مركز الأفق للتأهيل

🚼امتى ابتدي اعود ابني يخلع البامبرز .. امتى ابتدي التمرين على البوتي ؟! .. اعرف منين انه جاهز ؟!

🏧نقول تاني عشان الناس اللي بتسأل ،،

🚻مبدئيا لازم نفرق بين حاجتين : قدرة الطفل على التحكم في البراز ،، و قدرته على التحكم في البول سواء و هو صاحي او و هو نايم ..

🚷عموما مفيش سن محدد و الموضوع بيختلف من طفل للتاني .. بس الطبيعي :

🔞الطفل يتحكم في البراز من سن ١٨ شهر لسنتين

🤔 الطفل يتحكم في البول اثناء النهار ((وهو صاحي)) من سن سنتين ل ٣ سنين

🚽 الطفل يتحكم في البول و هو نايم من سن ٣ ل ٤ سنين و ممكن يتأخر عن كده شوية كمان

🔕بس خدوا بالكم .. اهم بكتير من السن ان الطفل يظهر علامات انه يكون مستعد لكده (جسمانيا - عصبيا - نفسيا) و تنطبق عليه الشروط دي قبل ما نبدأ اي نوع من انواع التدريب:

1️⃣ انه يكون بيمشي كويس من غير مايقع و الأفضل يكون بيجري كمان .. لان ده بيدينا مؤشر انه جهازه العصبي تطور بصورة كافية و مش بيعاني من مشاكل في الحبل الشوكي

2️⃣انه وقت الحمام يدي اي مؤشر انه حاسس انه بيعمل ((بيسكت فجأة .. ياخد جنب .. يبصلنا))

3️⃣انه يقدر يقعد ساعتين كاملين اثناء النهار من غير ما يبل نفسه .. لأن ده بيدينا مؤشر على قدرة المثانة على تخزين و استيعاب البول داخلها..
((فحضرتك قبل ما تحاولي خالص .. هتكشفي كل ساعة و تسجلي في ورقة امتى يكون الطفل مبلول و امتى لا .. لمدة ٣ او ٤ ايام .. لو مش بيبقى جاف ساعتين كاملين يبقى لسه .. التدريب مفيش منه طائل دلوقتي))

4️⃣انه يطلب بعد ما يعمل انه يغير ((بأي طريقة حتى لو البكاء))

5️⃣انه يكون قادر على فهم الأوامر البسيطة ((تعالى هنا - امسك دي - روح لماما)) مينفعش ابدا تبتدي تمرن طفل مش فاهمك على البوتي ..

6️⃣ يكون عنده القدرة على ربط الأشياء ببعضها و فاهم علاقتها ببعضها يعني عارف ((فرشة للشعر)) ((جزمة للخروج)) و هكذا .. طبعا عشان يقدر يربط و يفهم ((بوتي للحمام)).

7️⃣ لا يعاني من فرط الحركة

8️⃣انه يكون قادر على الجلوس لفترة لا تقل عن ٣ - ٥ دقايق متصلين من غير ما يقوم و يتنطط ((طبعا عارفين ليه))

9️⃣قبل ما نبتدي خالص .. لازم نكون ابتدينا نعلمه كلمة او طريقة يقدر يعبر بيها عن احتياجه للحمام .. لأنه ممكن يكون حاسس .. قادر انه يمسك نفسه .. عايز يستخدم البوتي .. بس مش عارف يوصلنا ده !

🔟ميكونش بيعاني من امساك مزمن او اسهال وقت البداية .. لازم نتعامل مع المشاكل دي الأول

١١. ميكونش بيعاني من التهابات في البول او ديدان في البراز ((لو مفيش اعراض تشككنا في كده خلاص .. مش محتاجين نعمل اي تحاليل

⚠️خلاصة الموضوع⬇️⬇️
🔂 ان مش السن بس هو اللي يحدد و ان كل طفل مختلف عن التاني .. مينفعش نقارن الأطفال ببعض .. مينفعش نضغط على ولادنا عشان ابن فلانة شال البامبرز او بنت علان بيعمل في البوتي .. لا احنا نضغط ولا نستجيب لضغط اللي حوالينا .. طفلك بينطبق عليه الشروط دي .. نبتدي .. غير كدا لا .

