12/08/2026
Te Taumata Tirohanga
Te tamaiti o Te Waiū
Kia ekeina a Tikitiki o Rangi
Kia tomohia a Rangiātea
Kia mau ki te wānanga
O te ao Māori
O te ao whānui
Koia nei te taumata whakahirahira
O tōna ake ao
Kei te kōkiri whakamua Te Kura Kaupapa Māori o Te Waiū o Ngāti Porou ki ngā taumata nui whakaharahara o te ao hihiko nei kei mua i te aroaro. E hika ma, ko te manako, ko te wawata kia hōea ngātahi ai tātau katoa arā, ā tātau tamariki/mokopuna me ō rātau na mātua tūheni atu ki ngā whānau whānui. Ma Te Taumata Whakahirahiria o ngā tikanga o Te Aho Matua e arahi i te ia o ngā whakaaro.
Mehemea kei te parekareka ēnei kōrero whakatau ki a koe ā, ko koe anō hoki tēra e maitai ana e whakapau kaha ana ki ēnei tūmomo mahi, otirā hei kaihautu o tō tātau nei kura tēna, hanake nei āhau kōrero, tāhau tono ki a mātau.
E manawanui ana mātau kia whakaatu mai koe i ngā āhuatanga hāngai ki tētahi rangatira o te ao Mātauranga, pēnei nei i te arahi, i te akiaki hoki i ngā kaimahi kia ekeina ngā taumata tiketike. Otirā, he kaha hoki nōhou ki te whakarekareka i te tangata, te mahi kaitakawaenga, otirā te amorangi ki mua me te hāpai-ō ki muri. E manako ana mātau he tangata kī tahi, he tangata ngāwari noa iho ki te whakamārama atu i ngā momo kōrero katoa. Otirā he tangata hūmarie hoki.
Me hikurangi ai te titiro o te Tumuaki hei tauira atu ki ngā taha katoa o te mātauranga. Otirā me mātau, me mōhio koe, me tuwhera rānei to ngākau ki te reo me ngā tikanga taketake ake o Ngāti Porou hei pohatu tūngāwaewae mō te kura. Kātahi ka whāngai ēnei āhuatanga ki ngā tamariki, ā, kia tū rangatira rātau i tēnei ao hurihuri.
Mehemea kei te hiahia koe ki tētahi puka tono tēna, whakapā atu ki a;
Board Secretary
Hayley Waitoa
13 Tuparoa Road
Ruatorea
Email: [email protected]
Mobile: 022 0964031
Ka kati ngā tono a te 25 Hepetema 2026, 11.59pm.
