BNHS-Supreme Secondary Learner Government - SSLG

𝐊𝐈𝐋𝐀𝐋𝐀𝐍𝐈𝐍 𝐍𝐀𝐓𝐈𝐍 𝐀𝐍𝐆 𝐌𝐆𝐀 𝐁𝐀𝐆𝐎𝐍𝐆 𝐏𝐈𝐍𝐔𝐍𝐎𝐍𝐆 𝐁𝐔𝐁𝐔𝐎 𝐀𝐓 𝐌𝐀𝐆𝐁𝐈𝐁𝐈𝐆𝐀𝐘 𝐍𝐆 𝐊𝐔𝐋𝐀𝐘 𝐒𝐀 𝐁𝐀𝐆𝐎𝐍𝐆 𝐘𝐔𝐆𝐓𝐎 𝐍𝐆 𝐀𝐓𝐈𝐍𝐆 𝐏𝐀𝐌𝐔𝐌𝐔𝐍𝐎! 🫡❤️

📜 | 𝐌𝐠𝐚 𝐎𝐩𝐢𝐬𝐲𝐚𝐥 𝐧𝐠 𝐁𝐍𝐇𝐒-𝐒𝐒𝐋𝐆 𝐒.𝐘. 𝟐𝟎𝟐𝟔–𝟐𝟎𝟐𝟕

Sa bawat hakbang at paglalakbay ng ating paaralan, may mga lider na handang tumindig, magsilbi, at maging ilaw sa gitna ng pag-unlad. Tulad ng matibay na puno na nag-uugat nang malalim at lumalago nang mataas, ang mga pinunong ito ay taglay ang katapatan, malasakit, at dedikasyon… handang magbunga ng magagandang gawain at makabuluhang pagbabago para sa bawat mag-aaral.

Ngayong panibagong taon ng paglilingkod, buong pagmamalaki naming ipinapakilala ang mga 𝐎𝐩𝐢𝐬𝐲𝐚𝐥 𝐧𝐠 𝐒𝐮𝐩𝐫𝐞𝐦𝐞 𝐒𝐞𝐜𝐨𝐧𝐝𝐚𝐫𝐲 𝐋𝐞𝐚𝐫𝐧𝐞𝐫 𝐆𝐨𝐯𝐞𝐫𝐧𝐦𝐞𝐧𝐭 𝐧𝐠 𝐁𝐢𝐧𝐚𝐠𝐛𝐚𝐠 𝐍𝐚𝐭𝐢𝐨𝐧𝐚𝐥 𝐇𝐢𝐠𝐡 𝐒𝐜𝐡𝐨𝐨𝐥… ang inyong mga kinatawan, katuwang, at kaibigan na magdadala ng inyong mga boses, pangangailangan, at mithiin sa bawat gawain at adhikain ng ating paaralan.

Ang bawat posisyong hawak nila ay hindi lamang titulo o karangalan, kundi isang sagrado at mabigat na responsibilidad. Ito ay nangangailangan ng pusong handang makinig, isipang bukas para sa solusyon, at kamay na laging handang tumulong. Sa pamamagitan ng pagkakaisa, pagtutulungan, at tapat na pamumuno, bubuuin natin ang isang organisasyong matatag, mapagkalinga, at tunay na para sa kabataan, ng kabataan, at mula sa kabataan.

Sa pamumuno ng aming minamahal na 𝐏𝐮𝐧𝐨𝐧𝐠 𝐆𝐮𝐫𝐨, 𝐆. 𝐑𝐢𝐜𝐡𝐚𝐫𝐝 𝐂. 𝐁𝐚𝐠𝐭𝐚𝐬, at sa aming 𝐆𝐮𝐫𝐨𝐧𝐠 𝐓𝐚𝐠𝐚𝐩𝐚𝐲𝐨, 𝐆. 𝐍𝐢𝐞𝐥 𝐏𝐚𝐭𝐫𝐢𝐜𝐤 𝐆. 𝐒𝐚𝐧𝐭𝐨𝐬; ang daan ng pag-unlad ay laging mananatiling totoo.

Sa pagkakaisa nating lahat ay matatag tayong tatayo,
Para sa pagbabagong may mabuting layo.
Pamumunong may malasakit, serbisyong walang kapantay,
Para sa pangarap ng bawat Binagbagueño, tunay na magtagumpay!

