Philippine Normal University North Luzon

Happy birthday, Dr. Edilberto M. Andres Jr.! Wishing you a day filled with joy, laughter, and all the things that bring you happiness. Here's to another amazing year ahead! 🎉🎂

𝗣𝗮𝗴𝗹𝗶𝗻𝗮𝗻𝗴 𝗻𝗴 𝗞𝗮𝗺𝗮𝗹𝗮𝘆𝗮𝗻 𝗮𝘁 𝗣𝗮𝗴𝗴𝗮𝗹𝗮𝗻𝗴 𝗽𝗮𝗿𝗮 𝘀𝗮 𝗜𝘀𝗮𝗻𝗴 𝗜𝗻𝗸𝗹𝘂𝘀𝗶𝗯𝗼𝗻𝗴 𝗣𝗮𝗺𝗮𝗻𝘁𝗮𝘀𝗮𝗻

Isinagawa ng Gender Equity, Diversity, and Inclusion Unit (GEDIU) ng Philippine Normal University North Luzon ang “Para sa Pantay at Magalang na Araw-Araw: Gender Sensitivity Training for Newly-Hired Faculty and Staff” noong Agosto 20, 2026, na ginanap sa Old Multi-Purpose Hall. Layunin ng gawain na palalimin ang kaalaman at kamalayan ng mga bagong-tanggap g**o at kawani sa kanilang mahalagang papel sa pagsusulong ng isang ligtas, pantay, magalang, at inklusibong komunidad.

Dinaluhan ni Dr. Agnes S. Reyes, Executive Director and Provost ang nasabing gawain.

Sa kanyang Welcome Greetings, binigyang diin ni Ginoong Richard R. Guiab, Head ng Human Resource Management and Development Unit (HRMDU) ang kahalagahan ng kanilang pagiging bahagi ng isang komunidad na nagtataguyod ng paggalang, pagkakapantay-pantay, at kapakanan ng bawat isa. Samantala, nagbahagi naman si Dr. Jandy S. Danzalan, Director for Research, Extension, Quality Assurance, and Development (REQAD), ng Message of Commitment, kung saan binigyang-diin niya ang kahalagahan ng pagiging mapagmatyag at responsable sa mga napapanahong isyu. Hinamon din niya ang mga kalahok na suriin at kuwestiyunin ang mga nakasanayang stereotype at pag-isipan kung paano nakaaapekto ang mga ito sa paraan ng ating pagtingin at pakikitungo sa iba.

Pinangunahan ni Dr. Raquel R. Geronimo, Head ng Gender Equity, Diversity, and Inclusion Unit (GEDIU), ang lecture-forum na tumalakay sa GAD mandates, basic GAD concepts, gender stereotypes and socialization, unconscious bias, sexual orientation, gender identity and expression, at gender-fair language. Sa pamamagitan ng talakayan, nabigyan ang mga kalahok ng pagkakataong higit na maunawaan ang mga konseptong ito at maiugnay ang mga ito sa kanilang pang-araw-araw na karanasan at tungkulin.

Sinundan ito ng open forum at sharing, kung saan nagbahagi ang mga kalahok ng kanilang mga repleksiyon, natutuhan, at personal na karanasan, gayundin ng kanilang mga pananaw kung paano maisasabuhay at mailalapat ang mga aral mula sa pagsasanay sa kanilang pang-araw-araw na buhay at aktuwal na pakikitungo sa iba. Naging mahalagang bahagi ito ng programa sa pagbibigay-diin na ang gender sensitivity ay hindi lamang kaalaman na natutuhan sa isang pagsasanay, kundi isang kamalayang dapat maisabuhay sa bawat pakikipag-ugnayan at desisyong ginagawa.

Sa pamamagitan ng gawaing ito, patuloy na isinusulong ng GEDIU ang gender awareness at gender responsiveness sa hanay ng faculty at staff, tungo sa pagbuo ng isang ligtas, pantay, magalang, at inklusibong pamayanan ng PNUNL.

Sama-sama nating hamunin ang mga nakasanayan, palawakin ang ating pag-unawa, at isabuhay ang paggalang at pagkakapantay-pantay para sa lahat.

