Saroj Mishra

ॐ नम: शिवाय !

नमामीशमीशान निर्वाणरूपं
विभुं व्यापकं ब्रह्मवेदस्वरूपम्
निजं निर्गुणं निर्विकल्पं निरीहं
चिदाकाशमाकाशवासं भजेहम्

निराकारमोङ्करमूलं तुरीयं
गिराज्ञानगोतीतमीशं गिरीशम् ।
करालं महाकालकालं कृपालं
गुणागारसंसारपारं नतोहम्

तुषाराद्रिसंकाशगौरं गभिरं
मनोभूतकोटिप्रभाश्री शरीरम् ।
स्फुरन्मौलिकल्लोलिनी चारुगङ्गा
लसद्भालबालेन्दु कण्ठे भुजङ्गा

चलत्कुण्डलं भ्रूसुनेत्रं विशालं
प्रसन्नाननं नीलकण्ठं दयालम् ।
मृगाधीशचर्माम्बरं मुण्डमालं
प्रियं शङ्करं सर्वनाथं भजामि

प्रचण्डं प्रकृष्टं प्रगल्भं परेशं
अखण्डं अजं भानुकोटिप्रकाशं ।
त्र्यःशूलनिर्मूलनं शूलपाणिं
भजेहं भवानीपतिं भावगम्यम्

कलातीतकल्याण कल्पान्तकारी
सदा सज्जनानन्ददाता पुरारी ।
चिदानन्दसंदोह मोहापहारी
प्रसीद प्रसीद प्रभो मन्मथारी

न यावद् उमानाथपादारविन्दं
भजन्तीह लोके परे वा नराणाम् ।
न तावत्सुखं शान्ति सन्तापनाशं
प्रसीद प्रभो सर्वभूताधिवासं

न जानामि योगं जपं नैव पूजां
नतोहं सदा सर्वदा शम्भुतुभ्यम् ।
जराजन्मदुःखौघ तातप्यमानं
प्रभो पाहि आपन्नमामीश शंभो

बालेन शाहको चुनावी अभियन्ता दिनेश सिटौलाको कर्मथलोमै ढलेर निधन भएछ । केही दिन अघि अभियन्ताहरुको एक जमात गाडीबाट खसेर घाइते भएछ्न् । स्वयं बालेनका नेता सभापतिज्यू गोडामा चोट लागेर थन्किएका छन् । यी सबै दूर्घटना हुन् । दूर्घटनालाई त्यसै रुपमा लिउँ ! नानाथरी conspiracy theories फिजाउनु पटक्कै ठिक होइन । पिडित पक्षलाई यथोचित सहानुभूति र सम्मान दिउँ !

तर यी सब कालो शक्ति ब्रम्हराक्षसलाई (लुसिफर) अर्कै लोकबाट प्रवाहित दैबी संकेत चाहिँ हुन सक्छ है ! होस पुर्‍याउँदा राम्रै होला !! सच्चिनु पर्ने भए सच्चिँदा ठिकै होला !!!

TV Today संगको मेरो कुराकानी !

बालेनले चुनाव हार्ने भए निर्वाचन हुँदैन, कांग्रेस पहिलो, रास्वपा र एमाले तेस्रो दल बन्ने घोषणा Chakravyuh is a News and Political program currently running on TV Today HD where our host Mr. Navraj Dhanuk invites guests and asks them questions about th...

फूर्सद भए आज साँझ ८:३० मा TV Today हेर्नुहोला ! सम्पादन टिमले अन्यथा निर्णय नगरे म देखा पर्नेछु । एकदमै खरो कुरा गरेको छु । Dynamaic, educated, young & ..... हरुको गाली खान तयार भएर प्रस्तुत भएको छु।

बालेन शाह अर्थात् रास्वपाका वरिष्ठ नेताज्यू र रबि लामिछानेज्यू अर्थात् रास्वपाका सभापतिज्यू ! यी दुई महानुभावलाई 'छोरा' भन्दै अँगाल्नो मार्ने असंख्य प्रौढ नागरिकहरू छन् भन्ने मलाई राम्रो थाहा छ ! अझ दाइ भन्न हौसिने त धेरै नै छन् !