-----------------------------------------------
ان شاء الله
البوست الجاي: الحاجات اللي نقدر نعملها و تساعدنا في التمرين على البوتي وتساعد الطفل في التخلص من البامبرز بسرعة
استاذ / حسين سلام
أخصائي التربية الخاصة بمركز الأفق للتأهيل

شكرا لدعمكم المستمر وتفاعلكم الإيجابي
أستاذ / ربيع السمان
أستاذة / صفاء علي
شكراً من القلب ❤

طفل بيسوي بالليل على نفسه وهو نايم و مش عارفين إيش نسوي ،، 😔😔 😔

🚾🛂. قبل ما نجاوب ،، اول شي لابد ان نسأل انفسنا سؤال مهم جدا .:↙️↙️

⬅️هل الطفل طول عمره لا يستطيع ان يتحكم في نفسه بالليل ؟؟ و ده النوع الأول و الأكثر شيوعا

⬅️⬅️ولا هو كان بيتحكم في نفسه
((لمدة ٦ شهور على الأقل))
و بعد كده ابتدى يعمل على نفسه ؟
و ده النوع التاني ..

🚸 لأن النوعين دول مختلفين تماما عن بعض وليهم اسباب مختلفة و علاج مختلف في كثير من الأحيان ،، فناخد بالنا ابننا فين بالضبط

⚠️ طيب ،، ابنك من النوع الأول ؟!

شوف حضرتك .. نركز في المعلومات اللي جاية عن التبول اللا ارادي :

اولا : اسمه لا إرادي .. يعني مش با ارادة الطفل .. الطفل لا قصده يضايقكم و يغيظكم و لا يحب الطراوة بالليل فبيقوم بالتبول على نفسه !!

🛐 ده بالعكس كمان .. حسب الدراسات ... ده تاني اكتر حاجة بتحبط الطفل و تأثر في نفسيته❗
بعد خناق الاب و الام مع بعض قدامه ❗

فطبعا لايجوز ابدا اي عقاب من اي نوع
⚠️⚠️.. لا ضرب ولا زعيق ولا حتى تظهري انك منزعجة وغضبانة ❗
تصرف الاهل من اهم اسباب الانتكاس في الموضوع ده !! خدو بالكم !!🚼

⚠️.. التعليق علي التبول قصاد اخواته بيسبب له مشلكة نفسية

ثانيا: التدخل الطبي قبل ما نبتدي اي تمرين لازم نستبعد سببين عضوين مهمين جدا كتير من الناس مش بياخدوا بالهم منه ..

- 🤔وجود لحمية بتأثر على نوم الطفل 🙄
- 🤔وجود ديدان ،، ازاي دا ❗

💯 احد اهم اسباب التبول الليلي ،، لان معظم الديدان بتنشط بالليل و بتتحرك
⬅️تعمل تهيج في الاغشية المخاطية لفتحة الشرج و دي بتعمل توتر في المثانة لان المستقبلات الحسية واحدة ،،

🙄في تبول ليلي ،، يبقى لازم نستبعد وجود ديدان و طبعا لو في التهابات في البول نعالجها الاولة

ثالثا: من الناحية التربوية لحد سن ٥ سنين بنعتبر التبول اللاإرادي حاجة طبيعية ،،
. في طفل يتحكم عند سن السنتين و في طفل يتحكم عند ال ٥ .. ،، ❗متقارنوش ولادكم بحد ❗

رابعا: القياس السلوكي الأطفال و خصوصا في البرد ممكن يفلت منهم البول ساعات و هما نايميين

⛔ عشان نقول ان الطفل بيعاني من تبول لا ارادي لازم على الاقل
🔄: يكون بيعمل و هو نايم مرتين اسبوعيا لمده ٣ شهور ،، غير كده فوتو ،،

🚱 خامسا: عشان طفلك يتحكم في البول بالليل ،، لازم يكون اتحكم فيه تماما في الصباح الاول ،،
مفيش حاجة اسمها نبتدي الاتنين مع بعض !

⚠️ نعمل ايه يساعد الطفل يتخلص من الموضوع ده ⁉️

1️⃣ وجبة العشاء لازم تكون قبل النوم بساعتين ،، عشان الطفل ميطلبش مية بزيادة قبل النوم ،،

2️⃣اي سوائل غير المية ممنوعة قبل النوم بساعتين
3️⃣ الطفل لازم يدخل قبل ما ينام مباشرة

4️⃣الطفل يصحى بعد النوم بساعتين .. يدخل الحمام ..

5️⃣يدخل الحمام يعني يدخل فعليا ،، مينفعش نجيب البوتي جنب السرير عشان يعمل ،، هو مش بيكون في كثير من الاحيان في كامل وعيه ،، بيعمل و هو شبه نايم ،، اليوم اللي مفيش فيه بوتي هيعمل على نفسه عادي !

6️⃣ الاوضة اللي نايم فيها لازم تكون قريبة من الحمام !! و مفيش عقبات بينهم ،، لا باب مقفول ولا سلم ،،

8️⃣نور الحمام يكون مفتوح على طول ،، يتخط لمبه سهاري في اوضة الطفل ،، كل ده ممكن يشجعه على انه يقوم ..