𝐋𝐚𝐠𝐢’𝐭 𝐥𝐚𝐠𝐢𝐧𝐠 𝐦𝐚𝐠𝐤𝐚𝐤𝐚𝐬𝐚𝐦𝐚, 𝐦𝐚𝐠𝐤𝐚𝐤𝐚𝐩𝐢𝐭-𝐛𝐢𝐬𝐢𝐠 𝐚𝐭 𝐥𝐚𝐡𝐚𝐭 𝐚𝐲 𝐢𝐛𝐢𝐛𝐢𝐠𝐚𝐲, 𝐝𝐚𝐡𝐢𝐥 𝐭𝐚𝐲𝐨𝐧𝐠 𝐁𝐢𝐧𝐚𝐠𝐛𝐚𝐠𝐮𝐞ñ𝐨𝐬 𝐚𝐧𝐠 𝐭𝐚𝐧𝐠𝐢𝐧𝐠 𝐭𝐚𝐠𝐮𝐦𝐩𝐚𝐲!!






📝𝘾𝘼𝙋𝙏𝙄𝙊𝙉 𝘽𝙔: LEONA MARIE E. ACOT | SSLG PEACE OFFICER
🖼️𝙇𝘼𝙔𝙊𝙐𝙏 𝘽𝙔: CLARK JAMES M. ALAPIDE

𝐔𝐘 𝐅𝐑𝐈𝐄𝐍𝐃, 𝐊𝐔𝐌𝐔𝐒𝐓𝐀 𝐀𝐍𝐆 𝟏𝐬𝐭 𝐃𝐀𝐘 𝐎𝐅 𝐒𝐂𝐇𝐎𝐎𝐋 𝐌𝐎? 😉👌🏻

Kamusta ang unang araw ng pasukan, mga ka-BNHS? Yung iba sig**o nagmadaling pumasok dahil ayaw ma-late. Yung iba naman hinahanap pa kung saan na naiwan ang ugat ng pagtulog! HAHAHA! Pero masaya rin makita ulit ang mga kaibigan at makipagkwentuhan pagkatapos ng mahabang bakasyon.

Ngayong nagsimula na, ito na ang panibagong pahina para sa inyo. Gamitin ang pagkakataong ito upang mag-aral nang mabuti, abutin ang mga pangarap, at pagbutihin ang bawat araw. Nandito ang BNHS para gumabay sa inyo hanggang sa inyong tagumpay! 📚🎒

#𝐁𝐢𝐧𝐚𝐠𝐁𝐚𝐠𝐭𝐚𝐬𝐀𝐧𝐠𝐓𝐚𝐠𝐮𝐦𝐩𝐚𝐲
#𝐁𝐢𝐧𝐚𝐠𝐁𝐚𝐠𝐭𝐚𝐬𝐀𝐧𝐠𝐏𝐚𝐠𝐀𝐬𝐚
#𝐁𝐢𝐧𝐚𝐠𝐁𝐚𝐠𝐭𝐚𝐬𝐀𝐧𝐠𝐏𝐚𝐧𝐠𝐚𝐫𝐚𝐩
#𝐀𝐧𝐠𝐁𝐚𝐠𝐨𝐧𝐠𝐁𝐢𝐧𝐚𝐠𝐛𝐚𝐠

📝𝘾𝘼𝙋𝙏𝙄𝙊𝙉 𝘽𝙔: 𝑳𝑬𝑶𝑵𝑨 𝑴𝑨𝑹𝑰𝑬 𝑬. 𝑨𝑪𝑶𝑻 | 𝑺𝑺𝑳𝑮 𝑷𝑬𝑨𝑪𝑬 𝑶𝑭𝑭𝑰𝑪𝑬𝑹
🖼️𝙇𝘼𝙔𝙊𝙐𝙏 𝘽𝙔: 𝑬𝑫𝑴𝑼𝑵𝑫𝑶 𝑩. 𝑪𝑹𝑼𝒁 | 𝑺𝑺𝑳𝑮 𝑺𝑬𝑪𝑹𝑬𝑻𝑨𝑹𝒀

𝗪𝗘𝗟𝗖𝗢𝗠𝗘 𝗕𝗔𝗖𝗞, 𝗟𝗘𝗔𝗥𝗡𝗘𝗥𝗦!

A new school year brings new opportunities to learn, grow, and achieve. As we open another exciting chapter, we warmly welcome all students back to Binagbag National High School!
May this year be filled with meaningful experiences and outstanding achievements. Let us continue to DREAM, BELIEVE, ACHIEVE, and SUCCEED together.

Together, let's build a brighter future!

