26/05/2025
उपजाति= छन्द
(लत)
बिगार्छ फोक्सो मुटु ध्वस्त पार्छ
काला गिजा दन्त कला लतार्छ
बिग्रिन्छ हाम्रो अझ स्वाभिमान
त्यागौँ सबैले लत धूम्रपान।१
आन्द्रा सुनिन्छन् गलगाण कालो
प्रस्वासको वाधक लाग्छ जालो
कहिन्छ मान्छे अनि बेइमान
त्यागौँ सबैले लत धूम्रपान।।२
धुवाँ उडाई धनको भिखारी
बन्ने भए लाग त्यतै चिनारी
बनाउला इज्जत हुन्छ न्यून
त्यागौँ सबैले लत धुम्रपान।।३
विशेषता लुक्छ कता नसामा
मागेर खान्छौ घरका कुनामा
तमाखु खैनी मदिरा चुरोट
नखानू राम्रो बुझ फुल्छ ओठ।।४
सन्तान तिम्रो सब कर्म देख्छन्
खाँदै नखाऊ परिवार हेप्छन्
विशाल तृष्णा सुख दिन्न जानौँ
विलासिता काल समान ठानौँ।।५
हरिप्रसाद रिमाल