𝐏𝐚𝐫𝐚 𝐬𝐚 𝐏𝐚𝐧𝐭𝐚𝐲 𝐚𝐭 𝐌𝐚𝐠𝐚𝐥𝐚𝐧𝐠 𝐧𝐚 𝐀𝐫𝐚𝐰-𝐀𝐫𝐚𝐰: 𝐆𝐞𝐧𝐝𝐞𝐫 𝐒𝐞𝐧𝐬𝐢𝐭𝐢𝐯𝐢𝐭𝐲 𝐓𝐫𝐚𝐢𝐧𝐢𝐧𝐠 𝐟𝐨𝐫 𝐄𝐱𝐭𝐞𝐫𝐧𝐚𝐥 𝐒𝐭𝐚𝐤𝐞𝐡𝐨𝐥𝐝𝐞𝐫𝐬

Isinagawa ng Gender Equity, Diversity, and Inclusion Unit (GEDIU) ng Philippine Normal University North Luzon ang “Para sa Pantay at Magalang na Araw-Araw: Gender Sensitivity Training for External Stakeholders” noong Agosto 19, 2026, sa 4th Floor, Multi-Purpose Hall, Innovation Hub Building, PNUNL. Layunin ng programa na palawakin ang kamalayan at pag-unawa sa mga usaping pangkasarian at itaguyod ang isang ligtas, magalang, inklusibo, at gender-responsive na kapaligiran para sa buong komunidad ng Pamantasan.

Dinaluhan ang gawain ng mga kinatawan mula sa PNU Trikers Association, Boarding House Owners, PNUNL Maintenance Personnel, at Security Guards, kasama ang mga campus officials, kabilang sina Dr. Madonna C. Gonzalez, Director for Administration, Finance, and Planning; Dr. Clemente M. Aguinaldo, Dean for Academics and the Hub; at Dr. Jandy S. Danzalan, Director for Research, Extension, Quality Assurance, and Development.

Sa kanyang Welcome Message, binati ni Dr. Agnes S. Reyes, Executive Director and Provost, ang mga dumalong stakeholders at kinilala ang kanilang mahalagang papel bilang bahagi ng mas malawak na komunidad ng Pamantasan. Hinikayat niya ang kanilang patuloy na pakikipagtulungan sa Pamantasan upang maisulong ang ikabubuti ng komunidad, gayundin ang kapakanan, kaligtasan, at seguridad ng mga mag-aaral.

Pinangunahan naman ni Dr. Raquel R. Geronimo, Head ng Gender Equity, Diversity, and Inclusion Unit (GEDIU), ang talakayan hinggil sa gender sensitivity, gender stereotypes, gender and development, at iba pang mahahalagang konsepto na naglalayong palalimin ang pag-unawa sa pagkakapantay-pantay, paggalang, at pagiging inklusibo.

Naging mahalagang bahagi rin ng programa ang open forum, kung saan nagkaroon ng pagkakataon ang mga stakeholders na malayang magbahagi ng kanilang mga saloobin, karanasan, at concerns kaugnay ng kanilang pakikisalamuha sa komunidad ng Pamantasan. Ang mga usaping ibinahagi ay tinanggap nang may paggalang at pagiging kumpidensiyal. Ang mga ito ay bibigyang-pansin sa pamamagitan ng naaangkop na plataporma, wastong proseso, at maayos na diyalogo, upang matiyak na ang bawat concern ay mapag-uusapan at matutugunan sa isang ligtas, maayos, at angkop na paraan.

Matapos ang open forum, nagbigay ng Inspirational Message si Hon. Eunice V. Parallag, Barangay Captain ng Barangay Aurora, Alicia, Isabela, at Presidente ng Liga ng mga Barangay, na nagbigay-diin sa kahalagahan ng pagkakaisa, pakikiisa, at sama-samang pagkilos sa pagtataguyod ng isang ligtas, maayos, at inklusibong komunidad.

Sa pamamagitan ng gawaing ito, patuloy na isinusulong ng GEDIU ang kamalayan, diyalogo, at pakikipagtulungan sa iba’t ibang stakeholder tungo sa pagbuo ng isang mas ligtas, pantay, magalang, at inklusibong komunidad.

Para sa isang mas pantay, magalang, at inklusibong araw-araw, para sa lahat.

Attention!

We are now accepting sealed bids to operate the University Canteen. The deadline for submission is on August 27, 2026, 5:00 P.M.

For further inquiries, you may call or email us at your convenience. Contact us at [email protected] or 09066914071.

Bilang bahagi ng countdown para sa ating pagdiriwang ng ika-125 Anibersaryo ng Pagbubukas ng Philippine Normal School, inaanyayahan ang lahat na makilahok at ipagmalaki ang inyong pagiging PNUan!