OPPPSSSS, 1 DAY TO GO!!🎒📚

Isang araw na lang, mga ka-BNHS! Yung tipong pakiramdam mo kulang pa ang bakasyon tapos biglang naalala mong bukas ay balik eskwela na ulit? HAHAHA Handa na ba ang mga gamit niyo? O yung iba diyan, kanina pa hinahanap kung saan na naitago ang uniporme simula pa noong nakaraang taon? HAHAHA! Pero sige lang, kahit medyo bitin pa ang pahinga, sabay-sabay pa rin tayong babalik para sa bagong simula. ✏️📚

Sa kabila ng lahat, ang pagbabalik na ito ay panibagong pagkakataon at pahina ng ating buhay bilang isang mag-aaral. Ito ang oras upang itakda ang ating mga minimithing pangarap, layuning dapat ayusin at mga hamom na dapat harapin nang may tapang at dedikasyon. Ang BNHS ay handang sumuporta at gumabay sa bawat hakbang ninyo tungo sa tagumpay. Kaya’t paghandaan natin ang bukas, dahil marami pang magagandang bagay ang naghihintay sa ating lahat. Kita-kits!!🎒✨






📝𝘾𝘼𝙋𝙏𝙄𝙊𝙉 𝘽𝙔: LEONA MARIE E. ACOT | SSLG PEACE OFFICER
🖼️𝙇𝘼𝙔𝙊𝙐𝙏 𝘽𝙔: EDMUNDO B. CRUZ | SSLG SECRETARY

“Ano Bes, Wala manlang kamusta sa amin?” Baka pwede mo namang… huy ano raw… Baka pwede mo naman kaming kamustahin! 😅

👍🏻 Saks lang
❤️ Aral na aral na
🥰 May baon na ulit (Sa June)
🤣 Sana all na lang (gumagala)
😢 May ganun pala (required pala mangumusta)
😮 Pa-extend po (ng bakasyon hanggang July)
😡 Aray kooo😝
↗️ (Share) Kain tulog lang (baket?)

Grabe, ang bilis talaga lumipas ng panahon! Parang kailan lang ay nagdiwang pa tayo ng katapusan ng taon, ngayon ay malapit na ulit tayong magsama-sama sa loob ng paaralan. Naging masaya ba ang bakasyon niyo? Nakapagpahinga ba nang todo, o parang kulang pa rin ang mga araw na pahinga? Kwento niyo naman sa comments kung ano ang pinaka-namiss niyo.

Ilang araw nalang, pasukan na ulit. KITA-KITS!!😉✨






📝𝘾𝘼𝙋𝙏𝙄𝙊𝙉 𝘽𝙔: LEONA MARIE E. ACOT | SSLG PEACE OFFICER
🖼️𝙇𝘼𝙔𝙊𝙐𝙏 𝘽𝙔: EHRA GAIL B. OCAMPO | SSLG AUDITOR

𝐌𝐀𝐋𝐈𝐆𝐀𝐘𝐀𝐍𝐆 𝐊𝐀𝐀𝐑𝐀𝐖𝐀𝐍, 𝐊𝐎𝐍𝐒𝐄𝐇𝐀𝐋𝐀 𝐑𝐎𝐖𝐄𝐍𝐀! 🎈✨

Ang buong Supreme Secondary Learner Government (SSLG) ay nagkakaisa sa pagbati ng Maligayang Kaarawan sa ating minamahal na 𝐊𝐎𝐍𝐒𝐄𝐇𝐀𝐋 𝐑𝐎𝐖𝐄𝐍𝐀 𝐈. 𝐏𝐀𝐔𝐋𝐈𝐍𝐎 ng Barangay Binagbag! Maraming salamat po sa inyong mainit na pagtanggap, patuloy na suporta, at pagmamahal sa aming samahan at sa bawat mag-aaral. Ang inyong paglilingkod ay tunay na kahanga-hanga at nagsisilbing inspirasyon sa aming lahat upang maging mahusay na lider at mabuting mamamayan na handang maglingkod sa kapwa.

Hangad namin ang inyong mabuting kalusugan, mahabang buhay, at masaganang pagpapala ng Diyos sa bawat araw. Patuloy po kayong maging gabay, liwanag, at lakas sa ating komunidad at sa aming mga kabataan. Nawa’y mapuno ng saya at pagmamahal ang inyong pagdiriwang kasama ang inyong mga mahal sa buhay. Masayang kaarawan po, Konsi! 🎂🎊

𝐈𝐒𝐀𝐍𝐆 𝐌𝐀𝐋𝐀𝐊𝐈𝐍𝐆 𝐏𝐀𝐆𝐁𝐀𝐓𝐈 𝐒𝐀 𝐈𝐘𝐎𝐍𝐆 𝐓𝐀𝐆𝐔𝐌𝐏𝐀𝐘! 🎓🎉

Malugod naming ipinagdiriwang ang tagumpay ni 𝐃𝐎𝐌𝐈𝐍𝐈𝐂 𝐁. 𝐏𝐋𝐀𝐂𝐈𝐃𝐎, dating Pangulo ng SSG, sa kanyang pagtatapos sa kursong Bachelor of Elementary Education.

