4-H Club Alabat, Quezon

21/09/2026

🌴4-H ALABAT UPDATE | Isang hindi malilimutang karanasan ang naging pakikiisa ng ilang miyembro ng 4-H Club Alabat, Quezon sa COCOBATAAN: Bagong Henerasyon ng mga Cocopreneur, isang programa ng Department of Agriculture – Agricultural Training Institute (DA-ATI) at Philippine Coconut Authority (PCA) na ginanap sa Ouan’s Worth Farm, Lucena City noong Setyembre 15–17, 2026.

Layunin ng programa na buksan ang isipan at bigyang-inspirasyon ang mga kabataan upang matuklasan ang iba’t ibang oportunidad sa coconut-based entrepreneurship, innovation, at value-adding.

Sa loob ng tatlong araw na pagsasanay, baon ng ating mga kabataan ang mahahalagang kaalaman, karanasan, at inspirasyon na maaari nilang ibahagi at maisabuhay sa Bayan ng Alabat. Higit pa sa pagiging mga kabataang magsasaka, hangad nilang maging bahagi ng bagong henerasyon ng mga magsasakang may kaalaman, inisyatiba, at tapang na lumikha ng mga bagong oportunidad mula sa niyog.

Hindi rin nagpahuli ang ating mga kabataan sa pagsubok ng kanilang talino, talento, pagkamalikhain, at husay sa iba’t ibang coconut-based contests. Buong sigasig tayong nakiisa sa CocoChef: Coconut Culinary Challenge at CocoQuest: Young Quiz Challenge, kung saan naipakita ang galing at potensyal ng kabataang Alabatin.

Ang COCOBATAAN ay patunay na kapag binibigyan ang kabataan ng kaalaman, oportunidad, at espasyong matuto at lumikha, kaya nilang maging aktibong katuwang sa paghubog ng isang makulay, makabago, at mas masiglang industriya ng niyog.

"Kabataan sa Agrikultura, Kabataan para sa Kinabukasan!"

21/09/2026

🌱 4-H ALABAT UPDATE | Masiglang nakiisa ang AINHS YOUTH BUILDERS (4-H CLUB AINHS) sa isinagawang SIMULTANEOUS MASSIVE COCONUT PLANTING PROGRAM ng Philippine Coconut Authority (PCA) sa Alabat Island National High School, Brgy. Camagong, Alabat, Quezon noong ika-28 ng Agosto 2026.

Sa pamamagitan ng simpleng pagtatanim ng punla ng niyog, naipapakita ng mga kabataan ang kanilang aktibong pakikilahok sa pangangalaga ng kalikasan at pagpapaunlad ng sektor ng agrikultura. Ang ganitong mga gawain ay nagsisilbing mahalagang hakbang upang mahubog ang kabataan bilang mga responsableng tagapag-alaga ng kalikasan at susunod na henerasyon ng mga magsasaka at agripreneur.

Hindi lamang puno ang ating itinatanim kundi pag-asa, kabuhayan, at magandang kinabukasan para sa susunod na henerasyon. Sa bawat punlang ating inaalagaan, pinatitibay natin ang pagpapahalaga sa niyog bilang mahalagang bahagi ng kabuhayan at ekonomiya ng ating pamayanan.

Patuloy na susuporta at makikiisa ang 4-H Club AINHS sa mga programa at proyekto na naglalayong palakasin ang partisipasyon ng kabataan sa agrikultura, pangangalaga sa kalikasan, at pagpapaunlad ng komunidad.

"Kabataan sa Agrikultura, Kabataan para sa Kinabukasan!"

21/09/2026

🌱4H ALABAT UPDATE | Nakiisa ang 4-H Club Alabat, Quezon sa isinagawang LIVELIHOOD DEVELOPMENT PROGRAM: TRAINING ON PRODUCT MARKETING AND BRANDING noong Agosto 22, 2026 sa OMA Training Center.

