https://www.facebook.com/448084265057101/

Ang Luntiang Parang, Purok Proper, Barangay Dulao, Bago City (2026)

23/08/2026

BALITA | 𝐀𝐧𝐠 𝐋𝐮𝐧𝐭𝐢𝐚𝐧𝐠 𝐏𝐚𝐫𝐚𝐧𝐠, 𝐧𝐚𝐦𝐚𝐲𝐚𝐠𝐩𝐚𝐠 𝐬𝐚 𝐃𝐢𝐬𝐭𝐫𝐢𝐜𝐭 5-𝐀 𝐒𝐜𝐡𝐨𝐨𝐥𝐬 𝐏𝐫𝐞𝐬𝐬 𝐂𝐨𝐧𝐟𝐞𝐫𝐞𝐧𝐜𝐞
‎

‎Namayagpag ang ANG LUNTIANG PARANG sa isinagawang District 5-A Schools Press Conference sa Ramon Torres Taloc National High School nitong ika-22 ng Agosto.
‎
‎Upang makapili ng mga kalahok na kakatawan para sa nalalapit na pandibisyong paligsahan sa pamamahayag, limang paaralang pansekundarya sa District 5-A ang lumahok, kabilang ang mga mag-aaral mula sa Junior High School (JHS) at Senior High School (SHS), na kinabibilangan ng RTSagasaNHS, RTAtipuluanNHS, RTDulaoNHS, RTMalinginNHS, at RTTalocNHS.
‎
‎Laban sa apat (4) na paaralan, nagwagi ang RTDNHS sa iba't ibang kategorya, kung saan ang mga mamahayag ng Ang Luntiang Parang ay nagkamit din ng parangal sa iba't ibang puwesto.
‎
‎Pagsulat ng Balita:
‎Cher Pauline Paulino - 2nd Place
‎
‎Pagsulat ng Balitang Isports:
‎Jairus Illosorio - 5th Place
‎
‎Pagsulat ng Editoryal:
‎Alisson Dawn Dorio - 3rd Place
‎LJ Tobongbanua - 2nd Place
‎
‎Pagsulat ng Lathalain:
‎Cherry Rose Tumbiga - 4th Place
‎Alicia Shane Castillo - CHAMPION
‎
‎Photojournalism:
‎Darwin Libo-on - 4th Place
‎Ninya Emilia - 3rd Place
‎Khazy Dequilla - 2nd Place
‎
‎Pagsulat ng Kolum:
‎Zoie D. Cosio - 3rd Place
‎Princess V. Cardines - CHAMPION

Mga Partisipante:
Jay Senarosa
Cassandra Fuyonan
Cleo Ann Grace Espino
Edmundo Durato
‎
‎Ang mga nagwagi ang syang aasahang lalahok para sa nalalapit na pandibisyong paligsahan sa pamamahayag.
‎
‎Ang mga panalong ito ang nagsilbing inspirasyon sa mga batang mamahayag—nagwagi man o hindi—na patuloy na magsikap at matuto hindi lamang para sa mga kompetisyon, kung hindi para rin sa katotohanan.

✍️: Cher Pauline Paulino
📸: Khazy Dequilla

20/08/2026

KAMPUS BALITA | 𝐑𝐓𝐃𝐍𝐇𝐒 𝐅𝐔𝐍 𝐑𝐔𝐍 2026, 𝐌𝐀𝐓𝐀𝐆𝐔𝐌𝐏𝐀𝐘 𝐍𝐀 𝐈𝐃𝐈𝐍𝐀𝐎𝐒

Bilang bahagi ng pagdiriwang ng Intramurals 2026, matagumpay na isinagawa ang Fun Run ng mga mag-aaral ng Ramon Torres Dulao National High School dakong alas-6:00 ng umaga nitong Agosto ika-15 taong kasalukuyan.

Umarangkada ang mga mag-aaral mula sa kanilang paaralan patungo sa Prk. Paho Barangay Dulao , kung saan ipinakita nila ang kanilang bilis, determinasyon, at pakikiisa sa aktibidad.