'छोरा' भन्ने अनुभवी प्रौढ ब्यक्तिहरु ! अंश दिनु नपर्ने 'छोरा' बनाउन गाह्रो भएन ! तर के तपाईंहरू यी वा यी जस्तै र यिनका अनुयायीहरुलाई ज्वाईं बनाउन तयार हुनुहुन्छ ? होस गर्नोस् - यो तपाईंकी प्यारी छोरी, भतिजी वा नातिनीको जीवनको सवाल हो ! भोट दिनु भनेको पनि छोरी दिनु जस्तै हो, अंश दिनुनपर्ने छोरा बनाए जस्तो होइन !

अब दाइ वा भाइ भन्न रुचाउने जोशिला युवा युवतीहरू ! के यस्ता महानुभावहरुलाई भिनाज्यू वा बहिनी ज्वाइँ बनाउन तयार हुनुहुन्छ ? सायद तपाईंहरू शिबबुटीमा रमाउँदै सिंहदरवार जलाउँछु भन्ने वा 'एउटीसंग बसेँ, एउटा बच्चा भो ! सक्कियो !' भन्ने अथवा संसार भरी ठगी गर्दै हिँड्नेलाई भिनाजुका रुपमा देख्न त चाहनु हुन्न होला ! प्यारी दिदी वा बहिनीको भविश्य प्रति चनाखो हुनुहुन्छ भने राष्ट्रकै भविश्य प्रति जिम्मेवारी छैन ? मादकतामा कति बग्ने ?!

नेपालकै सर्बाधिक संक्रामक किटाणुको गोडामा संक्रमण भएछ ! 'जे गरेपनि जे भनेपनि जायज' स्तरको lmmunity प्राप्त शक्तिशाली भौमानलाई के दुख आइलागेको ? मसान साधक लुसिफरले 'फू' गरेर ठिक गर्लान् कि ??!!

गएको केही दिन देखि विभिन्न माध्यमबाट ब्यक्तिगत तवरमा समेत एउटा प्रश्नको सामना गरिरहेको छु। गगन थापा सर्लाही - ४ किन गएका होलान् ? यो प्रश्नको जवाफ दिने हैसियत स्वयं गगनले मात्र राख्छन् र उनले दिइरहेका पनि छन् । तर मेरो बिचारमा उनी किन त्यहाँ गएका हुन् भन्ने प्रश्नको जवाफ यस प्रकार छ ।

संबिधान निर्माण हुँदै गर्दाको ताका थियो । म नेपाली कांग्रेसको एउटा भातृ संगठनको कार्यालयमा ब्यक्तिगत कारणले त्यसका अध्यक्षलाई भेट्न गएको थिएँ । स्वाभाविक रुपमा त्यहाँ भीडभाड थियो । अध्यक्षज्यूको कार्यकक्ष बाहिर केही बेर कुर्नुपर्ने भयो । त्यहाँ कहलिएका कांग्रेसीहरू थिए । कुरा हुँदा हुँदै मधेसको मागको कुरा उठ्यो । 'एक मधेस एक प्रदेश'को कुरा पनि उठ्यो । त्यत्तिकैमा एक स्वनामधन्य दौराधारी कांग्रेसी चिच्याए - 'मधेसीलाई कति दिने ?' मलाई खपिनसक्नु भयो ! तत्कालै प्रतिक्रिया जनाएँ - 'तपाईंको दिमाग बिटुलिएको छ । मधेसी याचक, तपाईं दाता ! होइन त ? सायद दौरा सुरुवाल पहिरनका कारण तपाईं जन्मजात बिर्तावाल वा जमिनदार ! होइन ?'

आज गगन थापा सायद यही नाजायज भाष्य मेटाउन गएका हुन् ! मधेस वा मधेसी याचक होइनन् ! कुनै दौराधारी सरह नै बिसुद्ध नेपाली हुन् । साँच्चै भन्ने हो भन्ने हो भने मधेसले लिने भन्दा धेरै बढी दिएको छ । दूर्गानन्द झा, रामनारायण मिश्र, महेन्द्रनारायण निधि, रामराजाप्रसाद सिंह र गजेन्द्रनारायण सिंह मात्र होइन बीपी कोइराला, गिरिजाप्रसाद कोइराला, सरोज कोइराला र तेजबहादुर अमात्य पनि दिएको छ । अब मौजुदा भन्दा निक्कै ठूलो कदको गगनकुमार थापा पनि दिँदैछ !

