23/09/2026
आदरणीय अभिभावकज्यूहरू, शिक्षक–कर्मचारी तथा प्यारा विद्यार्थीहरूमा नमस्कार।
२०८३ साल असोज ९, देखि ११ गतेसम्म प्रतिकूल मौसमका कारण भारी वर्षा, हावाहुरी, चट्याङ, बाढी तथा पहिरोजस्ता जोखिम हुन सक्ने भएकाले सबैलाई विशेष सतर्कता र सावधानी अपनाउन अनुरोध गर्दछौँ।
🔹 अत्यधिक वर्षा, हावाहुरी वा चट्याङ परेको समयमा अनावश्यक रूपमा घरबाहिर ननिस्कनुहोस्।
🔹 बालबालिकालाई नदी, खोला, पोखरी, पुल, कल्भर्ट तथा बाढी आउन सक्ने स्थानमा जान नदिनुहोस्।
🔹 पहिरोको जोखिम भएका स्थान र भिरालो जमिनबाट टाढा रहनुहोस्।
🔹 चट्याङ परेको समयमा खुला मैदान, अग्ला रूख तथा विद्युत् पोलनजिक नबस्नुहोस्।
🔹 विद्यालय आउँदा–जाँदा सुरक्षित बाटो प्रयोग गर्न र बालबालिकाको आवतजावतमा विशेष निगरानी राख्न अनुरोध छ।
🔹 मौसम अत्यन्त प्रतिकूल भएमा विद्यालयबाट दिइने थप सूचना तथा स्थानीय प्रशासनको निर्देशन अनिवार्य रूपमा पालना गर्नुहोस्।
🔹 आधिकारिक स्रोतबाट प्राप्त सूचनालाई मात्र विश्वास गर्नुहोस् र अपुष्ट सूचना शेयर नगर्नुहोस्।
🙏 आफू सुरक्षित रहौँ, आफ्ना बालबालिकालाई पनि सुरक्षित राखौँ।
“सतर्क रहौँ, सुरक्षित रहौँ; विपद्बाट आफू पनि बचौँ, अरूलाई पनि बचाऔँ।”
विद्यालय प्रशासन
श्री कमलदाहा इङ्लिस बोर्डिङ स्कुल