Bilang pagtatapos ng Fun Run, bumalik ang mga kalahok sa kanilang paaralan upang marating ang finish line at pormal na tapusin ang karera.

Mga Nagwagi:
🥇 First Place: Pauxlian Villagracia
🥈 Second Place: Richard Khim Layug
🥉 Third Place: Christ Fian Boaquiña

Ang matagumpay na Fun Run ay nagbigay ng pagkakataon sa mga mag-aaral na maipakita hindi lamang ang kanilang husay sa pagtakbo, kundi pati na rin ang kanilang sportsmanship, disiplina, at pagkakaisa bilang bahagi ng Intramurals 2026.

✍️: Kazzandra Dag- uman at Princess Cardines
📸: Ninya Emilia at Cherrie Rose Tumbiga

20/08/2026

KAMPUS BALITA l 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐅𝐨𝐚𝐦 𝐏𝐚𝐫𝐭𝐲, 𝐍𝐚𝐠𝐢𝐧𝐠 𝐓𝐚𝐦𝐩𝐨𝐤 𝐬𝐚 𝐈𝐧𝐭𝐫𝐚𝐦𝐮𝐫𝐚𝐥𝐬 𝐧𝐠 𝐑𝐓𝐃𝐍𝐇𝐒

Sa gitna ng ingay, tawanan, at makukulay na alaala, matagumpay na isinagawa ang Foam Party bilang isa sa mga pinakaaabangang bahagi ng Intramurals ng Ramon Torres Dulao National High School (RTDNHS), na naghatid ng saya at enerhiya sa mga mag-aaral noong Agosto ika-15 taong kasalukuyan.

Bago pa man tuluyang magsimula ang kasiyahan, mahigpit nang ipinatupad ang seguridad sa entrance. Tanging mga estudyanteng may ticket lamang ang pinayagang makapasok, habang hindi naman pinahintulutang pumasok ang mga outsider. Gayunpaman, binigyan ng pagkakataong makiisa ang ilang dating mag-aaral o graduates ng paaralan, dahilan upang mas maging makabuluhan ang pagtitipon.

Nang magsimula ang Foam Party, nagkasabay-sabay ang tawanan, sayawan, sigawan, at kulitan habang buong-pusong nakisaya ang mga mag-aaral. Higit sa lahat, naging tampok sa gabi ang pagkakaibigan at saya na kanilang pinagsaluhan.

Higit pa sa isang simpleng party, naging pagkakataon din ito para sa mga mag-aaral na makapagpahinga at magsaya kasama ang kanilang mga kaibigan. Sa bawat basang damit at tawanan, nabuo ang mga kuwentong tiyak na magiging bahagi ng kanilang masasayang alaala sa paaralan.

Pagsapit ng alas-7:00 ng gabi, opisyal nang nagtapos ang Foam Party. Bagama’t natapos ang programa, hindi agad nawala ang saya sa mga mukha ng mga mag-aaral. Sa pagtatapos ng gabi, isang bagay ang malinaw: ang Foam Party ay hindi lamang tungkol sa foam, musika, at sayawan, kundi tungkol sa mga taong naging dahilan kung bakit naging espesyal ang gabi at sa mga alaalang tiyak nilang babalikan.

✍️:Raina Mae Solina at Cleo Ann Espino
📸: Jairus Ilosorio
🖼️: Zoei Cosio

18/08/2026

‎KAMPUS BALITA | 𝐊𝐞𝐧𝐝𝐫𝐢𝐱 𝐉𝐚𝐝𝐞 𝐎𝐪𝐮𝐢𝐚𝐬 𝐚𝐭 𝐒𝐡𝐲𝐚𝐦𝐫𝐢𝐞 𝐒𝐡𝐫𝐞𝐬𝐭𝐡𝐚, 𝐢𝐭𝐢𝐧𝐚𝐧𝐠𝐡𝐚𝐥 𝐧𝐚 𝐌𝐫. 𝐚𝐭 𝐌𝐬. 𝐈𝐧𝐭𝐫𝐚𝐦𝐮𝐫𝐚𝐥𝐬 2026
‎

