17/09/2026
Taos-puso po ang aming pasasalamat sa lahat ng mga taong naglaan ng oras, lakas, at resources upang maisakatuparan ang concreting ng harapan ng flagpole para sa kapakanan at kaligtasan ng ating mga mag-aaral.
Ang inyong kusang pagtutulungan at bayanihan ay isang magandang halimbawa ng malasakit sa ating paaralan at sa komunidad. Malaki man o maliit ang inyong naging ambag, ito ay lubos naming pinahahalagahan at nagpapakita ng tunay na pagkakaisa para sa ikabubuti ng ating mga kabataan.
Maraming-maraming salamat po sa inyong mahalagang sakripisyo, suporta, at walang sawang pakikiisa. Nawa’y patuloy nating mapanatili ang diwa ng bayanihan para sa isang mas maayos, ligtas, at magandang paaralan para sa ating mga mag-aaral.
Mabuhay po kayo at maraming salamat sa inyong kabutihan at malasakit.
