10/08/2026
MGA MAG-AARAL NG BNHS, NAGPATULOY SA PAGKATUTO SA KABILA NG SUSPENSIYON NG KLASE
BACNOTAN, LA UNION — Sa kabila ng pansamantalang pagsuspinde ng klase dulot ng masamang panahon, nagpatuloy ang mga mag-aaral ng Bacnotan National High School (BNHS) sa kanilang pagkatuto sa pamamagitan ng modular learning.
Binigyan ang mga mag-aaral ng mga gawaing kaugnay ng kanilang mga aralin habang suspendido ang face-to-face classes. Isinagawa ang mga aktibidad sa layuning mapanatili ang kanilang aktibong pakikilahok sa pag-aaral sa kabila ng sitwasyon.
Kalakip sa nasabing gawain ang mga larawan na nagsilbing dokumentasyon ng kanilang pakikilahok, pagsisikap, at pagtupad sa mga itinakdang learning activities.
Sa pamamagitan ng alternatibong paraan ng pagkatuto, napanatili ang pagpapatuloy ng edukasyon habang isinasaalang-alang ang kaligtasan at kapakanan ng mga mag-aaral.