‎Matagumpay na kinoronahan sina Kendrix Jade Oquias at Shyamrie Shrestha bilang Mr. at Ms. Intramurals 2026 sa isinagawang koronasyon nitong ika-15 ng Agosto sa Ramon Torres Dulao National High School.
‎
‎Bago ang pinakahihintay na koronasyon, isinagawa ang iba’t ibang bahagi ng kompetisyon na nagpakitang-gilas ang mga kandidato sa kanilang Tribal Wear, School Uniform, Sports Wear, at Formal Attire.
‎
‎Sinundan ito ng mga production at intermission number mula sa The Opportunist – Dance Guild, Bago City College student interns, Pitch Society, at iba pang performers.
‎
‎Pinangunahan ni Bb. Ma. Angela A. Perol, Officer-in-Charge ang opening remarks, kung saan binigyang-diin niya na ang intramurals ay hindi lamang tungkol sa pagkamit ng medalya o tropeo, kundi tungkol din sa pagkakaroon ng kasiyahan, pagbuo ng pagkakaibigan, paglikha ng mga alaala, at pagtutulungan.
‎
‎Ipinakilala rin ang lupon ng mga hurado na sina Archelle Blossom Palmares, Joshua G. Japitana, Angel Mae Pegaris, at Michael Jade Alvarez, na naging bahagi ng pagpili sa mga natatanging kandidato.
‎
‎Sa paggawad ng mga minor awards, kinilala sina Edmundo Durato at Nicole Singuelas bilang Mr. and Ms. Production, Best in Formal and Tribal Attire.
‎
‎Sina Benjamine Bacuna at Nicole Singuelas naman ang nagwagi sa Best in School Uniform at kinilala sa Best in Sports Wear.
‎
‎Samantala, itinanghal naman sina Renz Fedilo at Samantha Villaruz bilang Most Photogenic.
‎
‎Matapos ang grand entrance at final walk ng mga kandidato, sumapit ang pinakaaabangang bahagi ng programa—ang koronasyon ng Mr. and Ms. Intramurals 2026.
‎
‎Sa huli, sina Kendrix Jade Oquias at Shyamrie Shrestha ang itinanghal na Mr. at Ms. Intramurals 2026, na sinundan nina Edmundo Durato at Ma. Samantha Villaruz bilang 1st Runners-up; Jin Aldrich Luciano at Nicole Singuelas bilang 2nd Runners-up; Benjamin Bacuna at Annika Joy Casiano bilang 3rd Runners-up; Renz Fedilo at Janice Brignas bilang 4th Runners-up; at Jomel Celiz at Nicole Singuelas bilang 5th Runners-up.
‎
‎Naging makabuluhan ang koronasyon bilang isa sa mga tampok na bahagi ng Intramurals 2026, na nagsilbing pagdiriwang hindi lamang ng talento at kumpiyansa ng mga mag-aaral kundi pati ng pagkakaisa ng buong paaralan sa diwa ng paligsahan at pakikipagkaibigan.

✍️: Cher Pauline Paulino at Ana Fia Alvarez
📸: Ninya Emillia
🖼️: Jairus Ilosorio
‎

