DepEd Tayo Alfonso CS-Cavite Province

Malugod na tinanggap ng Paaralang Sentral ng Alfonso ang pagbisita ng Schools Division Superintendent, Dr. Rosemarie D. Torres, bilang bahagi ng kanyang patuloy na pagsubaybay at suporta sa mga programa at gawain ng paaralan.

Ang kanyang pagbisita ay nagsilbing inspirasyon sa buong komunidad ng paaralan upang higit pang pagbutihin ang kalidad ng edukasyon at serbisyong ibinibigay sa ating mga mag-aaral. Nagbigay rin siya ng mahahalagang pananaw, gabay, at mga mungkahi na makatutulong sa patuloy na pag-unlad ng paaralan.

Lubos po kaming nagpapasalamat kay Dr. Rosemarie D. Torres sa kanyang oras, suporta, at dedikasyon sa pagsusulong ng de-kalidad na edukasyon para sa bawat batang Pilipino.

Maraming salamat po at mabuhay!

TAOS-PUSONG PASASALAMAT

Ang buong pamunuan at mga g**o ng Paaralang Sentral ng Alfonso ay lubos na nagpapasalamat sa BINHI Chorale Ensemble sa kanilang bukas-palad na pagbibigay ng mga kagamitan para sa aming mga g**o.

Ang inyong kabutihang-loob at malasakit ay malaking tulong upang higit naming magampanan ang aming tungkulin sa paghubog at paggabay sa mga mag-aaral. Ang inyong suporta ay nagsisilbing inspirasyon hindi lamang sa mga g**o kundi maging sa buong komunidad ng paaralan.

Maraming salamat sa inyong pagmamalasakit at patuloy na pakikiisa sa adhikain ng edukasyon. Nawa’y patuloy pang pagpalain ang inyong samahan at maging daan kayo ng mas marami pang mabubuting gawain para sa kapwa.

Muli, maraming salamat BINHI Chorale Ensemble🌱🎶

ANNOUNCEMENT | PARENT’S ORIENTATION AND STATE OF THE SCHOOL ADDRESS (SOSA)

Alfonso Central invites you to attend our Parent’s Orientation and State of the School Address on June 10, 2026 at Sanghiyang Hall- 1 PM.

Your presence and participation are highly valued and greatly appreciated.

EYES HERE | MALIGAYANG PAGBABALIK SA PAARALAN!

Isang mainit at masayang pagbati sa lahat ng mag-aaral, g**o, magulang, at mga katuwang sa edukasyon sa matagumpay na pagbubukas ng klase para sa Taong Panuruan 2026–2027!

Sa ating paglalakbay sa bagong taong panuruan, ating buksan ang mga pintuan ng Paaralang Central ng Alfonso nang may pag-asa, pananabik, at determinasyong matuto at magtagumpay. Ang bawat araw sa paaralan ay pagkakataong hubugin ang kaalaman, kakayahan, at mabuting pagkatao ng ating mga mag-aaral.

Sa ating mga mag-aaral, nawa’y maging masigasig kayo sa pag-aaral at handang harapin ang mga bagong hamon at oportunidad. Sa ating mga g**o, maraming salamat sa inyong walang sawang dedikasyon at pagmamahal sa pagtuturo. Sa ating mga magulang at tagapag-alaga, taos-puso kaming nagpapasalamat sa inyong patuloy na suporta at pakikipagtulungan para sa ikabubuti ng ating mga anak.

Sama-sama nating isulong ang isang ligtas, masaya, at makabuluhang kapaligiran sa pagkatuto para sa lahat.

Muli, maligayang pagbubukas ng klase at mabuhay ang Paaralang Central ng Alfonso!

EYES HERE | BACK TO SCHOOL 2026

IN PHOTOS | BRIGADA ESKWELA 2026

TAOS-PUSONG PASASALAMAT PARA SA MATAGUMPAY NA BRIGADA ESKWELA 2026💙

Sa ngalan ng buong pamilya ng Paaralang Sentral ng Alfonso, kami ay lubos na nagpapasalamat sa lahat ng nakiisa at nagbahagi ng kanilang oras, lakas, talento, at mga biyaya upang maging matagumpay ang ating Brigada Eskwela 2026.

Ang inyong pagkakaisa at malasakit ay naging daan upang maihanda natin ang isang ligtas, malinis, maayos, at kaaya-ayang kapaligiran para sa ating mga mag-aaral sa pagbubukas ng panibagong taon ng pagkatuto.

