Baybay Elementary School

13/08/2026

Dako among pagpasalamat sa Baybay Elementary School Alumni Association, nga pinanguluhan ni Mr. King Jhon G. Nacalaban, uban sa atong mga abtik nga Alumni Officers nga sila Chingkay Silva, Shienly Magdugo, Merryclaire Vacalares, Jenny Susalo, Marithe Tajor, ug Erika Mae Magdugo, ngadto sa atong matinabangon nga Vice Governor sa Misamis Oriental, Hon. Jigjag Pelaez nga gi representahan ni Ma'am Mary Jean Burias - Acting Provincial Board Secretary , sa iyang pag-grant sa atong request nga sports equipment para sa atong mga kabataan sa Baybay Elementary School. 🏀❤️

Dako usab among pasalamat sa Baybay Elementary School Teachers and Staff, headed by Sir Mark James Saliring, sa ilang padayon nga suporta ug kooperasyon alang sa kaayohan ug kalamboan sa atong mga estudyante.

Wala pa man kitay kaugalingong basketball court ug basketball post, apan dili kini mahimong babag sa atong pangandoy. Dili kami mag-undang sa pagpangita og mga paagi ug mga kauban nga motabang aron matukod ang atong kaugalingong court ug sports facilities.

Ang atong tumong mao ang paghatag sa atong mga kabataan og lugar diin ilang mapalambo ang ilang talento sa sports, makat-on sa disiplina ug teamwork, ug labaw sa tanan, makabaton og mas maayong oportunidad alang sa ilang kaugmaon.

Daghang salamat, Vice Governor Hon. Jigjag Pelaez, sa inyong dakong suporta!🙏
Padayon ta sa pagtinabangay alang sa atong mga kabataan ug sa atong minahal nga Baybay Elementary School!💜 💙

27/07/2026

Ang Baybay Elementary School Alumni Association, ubos sa pagpangulo ni President King Jhon G. Nacalaban, naghatag sa among kinasingkasing ug labing lawom nga pagpasalamat sa CDO Blue Eagles Club, pinanguluhan ni Engr. Neil Warren C. Bollozos, uban sa tanang opisyal ug miyembro niini, tungod sa ilang manggihatagon nga donasyon sa school supplies alang sa mga estudyante sa Baybay Elementary School.

Ang inyong pagkamahinatagon ug dedikasyon sa pagpalambo sa edukasyon usa ka dakong panalangin sa atong mga kabataan. Pinaagi sa inyong suporta, natuman ang usa sa gipangandoy sa atong mga studyante, ang pagbaton og mga gamit nga ilang magamit sa ilang adlaw-adlaw nga pagkat-on. Ang inyong maayong binuhatan dili lamang naghatag og materyal nga tabang, kondili naghatag usab og paglaum ug inspirasyon alang sa mas maayong kaugmaon sa atong mga kabataan.

Among ipadayag usab ang among dakong pagpasalamat sa mga magtutudlo ug kawani sa Baybay Elementary School, ubos sa maayong pagpangulo ni School Head Sir Mark James Saliring, tungod sa ilang walay hunong nga suporta ug kooperasyon aron mahimong malampuson kining maong kalihokan.

Dako usab ang among pagpasalamat sa mga ginikanan sa atong mga estudyante, ilabina sa atong SPTA President, Ma'am Clarita Nabora, alang sa iyang padayon nga pagpangulo ug pagpaluyo sa tanang programa ug kalihokan nga nagpunting sa kaayohan sa atong eskwelahan ug sa edukasyon sa atong mga kabataan.

Kining maong inisyatibo usa ka maayong ehemplo nga kung ang alumni, pribadong mga organisasyon, administrasyon sa eskwelahan, ug mga ginikanan maghiusa alang sa usa ka maayong katuyoan, daghan ang mahimong mabag-o ug matabangan.

Sa ngalan sa Baybay Elementary School Alumni Association, kami mapainubsanon nga nagpasalamat sa tanan nga mipartisipar ug mitabang aron mahimong posible kining mahinungdanong proyekto. Hinaut nga ang inyong pagkamanggihatagon ug espiritu sa pag-alagad magpadayon nga mahimong inspirasyon sa daghan.

"Ang tinuod nga kalampusan dili masukod sa atong naangkon, kondili sa gidaghanon sa kinabuhi nga atong natabangan ug nausab pinaagi sa pag-alagad."

Daghang salamat, ug hinaut nga ang Ginoo magpadayon sa pagpanalangin kaninyong tanan.

31/03/2026

Dako kaayong kalipay ug pasalamat ang among gibati sa pagdawat sa Plaque of Recognition gikan sa Baybay Elementary School. Kini nga pasidungog gihatag sa Baybay Elementary School Alumni Association isip pag-ila sa among padayon nga suporta, kooperasyon, ug dedikasyon sa atong mahal nga eskwelahan.

Alang kanamo nga mga alumni, dako kaayo kini nga dungog ug inspirasyon nga makita nga ang among gamay nga kontribusyon nakatabang sa kalamboan sa eskwelahan ug sa pagdasig sa mga bag-ong henerasyon sa mga estudyante. Ang Baybay Elementary School usa ka lugar nga naghulma sa among kahibalo, pangandoy, ug mga pangandam alang sa umaabot, mao nga dako kaayo among pagpasalamat sa oportunidad nga makabalik ug makatabang sa atong alma mater.