16/08/2026

KAMPUS BALITA | 𝐁𝐥𝐚𝐜𝐤 𝐏𝐚𝐧𝐭𝐡𝐞𝐫𝐬 𝐏𝐢𝐧𝐚𝐭𝐚𝐨𝐛 𝐚𝐧𝐠 𝐑𝐢𝐧𝐠 𝐬𝐚 𝐂𝐡𝐚𝐦𝐩𝐢𝐨𝐧𝐬𝐡𝐢𝐩 𝐑𝐨𝐮𝐧𝐝 ‎

‎Muling naghari ang Black Panthers (Grade-11) sa iskor na 71-39 laban sa Blue Wolves (Grade-10), sa pinaka-inaabangang championship round ng basketball boys intramurals na ginanap sa Ramon Torres Dulao National High School nitong ika-15 ng Agosto, 2026.
‎
‎Sa unang kwarter ng laro,ay tila hindi na nagpatinag ang Black Panthers at ipinakita ang kanilang kahusayan sa pagdedepensa at opensa sa kanilang katungaling koponan.
‎
‎Sa kabilang banda, ay pilit mang bumawi ng kabilang koponan na Blue Wolves, ay hindi pa rin nilang magawang makausad sa Black Panthers na pinapanatiling kontrolado ang laro.
‎
‎Bago paman makatungtong sa huling bahagi ng kompitisyon ang Black Panthers, ay nagpamalas na nang galing sa pagdedepensa at pag-oopensa ang koponan.
‎
‎Sa huling kwarter ng laro, ay tuluyan ng dinaig ng Black Panthers ang Blue Wolves, at ipinagdiriwang ang kanilang nasungkit na kampeonato sa championship round. Sa pagtatapos ng aktibidad ay maghihintay sila nang anunsyo kung kailan ang kanilang susunod na paligsahan.
‎
‎Bunga ng kanilang talento, sikap at pagpupunyagi, matagumapay nilang nakuha ang pagiging kampyon sa larangan ng larong ito. Gayunpaman, hindi pa rito nagtatapos ang laban at patuloy pa rin ang kanilang mithiin na mas maging mahusay pa na manlalaro ng basketball.

✍️: Jairus Ilosorio at Alisson Dawn Dorio
📸: Khazy Dequilla
🖼️: Shane Castillo

16/08/2026

KAMPUS BALITA | 𝐆𝐑𝐀𝐃𝐄 9, 𝐍𝐀𝐍𝐀𝐈𝐆 𝐀𝐓 𝐈𝐓𝐈𝐍𝐀𝐍𝐆𝐇𝐀𝐋 𝐍𝐀 𝐊𝐀𝐌𝐏𝐄𝐎𝐍 𝐍𝐆 𝐁𝐀𝐒𝐊𝐄𝐓𝐁𝐀𝐋𝐋 𝐆𝐈𝐑𝐋𝐒

Sa mainit na sagupaan para sa titulong kampeonato ng Basketball Girls, ipinamalas ng koponan ng Grade 9 ang kanilang husay, pagkakaisa, at hindi matatawarang determinasyon mula sa unang pito hanggang sa huling pito ng laro.

Unang Kwarto
Agad na nagpakita ng gilas at liksi ang Grade 9 sa pagbubukas pa lamang ng laro. Mabilis ang kanilang mga galaw, maayos ang pagpapasa, at matalas ang mga tira sa ring. Sinubukan man ng Grade 11 na sumabay at magbigay ng matinding depensa, mas naging maagap ang mas batang koponan. Nagtapos ang unang yugto sa iskor na Grade 9 – 12, Grade 11 – 7.

Ikalawang Kwarto
Hindi nagpahuli at lalo pang pinatibay ng Grade 9 ang kanilang diskarte. Mas humigpit ang kanilang pagbabantay at mas naging maayos ang daloy ng kanilang opensa. Kahit ibinigay ng Grade 11 ang lahat ng kanilang makakaya upang bumawi, nanatiling matatag ang pader ng Grade 9. Pumalo ang ikalawang kwarto sa iskor na Grade 9 – 11, Grade 11 – 8.

Sa pagtatapos ng buong laban, sa kabuuang iskor na 48 – 27, opisyal na idineklarang panalo at bagong KAMPEON ang koponan ng Grade 9!

Pinatunayan nila na hindi edad ang batayan ng galing, kundi ang pagsisikap, disiplina, at pagtutulungan ng buong koponan. Taos-puso ring pagpupugay sa koponan ng Grade 11 na naglaro nang may dangal at nagbigay ng matinding hamon sa laban.

