Srijana Bal Vatika E.B.S

सूचना

आदरणीय अभिभावकज्यूहरू,
सादर नमस्कार।

नेपाल सरकारको निर्णयअनुसार आगामी २०८३ श्रावण १ गतेदेखि देशभर सञ्चालनमा रहेका सबै निजी तथा संस्थागत विद्यालयहरूमा कुल शुल्क (Fee) मा ३% शिक्षा समता शुल्क (Education Equality Fee) लागू हुने भएको व्यहोरा यहाँहरूलाई जानकारी गराइन्छ।

उक्त सरकारी निर्णय कार्यान्वयन गर्नु विद्यालयको कानुनी दायित्व भएकाले २०८३ श्रावण १ गतेदेखि जारी हुने/काटिने प्रत्येक बिलमा ३% शिक्षा समता शुल्क थप भई लागू हुने जानकारी गराइन्छ।

विशेष जानकारी:
यो वृद्धि विद्यालयको आफ्नै निर्णय नभई नेपाल सरकारको नीति तथा निर्णयबमोजिम अनिवार्य रूपमा लागू गरिएको व्यवस्था हो। विद्यालयले सरकारी नियमअनुसार मात्र उक्त शुल्क संकलन गर्ने भएकाले यस विषयमा सम्पूर्ण अभिभावकज्यूहरूको सहयोग र समझदारीको अपेक्षा गर्दछौँ।

धन्यवाद।

विद्यालय प्रशासन
सिर्जना बालवाटिका इङ्लिस बोर्डिङ स्कुल
ठेगाना: तुलसीपुर–१८, बिजौरी, दाङ

भावपूर्ण समवेदना

​सिर्जना बालवाटिका बोर्डिङ स्कूलको कक्षा १२ (विज्ञान सङ्काय) मा अध्ययनरत होनहार छात्रा बबिता परियारको आज दिउँसो भएको अकल्पनीय र दुःखद निधनको खबरले हामी सम्पूर्ण विद्यालय परिवार तथा सहपाठीहरूलाई स्तब्ध र मर्माहत तुल्याएको छ। एउटा सुनौलो भविष्य बोकेकी प्यारी बहिनीलाई अल्पायुमै गुमाउनु पर्दा हामी निःशब्द छौँ।

​यस दुःखद घडीमा दिवंगत आत्माको चिर शान्तिको कामना गर्दै भावपूर्ण श्रद्धाञ्जली अर्पण गर्दछौँ।

​साथै, शोक सन्तप्त परिवारजनप्रति हार्दिक समवेदना व्यक्त गर्दै यस असह्य पीडालाई सहन गर्ने शक्ति मिलोस् भनी प्रार्थना गर्दछौँ।

​शोकाकुल:
सिर्जना बालवाटिका बोर्डिङ स्कूल परिवार
तथा समस्त सहपाठीहरू