Kini nga pasidungog dili lamang alang sa pipila ka tawo, kundili alang sa tibuok Baybay Elementary School Alumni Association ug sa tanang alumni nga padayon nga naghatag ug suporta sa atong eskwelahan. Nagpasalamat usab kami sa administrasyon sa eskwelahan gipanguluhan ni Sir Mark James Saliring, mga magtutudlo, ginikanan ug sa tanang nagpaluyo sa mga kalihokan sa eskwelahan.

Padayon kita sa pagtinabangay, pagtinahuray, ug pagpalig-on sa atong panaghiusa aron mas mapalambo pa nato ang atong eskwelahan alang sa umaabot nga mga henerasyon.

Daghang salamat Baybay Elementary School sa maong pagkilala. Padayon ang serbisyo ug suporta alang sa edukasyon ug sa atong komunidad. 🩵📚

02/01/2026

Malampuson nga nahigayon ang 2nd BaES Alumni Homecoming sa Baybay Elementary School, usa ka panagtigom nga napuno sa kalipay, panaghigalaay, ug pagbalik-tan-aw sa mga handumanan sa atong mahal nga eskwelahan. Kini nga kalampusan dili mahitabo kung wala ang kooperasyon, paningkamot, ug walay hunong nga suporta sa tanang alumni, mga Teachers nga gipanguluhan ni School Head Sir Mark James Saliring ug former School Head nga naa gyud perme gapaluyo Ma'am Charity Mae Labis Savilla and Sir Bogie Jovanie J. Bongcayao , sponsors, ug sa tanang indibidwal nga mitabang sa bisan unsang paagi—pinansyal man, pisikal, o moral.

Dako kaayo ang among pagpasalamat nga pagbati sa inyong panahon, kahago, ug dedikasyon nga inyong gihalad aron mahimong malinaw, organisado, ug makahuluganon ang maong kalihokan. Ang inyong suporta nagpakita sa lig-on nga panaghiusa ug gugma sa Baybay Elementary School, nga magpadayon nga magdasig ug magpalig-on sa panagkahiusa sa tanang henerasyon sa alumni.

Daghang salamat kaninyong tanan. Hinaot nga magpadayon ang atong panaghiusa ug suporta alang sa kalamboan sa atong eskwelahan ug sa umaabot nga mga kalihokan.

27/11/2025

‼️ANNOUNCEMENT‼️

2nd Grand Alumni Homecoming Baybay Elementary School

We are pleased to announce the 2nd Alumni Homecoming of Baybay Elementary School this coming December 28, 2025 (Sunday) at 5:30 PM, to be held at the Baybay Public Plaza.

This momentous gathering aims to reconnect former pupils, celebrate shared memories, and strengthen the spirit of camaraderie among generations of alumni.

REGISTRATION DETAILS:

📌₱500 –

Your registration will help support the event preparations and program activities. We highly encourage all alumni to participate and be part of this meaningful celebration.

Let us relive our journey, honor our roots, and celebrate the legacy of Baybay Elementary School together.

See you all!

For registration inquiry just DM Chingkhay Abales Silva - Baylosis.

20/08/2025

19/08/2025

🎓Calling all Alumni Batch Representatives! 🎓

We’re thrilled to invite all batch representatives to our upcoming Alumni General Meeting! Let’s come together to reconnect, share updates, and shape the future of our alumni community.

📍Date: August 25, 2025
📍Time: 1:00pm
📍Venue: Baybay Elementary School

Feel free to share this post to ensure no batch is left out. Let’s make this gathering count!

See you there Alumni Family! 🌟

19/07/2025

Malampusong Feeding Program, MOA Signing ug Pag-apod-apod sa mga gamit Pang-Eskwela kauban ang Philippine Institute of Civil Engineers (PICE) headed by Engr. Sabeniano D. Calio PICE, Chapter President, BAeS Alumni headed by King Jhon G. Nacalaban BAeS Alumni President, Brgy. Councils headed by Brgy. Captain Leonardo L. Suezo ug mga Magtutudlo sa Baybay Elementary School headed by Charity Mae L. Savilla Principal 1. 🎉

Daghang salamat sa inyong suporta ug kasing-kasing nga pag-alagad. Daku kini’g tabang alang sa atong mga kabataan! 💖📚🎒"

16/06/2025

June 16, 2025

Nagmalampuson ang maong bansay2 hisgutanan sa umaabot Alumni Homecoming sa Baybay Elementary school. Kini gipanguluhan sa atong school head Ma'am Charity Mae Labis Savilla ug newly appointed president sa maong association!

Para sa dugang impormasyon please follow our page‼️

11/12/2024

🎉✨ Baybay Elementary School Alumni Homecoming 2024! ✨🎉

Calling all Baybay Elementary School graduates! It’s time to reunite, reminisce, and celebrate the unforgettable moments that shaped us. Let's make new memories while cherishing the old ones!

📅 When: December 28, 2024
📍 Where: Brgy. Baybay Public Plaza

Bring your batchmates and let’s make this a gathering to remember! Spread the word and save the date. Let’s come together to celebrate our journey and rekindle the bonds that started at Baybay Elementary School.