✍️: Jay Senarosa at Hasya Ortillo
📸: Khazy Dequilla
🖼️: Angel Mae Tumangan

16/08/2026

KAMPUS BALITA | 𝐑𝐞𝐝 𝐓𝐢𝐠𝐞𝐫𝐬 𝐔𝐦𝐚𝐫𝐚𝐧𝐠𝐤𝐚𝐝𝐚 𝐌𝐚𝐭𝐚𝐩𝐨𝐬 𝐌𝐚𝐤𝐢𝐩𝐚𝐠𝐬𝐚𝐩𝐚𝐥𝐚𝐫𝐚𝐧 𝐬𝐚 𝐁𝐥𝐚𝐜𝐤 𝐏𝐚𝐧𝐭𝐡𝐞𝐫𝐬

Nasungkit ng Red Tigers (Baitang 9) ang kampeonato matapos talunin ang Black Panthers (Baitang 11) sa larong volleyball na ginanap sa Intramurals nitong ika-14 ng Agosto taong kasalukuyan sa RTDulaoNHS Covered Court.

Pinatunayan ng Red Tigers ang kanilang hindi matatawarang galing at husay nang kanilang pataubin ang Black Panthers sa iskor na 15-10, 15-12, at 15-6. Bagama’t natalo sila sa isang set sa iskor na 14-15 laban sa Baitang 11, hindi ito naging hadlang upang ipagpatuloy nila ang laban at makamit ang tagumpay.

Bago makarating sa kampeonato, ipinakita ng Red Tigers ang kanilang husay at determinasyon sa kanilang mga naunang laban. Sa bawat laro, pinatunayan nila ang kanilang kakayahan sa pamamagitan ng mahusay na teamwork, matibay na depensa, at maayos na pag-atake. Dahil dito, matagumpay nilang nalampasan ang kanilang mga katunggali at nakarating sa championship round.

Ang kampeonato ay bunga ng kanilang pagkakaisa, sipag, tiyaga, disiplina, at tiwala sa isa’t isa. Sa bawat laban, ipinakita ng Red Tigers na ang tagumpay ay hindi lamang nakasalalay sa husay ng bawat manlalaro, kundi pati na rin sa pagtutulungan bilang isang koponan.

✍️: LJ Tobongbanua at Joemarie Rondain
📸: Khazy Dequilla
🖼️: Rena Villa

12/08/2026

🏃‍♀️💨𝐇𝐀𝐍𝐃𝐀 𝐊𝐀 𝐍𝐀 𝐁𝐀? 𝐓𝐀𝐊𝐁𝐎 𝐍𝐀!💨🏃‍♂️

Inaanyayahan ang lahat ng mag-aaral ng Ramon Torres Dulao National High School, mga Alumni, at mga Stakeholder na makiisa sa RTDNHS Campus Dash 3K Run! 👟🔥

📅 Agosto 15, 2026
⏰ 6:00 N.U.
📍 Ramon Torres Dulao National High School

Takbo para sa kalusugan, pagkakaisa, at kasiyahan!

At pagkatapos ng pageant, ipagpatuloy natin ang saya sa 𝐅𝐨𝐚𝐦 𝐏𝐚𝐫𝐭𝐲! Maghanda para sa tawanan, sayawan, at masasayang sandali kasama ang buong RTDNHS community!

Huwag palampasin! Makisali, tumakbo, at magsaya!

👟 TAKBO. SAMA-SAMA. MAGDIWANG. 🎉
Kita-kits sa Agosto 15!

🖼️: G. Jehu Caleb Nava

11/08/2026

KAMPUS BALITA | 𝐑𝐓𝐃𝐍𝐇𝐒 𝐈𝐧𝐭𝐫𝐚𝐦𝐮𝐫𝐚𝐥𝐬 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐈𝐧𝐢𝐥𝐮𝐧𝐬𝐚𝐝

‎Matagumpay na ipinagdiwang ng Ramon Torres Dulao National High School (RTDNHS) ang muling pagbubukas ng pristiryosong palaro sa paaralan o Intramurals kahapon, ika-10 ng Agosto taong kasalukuyan alas 3:30 ng hapon.

Sinimulan ito sa Isang mainit na pambungad na mensahe ni Bb. Ma Angela A. Perol, Officer-In-Charge ng paaralan. Sinundan naman ito ng lighting of torch na pinangunahan ni Mark Baladhay mula sa baitang-11 na nagsisimbolo ng katapatan, pagkakaisa, at sigla ng mga manlalaro.

