الكرام، أساتذة الكلية في كلية عبد العزيز والدراسات الإسلامية، الذين ساروا على منهج أهل السنة والجماعة في تعليم العلم الشرعي، وحملوا أمانة التعليم، وبذلوا جهودهم في تربية الطلاب على العلم النافع والخلق القويم، وتعليم كتاب الله وسنة نبيه صلى الله عليه وسلم.

ولذا نوجه إلي أبنائنا الطلبة و بناتنا الطالبات للانضمام إلى مسيرتنا التعليمية في الفصل الأول لعام 2026، حيث نسعى معا لبناء جيل متعلم واع، يجمع بين العلم النافع والأخلاق الرفيعة.

لا تفوتوا الفرصة لتكونوا جزءا من هذا الصرح العلمي، ولتخطوا بأيديكم طريق النجاح والتفوق.

📌 باب التسجيل مفتوح الآن
📩 سارعوا بالتسجيل واحجزوا مقاعدكم.

نسأل الله لكم التوفيق والسداد، ونرحّب بكم في رحاب العلم والمعرفة.

✨A L H A M D U L I L L A H !✨

Ontong a mala go okoran a lubi a mapiya sii ko mga pagari ami go mga ari ami a mga moret a mababaya maganad sa "BASA A ARAB"

Sabap ko panagontaman a idārah nago so kadadawrogawn o mga g**o tanu sii ko kawgopi ko mga moret a mababaya somombak ko knal ko BASA ARAB na kataya a plkaan tano pman so kap'phangadi tano sa "ARABIC LANGUAGE" level 1-2.

Sa ayadn oto a miphagogopa iyo ron a mga g**o na so minithogowa iyo a mga ulama tano a khipakatatayaan:

Aleem MANSOR OMRA
Aleem ZAINODDIN ABDUL CARIM
Aleem ABDULLAH IBN OMAR
Aleem NAMRODING SIRAD
Aleem NABIL DIBANGKITUN

Enrollment is now begin.
Start of Class: April 20, 2026.

Enrollment Fee: P150
Monthly Fee: P100
BOOKS: LEVEL 1 (P220)
LEVEL 2 (P350)
Location: Kulliyat Abdel Azis Waddirasatil Islamiyya
#09487717140/09606292917

TAGOTAO

Pakisabotan Ami ko mga wata Ami a mga morit sa Kuliyyatu Sariah, Tarbiyah ago sa Sanawi a so time a first period na miyagamit sa 07:30 sa kapipita.

Pagarapn Ami rkano langon a di pn maoma angkanan a oras na sii kano dn sa Kuliyyah.

Kataya so bago a JADWAL tano.

Tawfiqan kano o Allah....

𝐀 𝐒 𝐒 𝐀 𝐋 𝐀 𝐌 𝐎 𝐀 𝐋 𝐀 𝐈 𝐊 𝐎 𝐌...

Pakisabotan a 𝐊𝐮𝐥𝐥𝐢𝐲𝐚𝐭 𝐀𝐛𝐝𝐞𝐥-𝐀𝐳𝐢𝐳 ko langowan o mga Moret ko Arbaata ayyām isnin taman sa khamis ago so langowan o mga G**o mlagid so Sanawi ago so Kulliyah a imanto a 𝐈𝐒𝐍𝐈𝐍 na da class tano...

Insha Allah na so dirasah tano na minitogalin sa 𝐒𝐀𝐋𝐀𝐒𝐀 ago 𝐀𝐑𝐁𝐀𝐀 a (𝐖𝐡𝐨𝐥𝐞𝐝𝐚𝐲) mabasa alongan.

So Jadwal ko isnin ko kapipita na minitogalin sa khagabi ko salasa, na so khamis na minitransfer sa khagabi ko arbaa.

𝗡𝗢𝗧𝗘:
𝐒𝐎 𝐌𝐆𝐀 𝐒𝐔𝐁𝐉𝐄𝐂𝐓 𝐍𝐀 𝐆𝐈𝐘𝐎𝐓𝐎𝐃𝐍 𝐓𝐀𝐌𝐀𝐍 𝐒𝐀 𝐃𝐀 𝐏𝐍 𝐀 𝐌𝐈𝐁𝐀𝐆𝐎 𝐀 𝐉𝐀𝐃𝐖𝐀𝐋.

𝐁𝐀𝐋𝐀𝐒𝐀𝐍𝐆𝐊𝐀𝐍𝐎 𝐎 𝐀𝐋𝐋𝐀𝐇 𝐒𝐀 𝐌𝐀𝐃𝐀𝐊𝐋 𝐀 𝐌𝐀𝐏𝐈𝐘𝐀.

📢 𝐀 𝐋 𝐇 𝐀 𝐌 𝐃 𝐔 𝐋 𝐈 𝐋 𝐋 𝐀 𝐇. . .

𝚀𝙴𝙰𝙻𝙸𝚂 𝚁𝙴𝚅𝙸𝙴𝚆 𝙿𝚁𝙾𝙶𝚁𝙰𝙼 𝙲𝙾𝙼𝙿𝙻𝙴𝚃𝙸𝙾𝙽.

ختام برنامج مراجعة قياليس.
الحمد لله الذي بنعمته تتم الصالحات، وبفضله تكمل المسيرات. تم بمن الله وكرمه اختتام برنامج مراجعة قياليس، وهو من برامج كلية عبد العزيز.

وقد سعى المشاركون فيه سعيا مشكورا، وبذلوا جهودا مقدورة في طلب العلم والاستعداد للاختبار.

نسأل الله أن يبارك في جهودهم، وأن يجعل ما تعلموه نورا لهم وعونا عليهم.

كما نسأله سبحانه أن يتقبل من جميع من أدوا الاختبار اليوم، وأن يرزقهم التوفيق والسداد، وأن يجعل النجاح حليفهم في الدنيا والآخرة.
بارك الله فيكم ونفع بكم.

#𝙺𝚞𝚕𝚕𝚒𝚢𝚊𝚝 𝙰𝚋𝚍e𝚕-𝙰𝚣𝚒𝚣 𝚆𝚊𝚍𝚍𝚒𝚛𝚊𝚜𝚊𝚝𝚒𝚕 𝙸𝚜𝚕𝚊𝚖𝚒𝚢𝚢𝚊𝚑.

START CLASSES TOMORROW INSHA ALLAH (APRIL 06)
OF 4 DAYS DEPARTMENT
(ARBAATA AYYAM)