15/08/2026
Sa Ebanghelyo, makikita natin ang malalim na pagpapakumbaba ni Maria. Sa kabila ng malaking biyayang ipinagkaloob sa kanya ng Diyos, hindi niya hinangad ang sariling karangalan. Sa halip, buong kababaang-loob niyang tinanggap ang kalooban ng Diyos at inialay ang kanyang sarili sa paglilingkod.
Ang Pag-aakyat sa Langit kay Maria ay nagpapaalala sa atin na ang tunay na kadakilaan ay hindi nasusukat sa posisyon, kapangyarihan, o pagkilala ng ibang tao. Ang taong tunay na dakila ay ang taong marunong magpakumbaba, magmahal, at maglingkod kahit walang naghihintay ng kapalit.
Sa ating buhay, maraming pagkakataon na nais nating mapansin, mapuri, at mauna. Ngunit itinuturo sa atin ni Maria na ang daan patungo sa Diyos ay hindi laging tungkol sa pagiging nasa itaas. Minsan, kailangan muna nating yumuko—upang maglingkod, umunawa, magpatawad, at tanggapin ang kalooban ng Diyos.
Nawa, tulad ni Maria, matuto tayong magpakumbaba at magtiwala sa Diyos. Sapagkat kapag ang ating puso ay marunong magpakababa, ang Diyos mismo ang siyang magtataas sa atin—hindi para sa ating sariling karangalan, kundi upang ang Kanyang kadakilaan ay makita sa ating buhay.
Mahal na Birheng Maria na iniakyat sa langit, katawan at kaluluwa,
Ipanalangin mo kami!
-Sem. Gabriel Elijah R. Lozano
International Shrine of Our Lady of Peace and Good Voyage, Antipolo City, Rizal
Solemnity of the Assumption of the Blessed Virgin Mary
August 15, 2026
![[LOOK] Our Grade 9 seminarians showcased their baking skills through their Performance Task in Technology and Livelihood...](https://img4.schoolandcollegelistings.com/340/408/1687246923404085.jpg)