Bilang bahagi ng programa pinangunahan ng mga muse at es**rt ang raising of banners, at sinundan naman nito ng pledge of sportsmanship na pinangunahan ni G. Michael Mariano .
‎
Kasunod nito ang Ball Tossing na layuning magbigay ng pangako ng patas,maganda at masayang laban. Pinamunuan ito ng mga g**o at coach ng bawat koponan. Matapos nito ay malugod na pinakilala ni G. Jehu Caleb Nava ang mga muse at es**rt mula sa iba’t ibang baitang.

‎Pagkatapos nito ay matagumpay na pinangunahan ni G. Mark Deogin A. Pediongco ang pagdedeklara ng pagsisimula ng intramurals.

Binigyang kulay ng mga mag-aaral na miyembro ng grupong The Opportunist at mga g**o ang programa sa pamamagitan ng dance number na nagbigay ng aliw at kasiyahan sa mga dumalo.

Sa pagtatapos ng programa ay nag-anunsyo ng iskedyul ng mga laro para sa susunod na araw ng palaro.

✍️: Jairus Ilosorio
📸: Hasya Ortillo

09/08/2026

KAMPUS BALITA | 𝐉𝐨𝐮𝐫𝐧𝐚𝐥𝐢𝐬𝐦 𝐒𝐭𝐮𝐝𝐞𝐧𝐭𝐬 𝐇𝐢𝐧𝐚𝐬𝐚 𝐩𝐚𝐫𝐚 𝐬𝐚 𝐏𝐫𝐞𝐬𝐬 𝐂𝐨𝐧𝐟𝐞𝐫𝐞𝐧𝐜𝐞

Hinasa ang kaalaman at kasanayan ng mga journalism students sa training-workshop na ginanap sa kampus ng Ramon Torres Dulao National High School (RTDNHS) ngayong Linggo, Agosto 9, 2026, mula alas-7:30 n.u. hanggang 4:30 n.h., bilang paghahanda sa Press Conference sa Agosto 22.

Pinangunahan ni G. Erwin P. Nicavera, Information Officer II ng City Government of Bago, ang pagsasanay na nakatuon sa pagsulat ng balita, pagsulat ng lathalain, at photojournalism.

Sa sesyon sa umaga, tinalakay ang iba’t ibang kategorya at uri ng pagsulat sa pamamahayag, gayundin ang mga pamantayang dapat isaalang-alang sa bawat larangan. Binigyang-diin ni G. Nicavera ang wastong estruktura ng balita, malinaw na lead, at paggamit ng sapat at mapagkakatiwalaang datos sa pagsulat ng balita.

Tinalakay rin ang iba’t ibang uri ng pagsulat ng lathalain at mga teknik sa pagbuo ng makabuluhang sulatin. Sa photojournalism, binigyang-pansin ang pagpili ng angkop na anggulo at timing upang epektibong maipahayag ang kuwento sa pamamagitan ng larawan.

Sa hapon, isinagawa ang aktuwal na workshop kung saan inilapat ng mga kalahok ang mga konseptong tinalakay sa umagang sesyon. Tinapos ang gawain sa pagsusuri at pagwawasto ng mga output, kung saan natukoy ang mga bahagi na kailangan pang ayusin at pagbutihin.

Naging katuwang sa pagsasanay ang mga School Paper Advisers (SPA) teachers na sina Bb. Babes Villanueva ng JHS Filipino, Bb. Mery Grace B. Tapio ng SHS Filipino, at Gng. Judith Jaro ng SHS English.

Isinagawa ang training-workshop sa suporta ni Bb. Ma. Angela Perol, Officer-in-Charge ng Ramon Torres Dulao National High School, bilang bahagi ng paghahanda ng mga mag-aaral sa nalalapit na kompetisyon.

✍️: Cherrie Rose Tumbiga
📸: Khazy Dequilla

Ang Luntiang Parang

23/08/2026

20/08/2026

20/08/2026

18/08/2026

16/08/2026

16/08/2026

16/08/2026

12/08/2026

11/08/2026

09/08/2026

Address

Website

Alerts

Shortcuts

Share

Category

Listing takedown request