17/07/2019
यो अफिसियल जानकारी हो ।
नयाँ भिसा प्रकृया अन्तर्गत जापान कामदार ल्याउनका लागि आवश्यक भाषा परिक्षा लिने अनुमति पाएको संस्था जापान फाउण्डेशनले एक सूचना जारी गर्दै भाषा परिक्षा लिइने योजना बनाइएको मिति सार्वजनिक गरेको छ । जसअन्तर्गत नेपालमा हुने परिक्षा आगामी अक्टोबर २७ र २८ तथा नोभेम्बर ५ र ६ तारिक हुने योजनामा छ । अन्य कुराहरु यथावत रहेमा र आवश्यक तयारीहरु पूरा भएको अवस्थामा माथिकै मितिमा परिक्षा हुने नत्र अर्को सूचना प्रकाशन हुनेछ ।
दिइएको जानकारी अनुसार भाषा परिक्षाका लागि आवेदन दिने मिति सेप्टेम्बर महिनाको अन्त्यतिर हुनेछ भने आवेदनको प्रकृयाबारेमा सेप्टेम्बरको सुरुवातमा जानकारी प्रकाशन गरिनेछ ।
बुझ्नै पर्ने कुरा, यो भाषा परिक्षा मात्र हो । भाषा परिक्षा पास भएपश्चात नयाँ भिसा प्रकृयाअन्तर्गत जापान जापान आउने खुड्किलामध्येको एक खुड्किला पार हुनेछ भने शीप परिक्षा, कम्पनीबाट छनौट, भिसा आदि खुड्किलाहरु भने पार गर्न बाँकी नै रहनेछन् ।
नयाँ भिसा प्रकृया अन्तर्गत नेपालबाट जापान कामदार ल्याउने विषयका अन्य धेरै प्राविधिक कुराहरु अझैपनि फाइनल नभैसकेकाले धैर्य गर्नुहोला ।
