Satyawati Secondary School

Retotal तथा Rechecking सम्बन्धमा :

एसइइकाे उत्तरपुस्तिका पुन: परीक्षण(copy rechecked) काे लागि अवलम्बन गर्नुपर्ने प्रक्रिया ।
धेरैजसाे विद्यार्थी , शिक्षक, अभिभावकले एसइइ, २०८२ काे विषयगत नतिजामा चित्त नवुझेकाे हुनाले उत्तरपुस्तिका पुनःपरीक्षण गराउनका लागि के गर्ने भनेर फाेनवाट जिज्ञासा राखिएको सन्दर्भमा तपसिलकाे प्रक्रिया अवलम्बन गर्न गराउन थप स्पष्ट पार्ने प्रयास गरेको छु ।
१ जतिवटा विषयमा प्राप्त भएको नतिजामा चित्त नबुझेको हाे त्यतीवटा विषयमा नै तल राखिएको सूचना अनुसार अनलाइन माध्यम payment.see.gov.np बाट लगइन गरि पुनर्याेगका ( रिटाेटलिङ्ग ) लागि प्रति विषय रू५००/ अनलाइन माध्यमवाटै रकम बुझाउने ।
२. पुनर्याेगकाे अनलाइन फाराम भर्ने म्याद समाप्त भए पछि निवेदकले आवेदन गरेका विषयका उत्तरपुस्तिका खाेजेर बिषयविज्ञले प्राप्ताङ्क जाेड्ने परीक्षण गर्न छुटेका भए उक्त प्रश्नको उत्तर परीक्षण गरेर कायम भएको प्राप्ताङ्क पनिकाकाे सिस्टममा प्रविष्ट गरिसकेपछि समितिको निर्णयवाट see.gov.np काे वेवसाईटमा नतिजा प्रकाशन हुनेछ । उक्त कार्य सक्दा करिबकरिब २/३ हप्ता लाग्न सक्छ ।
३. पुनर्याेगका लागि आवेदन गरेका सवै परीक्षार्थीको नतिजा प्रकाशन भैसकेपछि पनिकावाट उत्तरपुस्तिका हेर्नका लागि सूचना प्रकाशन हुनेछ । उक्त कार्यका लागि सूचनामा उल्लेख भएको विवरण र कागजात लिएर पनिका सानाेठिमी, भक्तपुर मा विद्यार्थी र अभिभावक आउनुपर्नेछ । विषय विज्ञकै राेहवरमा उत्तरपुस्तिका देखाईनेछ ।
४. उत्तरपुस्तिका हेर्दा पनि चित्त नुझाउने परीक्षार्थीको लागि वल्ल उत्तरपुस्तिका पुन: परीक्षणका लागि पनिकावाट सूचना निस्कने छ । त्यसपछि मात्रै सूचनामा ताेकिए अनुसारको प्रक्रिया पूरा गरि आवेदन दिनुपर्नेछ ।
पुनश्च: थप स्पष्ट हुनुपर्ने याे छ कि पुनर्येगका लागि आवेदन नदिएको विषयकाे उत्तरपुस्तिका हेर्ने र उत्तरपुस्तिका नहेरी उत्तरपुस्तिका पुनः परीक्षण गराउने अवसर प्राप्त हुनेछैन । पनिकाकाे वेवसाइटमा पुनर्याेगकाे तल उल्लेखित सूचना जस्तै उत्तरपुस्तिका हेर्ने र उत्तरपुस्तिका पुनः परीक्षण गर्ने प्रक्रिया र विधि उल्लेख भएको सूचना प्रकाशन हुनेछ र ततप्श्चात नै आवेदन दिनुहुन सम्वद्द सवैलाई अनुरोध छ । ३ वटा चरण र प्रक्रिया वारेमा थप स्पष्ट भई यीनै सन्दर्भमा फाेन वा म्यासेज गरेर समय र रकम ब्यतित नगर्नुहुन अनुराेध गर्दै अडियो भिडियोवाट पनि थप स्पष्ट हुनचाहेमा मैले नेपाल टेलिभिजनको शिक्षा विवेचना कार्यक्रममा पनि याे वारेमा वाेलेकाे छु जुन यसै फेसवुक पेजमार्फत सेयर गरेको छु साे सुन्न पनि सक्नुहुनेछ ।
अनुरोधक : बिष्णुप्रसाद ज्ञवाली
उपनियन्त्रक
राष्ट्रिय परीक्षा बाेर्ड, परीक्षा नियन्त्रण कार्यालय, कक्षा १०, सानाेठिमी, भक्तपुर ।

payment.see.gov

NTV ‌+ बाट प्रसारण हुने कक्षा १ देखि कक्षा १० सम्मको समय तालिका । विद्यार्थीहरुलाई हेर्नकाे लागि अनुराेध छ।

https://www.facebook.com/share/p/186dz38Zyp/

सत्यवती विद्यालयको एसइइमा उत्कृष्ट नतिजा, चार विद्यार्थीले ल्याए ४ जिपिए
तनहुँ, २९ वैशाख
तनहुँको व्यास नगरपालिका २ स्थित सत्यवती माध्यमिक विद्यालय ले यस वर्षको माध्यमिक शिक्षा परीक्षा एसइइमा उत्कृष्ट नतिजा हासिल गरेको छ। विद्यालयबाट सहभागी विद्यार्थीमध्ये करिब ९० प्रतिशत विद्यार्थी उत्तीर्ण भएका हुन्।
विद्यालयका विधान सिग्देल, डेभिड दरै, सुयोग श्रेष्ठ र शुभम थापाले ४ जिपिए प्राप्त गर्दै संयुक्त रूपमा प्रथम स्थान हासिल गरेका छन्। त्यसैगरी स्वीकृत वाग्लेले ३.९६ जिपिए ल्याउदा, साक्षी वाग्ले, आदित्य भट्टराई, सुहाना श्रेष्ठ र सदिक्षा सुनारले ३.९५जिपिए सहित तृतीय स्थान हासिल गरेकाे विद्यालयले जनाएको छ।
विद्यालयले उत्कृष्ट जिपिए सहित उत्तीर्ण हुने सम्पूर्ण विद्यार्थीलाई हार्दिक बधाई तथा उज्ज्वल भविष्यको शुभकामना व्यक्त गरेको छ। साथै यस सफलतामा शिक्षक, अभिभावक तथा विद्यालय परिवारको महत्वपूर्ण योगदान रहेको उल्लेख गरेको छ।