Pamamahayag III

16/04/2025

25/03/2025

Nangted ti update ni Rosemarie Briones, presidente ti Cabaroan Rural Improvement Club (RIC), kadagiti livelihood project ti organisasionda ken no kasano a sinuportaran dagitoy ti Gobierno Siudad ti San Fernando.

Segun kenkuana, nangipaay ti Gobierno Siudad iti nadumaduma nga interventions, kas iti panangipaay kadagiti kalding, uong, ken dadduma pay a resources. Malaksid iti daytoy, nangipaay met ti Gobierno ti Siudad iti ₱50,000 a zero interest loan.

| via Jhemaimah Marie F. Ermita, Robert John N. Reyes – DZAG Interns

25/03/2025

Itamtampok ti Cabaroan Rural Improvement Club dagiti produktoda kadagiti bukodda a pagtagilakuan dagiti miembro, dagiti kakaduada nga aglaklako iti prutas, ken trade centers wenno booth iti San Fernando City, La Union bayat dagiti fiesta. Karaman kadagiti produkto nga ituktukonda ket salabat tea ken peanut butter nga inaramid dagiti miembroda. Iti planoda iti masakbayan, kayatda nga itultuloy ti tumabuno kadagiti seminar tapno mapalawa ti pannakaammoda iti negosio, makagun-odda kadagiti baro nga ideya, paglaingan, ken mapasayaat ti kalidad dagiti produktoda.

| via Johnna Mae Viloria - DZAG Intern

25/03/2025

Immuna a pinadas ti Cabaroan Rural Improvement Club iti panagpataud iti salabat tea, ket napaneknekan daytoy a naballigi. Saan laeng daytoy a nangipaay kadakuada iti sustainable a pagtaudan ti matgedan di ket nangyasideg pay iti kameng ti komunidad iti maysa ken maysa.

| via Ernesto Villena III - DZAG Intern

25/03/2025

Ti Rural Improvement Club iti Brgy. Cabaroan iti Siudad ti San Fernando, La Union ket naorganisar 2013, ngem nagbalin nga inactive gapu iti ipapanaw dagiti immuna nga opisial. Sigun ken ni Rosemarie Briones, presidente ti club, idi 2017, nag-organisada manen babaen ti tulong ni Mrs. Adelina Laudencia, ket naaddaanda iti 25 a miembro. Panggep ti club ti mangipaay iti pagbiagan ken panagkaykaysa iti komunidad.

| via Ma. Flor S. Aloot - DZAG Intern

24/03/2025

24/03/2025

Naipasdek ti Cadaclan Rural Improvement Club idi Hulio 13, 2013, nga addaan iti damo nga 40 a miembro. Nupay bimmaba ti bilang agingga iti 25, daytoy ket kaaduanna gapu ta makumikom dagiti mannalon a miembro, a masansan a dida makaatender kadagiti miting gapu iti okupado a pagrebbenganda iti panangtarawidwid iti talon.

| via Jhemaimah Marie F. Ermita - DZAG Intern