𝗜-𝘂𝗽𝗱𝗮𝘁𝗲 𝗮𝗻𝗴 𝗶𝗻𝘆𝗼𝗻𝗴 𝗽𝗿𝗼𝗳𝗶𝗹𝗲 𝗽𝗶𝗰𝘁𝘂𝗿𝗲 𝘀𝗮 𝗺𝗴𝗮 𝘀𝗼𝗰𝗶𝗮𝗹 𝗺𝗲𝗱𝗶𝗮 𝗮𝗰𝗰𝗼𝘂𝗻𝘁 𝗴𝗮𝗺𝗶𝘁 𝗮𝗻𝗴 𝗮𝘁𝗶𝗻𝗴 𝗼𝗽𝗶𝘀𝘆𝗮𝗹 𝗻𝗮 𝗳𝗿𝗮𝗺𝗲.

1️⃣ Puntahan ang link na ito:
twb.nz/pnu125
twb.nz/pnu125
twb.nz/pnu125
2️⃣ Mag-upload ng inyong paboritong larawan.
3️⃣ I-download ang larawang mayroon nang frame.
4️⃣ I-upload ito sa inyong mga social media account bilang profile o display picture.

Huwag kalimutang gamitin ang hashtag na sa inyong caption.

𝘈𝘯𝘨 𝘱𝘢𝘯𝘨𝘬𝘢𝘭𝘢𝘩𝘢𝘵𝘢𝘯𝘨 𝘥𝘪𝘴𝘦𝘯𝘺𝘰 𝘯𝘨 𝘮𝘢𝘵𝘦𝘳𝘺𝘢𝘭 𝘯𝘢 𝘪𝘵𝘰 𝘢𝘺 𝘨𝘢𝘸𝘢 𝘯𝘪 𝘋𝘢𝘯 𝘓𝘦𝘰𝘣𝘢𝘳𝘵 𝘙. 𝘙𝘢𝘮𝘰𝘴 𝘯𝘨 𝘗𝘕𝘜 𝘔𝘢𝘯𝘪𝘭𝘢 𝘊𝘳𝘦𝘢𝘵𝘪𝘷𝘦 𝘛𝘦𝘢𝘮.

---
Ikinalulugod naming maibahagi sa inyo ang impormasyong ito, at umaasa kaming ito ay maging kapaki-pakinabang sa inyo!

Bisitahin ang https://nnp.pnu.edu.ph/, piliin ang Strategic Communications and Public Relations Unit, at ibahagi sa amin ang inyong mga reaksyon o saloobin tungkol sa impormasyong aming ibinahagi.

Happy birthday, Ms. Lo**ta C. Ancheta! Wishing you a day filled with joy, laughter, and all the things that bring you happiness. Here's to another amazing year ahead! 🎉🎂

Happy birthday, Prof. Virgilio F. Reyes! Wishing you a day filled with joy, laughter, and all the things that bring you happiness. Here's to another amazing year ahead! 🎉🎂

𝐏𝐫𝐨𝐲𝐞𝐤𝐭𝐨𝐧𝐠 𝐏𝐚𝐧𝐠-𝐞𝐤𝐬𝐭𝐞𝐧𝐬𝐲𝐨𝐧𝐠 𝐏𝐍𝐔𝐍𝐋-𝐑𝐄𝐂𝐀𝐃 𝐬𝐚 𝐤𝐨𝐦𝐮𝐧𝐢𝐝𝐚𝐝 𝐧𝐠 𝐀𝐠𝐭𝐚 𝐬𝐚 𝐒𝐢𝐭𝐢𝐨 𝐃𝐢𝐥𝐮𝐜𝐨𝐭, 𝐈𝐬𝐢𝐧𝐚𝐠𝐚𝐰𝐚

Walang bundok na matarik akyatin, ilog na malalim baybáyin, o daang nakakapagál tawirin kung ang akay ay pag-asang magpapatatag sa isang komunidad.

Isinagawa muli ng Pamantasang Normal ng Pilipinas Hilagang Luzon ang proyektong 𝗣𝗡𝗨𝗡𝗟-𝗥𝗘𝗖𝗔𝗗 (𝗥𝗲𝘃𝗶𝘁𝗮𝗹𝗶𝘇𝗮𝘁𝗶𝗼𝗻 & 𝗘𝗺𝗽𝗼𝘄𝗲𝗿𝗺𝗲𝗻𝘁 𝘁𝗵𝗿𝗼𝘂𝗴𝗵 𝗖𝗼𝗺𝗺𝘂𝗻𝗶𝘁𝘆 𝗔𝘀𝘀𝗶𝘀𝘁𝗮𝗻𝗰𝗲 𝗗𝗲𝘃𝗲𝗹𝗼𝗽𝗺𝗲𝗻𝘁 𝗮𝗺𝗼𝗻𝗴 𝗜𝗣𝘀), isang programang pang-ekstensyon sa komunidad ng Agta sa Sitio Dilucot, Burgos, San Guillermo, Isabela noong ika-12 ng Agosto 2026.

