15/03/2026
๐๐ซ๐ข๐ฌ๐ญ๐จ๐๐๐ฅ, ๐๐๐ ๐ก๐๐ญ๐ข๐ ๐ง๐ ๐๐ง๐๐ง๐ ๐๐ข๐ง๐ญ๐จ ๐ฉ๐๐ซ๐ ๐ฌ๐ ๐๐ง๐ญ๐ข๐ช๐ฎ๐ ๐ฌ๐ ๐๐๐๐๐ ๐๐๐๐ญ ๐๐๐๐
๐ฅ๐ข๐ซ๐๐ฆ ๐๐๐ง๐ฌ โ Naitala ng Delegasyon ng Antique ang kanilang pinaka-unang gintong medalya sa ๐ฎ๐ฌ๐ฎ๐ฒ ๐ช๐ฒ๐๐๐ฒ๐ฟ๐ป ๐ฉ๐ถ๐๐ฎ๐๐ฎ๐ ๐๐๐ต๐น๐ฒ๐๐ถ๐ฐ ๐๐๐๐ผ๐ฐ๐ถ๐ฎ๐๐ถ๐ผ๐ป (๐ช๐ฉ๐ฅ๐๐) ๐ ๐ฒ๐ฒ๐ matapos magwagi si ๐๐ผ๐๐ฒ ๐ฃ๐ฟ๐ถ๐๐ ๐๐ฒ๐ฟ๐ฎ๐น๐ฑ ๐๐ฟ๐ถ๐๐๐ผ๐ฏ๐ฎ๐น, isang Grade 12 na mag-aaral ng Sta. Ana National High School, sa 3000-meter steeplechase event na ginanap sa Roxas City Sports Complex.
Si Cristobal, na nagmula sa San Joaquin, Pandan, Antique, ay nagpakitang-gilas sa nasabing karera kung saan matagumpay niyang nalampasan ang mga hadlang at water jump ng steeplechase upang masungkit ang gintong medalya para sa probinsya ng Antique.
Ang kanyang panalo ang nagmarka bilang unang gintong medalya na nakuha ng Antique Delegation sa kasalukuyang WVRAA Meet, na nagbigay ng inspirasyon at dagdag na lakas ng loob sa buong koponan ng lalawigan.
Malaki rin ang naging papel sa tagumpay na ito ng kanyang coach na si ๐ ๐ฟ. ๐๐ฒ๐ฟ๐๐๐๐ ๐ฆ. ๐๐ฏ๐ฎ๐ฑ, na patuloy na gumabay at nagsanay kay Cristobal sa kanyang paghahanda para sa nasabing kompetisyon. Ayon sa kanya, ang maayos na pagsasanay, disiplina, at determinasyon ang naging susi sa makasaysayang panalo ni Pritz.
Bilang kinatawan ng Sta. Ana National High School, ipinakita ni Cristobal ang husay, tiyaga, at dedikasyon sa larangan ng athletics. Ang kanyang tagumpay ay hindi lamang karangalan para sa kanyang paaralan kundi maging sa buong bayan ng Pandan at sa lalawigan ng Antique.
Ang Western Visayas Athletic Association Meet ay taunang kompetisyon ng mga piling atleta mula sa iba't ibang lalawigan ng Rehiyon VI kung saan ipinapamalas ng mga kabataan ang kanilang talento at kahusayan sa ibaโt ibang larangan ng sports.
Sa tagumpay na ito, inaasahang magsisilbing inspirasyon si Cristobal sa iba pang kabataang atleta na patuloy mangarap, magsikap sa pagsasanay, at magbigay ng karangalan sa kanilang paaralan at lalawigan. #
