Pacac Grande National High School

Celebrating a proud victory at CAVRAA 2026 held in Santiago City, Isabela (April 12–16), as the Wrestling Team showcased their strength, determination, and heart.

Jerald Ligad – Bronze Medalist
Kate Magno – CAVRAA Qualifier

Your PGNHS family is proud of you! Keep fighting, keep winning!

PGNHS celebrates a proud victory at CAVRAA 2026 held in Santiago City, Isabela (April 12–16), as the Pencak Silat girls delivered outstanding performances on the mat.

Kyla B. Irorita – Gold (Tanding Class A), Silver (Regu/Team Category) | Palarong Pambansa Qualifier
Pia R. Balanay – Gold (Tunggal), Silver (Regu/Team Category), Bronze (Tanding Class C)
Lorjiana T. Moralit – Silver (Regu/Team Category)

Your hard work and dedication make PGNHS proud!

100% Passing Rate: 58 Mag-aaral ng Pacac Grande National High School, Pumasa sa NC II Assessment

Nakamit ng 58 mag-aaral ng Pacac Grande National High School mula sa TVL IA–EPAS Strand ang 100% passing rate sa isinagawang National Certificate II (NC II) assessment na ginanap sa loob ng anim na araw.

Isinagawa ang assessment noong Marso 15, 20, 21, 22, 23, at 24. Sa kabuuang bilang ng mga pumasa, 54 ay mga benepisyaryo ng Joint Delivery Voucher Program (JDVP), habang apat naman ay regular trainees sa ilalim ng TTAC.

Nabigyan ng pagkakataong makasali sa pagsasanay ang apat na regular trainees sa pamamagitan ng kagandahang-loob nina Sir Orlando B. Ifurung at Ma’am Divina Gracia Ifurung, mga may-ari ng training center na nagbigay ng libreng pagsasanay sa kanila.

Ipinamalas ng mga mag-aaral ang kanilang kahusayan at kahandaan sa larangan ng EPAS, na nagbunga ng kanilang matagumpay na pagpasa sa NC II assessment.

Ang assessment ang huling yugto ng JDVP, isang inisyatiba ng Department of Education na nagbibigay ng tulong-pinansyal sa mga mag-aaral mula sa pampublikong paaralan upang makapag-enroll sa mga partner institution at makumpleto ang kanilang TVL specializations.

Ginabayan ang mga mag-aaral nina Sir Rexan Campos, JDVP Coordinator, at Sir Edison Laurente, TVL teacher, na naging mahalagang bahagi ng kanilang tagumpay. #

𝟑𝟎 𝐦𝐚𝐠-𝐚𝐚𝐫𝐚𝐥 𝐧𝐠 𝐆𝐫𝐚𝐝𝐞 𝟏𝟎, 𝐬𝐮𝐦𝐚𝐢𝐥𝐚𝐥𝐢𝐦 𝐬𝐚 𝐑𝐞𝐠𝐢𝐨𝐧𝐚𝐥 𝐄𝐱𝐢𝐭 𝐀𝐬𝐬𝐞𝐬𝐬𝐦𝐞𝐧𝐭

Sumailalim sa Regional Exit Assessment ang 30 mag-aaral ng Baitang 10 ng Pacac Grande National High School (PGNHS) ngayong Marso 18 bilang bahagi ng pagsusuri sa kanilang natamong kaalaman at kasanayan.

Binubuo ang kabuuang bilang ng mga kalahok ng 15 lalaki at 15 babae mula sa iba’t ibang seksyon ng nasabing baitang.
Gumamit ang mga mag-aaral ng computer-aided o online platform upang sagutan ang mga tanong sa pagsusulit, na nagbigay ng mas mabilis at episyenteng paraan ng pagtatasa.

Layunin ng programang ito na masukat ang kahandaan ng mga mag-aaral para sa susunod na antas ng kanilang edukasyon at matukoy ang mga larangang nangangailangan pa ng pagpapabuti.

Mahigpit na minonitor ang buong proseso nina Mylene Mariano, Rexan Campos, at Janies Manipis upang matiyak ang kaayusan at integridad ng pagsusulit.

Sa kabuuan, naging maayos at matagumpay ang pagsasagawa ng Regional Exit Assessment, na nagpakita ng kooperasyon at disiplina ng mga kalahok at tagapangasiwa. #

Lumabao, Garnadozo, Hinirang bilang Career Guidance Ambassador at Ambassadress 2026

Hinirang sina Lancer Lumabao at Lykha Garnadozo bilang Career Guidance Ambassador at Ambassadress 2026 sa isinagawang Career Guidance Program ngayong March 17, 2026.

Nanguna ang dalawa sa hanay ng mga kandidato matapos magpakitang-gilas sa production number at magpamalas ng kahusayan sa Q&A portion, kung saan kanilang naipahayag ang adbokasiya ng isang ambassador at ang mahahalagang katangian ng isang mag-aaral sa pagkamit ng kanilang mga pangarap sa hinaharap.