Sa pangunguna ni Prop. Virgilio Reyes, Jr., Puno ng Ekstensyon, Alumni, Pakikipag-ugnayan at Internasyonalisasyon ng PNU Hilagang Luzon, kasama si G. Edgar Guyud, Jr. Indigenous Peoples Mandatory Representative (IPMR) ng LGU San Guillermo, Isabela. Layuning ng proyektong ito na palakasin ang dignidad at kabuhayan ng mga kapatid na Agta, habang pinapanatili ang kanilang kultura, pinayayaman ng edukasyon, at pinangangalagaan ang kalusugan upang maging katuwang sila sa inklusibong pag-unlad ng lipunan.

Ibinahagi ang mga serye ng gawain upang maglayong magbigay ng praktikal na kaalaman sa kanilang komunidad. Kabilang dito ang 𝗕𝗮𝘁𝗮, 𝗕𝗮𝘁𝗮, 𝗞𝘂𝗸𝘂𝘄𝗲𝗻𝘁𝘂𝗵𝗮𝗻 𝗞𝗶𝘁𝗮 sa pangunguna ni Prop. LJ Malaya Libunao ng Filipino yunit upang gisingin ang interes at kasanayan ng mga bata sa pakikinig at pagbasa. Sa larangan naman ng pangkabuhayan, pinangunahan naman ni Prop. Jerry B. Tolentino ng Math yunit ang 𝗡𝘂𝗺𝗲𝗿𝗮𝗰𝘆 𝗧𝗿𝗮𝗶𝗻𝗶𝗻𝗴 𝗳𝗼𝗿 𝗜𝗣𝘀 (NTIP) na nagturo ng batayang pagdaragdag (addition) upang magamit ng mga kapatid na Agta sa kanilang araw-araw na pakikipagkalakalan at pagkukuwenta ng kanilang produkto. Para sa kalusugan, pinangunahan nina Prop. Junar Santiago at Prop. Mervin Andrei Simon ng Science yunit ang 𝗛𝗲𝗿𝗯𝗮𝗹 𝗣𝗿𝗼𝗽𝗮𝗴𝗮𝘁𝗶𝗼𝗻 𝗮𝗻𝗱 𝗘𝗱𝘂𝗰𝗮𝘁𝗶𝗼𝗻 𝘁𝗼 𝗣𝗿𝗼𝗺𝗼𝘁𝗲 𝗥𝗲𝘀𝗶𝗹𝗶𝗲𝗻𝗰𝘆 𝗶𝗻 𝘁𝗵𝗲 𝗕𝗮𝗿𝗮𝗻𝗴𝗮𝘆 (HERB) upang ibahagi ang sampung halamang-gamot na aprobado ng DOH. Dagdag pa rito, isinagawa nina G. Richard Guiab at Gng. Angeline Cardona ng PNUNL Admin. Staff ang 𝗠𝗼𝘁𝗵𝗲𝗿'𝘀 𝗖𝗹𝗮𝘀𝘀 na nagturo ng tamang paggamit ng digital blood pressure monitor at ang pormal na pagkaloob ng mga aparatong ito upang magamit nila.

Nagbigay-daan para sa tagumpay ng buong proyekto ang matibay na pagtutulungan ng PNU Hilagang Luzon sa pamumuno ni Dr. Agnes S. Reyes at ng pamahalaang lokal ng San Guillermo, Isabela sa pangunguna ni Mayor Felipe C. Guyud III. Isang ugnayang magpapatuloy pa sa mga susunod na panahon upang mas marami pang komunidad ang maabot at mapaglingkuran.

Sa huli, hindi lang serbisyo ang dinala sa mga kapatid nating Agta. Dahil gaano man kalayo ang kabundukan, kapag inilapit ang totoong kasanayan, ibinabalik sa pamayanan ang sarili nilang lakas— isang kakayahang mananatili sa kanilang mga kamay, saanman sila dalhin ng bukas.