LiteraWika

Ano ang kahulugan ng tema ng pagdiriwang ng Buwan ng Wikang Pambansa 2023? Alamin sa: https://drive.google.com/file/d/1ulESbbUegJfr5GN31gMAQngWbX1Zp9zK/view?usp=sharing

Sa araw na ito noong 1571, ilang araw matapos itatag ang lungsod ng Maynila, ginanap ang kauna-unahang sesyon ng Ayuntamiento de Manila, o ang sangguniang kapulungan ng kolonya. Si Gobernador-Heneral Miguel Lopez de Legazpi ang nagbukas ng unang sesyon ng Ayuntamiemto, at taong 1599 nang sinimulan ang konstruksyon sa kasalukuyang gusali ng Ayuntamiento de Manila, ang Casa Consitoriales, na matatagpuan sa loob ng Intramuros.

Ang Ayuntamiento ang nagsilbing local council ng lungsod ng Maynila at nagsilbing municipal hall ng Maynila sa loob ng halos tatlong siglong pananakop ng Espanya sa Pilipinas. Binubuo ang Ayuntamiento ng dalawang alcalde mayor o pinuno ng lungsod, walong huwes at tig-isang clerk at punong konstable. Ang Casa Consitoriales, o Marble Palace kung tawagin, na binuksan noong 1607 ay ilang beses nasira ng mga lindol, at ni-renovate sa henyong disenyo ng mga arkitektong gaya nina Felipe Roxas.

Sa Ayuntamiento rin nilagdaan ng mga Espanyol ang kanilang pagsuko ng Maynila sa mga Amerikano noong Agosto 1898. Nangyari ang unang sesyon ng Philippine Assembly noong 1907, at ng Philippine Legislature noong 1923 hanggang ilipat iyon sa Legislative Building sa Ermita, Maynila.

Gaya ng maraming gusali sa Intramuros, nawasak ang Ayuntamiento noong panahon ng digmaan taong 1945, at noong 1966 ay pinangalang Osmeña Memorial Building ang nasirang gusali bilang parangal kay Sergio Osmeña, Sr., kasabay ng planong rekonstruksyon at pagsasaayos sa gusali ng Ayuntamiento. Sa panibagong renobasyon sa gusali mula noong 2009 hanggang 2013, muling nakita ang gandang dating taglay ng Ayuntamiemto. Dito ang kasalukuyang pangunahing opisina ng Bureau of Treasur, at noong 2015 ay binuksan rin para sa mga turista ang gusali ng Ayuntamiento.

Mga Sanggunian:
• Medina, Marielle (2017). Did You Know: The Ayuntamiento. INQUIRER.NET Retrieved June 28, 2022. https://www.google.com/amp/s/newsinfo.inquirer.net/909274/did-you-know-the-ayuntamiento/amp
• "COA hits Ayuntamiento project delays". The Philippine Star. (January 3, 2014). Retrieved June 28, 2022. https://www.philstar.com/metro/2014/01/03/1274533/coa-hits-ayuntamiento-project-delays
• Ambanta, Jennifer (February 22, 2015). "New tourist attraction to open in Intramuros". Manila Standard Today. Kamahalan Publishing Corporation. Archived from the original on March 7, 2016. Retrieved June 28, 2022. https://web.archive.org/web/20160307100514/http://manilastandardtoday.com/news/supplements/171222/new-tourist-attraction-to-open-in-intramuros.html

Pinaka masakit na siguro na narinig ko sa magulang yung sabihan ka na hindi naman importante yan (filipino subject) sobrang dami ipinapagawa ang hirap hirap … hinding hindi ko talga makakalimutan yun tinignan ko lang sya ng masama tapos tumalikod ako (tanda ng ahh d pala importante sige bagsak anak mo) after ilang araw kumpletong nag pass ng activity

😂😂

👌

🧠

🧐

𝗜𝗧𝗜𝗡𝗔𝗧𝗔𝗚 𝗡𝗜 𝗝𝗢𝗦𝗘 𝗥𝗜𝗭𝗔𝗟 𝗔𝗡𝗚 𝗟𝗔 𝗟𝗜𝗚𝗔 𝗙𝗜𝗟𝗜𝗣𝗜𝗡𝗔

Ilang araw mula nang bumalik si José Rizal sa Pilipinas mula Hong Kong noong June 26, 1892, at matapos ang ilang serye ng kanyang pagpupulong kay Gobernador-heneral Eulogio Despujol kaugnay ng kanyang Borneo colonization project, at paglalakbay sa Gitnang Luzon, kanyang itinatag ang samahang La Liga Filipina sa tahanan ng Filipino-Chinese na si Doroteo Ongjunco sa Ilaya Street sa Tondo, Maynila noong July 3, 1892. Sa naturang pagpupulong ng mga makabayan at mason nang gabing iyon, ipinaliwanag niya ang mga layunin ng samahan. Ayon sa Saligang Batas ng La Liga Filipina, na kanyang isinulat at inilimbag sa Hong Kong, layunin nitong: (1) pagkaisahin ang buong Pilipinas; (2) pagtataguyod ng reporma; (3) pagbibigay ng suporta sa edukasyon, agrikultura, at komersyo; (4) paglaban sa anumang uri ng karahasan at di makatarungang gawain; at (5) pagbibigay ng proteksyon at tulong sa bawat kasapi.

Kabilang sa mga naging kasapi ng samahan ay ang abogadong si Apolinario Mabini (na noo'y nakatatayo pa) bodegerong si Andres Bonifacio, Ambrosio Rianzares Bautista, Pedro Serrano Laktaw, Domingo Franco, Ambrosio Salvador, Bonifacio Arevalo, Moises Salvador, at Deodato Arellano (bayaw ni Marcelo H. del Pilar). Ang sinumang mga Filipino na nagmamahal sa bayan ay maaaring sumapi sa samahan. Bawat kasapi ay magbabayad ng dalawang piso para sa membership, at buwanang bayad na sampung sentimo (2 centavos).

Hindi nagtagal ang samahan dahil ipinatapon si Rizal sa Dapitan noong July 6, 1892. Nang sumunod na araw, July 7, itinatag nina Bonifacio at Arellano ang Katipunan. Ang ilang kasapi naman, gaya ni Mabini, ay itinatag ang Cuerpo de Compromisarios na nagtustos sa pahayagang La Solidaridad.

Sanggunian:

Zaide, Gregorio. Jose Rizal Life, Works, and Writings of a Genius, Writer, Scientist, and National Hero