Malaking tulong ang ganitong pagsasanay para sa mga kabataang magsasaka dahil nagbibigay ito ng dagdag na kaalaman at kasanayan sa pagnenegosyo, product marketing, branding, at pagpapakilala ng sariling produkto sa merkado. Sa pamamagitan nito, mas nahuhubog ang mga kabataan na maging mas aktibo, produktibo, at handang bumuo ng mga oportunidad mula sa sektor ng agrikultura.

Taos-pusong pasasalamat sa Office of the Municipal Agriculturist, sa pangunguna ni G. Gerard Franklin R. Belazon, at kay Ms. Ally Arena sa pagbibigay ng pagkakataon sa mga kabataang magsasaka na matuto at higit pang mapaunlad ang kanilang kaalaman sa agrikultura at pagnenegosyo.

Maraming salamat din sa ating mahusay na tagapagtalakay, Ma’am Victoria T. Gonzales, sa pagbabahagi ng mahahalagang kaalaman, karanasan, at praktikal na gabay tungkol sa product marketing and branding. Ang mga natutunan namin ay magsisilbing mahalagang gabay sa pagbuo at pagpapalago ng mga produktong likha ng ating mga kabataang magsasaka.

Patuloy na makikiisa ang 4-H Club Alabat, Quezon sa mga programa ng sektor ng agrikultura at patuloy na palalakasin ang partisipasyon ng Kabataang Magsasaka sa mga aktibidad, programa, at proyekto.

"Kabataan sa Agrikultura, Kabataan para sa Kinabukasan!"

21/09/2026

30/08/2026

UPDATE | 4-H CLUB ALABAT, QUEZON CONDUCTS SEMINAR ON MUSHROOM PRODUCTION, COSTING AND PRICING

Matagumpay na naisagawa ng 4-H Club Alabat, Quezon ang Seminar on Mushroom Production, Costing and Pricing sa pamamagitan ng Zoom Meeting noong Agosto 8, 2026.

Sa isinagawang pagsasanay, nagkaroon ang mga kabataan ng mas malawak na kaalaman tungkol sa mushroom production, mula sa mga pangunahing hakbang sa pagsisimula, pagpili at paghahanda ng kinakailangang materyales, wastong proseso ng produksyon, hanggang sa tamang pag-aalaga at pangangalaga upang makamit ang maayos at de-kalidad na ani.

Hindi lamang produksyon ang kanilang natutunan, sapagkat binigyang-diin din ang kahalagahan ng Costing and Pricing. Sa pamamagitan nito, natutunan ng mga kalahok kung paano tukuyin at kalkulahin ang mga gastusin sa produksyon, wastong pagtatakda ng presyo, pagtukoy ng posibleng kita, at mas maayos na pagpaplano para sa pagtatayo at pagpapatakbo ng isang mushroom-based livelihood or business.

Ang pagsasanay na ito ay bahagi ng patuloy na adhikain ng 4-H Club Alabat, Quezon na mabigyan ang mga kabataan ng praktikal na kaalaman at kasanayan sa agrikultura at agribusiness—mga kaalamang maaari nilang gamitin hindi lamang bilang miyembro ng samahan kundi bilang paghahanda sa kanilang sariling kabuhayan at entrepreneurship.

🤝 PASASALAMAT

Taos-puso ang aming pasasalamat sa Office of the Municipal Agriculturist, sa pangunguna ng ating Municipal Agriculturist G. Gerard Franklin R. Belazon, na kinatawan ni Ma'am Ally Arena, sa patuloy na suporta at pakikipagtulungan sa mga programang naglalayong palakasin ang kaalaman at kakayahan ng kabataan sa agrikultura. At sa patuloy napagbibigay ng paggabay at pagsuporta ng ating masipag na Punong Bayan Kgg. Eizelle "AYS" M. Avellano-Canimo ay buong pusong nag papasalamat ang 4-H Club Alabat, Quezon.

Lubos din ang aming pasasalamat sa Office of the Provincial Agriculturist, at sa ating masipag na Provincial Coordinator ng Quezon Young Farmers Federation (4-H Club Quezon Province), Mr. Marvin Mercado, sa patuloy na paggabay at suporta sa mga kabataang nagsusulong ng agrikultura.

