DepEd Tayo- Culandanum Elementary School- 110720

10/08/2026

🔴🟠🟡🟢
Education in Emergencies!

10/08/2026

Ang bawat batang Pilipino ay nararapat magkaroon ng matibay na pundasyon sa pagkatuto.

10/08/2026

"Ang eskwelahan ay lugar ng pagkatuto, hindi ng pang- aapi. Wala dapat puwang ang bullying sa kahit anong sulok ng ating mga paaralan at lipunan."
-Education Secretary Sonny Angara

10/08/2026

Maligayang Araw ng ASEAN!

10/08/2026

Maligayang Pagdiriwang ng Pandaigdigan at Pambansang Araw ng mga Katutubo

Ngayong Pandaigdigan at Pambansang Araw ng mga Katutubo, nakikiisa ang Kagawaran ng Edukasyon (DepEd) sa pagbibigay-pugay sa mga katutubong hilot (midwives) na nangangalaga sa buhay at kapakanan ng bawat sinisilang na bata sa pamayanan.

Katulad nila, ang DepEd ay naninindigan para sa kagalingan ng bawat batang Pilipino, sa pagtaguyod ng dekalidad at ingklusibong edukasyon na nagpapahalaga sa pangkulturang pagkakalinlan ng lahat.

08/08/2026

VISION SHARED, MISSION STARTED!

Muling naging matagumpay ang isinagawang General PTA Meeting kung saan ay aktibong nakilahok sa pagpupulong at sa talakayan ng mga panauhing tagapagsalita ang mga dumalong miyembro.

Ang pamunuan ay taos- puso ring nagpapasalamat sa ating dating PTA Officers sa walang sawang paglilingkod at sakripisyo para sa paaralan. Ang mga proyekto at tulong naipagkaloob nakaraang taon ay malaking ambag sa pag- unlad ng paaralan. Ang inyong legacy ay mananatili at magsisilbing inspirasyon sa bawat isa.

Binabati at lubos ring tinatanggap ng pamunuan ng paaralan ang ating mga bagong halal na PTA Officers! Congratulations at mabuhay kayo sa bagong hamon ng paglilingkod. Sama- sama nating ituloy ang mga nasimulan at maglunsad pa ng mas maraming programa para sa ikabubuti ng mga mag- aaral.

Muli, maraming salamat sa lahat. Nawa’y magpatuloy ang ating pagtutulungan dahil sa huli, iisa lang ang ating hangarin- ang maprotektahan at mabigyan ng magandang kinabukasan ang bawat mag- aaral.

07/08/2026

BAKUNA AT PURGA:
PROTEKTADONG BATA

Taos- pusong pasasalamat sa ating mga Barangay Health Worker (BHW) at sa aming naging bisitang tagapagsalita, Ma'am Jessaneth G. Medina sa Vaccination & Deworming Awareness para sa mga magulang at tagapangalaga ng mga mag- aaral.

Ang inyong kaalaman at malasakit ay malaking tulong upang mas maprotektahan ang kalusugan ng ating mga kabataan. Dahil sa inyo, mas nalinawan ang ating mga magulang sa kahalagahan ng pagbabakuna at pagpupurga.

07/08/2026

Mag-TAOB, TAKTAK, TUYO at TAKIP!

Mag-TAOB, TAKTAK, TUYO at TAKIP!

Hindi kailangan ng matagal na oras para makatulong sa pag-iwas sa dengue. Suriin lamang ang inyong tahanan at paligid at alisin ang anumang maaaring pamugaran ng lamok.

Ugaliin natin ito araw-araw. Kapag sama-sama ang pamilya at komunidad, mas mahirap para sa dengue mosquito na makahanap ng lugar para dumami. 🦟🚫