AGOS

🇵🇭 𝐓𝐀𝐏𝐀𝐑𝐀𝐊 𝐈𝐍𝐓𝐄𝐆𝐑𝐀𝐓𝐄𝐃 𝐒𝐂𝐇𝐎𝐎𝐋: 𝐏𝐀𝐆𝐒𝐀𝐒𝐀𝐁𝐔𝐇𝐀𝐘 𝐍𝐆 𝐁𝐔𝐖𝐀𝐍 𝐍𝐆 𝐖𝐈𝐊𝐀 𝟐𝟎𝟐𝟓 🇵🇭

Ngayong Agosto, muling ipinamalas ng Taparak Integrated School ang kanilang pagmamahal sa wika at kultura sa pamamagitan ng makulay na pagsusuot ng pambansang kasuotan sa ginanap na Flag Raising Ceremony ngayong umaga. Ang makabuluhang gawain ay isinagawa bilang pagsunod sa Memorandum Circular No. 16, s. 2024 na nagtataguyod ng pagpapahalaga sa pambansang identidad sa mga pampublikong ahensya at paaralan.

Sa temang “Paglinang sa Filipino at Katutubong Wika: Makasaysayan sa Pagkakaisa ng Bansa”, layunin ng Buwan ng Wika ngayong taon na hikayatin ang bawat Pilipino na isulong ang paggamit at paglinang sa wikang Filipino at mga katutubong wika bilang mahalagang sangkap ng pambansang pagkakaisa.

Bilang bahagi ng tradisyon, ang mga g**o ng Taparak Integrated School ay nagsuot ng iba’t ibang disenyo ng barong at baro’t saya, na sumisimbolo sa yaman ng ating kultura. Sa simpleng hakbang na ito, naipapakita hindi lamang ang paggalang sa ating kasaysayan, kundi ang pagpapalakas din ng ating pagkakakilanlan bilang iisang lahi.💛🇵🇭🇵🇭🏫