Mula sa pagiging lider na naglingkod at nagbigay ng magandang halimbawa sa ating paaralan, ngayon ay isa ka nang ganap na propesyonal na handang humubog at magturo sa mga susunod na henerasyon. Ang iyong dedikasyon, talino, at pamumuno ay patunay na ang isang mahusay na pinuno ay isa ring mahusay na mag-aaral at tagumpayin.

Lubos kaming nagmamalaki sa iyo, Dominic! Ang iyong paglalakbay ay nagsilbing inspirasyon sa aming lahat. Nawa’y patuloy kang gabayan ng Maykapal sa iyong bagong yugto ng buhay. Handa ka nang baguhin ang mundo, isang estudyante at isang pangarap sa bawat pagkakataon. ✨👨‍🏫

𝐃𝐈𝐓𝐎, 𝐁𝐀𝐖𝐀𝐓 𝐈𝐒𝐀 𝐀𝐘 𝐌𝐀𝐇𝐀𝐋𝐀𝐆𝐀, 𝐁𝐀𝐖𝐀𝐓 𝐈𝐒𝐀 𝐀𝐘 𝐌𝐀𝐘 𝐇𝐀𝐋𝐀𝐆𝐀!! 🏳️‍🌈❤️

Ang edukasyon ay nagsisimula sa pagtanggap. Sa ating paaralan, naniniwala tayo na ang karapatang maging totoo at magmahal ay karapatang pantao na dapat itaguyod at protektahan. Ang kulay ng ating bandila ay sumisimbolo sa ating kasaysayan, ating pakikibaka, at ating tagumpay bilang isang komunidad na hindi yumuyuko sa panghuhusga at maling pananaw.

Huwag nating hayaang maging hadlang ang pagkakaiba-iba, bagkus gawin natin itong lakas at yaman ng ating samahan at ito ay ang PAGKAKAISA. Bawat bakla, tomboy, bisekswal, trans, o sinumang kabilang sa komunidad ay may ambag, may talino, at may pusong handang maglingkod at matuto.

Ngayong Pride Month, ipinapahayag natin nang malakas at malinaw: Kayo ay 𝐤𝐚𝐭𝐚𝐧𝐠𝐠𝐚𝐩-𝐭𝐚𝐧𝐠𝐠𝐚𝐩, kayo ay 𝐤𝐚𝐠𝐚𝐥𝐚𝐧𝐠-𝐠𝐚𝐥𝐚𝐧𝐠, at kayo ay 𝐦𝐚𝐡𝐚𝐥𝐚𝐠𝐚 𝐬𝐚 𝐚𝐦𝐢𝐧. Dito, kayo ay ligtas. Dito, kayo ay pamilya. 🏳️‍🌈✨

𝗠𝗔𝗚𝗦𝗔𝗠𝗔-𝗦𝗔𝗠𝗔 𝗧𝗔𝗬𝗢 𝗦𝗔 𝗕𝗥𝗜𝗚𝗔𝗗𝗔 𝗘𝗦𝗞𝗪𝗘𝗟𝗔 𝟮𝟬𝟮𝟲! 😉🧹

Ang Bayanihan ay puso ng ating paaralan. Dahil malapit na ang pasukan, inaanyayahan namin ang lahat ng mga magulang, g**o, mag-aaral, mga kaibigan at kahit sino pa man na makiisa at magkaisa para sa ating Brigada Eskwela 2026.

Tayo ay magtutulungan upang linisin, ayusin, at pagandahin ang ating paaralan para maging ligtas at maayos na lugar para sa pag-aaral.

🗓 𝗞𝗔𝗜𝗟𝗔𝗡: 𝗛𝘂𝗻𝘆𝗼 𝟭 – 𝟱, 𝟮𝟬𝟮𝟲
📍 𝗦𝗔𝗔𝗡: 𝗕𝗶𝗻𝗮𝗴𝗯𝗮𝗴 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹
⏰ 𝗢𝗥𝗔𝗦: 𝟴 𝗔𝗠

Kahit anong tulong ay mahalaga! Maaaring mag-ambag ng lakas-paggawa, gamit panlinis, materyales, o kahit simpleng meryenda para sa mga boluntaryo.

Halina’t maging bahagi ng paghahanda! Ang iyong oras at tulong ay malaking bagay para sa kinabukasan ng ating mga kabataan.

𝗞𝗔𝗬𝗔 𝗕𝗥𝗜𝗚𝗔𝗗𝗔 𝗘𝗦𝗞𝗪𝗘𝗟𝗔, 𝗔𝗡𝗢 𝗧𝗔𝗥𝗔??🤗❤️






📝𝘾𝘼𝙋𝙏𝙄𝙊𝙉 𝘽𝙔: LEONA MARIE E. ACOT | SSLG PEACE OFFICER
🖼️𝙇𝘼𝙔𝙊𝙐𝙏 𝘽𝙔: EHRA GAIL OCAMPO | SSLG AUDITOR