Maraming salamat po sa ating mga:
- Masisipag at dedikadong mga G**o
- Mapagkalingang mga Magulang
- Maaasahang Stakeholders at mga Pribadong Indibidwal
- Mga Barangay Officials ng iba't ibang barangay ng Alfonso
- Pamunuan ng Bayan ng Alfonso
- Mga Volunteers at iba pang katuwang sa komunidad
- Mga iba’t ibang Organisasyon

Ang inyong walang sawang suporta ay patunay na ang edukasyon ay pananagutan ng buong pamayanan. Sa pamamagitan ng sama-samang pagkilos, mas napagtitibay natin ang ating adhikain na makapagbigay ng dekalidad na edukasyon sa bawat bata.

Nawa'y magpatuloy ang diwa ng bayanihan, pagkakaisa, at pagmamalasakit para sa kapakanan ng ating mga mag-aaral.

Muli, maraming maraming salamat po at mabuhay ang lahat ng naging bahagi ng Brigada Eskwela 2026.

IN PHOTOS | BRIGADA BUSINA 2026 AT STAKEHOLDERS DAY

Noong Hunyo 1, 2026, matagumpay na isinagawa ng Paaralang Central ng Alfonso ang Brigada Busina 2026, isang makabuluhang aktibidad na naglalayong hikayatin ang pakikiisa ng komunidad sa paghahanda para sa nalalapit na pagbubukas ng klase. Sa pamamagitan ng caravan at pag-iikot sa iba't ibang bahagi ng komunidad, naiparating ang mensahe ng bayanihan at pagtutulungan para sa kapakanan ng edukasyon ng ating mga mag-aaral.

Kasunod nito ay ginanap ang Stakeholders Day Program, kung saan nagtipon-tipon ang mga magulang, g**o, alumni, mga opisyal ng barangay, mga katuwang na ahensya, at iba pang mga stakeholder upang ipakita ang kanilang suporta at pangako sa patuloy na pag-unlad ng ating paaralan.

Taos-puso po kaming nagpapasalamat sa lahat ng nakiisa at naging bahagi ng matagumpay na programang ito. Maraming salamat sa ating mga g**o, magulang, alumni, mga opisyal ng lokal na pamahalaan, mga organisasyon, mga sponsor, at mga boluntaryo na naglaan ng kanilang oras, pagsisikap, at mga biyaya upang maisakatuparan ang mga gawaing ito. Ang inyong walang sawang suporta at pakikipagtulungan ay nagsisilbing inspirasyon upang higit pang mapabuti ang kalidad ng edukasyong ating inihahatid sa mga kabataan.

Nawa'y patuloy nating isabuhay ang diwa ng bayanihan at sama-samang pagkilos para sa mas maayos, ligtas, at handang paaralan para sa lahat.

Maraming salamat at mabuhay ang Paaralang Central ng Alfonso!

IN PHOTOS | DIVISION STAKEHOLDERS’ SUMMIT

AGAPAY 2026: Stakeholders’ Summit and State of the Division Address

Taos-pusong pagbati sa Datem Foundation Inc. bilang “Natatanging Stakeholder” at kay Mayor Randy Salamat bilang “Natatanging Pinuno” para sa kanilang mahalagang suporta at natatanging paglilingkod sa edukasyon at komunidad.

Patuloy nating pagtibayin ang pagkakaisa at pagtutulungan para sa mas maunlad at dekalidad na edukasyon para sa bawat mag-aaral.

IN PHOTOS | DIVISION MONITORING OF THE IMPLEMENTATION OF THE ARAL SUMMER PROGRAM

Alfonso Central School warmly welcomes Dr. Wenifreda Diquit, EPS- English/ Parent Supervisor together with our Public School District Supervisor- Alfonso I, Dr. Amelita Peñalba, for the Division Monitoring of the Implementation of the Aral Summer Program.

Your valuable presence, encouragement, and guidance motivate us to further strengthen our commitment in delivering meaningful and quality learning experiences for our learners this summer.

Thank you for your unwavering support to education and for inspiring our school community to continue striving for excellence. 💙

EYES HERE | OPLAN BALIK ESKWELA 2026

Handa na ang Paaralang Alfonso Central School sa muling pagbubukas ng panibagong taong panuruan! 💙

Sa pamamagitan ng Oplan Balik Eskwela 2026, sama-sama nating titiyakin ang isang ligtas, maayos, at masiglang pagbabalik-eskwela para sa ating mga mag-aaral. Ang programang ito ay naglalayong mapalakas ang pagtutulungan ng paaralan, mga magulang, komunidad, at iba’t ibang katuwang upang matugunan ang mga pangangailangan ng ating mga mag-aaral bago magsimula ang klase.

Inaanyayahan namin ang lahat ng mga magulang, mag-aaral, alumni, at stakeholders na makiisa at makibahagi sa paghahanda para sa isang matagumpay na pagbubukas ng klase.