Ipinamalas nina Lumabao at Garnadozo ang tiwala sa sarili at talas ng pag-iisip, dahilan upang tanghalin silang pangunahing kinatawan ng nasabing patimpalak.

Itinanghal namang First Runner-Up sina Justin Bryan Gannaban at Nicolai Baquilod. Sinundan ito nina Jhon Christian Tallud at Celine Dante bilang Second Runner-Up, habang kinilala sina Gian Carlo De Ocampo at Princess Marcos bilang Third Runner-Up. Samantala, sina Carl Anthony Mariano at Jamaica Salvador ay itinanghal bilang Fourth Runner-Up.

Layunin ng aktibidad na palakasin ang kamalayan ng mga mag-aaral sa wastong pagpili ng karera, gayundin ang pagpapaunlad ng kanilang kasanayan sa komunikasyon at pagpapahayag ng sarili.

Bilang tampok na bahagi ng Career Guidance Program, nagsilbing inspirasyon ang patimpalak sa mga mag-aaral upang malinang ang kanilang potensyal at maging handa sa pagtahak sa kanilang ninanais na propesyon. #

PGNHS Nagsagawa ng Parade of Professions at Career Guidance Symposium

Isinagawa ng Pacac Grande National High School (PGNHS) ang Parade of Professions at Career Guidance Symposium bilang bahagi ng Career Guidance Program na naglalayong gabayan ang mga mag-aaral sa pagpili ng kanilang magiging landas sa hinaharap.

Idinaos ang parada sa loob ng paaralan kung saan nilibot ng mga mag-aaral mula Grade 10, 11, at 12 ang kampus habang suot ang mga kasuotang kumakatawan sa kanilang pinapangarap na propesyon, tulad ng healthcare and medicine, engineering and technology, business and finance, education, arts and design, science and research, law and public safety, hospitality and tourism, government and public administration, transportation and logistics, at environmental and agricultural sciences.

Sa pamamagitan ng gawaing ito, nabigyan ng pagkakataon ang mga mag-aaral na maipahayag ang kanilang mga pangarap at mithiin sa buhay.

Kaugnay nito, matagumpay ring isinagawa ng paaralan ang Career Guidance Symposium bilang bahagi ng Career Guidance Program, na naglalayong magbigay ng mas malalim na kaalaman sa mga mag-aaral hinggil sa pagpili ng karera at mga oportunidad sa hinaharap.

Nagbahagi ng kanilang kaalaman at karanasan ang mga inimbitahang tagapagsalita upang gabayan ang mga mag-aaral sa paggawa ng wastong desisyon.

Tinalakay ni Sir Ricky Burac, PESO Manager/LYDO Designate, ang kasalukuyang kalagayan ng labor market at ang mga trabahong in demand, na nagbigay-linaw sa kahalagahan ng paghahanda sa nagbabagong mundo ng paggawa.

Samantala, ibinahagi ni Sir Dennis G. Suva, Guidance Counselor III ng Amulung National High School, ang kahalagahan ng career counseling, na nakatuon sa pagkilala sa sarili, tamang pagpapasya, at wastong paggabay sa pagpili ng angkop na landas.

Nagbigay rin ng makabuluhang talakayan si Mr. Rexan Campos, Senior High School Coordinator, sa paksang “Strengthened Senior High School Curriculum,” kung saan ipinaliwanag niya ang mga oportunidad at kahalagahan ng pinalakas na kurikulum sa paghahanda ng mga mag-aaral para sa kolehiyo at trabaho.

Ipinahayag ng mga tagapag-organisa na sina Nelia Gawaen, Senior High School Career Guidance Designate at Career Guidance, Advocate; Marjorie Ballesta, JHS Career Guidance Designate; at Mario Gola, Career Guidance Advocate, ang kanilang taos-pusong pasasalamat sa mga tagapagsalita sa pagbabahagi ng kanilang kaalaman at inspirasyon sa mga mag-aaral.

Nagpaabot din ng pasasalamat ang punong-guro ng paaralan na si Ma’am Grace L. Tabaog sa mga resource speakers sa kanilang pakikiisa at suporta sa layunin ng paaralan na gabayan ang mga mag-aaral tungo sa makabuluhan at matagumpay na kinabukasan. #

Congratulations Rayl Jade Hernando❗️
Your Pacac Grande National High School family is truly proud of your achievement!

𝗥𝗔𝗬𝗟 𝗝𝗔𝗗𝗘 𝗛𝗘𝗥𝗡𝗔𝗡𝗗𝗢 𝗢𝗙 𝗣𝗔𝗖𝗔𝗖 𝗚𝗥𝗔𝗡𝗗𝗘 𝗡𝗛𝗦 𝗘𝗟𝗘𝗖𝗧𝗘𝗗 𝗡𝗘𝗪 𝗠𝗙𝗦𝗦𝗟𝗚 𝗣𝗥𝗘𝗦𝗜𝗗𝗘𝗡𝗧

Rayl Jade Hernando of Pacac Grande National High School has officially been elected as the new president of the Municipal Federation of Supreme Secondary Learner Government (MFSSLG) following the Municipal Federation Elections held via Google Meet.