8️⃣بعد سن ال ٥ سنين ،، مفيش بامبرز بالليل ،، اعلي اي حاجة ،، مشمع ،، اي احتياطات بس بلاش بامبرز

9️⃣ قولنا مفيش عقاب ،، الحاجة الوحيدة اللي مسموح نعملها ان يشيل معانا الملايات و يحطها في الغسالة

🔟. و طبعا المكافئة ثم المكافئة ثم المكافئة لما يقوم ناشف ،، ممكن نعمل حاجة اسمها جدول النجوم متقسم ٣٠ خانة ،،. اليوم الناشف هنحط فيه نجمة و نتفق معاه على هدية محددة لما يجيب عدد نجوم معين

1️⃣1️⃣ هنحاول نمرن المثانة اثناء النهار و نزود قدرتها الاستيعابية و ده عن طريق ان احنا نحاول نشجعه يمسك نفسه شوية قبل ما يدخل الحمام ،، بس طبعا نخللي بالنا منسيبهوش لحد ما يعمل على نفسه.

👈🏼 طيب كل اللي فات ده مجابش نتيجة ؟!! و الطفل اكبر من ٥ سنين ؟؟! يبقى لازم نعمل حاجتين :

منقول
اولا: هنجيب حاجة بتجيب نتايج كويسة جدا اسمها ((جهاز تنبيه للتبول اللا ارادي)) بيركب عند الطفل بيدي رنة و يقوم الطفل اول ما يعمل عشان يكمل في الحمام

ثانيا: هيتعرض على الدكتور عشان احتمال يحتاج بخاخة المنيرين للأنف .. و بخاخة بس !! ((كل الادوية اللي بتتكتب في حالات التبول اللا ارادي له اعراض جانبية و تأثيرها مش مضمون و البخاخة افضل بمراحل))
الجزء الطبي
منقول عن دكتور احمد امين
أستاذ حسين سلام أخصائي التربية الخاصة بمركز الأفق للتأهيل

شكراً على تفاعلكم أستاذ حسن صديق ❤

يقدم لكم الفترة القادمة سلسلة
" ما وراء التربية الخاصة "
الاستاذ "حسين سلام"أخصائي التربية الخاصة بمركز الأفق للتأهيل
الفئة المستهدفة : أولياء الأمور _ المهتمين والعاملين بمجال التربية الخاصة.
الهدف : التعرف على بعض المشكلات التى تواجه اطفالنا و فهمها و حلها بناء على استراتيجيات وفنيات ومبادئ تحليل السلوك التطبيقي ABA

ابنتنا أثير كل عام وانتى بخير عيد ميلاد سعيد حبيبتي و العام القادم تكونى في أفضل حال و فى تقدم دائما 🎉🎊
اترك / ي لأثير تهنئة في التعليقات ❤

وفقنا الله وإياكم للعمل لما يحبه ويرضاه ❤
مع الإلتزام بالوعد أننا لن نكل او نوفر جهدا يحقق لأطفالنا من ذوى الهمم نجاحا ومشاركة اجتماعية ودمج مجتمعي إلا وسنبذله ...
شكرا السيدة / ليلي بنت أحمد بن عوض النجار 🌹
وزيرة التنمية الإجتماعية
رئيس اللجنة الوطنية لرعاية المعاقين

* يصادف يوم 3 ديسمبر من كل عام اليوم العالمى لذوى الاحتياجات الخاصة ( أصحاب الهمم ) .
* هذا اليوم خصص من قبل الأمم المتحدة منذ عام 1992 لدعم ذوى الاحتياجات الخاصة.
* يهدف هذا اليوم لزيادة فهم قضايا الإعاقة والتوعية بأهمية ضمان حقوق ذوى الاحتياجات الخاصة.
* يهدف هذا اليوم بزيادة الوعى بأهمية دمج الأشخاص ذوى الإعاقة فى الحياة السياسية والاقتصادية والاجتماعية.
* يركز اليوم الدولى للأشخاص ذوى الإعاقة على تمكين الأشخاص ذوى الإعاقة من أجل التنمية الشاملة المنصفة والمستدامة.
* تناولت أجزاء مختلفة من أهداف التنمية المستدامة قضية الإعاقة وتحديدًا فى الأجزاء المتعلقة بالتعليم والنمو والتوظيف وعدم المساواة وإمكانية تسهيل الوصول إلى التجمعات السكانية، فضلًا عن جمع البيانات ورصد أهداف التنمية المستدامة