रबि लामिछाने भन्ने ब्यक्ति भ्रष्टाचार एबं ठगीका लागि ५/६ अदालतद्वारा चिन्हित अभियुक्त हुन् । महिलालाई उपभोग्य बस्तु ठान्ने हदै सम्मको चरित्रहीन ब्यभिचारी हुन् ! किर्ते कागज बनाएर कारागारबाट निस्कने र तमाम अपराधीलाई जेलबाट छुटाएर अनि हतियार लुटेर प्रहरी चौकी जलाएर त्यस्ताको भीडको 'सेना' बनाउने महाअपराधी हुन् !

बालेन शाह भन्ने ब्यक्ति त महारहस्यमयी भूतप्रेत उपासक कालो शक्तिका चेला हुन् ! यो देशको सार्बभौमिकताको प्रतिक संसद भवन, सिंहदरवार र सर्बोच्च अदालत जलाउने अनि यो देशको इज्जत र श्रद्धाका प्रतिक महान ब्यक्तित्वहरुको शालिक तोड्ने तथा कैयन् नीजी सम्पत्ति ध्वस्त बनाउने सेनाका योजनाकार सेनानायक हुन् ! कैयन् गरिब निमुखाको रोजगारी छिन्ने 'भिजनरी' हुन् । झन्डै चार बर्ष आफ्नो मधेसी पहिचान लुकाएर साहबाट शाह बनेर अचानक 'मधेस का छौडा' बन्ने बहुरुपिया छद्मभेषी हुन् !

यतिबेला यी दैत्य दानवहरुको रक्षार्थ एबं देवत्वकरण गरेर सोझा जनताको मस्तिष्कमा बशिकरणको तन्त्र गर्न दैत्यगुरू शुक्राचार्य अत्यन्तै सकृय भएका छन् ! दैत्यलोकको नारदतन्त्र उच्च रुपमा क्रियाशील छ । देवगुरू बृहस्पति एबं देवऋषि नारद जागा हुन परेन र ?

रास्वपाबाट कुनै राम्रा मानिस तपाईं समक्ष आएपनि याद राख्नोस् - ती 'सज्जन'लाई साथ दिनु भनेको प्रकारान्तरले यस्ता दुराचारी निकृष्ट ब्यक्तिलाई प्रश्रय दिनु हो र अनुमोदन गर्नु हो । के तपाईं यही चाहनुहुन्छ ?

सामाजिक सञ्जालमा भएको हल्लीखल्ली मात्र हेर्ने हो भने झापा ५ मा बालेनले शतप्रतिशत ठूलो अन्तरका साथ जित्ने भइसक्यो ! तर कुरो त्यति सजिलो छैन ! एमालेले आफ्नो कोर भोट जोगाउन सक्यो भने (राप्रपाको होइन) अझै ओली नै बलिया साबित हुनेछन् ! रास्वपा वा बालेन भनेको कुनै समर्पित भोट प्रापक होइन । ऊ त तात्कालिक प्रतिक्रियाबादी भोट आर्जन गर्ने मेशिन हो । आजको प्रतिक्रिया हेर्ने हो भने झापा ५ को झन्डै १ तिहाई भोट आर्जन गरिरहेको अवस्था हो । ओलीको भोट निश्चित रुपमा घट्नेछ । त्यसरी घटेको भोटको २५% अरू कुनै पार्टीले प्राप्त गर्‍यो भने प्रतिस्पर्धा अत्यन्तै कडा हुनेछ र तेश्रो पार्टी फुत्त पहिलो बन्न सक्छ !