Nagpapasalamat din po tayo sa DA-ATI sa kanilang pagsuporta sa ating programa sa pangunguna po ni Sir Prince Arvin Argallon Signo 4-H Regional President (Federation of 4-H Club (Rural Youth) of the Philippines Inc. - CALABARZON)🫶

MARAMING SALAMAT SA ATING MAHUSAY NA RESOURCE PERSONS!

Ipinapaabot din namin ang aming taos-pusong pasasalamat sa dalawang eksperto na nagbahagi ng kanilang kaalaman at karanasan:

👩‍🏫 Dr. Leilidyn Y. Zurbano
Head, Office of Student Affairs and Services
PUP Lopez Campus
— para sa kanyang pagbabahagi ng kaalaman tungkol sa Mushroom Production.

👨‍🏫 G. Kent B. Pitero
Program Coordinator – BSAM
PUP Lopez Campus
— para naman sa kanyang pagbabahagi ng mahahalagang kaalaman tungkol sa Costing and Pricing.

Ang bawat kaalamang naibahagi ay isang binhing itinanim sa isipan ng kabataan—binhing maaaring lumago tungo sa isang bagong oportunidad, bagong kabuhayan, at bagong pangarap.

Sa 4-H Club Alabat, hindi lamang tayo natututong magtanim—natututo rin tayong bumuo ng kabuhayan, mangarap, at maging handang lider ng agrikultura upang makamit natin ang isang Masagana, Masaya at Mapayapang Bayan ng Alabat.

Learning by Doing… To Make the Best Better!

25/08/2026

Isang taos-pusong pagbati sa ating masipag at dedikadong President, G. Jhesmer El Kenesis B. Novilla, sa kanyang matagumpay na pagkapanalo sa Young Farmers Challenge (YFC) Program 2026 – Start-Up Category, Provincial Level! 🌱🏆

Isa siya sa mga kabataang magsasaka mula sa Lalawigan ng Quezon na nagkamit ng tagumpay sa nasabing programa—patunay ng kanyang sipag, tiyaga, makabagong pag-iisip, at patuloy na pagmamahal sa agrikultura.

Ang tagumpay na ito ay hindi lamang personal na tagumpay, kundi isang inspirasyon sa ating mga kabataan na ang agrikultura ay may magandang kinabukasan kapag pinagsama ang kaalaman, dedikasyon, at makabagong ideya.

Patuloy kang maging inspirasyon sa mga kabataang magsasaka! 💚🌱

Mabuhay ang Kabataang Magsasaka!
Mabuhay ang 4-H Club Alabat, Quezon!
Mabuhay ang mga Kabataang Quezonian!






🌱

26/07/2026

UPDATES | July 23, 2026

Matagumpay na isinagawa ng 4-H Youth Builders (4-H Club AINHS) ang kanilang Pangkalahatang Asembleya at Halalan ng Bagong Pamunuan noong Hulyo 23, 2026, bilang paghahanda sa pagpapatuloy at pagpapalakas ng mga programa, proyekto, at aktibidad ng samahan para sa Taong Panuruan 2026–2027.

Naimbitahan ang 4-H Club Alabat, Quezon upang ibahagi ang kahalagahan ng agrikultura, ang misyon at layunin ng 4-H Club, gayundin ang mga oportunidad, benepisyo, at tungkulin ng bawat miyembro. Layunin ng oryentasyong ito na mahikayat ang mga kabataang mag-aaral na maging aktibong katuwang sa pagsusulong ng agrikultura, pamumuno, at paglilingkod sa komunidad.

Taos-puso kaming nagpapasalamat kay Mrs. Leilani A. Pregellana, School Principal IV, sa kanyang patuloy na suporta sa mga programang humuhubog sa kakayahan, pamumuno, at responsibilidad ng bawat kabataang mag-aaral. Ang kanyang malasakit sa mga organisasyong pangkabataan ay isang malaking inspirasyon sa patuloy na pag-unlad ng ating mga mag-aaral.

