Sagar Memorial Boarding School

आज विश्व वातावरण दिवसको अवसरमा सागर मेमोरियल बोर्डिङ स्कुलका कक्षा ६ देखि १० सम्मका विद्यार्थीहरूले विद्यालय वरिपरिको क्षेत्र सरसफाइ गरी वातावरण संरक्षणप्रति आफ्नो जिम्मेवारी निर्वाह गरेका छन्। साथै, विद्यार्थीहरूले वातावरण संरक्षणसम्बन्धी जनचेतनामूलक नारा प्रस्तुत गर्दै स्वच्छ, हरित र स्वस्थ वातावरण निर्माणको सन्देश फैलाएका छन्। यस कार्यक्रमले विद्यार्थीहरूमा वातावरणप्रति सकारात्मक सोच र जिम्मेवारीको भावना विकास गर्न महत्वपूर्ण योगदान पुर्‍याएको छ। 🌱🌿♻️

यस बिद्यालयकि अङ्ग्रेजी शिक्षक श्री ज्योती लामिछाने लाई आज पर्न गयको जन्म दिनको बिद्यालयको तर्फ बाट हार्दिक शुभकामना

आज मिति २०८३/०२/१२ गते यस विद्यालयका शिक्षक श्री कृष्णज्यूको जन्मदिनको अवसरमा उहाँले विद्यालयलाई २ वटा फुटबल हस्तान्तरण गर्नुभएको छ। उहाँको यस सहयोगप्रति विद्यालय परिवार हार्दिक धन्यवाद व्यक्त गर्दछ तथा जन्मदिनको हार्दिक शुभकामना व्यक्त गर्दछ।

मिति २०८३/०२/०८ गते शुक्लागण्डकी मावि मा सम्पन्न वक्तृत्वकला प्रतियोगितामा सागर मेमोरियल बोर्डिङ स्कूल बाट सहभागी भई प्रथम, द्वितीय र तृतीय स्थान हासिल गर्ने विद्यार्थीहरू तथा अन्य सम्पूर्ण सहभागी विद्यार्थीहरूलाई हार्दिक बधाई तथा शुभकामना व्यक्त गर्दछौं। भविष्यमा पनि यस्तै उत्कृष्ट सफलता हासिल गर्दै अघि बढ्न सफल होऊन् भन्ने शुभेच्छा।

मिति २०८३/२/८ गते यस Sagar Memorial Boarding School मा गणित प्रदर्शनी कार्यक्रम भव्य रूपमा सम्पन्न भयो। कार्यक्रममा विद्यार्थीहरूले सिर्जनात्मक तथा व्यवहारिक गणितीय सामग्रीहरू आकर्षक ढंगले प्रस्तुत गरेका थिए। विद्यार्थीहरूको मेहनत, सक्रिय सहभागिता तथा गणित विषय शिक्षकहरूको मार्गदर्शन र अथक प्रयासले कार्यक्रम अझ प्रभावकारी र सफल बन्न पुगेको थियो। यस्ता कार्यक्रमहरूले विद्यार्थीहरूमा गणितप्रति रुचि, आत्मविश्वास र सिर्जनशीलता अभिवृद्धि गर्न महत्वपूर्ण भूमिका खेल्ने विश्वास लिइएको छ।

आज मिति २०८२/०२/०७ गते यस Sagar Memorial Boarding School मा माछापुच्छ्रे गाउँपालिकाको स्वास्थ्य शाखाबाट आउनुभएकी जनस्वास्थ्य अधिकृत श्री भूमिका थापा ज्युद्वारा कक्षा ८, ९ र १० का विद्यार्थीहरूलाई प्रजनन स्वास्थ्य सम्बन्धी अभिमुखीकरण कार्यक्रम सञ्चालन गरियो। कार्यक्रममा किशोरकिशोरी स्वास्थ्य, सुरक्षित मातृत्व, परिवार योजना, स्वस्थ जीवनशैली तथा जनचेतनामूलक विषयमा जानकारी प्रदान गरिएको थियो।

मिति २०८३/०२/०१ गते Sagar Memorial Boarding School मा सम्पन्न नेपाली तथा अङ्ग्रेजी हस्तलेखन प्रतियोगितामा कक्षा १–४, ५–७ र ८–१० समूहअन्तर्गत प्रथम, द्वितीय तथा तृतीय स्थान हासिल गर्ने विद्यार्थीहरूलाई पुरस्कार वितरण गरियो।