Aarati Technical Institute, Salyan

पढाइसँगै प्रतिभाको पनि बेजोड संगम!
सामान्य चिकित्सा (General Medicine) दोस्रो वर्षमा अध्ययनरत बहिनीहरूद्वारा प्रस्तुत गरिएको यो मनमोहक नृत्यले कार्यक्रममा बेग्लै रौनक थपेको छ। उत्कृष्ट प्रस्तुतिको लागि बहिनीहरूलाई धेरै-धेरै बधाई तथा शुभकामना!

यस आरती टेक्निकल इन्स्टिट्युट (श्रीनगर, सल्यान) मा अध्ययनरत विद्यार्थी भाइबहिनीहरूको मिति २०८३ साउन २१ गतेदेखि प्रि-बोर्ड परीक्षा सञ्चालन भइरहेको छ।
हाल परीक्षा भइरहेका कार्यक्रमहरू:
सामान्य चिकित्सा(General Medicine(HA)
१-पहिलो वर्ष(First Year)(पुरानो)
२-दोस्रो वर्ष(Second Year) र
३- तेस्रो वर्ष (Third Year )
४-भेटेरीनरी जे.टी.ए. (Veterinary JTA)
समय तालिका निम्न अनुसार रहनेछ:
प्रथम सिफ्ट (बिहान ०७:०० बजे देखि १०:०० बजेसम्म):
दोस्रो सिफ्ट (दिउँसो १२:०० बजे देखि ०३:०० बजेसम्म):
सबै विद्यार्थी भाइबहिनीहरूले राम्रो तयारीका साथ, शान्त र अनुशासित भएर परीक्षा दिइरहनुभएको छ भन्ने विश्वास लिएका छौँ। यो अन्तिम परीक्षा अघिको आफ्नै क्षमता जाँच्ने राम्रो अवसर पनि हो।सम्पूर्ण परीक्षार्थी भाइबहिनीहरूलाई मेहनत अनुसारको राम्रो नतिजाको लागि धेरै-धेरै शुभकामना!

हार्दिक धन्यवाद तथा कृतज्ञता ज्ञापन

गुरुर्ब्रह्मा गुरुर्विष्णुः गुरुर्देवो महेश्वरः।
गुरुः साक्षात् परं ब्रह्म तस्मै श्रीगुरवे नमः॥
आज मिति २०८३ साल साउन १३ गते आरती टेक्निकल इन्स्टिच्युट, सल्यानमा आयोजना गरिएको "गुरु पूर्णिमा विशेष तथा सम्मान कार्यक्रम २०८३" अत्यन्तै भव्य, सभ्य र प्रभावकारी रूपमा सम्पन्न भएको छ।
विद्यार्थी जीवनमा मार्गदर्शन गर्ने सम्पूर्ण आदरणीय गुरुवर्गहरूप्रति आदर र सम्मान प्रकट गर्दै यो पावन दिनलाई अविष्मरणीय बनाउन अहोगरात्र खट्नुहुने आयोजक विद्यार्थी भाइबहिनीहरू— सामान्य चिकित्सा (HA) पहिलो वर्ष (पुरानो र नयाँ), दोस्रो वर्ष तथा भेटेरिनरी JTA का सम्पूर्ण भाइबहिनीहरूलाई हृदयदेखि नै हार्दिक धन्यवाद तथा उच्च प्रशंसा व्यक्त गर्दछौँ।
साथै, आफ्ना मीठा र कलात्मक प्रस्तुतिहरू (कविता, गजल, गायन र नृत्य) मार्फत कार्यक्रममा रौनक थप्ने सम्पूर्ण प्रतिभावान विद्यार्थी कलाकारहरू, मञ्च व्यवस्थापन, स्वागत तथा अन्य प्राविधिक कार्यमा खटिने सम्पूर्ण भाइबहिनीहरूको योगदान अतुलनीय रहेको छ।
कार्यक्रममा प्रमुख अतिथिको रूपमा उपस्थित भई आफ्ना प्रेरणादायी भनाइ तथा शुभ-आशीर्वाद प्रदान गर्नुहुने प्रिन्सिपल बेनोज बस्नेत ज्यू, सम्पूर्ण आदरणीय शिक्षक/गुरुवर्गहरू तथा प्रत्यक्ष-अप्रत्यक्ष रूपमा सहयोग पुर्याउनुहुने सम्पूर्ण महानुभावहरूप्रति हार्दिक आभार व्यक्त गर्दछौँ।
तिमीहरूकै सक्रियता, अनुशासन र रचनात्मकताले गर्दा नै आजको यो कार्यक्रम यति धेरै भव्य र सफल भएको हो। आरती टेक्निकल इन्स्टिच्युट परिवार हजुरहरूको यो समर्पण र संस्कृतिको उच्च कदर गर्दछ।

सबै भाइबहिनीहरूको उज्ज्वल भविष्यको कामना!

गुरु पूर्णिमाको अवसरमा आयोजित विशेष कार्यक्रममा सामान्य चिकित्सा (HA) पहिलो वर्षका बहिनीहरूले प्रस्तुत गर्नुभएको मनमोहक नृत्य झलक!