18/08/2026
Overwhelmed. Humbled. Deeply Grateful. ❤️ | अभिभूत, विनम्र र हृदयदेखि आभारी। 🙏🧿
वर्षौंदेखि नारी म्यागजिन को कभरमा नेपालका राष्ट्रपति, प्रधानमन्त्री, उच्च पदस्थ महिलाहरू, चर्चित व्यक्तित्वहरू तथा सफल व्यवसायी र उद्यमी महिलाहरूलाई देख्दै आएको छु। ती कभरहरू हेर्दै गर्दा मनमनै सोच्थेँ— “एकदिन म पनि यो कभरमा आउनेछु, अझ धेरै गर्नुपर्छ।”
आज आफ्नै तस्वीर त्यही कभरमा देख्दा म अत्यन्तै खुशी, भावुक र अभिभूत छु। ❤️ यो मेरो लागि केवल एउटा कभर होइन, वर्षौंको यात्रा, मेहनत र ममाथि विश्वास गर्ने सम्पूर्ण मानिसहरूको सम्मान हो।
सन् १९९७ मा IEC सुरु गर्दादेखि आजसम्म मेरो यात्रामा साथ दिनुहुने हरेक व्यक्तिप्रति म हृदयदेखि आभारी छु।
मेरा प्रिय विद्यार्थीहरू, तपाईंहरूको विश्वास र मायाले मलाई निरन्तर अघि बढ्ने प्रेरणा दिएको छ।
मेरो टिम, तपाईंहरूको मेहनत, समर्पण र साथबिना म यहाँसम्म आइपुग्ने थिएनँ।
मेरा बुबाआमा, श्रीमान्, छोराछोरी र परिवार, तपाईंहरूको माया र समर्थन मेरो सबैभन्दा ठूलो शक्ति हो।
र मेरा विद्यार्थीका अभिभावकहरू, हामीमाथि गर्नुभएको विश्वासका लागि हृदयदेखि धन्यवाद। ❤️
Kantipur Media, Nari Magazine तथा सम्पूर्ण नेपाली र अन्तर्राष्ट्रिय सञ्चारमाध्यमप्रति विशेष आभार—मेरो कामलाई पहिचान गर्नुभएको र अझ धेरै योगदान गर्न प्रेरित गर्नुभएकोमा।
यो सम्मानले खुशी मात्र दिएको छैन, अझ धेरै गर्नुपर्छ भन्ने जिम्मेवारी र ऊर्जा पनि दिएको छ। नेपालको शिक्षा र हाम्रो युवा पुस्ताका लागि मेरा सपना अझ ठूला छन्।
यो कभरमा मेरो तस्वीर भए पनि, यसमा मेरो यात्राका हरेक सहयात्रीको योगदान छ। तपाईंहरू सबैलाई हृदयदेखि धन्यवाद। ❤️🙏
अझ धेरै गर्न बाँकी छ। यात्रा जारी छ। 🙏🙏🧿🧿
Shailaja Adhikary