As the leader of this student government network, Rayl is tasked with uniting student councils and learner organizations across Amulung, guided by the federation’s motto, “Bridge with Shared Dreams”, Rayl aims to build connections among student leaders, promote collaboration across schools, and inspire projects that transform shared visions into meaningful actions.

With this new leadership, MFSSLG anticipates a year of strengthened student engagement, innovative initiatives, and a closer-knit community of learners dedicated to achieving common goals.

𝐓𝐈𝐍𝐆𝐍𝐀𝐍||𝟏𝟎𝟔 𝐧𝐚 𝐆𝐫𝐚𝐝𝐞 𝟏𝟏 𝐧𝐠 𝐏𝐆𝐍𝐇𝐒 𝐬𝐮𝐦𝐚𝐢𝐥𝐚𝐥𝐢𝐦 𝐬𝐚 𝐋𝐢𝐭𝐞𝐫𝐚𝐜𝐲 𝐚𝐭 𝐍𝐮𝐦𝐞𝐫𝐚𝐜𝐲 𝐀𝐬𝐬𝐞𝐬𝐬𝐦𝐞𝐧𝐭

Sumailalim sa Senior High School (SHS) Literacy at Numeracy Assessment ang 106 na mag-aaral ng Baitang 11 ng Pacac Grande National High School (PGNHS) ngayong Marso 11 bilang bahagi ng pagsusuri sa kanilang kakayahang pang-akademiko.

Ang mga mag-aaral na lumahok sa nasabing pagsusulit ay mula sa iba’t ibang strand at seksyon kabilang ang STEM–Archimedes, HUMSS–Copernicus at Newton, at TVL–Einstein.

Isinagawa ang aktibidad alinsunod sa DepEd Memorandum Blg. 16, s. 2026 na nag-uutos sa pagpapatupad ng Senior High School Literacy and Numeracy Assessments para sa mga mag-aaral ng Baitang 11 sa Taong Panuruan 2025–2026.

Layunin ng SHS Literacy Assessment na suriin ang kakayahan ng mga mag-aaral sa pag-unawa sa binabasa sa wikang Ingles at Filipino.

Samantala, tinataya naman ng SHS Numeracy Assessment ang kasanayan ng mga mag-aaral sa matematika sa mga larangan ng Number and Algebra, Measurement and Geometry, at Data and Probability.

Ayon sa memorandum, kinakailangang makilahok sa nasabing pagsusulit ang lahat ng stand-alone senior high schools, gayundin ang mga pampubliko at pribadong paaralan at mga unibersidad na nag-aalok ng Senior High School program.

𝐏𝐆𝐍𝐇𝐒, 𝐧𝐚𝐠𝐤𝐨𝐫𝐨𝐧𝐚 𝐧𝐠 𝐛𝐚𝐠𝐨𝐧𝐠 𝐫𝐨𝐲𝐚𝐥𝐬 𝐬𝐚 𝐢𝐤𝐚-𝟐𝟎 𝐅𝐨𝐮𝐧𝐝𝐚𝐭𝐢𝐨𝐧 𝐃𝐚𝐲

Kinoronahan ng Pacac Grande National High School (PGNHS) ang mga bagong kinatawan ng Royal Family sa ginanap na Coronation Rites noong Marso 6 bilang bahagi ng pagdiriwang ng ika-20 Foundation Day ng paaralan.

Tinanghal na King at Queen sina Khiane Brayle Pagulayan at Jhany Charis Batarina, na parehong mula sa ika-siyam na baitang.

Kasama nilang kinoronahan sina:
Frank David Maguddayao – 1st Prince
Kris Angel Ortaliza – 1st Princess

Kurt Bungor – 2nd Prince
Jamaica Salvador – 2nd Princess

Kenneth Paul Callo – 3rd Prince
Kaitlyn Teodoro – 3rd Princess

Joshua Dumalo – 4th Prince
Precious Bautista – 4th Princess

Mark Ryan Belen – 5th Prince
Eljhey Cinco – 5th Princess

Nagpaabot din ng pasasalamat si Gng. Grace L. Tabaog, punongguro ng paaralan, sa mga magulang sa kanilang walang sawang suporta.

Binanggit niya na ang pakikiisa at pagtutulungan ng mga magulang at paaralan ay malaking tulong sa paghubog ng mga mag-aaral at sa tagumpay ng mga programa at proyekto ng paaralan.

Ayon kay Tabaog, ang ganitong ugnayan ay nagbubunga ng mas matagumpay at mas makabuluhang karanasan para sa mga estudyante.