यस्तो भयो भने म अत्यन्तै खुशी हुनेछु । म ओली प्रवृत्तिको जन्मजात बिरोधि हुँ र बालेनको संदिग्ध एबं रहस्यमयी ब्यक्तित्व तथा भाद्र २३ र २४को बिध्वंशमा उनको भूमिकाका कारण उनलाई पुरै नकार्न पर्छ मात्र होइन, कानूनी कारबाहीको दायरामा तत्काल ल्याउनुपर्छ भन्ने ब्यक्ति हुँ । हेक्का रहोस्, युवा मस्तिष्कमा जन्मेको जायज बिद्रोहको म बिरोधि होइन ! ओली र बालेन दुबै हारेमा नेपाली आकाशमा मडारिएको यो कालो बादल सँधैका लागि हट्ने थियो ! र, त्यसो हुन सम्भव छ है !! अन्य प्रतिस्पर्धीहरू थोरै रणनैतिक भइदिनुपर्छ !!

कहिले आत्मदाह गर्छु भन्छ भने फेरि आत्महत्या गर्छु भन्छ । नेपालको कानूनले के भन्छ मलाई थाह छैन । तर नेपालमा पनि स्वेच्छिक मृत्युबरण (Euthenesia) चाहिँ बैध छैन क्या र ! कैयन् मुलुकमा त आत्महत्याको प्रयास पनि फौज्दारी अपराध हो र हत्या हिंसा फैलाउने कोसिस मानिन्छ । सामान्य दृष्टिबाट पनि यो ब्यक्ति पुरै बिक्षिप्त भइसके जस्तो देखिन्छ । त्यसो त यिनी दिल्ली स्थित आफ्ना मालिकहरू अर्थात् Khan Market Gang लाई गुहार्दै छन् जस्तो लाग्छ । जे भए पनि आज चाहिँ म निर्बाचन आयोगसंग प्रश्न गर्न चाहन्छु - यिनको हर्कत आचार संहिता भित्र पर्छ कि पर्दैन ? कि नटवर लाल ठग र गजँडी आतंकीका नयाँ चेला भएको हुँदा यिनलाई जे गर्न वा बोल्न पनि छुट हो ?

हिजो झिल्के शिरोमणि नटवरलालले भनेछन् - 'म अभिमन्यु होइन ।' धेरै पछि नटवरलालले साँचो बोलेका छन् ! उनी अभिमन्यु हुँदै होइनन् !

महाभारतमा जयद्रथ भन्ने एउटा पात्र थिए । ती दूर्योधनका बहिनी ज्वाइँ थिए । दुराचारी ब्यभिचारी जयद्रथले पाण्डवहरुकी धर्मपत्नी द्रौपदी माथि कुदृष्टि एबं दूर्ब्यवहारको प्रयास गरे । फलस्वरुप पाण्डवहरुले उनलाई टाउको मोडेर कपालको पाँच ठूटो बाँकी राखेर अर्थात् प्रतिकात्मक रुपमा अपराधी भनेर पाँच पटक डामेर छोडिदिएका थिए । उनको बध हुन सक्थ्यो । तर बहिनी दुशालाको पति भएको कारण उनलाई चिन्हित मात्र गरेर छोडिएको थियो । त्यही अपमानको पीडामा बाँचेका जयद्रथ अर्जुनपुत्र अभिमन्यु हत्याको कारण बन्यो ।

नटवरलाल अभिमन्यु हुँदै होइनन् । उनी जयद्रथ हुन् । पाँच अदालतबाट अपराधीका रुपमा चिन्हित छन् ! गत भाद्र २३/२४ मा यिनले कैयन् 'अभिमन्यु'हरुको हत्या गरिसकेका छ्न् । अब यिनी अन्तिम दिनको युद्ध लड्दै छन् ! यिनको रक्षाको लागि कैयन् महारथीहरू खटिएका छन् । यिनी त्रस्त छन्, तर अझै अट्टहास गर्दैछन् । सूर्यास्त हुँदा नहुँदै यिनको बध सुनिश्चित छ ।

आदरणीय उच्च नैतिकवान पूर्ण खड्काजी ! सर्बोच्च अदालतले पनि तपाईंको याचना अस्वीकार गरेको छ । अब त आफ्ना सेनापति गणेश लामालाई सानेपा पार्टी कार्यालय परिसरबाट हट्ने आदेश दिनुहुन्छ होला नि ! हुन त तपाईं आज्ञाबाहक मात्रै हुनुहुन्छ क्या र ! भाउज्यूबाट बक्साउनु पर्ने हो कि ?