19/08/2026
BCA Entrance को नतिजा आइसकेपछि अब धेरै विद्यार्थी भाइबहिनीहरूको मनमा एउटै प्रश्न होला—अब BCA कहाँ पढ्ने?
यो निर्णय हतारमा नगर्नुहोस्।
विशेषगरी Tribhuvan University अन्तर्गत BCA पढ्ने विद्यार्थीहरूले कलेज छान्दा नाम र शुल्क मात्र हेरेर निर्णय नगर्नु राम्रो हुन्छ। सम्भव भएसम्म आफूले पढ्न चाहेका केही कलेजमा पुगेर Lab, classroom, Internet, practical facility र पढाइको वातावरण आफैं हेर्नुहोस्। त्यहाँ पढिरहेका senior विद्यार्थीहरूसँग पनि कुरा गर्नुहोस्।
अहिले BCA को curriculum मा पनि परिवर्तन आएको छ। पहिलेको BCA curriculum हेर्दा मुख्य रूपमा Programming, Mathematics, Database, Web Technology लगायतका विषयमा बढी केन्द्रित structure थियो। अहिले आएको नयाँ curriculum ले त्यसलाई अझ फराकिलो र practical बनाउने प्रयास गरेको देखिन्छ।
पहिलेको तुलनामा अहिले Hardware Workshop, UX/UI Design, Python Programming, Artificial Intelligence, Mobile Programming, Cryptography and Network Security, Cyber Security and Ethical Hacking, Cloud Computing जस्ता विषयहरू समेटिएका छन्। त्यस्तै Project लाई पनि विभिन्न semester मा निरन्तर रूपमा अघि बढाउने व्यवस्था छ र अन्तिमतिर Internship समेत राखिएको छ।
यसको अर्थ BCA अब केवल “Programming पढ्ने र परीक्षा दिने” course मा मात्र सीमित छैन। विद्यार्थीले Computer को hardware बाट सुरु गरेर Programming, Database, Web, Mobile, AI, Cyber Security, Cloud लगायतका क्षेत्रमा क्रमशः exposure पाउने गरी curriculum अगाडि बढाइएको छ।
उदाहरणका लागि सुरुवाती semester मै Programming in C सँगै Hardware Workshop आउँछ। त्यसपछि OOP in Java र UX/UI Design जस्ता विषय आउँछन्। अगाडि Data Structures and Algorithms, Database Management System, Web Technology, Python Programming हुँदै Artificial Intelligence, Mobile Programming, Cyber Security र Cloud Computing जस्ता विषयसम्म पुगिन्छ।
अझ महत्वपूर्ण कुरा Project पनि छुट्टाछुट्टै semester मा राखिएको छ। यसको उद्देश्य केवल किताब पढेर परीक्षा पास गर्नु भन्दा विद्यार्थीलाई सिकेको ज्ञानलाई project मा प्रयोग गर्ने अवसर दिनु हो।
तर यहाँ एउटा कुरा बुझ्नैपर्छ।
Curriculum राम्रो हुँदैमा मात्र BCA राम्रो हुँदैन।
एउटै Tribhuvan University को curriculum विभिन्न कलेजमा लागू हुन्छ, तर त्यसलाई कलेजले कसरी पढाउँछ भन्ने कुरा फरक हुन सक्छ।
त्यसैले admission गर्नुअघि कलेजलाई यस्ता प्रश्न सोध्नुहोस्।
Lab मा विद्यार्थीले नियमित practical गर्न पाउँछन् कि पाउँदैनन्?
Programming का subject मा आफैं code लेख्न लगाइन्छ कि केवल theory पढाइन्छ?
UX/UI Design मा design tools प्रयोग गरेर practical गराइन्छ?
Database र Web Technology मा वास्तविक project बनाइन्छ?
Python र Artificial Intelligence मा practical exposure दिइन्छ?
Cyber Security र Networking का लागि आवश्यक Lab facility छ?
Project गर्दा teacher ले वास्तविक guidance दिनुहुन्छ?
Internship का लागि college ले सहयोग गर्छ?
यी प्रश्नको उत्तर brochure भन्दा त्यहाँ पढिरहेका विद्यार्थीबाट बुझ्नु अझ राम्रो हुन्छ।
Fee को कुरा पनि केवल “कति लाग्छ?” भनेर नसोध्नुहोस्। Admission fee, semester fee, exam fee, Lab fee, Project, Internship तथा अन्य शुल्क जोड्दा चार वर्षमा कति खर्च हुन्छ भनेर स्पष्ट बुझ्नुहोस्।
कलेज छान्दा केवल “सस्तो कहाँ छ?” भन्ने प्रश्न नगर्नुहोस्।
“मैले तिरेको शुल्कअनुसार यहाँबाट कति practical knowledge र exposure पाउँछु?” भनेर पनि सोच्नुहोस्।
अर्को महत्वपूर्ण कुरा, BCA को नयाँ curriculum मा धेरै नयाँ र market-oriented विषय थपिए पनि विद्यार्थीले त्यसको फाइदा लिन आफैं पनि मेहनत गर्नुपर्छ।
College ले C Programming पढाइदियो भन्दैमा C मा राम्रो skill आफैं बन्दैन।
Python पढाइदियो भन्दैमा Python developer बनिँदैन।
AI पढाइदियो भन्दैमा AI को knowledge आफैं आउँदैन।
Project को subject राख्दैमा राम्रो project बन्दैन।
त्यसका लागि class बाहिर पनि practice गर्नुपर्छ, project बनाउनुपर्छ, नयाँ technology सिक्नुपर्छ र आफूलाई मन परेको क्षेत्रमा बिस्तारै focus गर्नुपर्छ।
त्यसैले BCA Entrance को result आएपछि अबको निर्णयमा अलि समय दिनुहोस्।
केही college shortlist गर्नुहोस्।
College आफैं पुगेर हेर्नुहोस्।
Lab हेर्नुहोस्।
Teacher र senior विद्यार्थीहरूसँग कुरा गर्नुहोस्।
Fee को पूरा structure बुझ्नुहोस्।
र सबैभन्दा महत्वपूर्ण कुरा, नयाँ curriculum वास्तवमै कसरी पढाइरहेका छन् भनेर बुझ्नुहोस्।
चार वर्ष पढ्ने निर्णय केवल “कुन college को नाम चलेको छ?” भनेर नगर्नुहोस्।
चार वर्षपछि आफूलाई कस्तो बनाउने हो भन्ने सोचेर college छान्नुहोस्।
BCA को curriculum समयसँगै परिवर्तन हुँदैछ। अब विद्यार्थीका लागि अवसर पनि पहिलेभन्दा फराकिलो भएको छ। तर त्यो अवसरलाई skill मा बदल्ने जिम्मेवारी अन्ततः विद्यार्थी आफैंको हो।
Admission गर्नु अघि एकपटक राम्ररी बुझ्नुहोस्।
किनकि college छान्न लागेको यो समय केवल admission गर्ने समय होइन, आगामी चार वर्षको आफ्नो learning journey छान्ने समय पनि हो।