Lubos din ang aming pasasalamat kay Sir Gerald, ang masipag na 4-H School Coordinator, sa kanyang walang sawang paggabay, pagbabahagi ng kaalaman, at dedikasyon sa pagpapalawak ng kamalayan ng mga kabataan tungkol sa kahalagahan ng sektor ng agrikultura at sa aktibong pakikilahok sa mga programa ng 4-H Club.

Malugod din naming binabati ang bagong halal na mga opisyal ng 4-H Youth Builders! Nawa'y maging makabuluhan ang inyong panunungkulan at magsilbi kayong huwarang lider sa pagtataguyod ng mga adhikain ng 4-H Club.

Sama-sama nating patunayan na sa pamamagitan ng kabataang may puso sa agrikultura, may pag-asa ang mas maunlad na kinabukasan.

29/06/2026

Maraming Salamat po Mayor Ays Avellano Canimo sa patuloy na pagsuporta sa sektor ng Kabataan at Agrikultura 🫶🍀🍀

28/06/2026

🌴 Patuloy na Humuhubog ng Kabataang Agripreneur!🍀

Nakibahagi ang ilang miyembro ng 4-H Club Alabat, Quezon sa limang araw na "CocoCreations: Training on Coconut-Based Product Processing," kung saan natutunan nila ang iba't ibang paraan ng pagproseso ng mga produktong mula sa niyog tulad ng coco jam, coconut soap, lotion, balm, massage oil, at makapuno-based products.

Ang pagsasanay na ito ay nagbigay ng bagong kaalaman at kasanayan na magagamit sa paglikha ng mga produktong may dagdag na halaga at mga oportunidad sa kabuhayan. Isang hakbang ito tungo sa mas produktibo, masinop, at mas matagumpay na kabataang 4-H.

🌱 Learning today, leading tomorrow!

28/06/2026

ISANG HAKBANG TUNGO SA MAS MATATAG NA KINABUKASAN NG MGA KABATAANG MAGSASAKA!

Lubos ang aming pasasalamat sa matagumpay na pagtatapos ng CSO Empowerment Academy (CEA), isang makasaysayang programa ng Pamahalaang Bayan ng Alabat sa pakikipagtulungan ng University of the Philippines Alumni Association – Quezon Chapter (UPAAQ). Ang walong araw na pagsasanay ay hindi lamang nagbigay ng bagong kaalaman at kasanayan sa pamamahala ng samahan, kundi nagbukas din ng mas maraming oportunidad upang maisakatuparan ang mga proyektong tunay na makikinabang ang ating mga komunidad.

Bilang isa sa mga kinatawan ng Civil Society Organization (CSO) sa Bayan ng Alabat, ipinagmamalaki ng 4-H Club Alabat, Quezon na maging bahagi ng programang ito. Sa pamamagitan ng mga natutunang konsepto sa organizational development, project proposal writing, resource mobilization, at good governance, mas lalo naming pagtitibayin ang aming adhikain na mapaunlad ang sektor ng kabataang magsasaka at mapalawak ang mga programang pangkabuhayan para sa aming mga miyembro.

Lubos din kaming nagpapasalamat sa ating masipag at suportadong Punong Bayan, Hon. Eizelle "AYS" M. Avellano-Canimo, Ph.D. (c), MBA, sa kanyang patuloy na paniniwala sa kakayahan ng mga Civil Society Organizations bilang katuwang sa pagpapaunlad ng ating bayan. Gayundin, taos-puso ang aming pasasalamat sa UPAAQ, sa mga facilitators, resource persons, at sa lahat ng naging bahagi ng matagumpay na akademya.

Patuloy na magsisilbi ang 4-H Club Alabat, Quezon bilang katuwang ng lokal na pamahalaan sa pagtataguyod ng responsableng pamumuno, makabagong agrikultura, kabuhayan, at aktibong pakikilahok ng kabataan.

Sama-sama nating patunayan na ang kabataang magsasaka ay hindi lamang pag-asa ng agrikultura, kundi isa ring mahalagang katuwang sa paghubog ng isang masagana, masaya, at mapayapang Bayan ng Alabat.