29/06/2026
Nagkaisa para sa Kaligtasan ng mga Mag-aaral
Bilang tugon sa mga naganap na insidente sa iba't ibang paaralan, nagsagawa ng isang mahalagang pagpupulong ang Pamahalaang Bayan ng Angono kasama ang Municipal Federation of Parents-Teachers Association (MFPTA) upang talakayin ang mga hakbang na magpapatibay sa kaligtasan at seguridad ng ating mga mag-aaral.
Sa pangunguna ni Mayor Gerry Calderon, katuwang ang Angono Municipal Police Station, at dinaluhan ng mga kinatawan mula sa iba’t ibang paaralan at ng MFPTA, tinalakay ang mga konkretong hakbang at mas pinaigting na koordinasyon upang matiyak na nananatiling ligtas ang ating mga paaralan.
Ang kaligtasan ng bawat mag-aaral ay isang responsibilidad na sama-sama nating pinangangalagaan. Sa pamamagitan ng pagtutulungan ng lokal na pamahalaan, kapulisan, mga paaralan, mga magulang, at ng buong komunidad, mas mapagtitibay natin ang isang ligtas at maayos na kapaligiran kung saan ang ating mga kabataan ay makapag-aaral nang may kapanatagan at kumpiyansa.
Sa pagkakaisa, mas nagiging matatag ang ating layunin na mapanatiling ligtas ang bawat bata sa ating Bayan.
Bilang katuwang sa pagpapanatili ng kaligtasan sa ating mga paaralan, patuloy na nakikiisa ang sa mga programang nagsusulong ng seguridad at kapakanan ng ating mga mag-aaral. Sapagkat ang kaligtasan ng ating mga kabataan ay pananagutan nating lahat.
